• Sonuç bulunamadı

Hüküm No:19 Tarihi: 20 Ramazan 1177/24 mart 1763

Belge Türü: Berat Belge Konusu: Atama

Belge Özeti: Ayntab’da bulunan Ali Neccar câmî‘’de müezzin olan Mehmed Halife borcuna karşılık

müzzenlik beratını el-Hâc Abdullah’a emanet etmiş ancak borcunu ödedikten sonra müezzinlik beratını kendisine iade etmeyerek oğluna vermesi üzerine Mehmet Halifenin itirazı sonrası müezzinlik beratının tekrardan kendisine verilmesine dair.

Nişân-ı şerîf-i alişân budur ki

Ayntab’da vâki‘ Ali Neccar câmî‘ vakfından olmak üzere yevmi bir akçe vazîfe ile câmî‘ mezbûrda bundan akdem müezzin olan işbu râfi‘î tevki‘î refi‘ü’ş-şânı hâkâni Mehmed halîfe zîde salaha ulemâdan fakiru’l-hâl ve kesîrü’l-‘ıyâl olub mütevefi Maraş el-hâc Abdurrahman nâm kimesneden bir mikdâr istidâne eyledikde emniyet içun mezbûr Mehmed halife yedinden olan berâtını merkûm el-Hâc Abdurrahmana emânet vaz‘ ve kaht ü galâ sebebiyle deynini te’hîr eyledikten mezbûr el-Hâc Abdurrahman Çelebiye sülûk ve gaybât na’ibi itmâ‘ ve hîn-i ‘azlinde arz idüb cihet-i

mezbûreyi üzerine berât ettürür Mehmed halife dahi deyni hin-i edâda berâtını taleb eylediğinde cihet-i mezbûreyi bana feragât idub deyü tezvirata sâlik ve merkûm Mehmed hâlife dahi mezbûrun şer‘i şerîfe da‘vet eyledik de firâr idüb şâm-ı şerîfte fevt olmağla Sulbi oğlu Molla Mahmud pederim nân-ı nâre seyiddir deyû üzerine berât etturub mezbûr târik-i hizmet olduğundan gayrına ehil ve menfûr ve ‘itâ olduğu zâhir ve numâyan olunmak mezkûr Mehmed halîfe sahibü’l-veli ve ûlemâdanve muhtar-ı cemâ‘at ve müceddet kırân olduğundan ğayrı cihet-i mezbûre babası nâm-ı narı olmağın zikr olunan müezzinlik merkûman ref‘inden sahibü’l-velî mezbûr Mehmed halifeye ibkâ ve tevcih ve yedine berât-ı şerîfi ‘âlişânım verilmek ricâsına vakf-ı mezbûr mûtevellisi Mehmed Sahhaf Efendî arz itmekle mezbûr Mahmud terki hizmet eyledigi şer‘an sâbit olunub zabt etmek üzere tevciye olunmak bâbında iftihârû’l-emâcid ve’l-ekârim bi’l-fi‘il reisü’l-küttâbım el-hâc Abdi dâme mecdehu i‘lâm etmegin i‘lâmı mûcebince şer‘an sabit olur ise şartıyla tevcih olunmak fermânım olmağın hakkında mezîd-i ‘inâyed padişahanem zuhûra getürüb bin yüz yetmiş yedi senesi Ramâzan-ı şerîfin on dördüncü günü tarihiyle müverriğ verilen ru’su hümâyûnım mûcebince bu berât-ı hümâyûn ‘izzet makrûni virdim ve buyurdum ki mezbûr Mehmed halife zîde salâhâ varûb vechi meşrûh üzere câmî‘-i mezbûrda mü’ezzin olub edâ-i hizmet eyledikten sonra ta‘yin olunan yevmi bir akçe vazifesiyle evkâf-ı mezbûre mahsûlunde mütevellisi olanlar yedinden alub mutasarrıf ola şöyle bileler ‘alâmet-i şerîfe i‘timât kılalar hurrire fi’l-yevmi’l-‘işrin Ramazânü’l-mübârek sene-i seb‘a ve seb‘in ve miete ve elf

Be makam-ı el-Mahruse İslambol

Hüküm No:20 Tarihi: zî’l-hicce 1174/ Temmuz 1760

Belge Türü: Berat Belge Konusu: Atama

Belge Özeti: Ayntab’da Amu mahallesinde bulunan Çamurcu medresesi mütevellisi olan ebu Kasım

Halife beratının kaybolması sonrası müracaatı üzerine yeniden berat verilmesine dair. Nişâni Şerîf-i Alîşândır

Ayntab’da Amu mahallesinde vâki‘ Çamurcu medresesi evkâfının yevmi bir akçe vazife ile bundan akdem es-Seyyid Mehmed mahlûlinden mütevellisi olan erbâb-ı istihkâktan işbu refi‘-i tevkî‘-i rafi‘ü’ş-şânı hâkâni Ebu Kasım halîfe bi’l-fi‘il berât-ı şerîfle mutasarrıfın yedinde olan berâtı zâyî‘ olmağla der sa‘adetimden gerü yedine zâyî‘den mûceddiden berât-ı şerîf-i âlişânım virilmek bâbında istid‘â-yı ‘inâyet

etmegin kaydû mûcebince sıdka idüb bu berât-ı ʻuhdeum virdim ve buyurdum ki ba‘de’l-yevm merkûm Ebu Kasım halîfeye varub zikr olunan mescid-i şerîfin mütevellisi olub hizmet-i lâzimesine mer‘î ve mü’eddî kıldıkdan sonra yevmi bir akçe vazifesiyle mutasarrıf olub vâkıfın ruhu ve devâm-ı ömrü devletümçün duâya mudâvemet gösteresiz

Hüküm No: 20

ol-bâbda taraf-ı ahirden bir vechle duhl ve ta‘rîz kılmayalar şöyle bileler ‘alâmet-i şerîfe i‘timâd kılalar tahrîren fi evahir zî’l-hiccetü’ş-şerîfie sene-i erba‘ ve seb‘in ve miete ve elf

Be makam-ı el-Mahruse-i İslambol

Hüküm No:21 Tarihi: 20 Cemaziye’l-evvel 1178/ 24 Kasım 1764

Belge Türü: Berat Belge Konusu: Atama

Belge Özeti: Ayntab’da Şehre Küstü Mahallesinde bulunan Ramazan Efendi câmi‘isinde İmam olan

es-Seyyid Mehmed Efendi Halifenin yerine oğlunu getirmek istemesi üzerine Cami halkının itirazı sonrası es-Seyyid Osman’ın İmam olarak atanmasına dair

Nişanı Şerîf-i Âlîşândır

Ayntab’da Şehre Küstü Mahallesinde vâki‘ Ramazan Efendi câmi‘i şerîfinin cema‘ati bâ şerhim meclis-i şer‘a varub vakf-ı mezbûreden olmak üzere vazîfe-i mu‘ine ile câmi‘i merkûmda imâm olan es-Seyyid Mehmed Emin halîfe veled-i şânın bir dürlü imâmete lâyık ve sezâ olmadığını cem‘-i gafir ihbâr etmeleriyle erbâb-ı istihkaktan işbu tevki‘u refi’ü‘ş-şân-ı hâkâni es-Seyyid Osman zîde salâhu her vechle lâyık ve muhtar cema‘at vebâ-yı mezbûrun evladından olmağın imâmet mezkûre mezbûr seyid Mehmed eminin ref‘inden merkûm seyid Osman zîde salâhuye tevcih ve yedine berât-ı şerîfi ‘alîşânım verilmek ricâsına Ayntab nâib-i Mevlânâ hâfız Ali zîde ilmîhu arz itmeğin mûcebince tevcih olunmak fermânım olunmağın hakkında mezîd-i ‘inâyed-i padişâhânem zuhûra götürüb bin yüz yetmiş sekiz senesi Cemaziye’l-evvelinin on dokuzuncu günü tarihiyle müverrih virilen ru’su ʻuhdeum mûcebince bu berât-ı hümayûnu verdim ve buyurdum ki mezbûr seyid Osman zîde salâhu varub refi‘ olunan merkûm yerine câmi‘i merkûmede imâm olub edâ-i hizmet eyledikten sonra bundan evvel imâm olanlar vazîfe-i muayenesinin vecihle mutasarrıf ola gelmişler ise mezbûr dahi ol-vechle vazîfe-i muayenesine vâkf-ı mezbûr mahsûlunden mütevellisi olanlar yedinden alub mutasarruf ola şöyle bileler

‘alâmet-i şerîfe i‘timâd kılalar tahrîren fi’l-yevmi’s-sâni ve’l‘ışrin min cemaziye’l-evvel sene-i semân ve seb‘in ve miete ve elf

Be makam-ı el-Mahruse-i İslambol

Hüküm No:22 Tarihi: 5Cemâziye’l-ahir 1178/ 2 Aralık 1764

Belge Türü: Berat Belge Konusu: Atama

Belge Özeti: Ayntab’da vâki‘ Sunkuriyye medresesinde müderris olan Seyyid Mehmet ve Seyyid

Mustafa biraderlerden Mustafa’nın ölmesi sonrası yerine Mustafa’nın oğlu Osman gelmesi gerekirken ammmisi Seyyid Mehmet hile ile müderrisliği üzerine alıp oğlu Seyyid Mehmet Emin’e vermesi üzerine Osman’ın itirazı sonrası görevi Osman’a verildiğine dair.

Nişân-ı Şerîf-i Âlîşândır

Ayntab’da vâki‘ Sunkuriyye medresesi ve mescid-i şerîfi vakfından olmak üzere vazîfe-i mu‘ine ile medresesinin ciheti bundan akdem Seyyid Mehmed ve Seyyid Mustafa biraderinin ber vech-i iştirâk ‘uhdelerinde iken merkûm es-Seyyid Mustafa fevt olub sulbi oğlu işbu râfi‘u tevki‘u refi’ü’ş-şânı hâkâni Osman halîfe zîde ‘ilmûhû tedrîse kadir ve mahal müstehak iken ammisi merkûm Seyyid Mehmed bir takrîb ile babası hissesini dahi üzerine berât ettürüb ba‘de sulbi oğlu Seyyid Mehmed Emin feragat ve kasriyet idüb gadr-ı külli etmekle babası nân-ı pâresi olan medrese-i mezkûrenin nısfı mahsulünden ve ‘âmm isi oğlu Seyyid Mehmed eminin ref‘inden merkûm Seyyid Osman halîfe zîde ilmûhûya berât-ı şerîf-i âlîşânım verilmek bâbında ‘inâyet-i ricâsına Ayntab nâibi mevlânâ el-Hâc Ahmed zîde ilmûhû arz etmekle mûcebince tevciye olunmak üzere ‘âlem-i ‘ulemâ-i mütebahhirin …. müteverri‘in bi’l-fi‘il şeyhü’l-islam Mevlânâ Dürrizâde Mustafa edâmeallahu te’alâ fezâilehü işaret itmekle işareti mûcebince tevcîh olunmak fermânım olumağın hakkında mezîd-i inâyed-i padişâhanem zuhûra götürüb bin yüz yetmiş sekiz senesi cemaziye’l-ahirinin on üçüncü günü

Hüküm No:22

tarihiyle müverrih virilen rû’us-ı hümâyûnım mûcebince bu berât-ı hümâyûnı virdim ve buyurdum ki mezbûr Osman halîfe zîde ilmîhu varub babası mahlulünden ve es-Seyyid Mehmed Eminin ref‘inden medrese-i mezkûrun nısf hisse-i müderrisliğine mutasarrıf olub edâ-yı hizmet eyledikten sonra bundan evvel nısf vazîfe-i mu‘inesine tevcihle mutasarrıf ola gelmişler ise mezbûr dahi ol-vechle vazîfe-i mu‘inesin evkâf-ı mezkûr mahsûlünden mütevellisi olanlar yedinden alub mutasarrûf ola şöyle bileler

‘alâmet-i şerîfe i‘timâd kılalar tahrîren fi’l-yevmü’l-hâmis ‘aşer mîn Cemâziye’l-ahir sene semân ve seb‘in ve miete ve elf

Be makam-ı İslambol el-Mahruse-i

Hüküm No:23 Tarihi: 14 Cemâziye’l-ahir1178/ 11 Aralık 1764

Belge Türü: Berat Belge Konusu: Atama

Belge Özeti: Ayntab’da Bostancılar mahallesi kurbunda vâki‘ Debbâğ Mustafa Efendi’nin yaptırmış

olduğu Cami’de İmam olan Seyyid Mehmed Halife görevi Kendi rızasıyla Ali Halifeye devrettiğine dair.

Nişan-ı Şerîf-i Âlîşândır

Erbâb-ı istihkakdan ve ulemâ‘dan işbu râfi‘u tevki‘u refi‘u’ş-şân-ı hâkâni Ali halîfe zîde salâha divân-ı hümâyunuma arzûhâl idüb Ayntab’da Bostancılar mahallesi kurbunda vâki‘ Debbâğ Mustafa Efendi vakfından olmak üzere vazîfe-i mu‘ine ile imâm olan Seyyid Mehmed halîfe kendü hüsnü rızasıyla yedinde olan berâtın virub mutasarrıf olduğu cihet-i kendüye ferâgat ve kasr-ı yed itmekle kasr-ı yedinden tevcîh ve yedine berât-ı âlîşânım virilmek bâbında istid‘â-yı inâyet itmekle sahibi olduğu vâki‘ ise şartıyla tevcîhmselâhiyeti olduğu iftihârü’l-emâcid ve’l-ekârim bi’l-fi‘il reisü’l-küttâbım olan Mehmed Emin dâme mecdühû i‘lâm itmegin i‘lâmı ve şurûtu mûcebince kasr-ı yedinden tevcih olunmak fermânım olunmağın hakkında mezîd-i inâyet padişâhanem zuhûra getürüb bin yüz yetmiş sekiz senesi cemâziye’l-evvelinin dokuzuncu günü tarihi ile müverrih virilen ru’sı hûmaâyun mûcebince bu berât-ı ʻuhdeu virdim ve buyurdum ki mezbûr Ali halîfe zîde salâhu kasr-ı yed iden merkûm yerine imâm olub edâ-i hizmet eyledikten sonra bundan evvel vazîfe-i mu‘ine ile imâm olanlar ne vechle mutasarrıf ola gelmişler ise merkum dahi ol-vechle vazîfe-i mu‘nesin evkâfı mezbûr mahsûlünden mütevellisi olanlar yedinden alub mutasarrıf ola şöyle bileler alâmet-i şerîfe i‘timâd kılalar fi’l-yevmi’r-rabi‘ ‘aşer mîn Cemâziye’l-ahir sene seman ve seb‘in ve miete ve elf

Hüküm No: 24 Tarihi: 2 Receb 1178/ 27 Aralık 1764

Belge Türü: Ferman Belge Konusu: İade

Belge Özeti: Ayntab Sancağı ve Turnalık Karyesi ile civarındaki zeamete sahip olan Seyyid Hacı

Mehmed veled Hacı Mehmed’in elinden bu zeameti Alaybeglik üzerine hile ile alan Seyyid Mehmed’in haksızlığı karşısında itirazı üzerine yetkinin kendisine tekrardan verilmesi husuna dair. Emîrü’l-ümerâ‘i’l-kirâm kebirü’l-küberâ‘i’l-fühhâm zevil’l-kadr ve’l-ihtirâm sahibü’l-izz ve’l-ihtişâm el-muhtasu bi mezîdi inâyeti’l-meliki’l-â‘lâ Rumili Beyler

begligi pâyesi olub hâlâ Marâş mutasarrıfı olan Ahmed Paşa dâmet me‘âliye tevki‘u refi‘u hümâyun vâsıl oluncak ma‘lûm ola ki Dârende-i fermân vâcibü’l-iz‘ân kıdvetü’l-emâsil ve’l-akrân Seyyid Hâcı Mehmed veled Hâcı Mehmed zîde kadruhû südde-i sa‘âdetime arzuhâl idüb Ayntab Sancağında ve nâhiyesinde Turnarlık nâm karye ve gayrıdan otuz iki bin iki yüz otuz dört akçe ze‘âmet berât-ı şümule mutasarrıf ve bundan akdem liva-i mezbûr Alaybeğisi ve zan ve abâ ve ecdâd-ı vukû‘ bulan esfar-ı hümâyûnlarda mesbûku’l-hizmete ve mûmâ-ileyh dahi kar-güzar ve a‘mâl neferata kâdir ve zu‘ama ve erbâb-ı tımar ile hüsn-i zindegâna olub azil icâb eder hâli yok iken erbâb-ı tımardan Seyyid Mehmed zuhûr ve bir takrible Alaybeglik mezbûrun üzerinden alub gadr eylediğinden başka sancaklarının zeâmeti ve tımarlarının hayatlarına tefrik içun arz ve ihtilâle bâ‘is olmağla alây beginin mezbûr merkûm Seyyid Mehmedin ref‘inden yedine tevcih olunması bâbında istidâ-yı inâyet ve mûmâ-ileyh Alaybegi zân olub huzur-ı humâyunda emekdâr ve mücerrebü’l-etvâr ve a‘mâl-i neferata sâhib-i iktidâr ve şer‘ ve kanuna mülâki ve Alâybegilik emri şerîfimde mestûr şurût ve kuyûdun tenfiz ve icrâsına sâ‘i bi’l-cümle zu‘amâ ve erbâb-ı tımar ve ehl-i belde mûmâ-ileyhden hoşnud ve râzı oldukların sen ki mîr-i mîrân mûmâ-ileyhsin sen dahi başka arz eyledigin ecilden bundan akdem eyâlet ve elviye ……. zu‘amâ ve erbâb-ı tımarının tevcihâtları içun ber mûcebi hatt-ı hümâyun şevket makrûna virilen nizâm-ı cedîd-i müstahsinenin şurûtunı hâvi mufassal ve meşrûh mûmâ-ileyhim yedinde i‘tâ olunan alay beglig emr-i şerîfinin mazmûn-ı münîfini …… icrâ eylemek üzere zikr olunan Ayntab sancağı Alaybegligi mezbûr Seyyid Mehmed’in…….es-Seyyid Hâcı Mehmed veledi Seyyid Hâcı Mehmed zîde kadrûhüye tevcih ve hizmet-i mezbûre istihdâm olunmak emrim olmuştur buyurdum ki sâdır olan emrim üzere mûmâ-ileyh Seyyid Hâcı Mehmed veledi Seyyid Hâcı Mehmed zîde kadruhûyu Ayntab sancağı Alaybegligi hizmet-i istihdam eyleyüb sen ba‘dehu sâdır olan emr-i şerîfime mugayyir ref‘ olunan Seyyid Mehmedi ve aharı dahl ve ta‘rîz ettirmeyesiz ve mir alayı mûmâ-ileyhe virdiği arzlarında satr tarîhi ……eylemek üzere muhkim tenbih eyleyesin şöyle bilesin alâmet-i şerîfe i‘timat kılasın tahrîren fi’l-yevmi’s-sâni min şehr-i Recebü’l-ferd sene-i seman ve seb‘in ve miete ve elf

Be makam-ı İslambol el-Mahruse

Hüküm No:25 Tarihi: Şaban 1178/ 1764

Belge Türü: Mektup Belge Konusu: Atama

Belge Özeti: Ayntab’da Dergah-ı âli yeniçeriyanından Yasakçı olanın görevden alınmasına yerine

birinci bölükten Serdar Ahmet Ağannın Yasakçı yapılmasına dair.

Hâlâ Ayntab Kadısı olan izzetlü faziletlü Efendim hazretlerinin huzûr-ı âli-kadrlerinde vurûd-ı ‘adâd-ı sâfiyat ve mezîd-i teslimât ve ifyât’ül-hâfından sonra hümâm-ı hümâyanımız budur ki kadimü’l- eyyâmdan bâ hâtmi hatt-ı hümâyûn şevket makrûn dergâh-ı âli yeniçeriyânına postal behâ ta‘yin ve ihsâb buyurulan kolluktan hâlâ taht-ı hükümetinizde vâki‘ yasakçı olan ref‘ olunub yerine uslûb-ı sâbık üzere dergâh-ı âlî yeniçerilerinden birinci bölüğünden sâbık Serdar Alemdâr Ahmed Ağa nâm biraderiş işbu bin yüz yetmiş sekiz senesi mâh-ı şabân-ı şerîf gurresinden senesi tamamına degün yalnız öndekinin virilub yasakçı ve zabıtân nasb ve ta‘yin olunmağla işbu mektûb yakîn ve irsâl ‘izz-i huzurları kılınub bi-mennihi teâla vusûlünde gerektir ki merkûmu yasakçılık üzerinde kıyâm ve istihdâm eyleyub aharı müdâhele itdirmeyesiniz ve tarafınıza müracaat eyledügü umûr-ı husûslarında bi-hasbi’ş-şer‘ ve’l-kanun imrâr ve iânet eyleyub hîlâfü’ş-şer‘ ve muğayyer kanun bir kimesneye rencide ettirmeyesiniz tahrîren fi yevmi’l-mezkûr

Mine’l-fakir Ömer kethüda-yı Yeniçeriyan Dergâh-ı Ali

Hüküm No:26 Tarihi: 7 Cemaziye’l-evvel 1178/ 4 Kasım 1764

Belge Türü: Ferman Belge Konusu: Tahsilat

Belge Özeti: Sadrazam Mustafa paşanın hissesine isabet eden hıyam ve civarı miri mukata‘asından

toplanması gereken kalemiyyenin acilen toplanması hususunda mübaşir tayin edilen Ali’ye teslimine dair.

Dustûr-ı mükerrem müşîr-i müfahham nizâmü’l-âlem müdebbirü umûru’l-cumhûr bi’l-fikri’s-sâkıb mütemmimü mehâmü’l-enâm bi’r-re’yi’s-sâib mümehhidu bünyânü’d-devlet ve’l-ikbâl müşeyyidu erkânü’s-sa‘âdet ve’l-iclâl el-mahfûf bi sunûfi avâtıfu’l-meliki’l-a‘lâ Haleb Vâlisi vezirim Pâşâ edâmallahu te’alâ iclâlehu tevk‘u refi‘u’ş-şân vâsıl oluncak ma‘lûm ola ki karye-yi Hıyam ve tevâbi‘i ve ğayri iki âdet mîrî mukata‘aların ber mûceb mu‘tâd-ı kadim iktizâ iden kâlemiyyesine düstûr-ı mükerrem ve muâzzam ve müşir-i mufahham ve muhterem nizâmü’l-âlem nâzimu menâzimü’l-ümem hâlâ sadr-ı âzam seniyyetu şimem ve vekil-i mutlak sadâkat ‘alem olan Mustafa Pâşâ edâmallahu teâla iclâlehu vezâ‘if bi’l-fezad ….. ve

ikbâlenin hissesine isâbet iden harc aklâmıyla ma‘an altı üz yirmi dört gurûş ve yirmi beş buçuk akçesinin muʽacelen tahsil ve irsâli mühim ve müktezî olmağla mübâşir ta‘yin olunan sadr-ı âzam….. Ali zîde kadrühû ile işbu emri âlîşânım vusûlünde irsâl olunan imzalu sûret defterde mûcebince mutasarrıfların isimleri ve seneleri ve kalemiyye akçelerin tasrih olunduğu üzere meblağ-ı mezbûr kalemiye akçesini malikane mutasarrıflarının kendüleri mevcûd olanların kendusunden ve mevcûd buunmayanların duyûn mültezimlerinden sali ayı hâlâ tahsil ve mübâşiri merkûma tamamen edâ ve teslim ve kılıç defterlerine …..içun mübâşir-i merkûmdan mahdûd temessük aldurub bir gün evvel ve bir saat mukaddem asıtâne-i sa‘adet makrûna irsâl ve sadrıazam müşârü’n-ileyhim hazinesine edâ ve teslim ittürülmesinde mezbûr…..eylemek bâbında Fermân-ı âlişânım sâdır olmuşdur buyurdum ki âlîm-i şerîfle vardık da bu bâbda vech-i meşruh üzere şerkıyazına Sadr olan işbu emri celilü’ş-şân vacibü’l-etbâ‘ velâzımü’l-imtisâlimde mazmûn îtâ‘at makrûniyle ‘âmel olub galasıyla vaz‘ ve hareketten bi gayet ihtirâz içtinâb eyleyesiz şöyle bilesiz alâmet-i şerîfe i‘timât kılasız tahrîren fi’l-yevmi’s-sâbi‘ min Cemaziye’l-evvel sene-i semân ve seb‘in ve miete ve elf

Be makam-ı el-Mahruse-i İslambol

Hüküm No:27 Tarihi: 7 Ramazan 1178/ 29 Şubat 1769

Belge Türü: Buyuruldu Belge Konusu: Defter temini

Belge Özeti: Ayntab Voyvodalığı hassı ve civarı mukata‘asının vergileri toplamak için bir görevlinin

olmamasına bağlı olarak buranın vergilerini toplamak için ihaleye çıkılması gerektiği ancak hasılatının ne kadar olduğu hakkında bilgi eksikliği olduğundan ihaleye çıkılabilmesi için gerekli olan bu Voyvodalığın 1177 senesinde Battal Seyyid Mehmed Ağa da bulunan defterlerin mübaşir tayin edilen İsmail Ağa tarafından alınarak İstanbula getirilmesine yardımcı olunmasına dair.

Bâ hatm-ı Mehmed Pâşâ mutasarrıf-ı Kilis Hâlâ

Şeriât şi‘âr hâlâ Ayntab mesnet-neşîn niyâbet-i şer‘-i mübîn izzetlü faziletlü Efendim hazretleri ve kıdvetü’l-emâcid ve’l-a‘yân Voyvodası İsmail Ağa zîde mecdühû ve mufâhherü’l-ûlemâi’l-fâzilin hâlâ müftü ve sâbık müftüleri zîdetü’l-ûlûvehum ve sâir zâbitân ve îş erlerin inhâ olunur ki Ayntab Voyvodalığı hassı ve tevâbî‘ mukata‘ası mahlûl olub hasıl senevisi bilinmediginden sonra malikane furûht murâd-ı hümâyûn olmakdan nâşi yetmiş yedi senesi tarîhi helalinden berü hasılatından Battal Seyyid Mehmed Ağa zîde mecdühûnün ve edbâ‘ının ne mikdâr makbuzları var ise ma‘rifet-i şer‘le ve ma‘rifetinizle tashih ve defteri ile ba‘de’l-ahz hitâm-ı sene-i mezbûreye dek tarafımızdan emaneten zabt ve mecmû‘ hasılatı cem‘ ve tahsil ahz ve kabz ve sene-i

aherinde ne mikdara baliğ olursa mühür ve mümzî defteri ile der ‘aliyyeye irsâl ve isâli bâbında bundan akdem tarafımıza hitâben sâdır olan emr-i ‘âlişân mûcebince mukata‘a-i mezbûrenin zabtı ve sene-i mezbûre hâsılatının cem‘ ve tahsîli içun tarafımızdan mûmâ-ileyh İsmail Ağa zîde mecdühû Voyvoda nasb ve ta‘yin olunub irsâl olunmuş idi ve sen ki naîb-i mûmâ-ileyhsin zikr olunan emr-i şerîfde sana dahi hitâb-ı hümâyûn olub husûs-ı mezkûrun tashihi ve mümzî ve mühür defteri ve tahrîr olunması matlûbumuz olduğuna binâen sene-i mezbûre hesabının tashih ve defterinin devlet-i âlîyeye irsâl olunmak içun sene-i mezbûre hâsıltının mümzî ve memhûr defteri tertib ve tahrîr olunması matlûbumuz olduğuna binâen sene-i mezbûre hesabını tashihi ve defterinin … ve nakli içün tarafımızdan işbu buyruldu tahrîr ve isdâr ve mühürdârımız Ali Efendi zîde kadruhû ve mübâşir ta‘yin ve irsâl olunmuştur inşâllahu teâla vusûlünde gerekdir ki Voyvoda mûmâ-ileyh ol tarafa mürûrundan mukaddem Battal Mehmed Ağa’nın ve etba‘ının sene-i mezbûre madetinden beru ve tayyârâtlarından mikdâr makbuzların var ise Voyvoda mûmâ-ileyh İsmail Ağa dahi ol tarafa varub mukata‘a-i mezbûranı zabt ideler hatta bir cüz’i ve külli hâsılat ve tayyârâtdan her ne mikdarın ahz ve kabz etmiş ise ma‘rifeti’ş-şer‘le ve cümle ma‘rifetiyle ve mübâşir mûmâ-ileyh ma‘rifetiyle hesabları görülüb ve ‘alâ vechi’t-tehâri tashih ve tetkik ve tahkîk olunarak mümzî ve mahtûm defteri yazub ve tahrîr ve cânibü’şer‘den i‘lâm ve ahâli belde taraflarından dahi ‘alâ vuku‘a mutasarrıf olunub cânib-i devlet-i âliyeye irsâl olunmak içun mümzi ve mahtûm defterleri … ve muhzır ile mübâşir mûmâ-ileyhle ma‘an bir gün akdem tarafımıza irsâl ve isâline …. ve müsâra‘at ve husûs-ı mezbûrda tahri ve vakt olunub tefâfi’l-ve tekâsi ve rehâvetten hazer ve mücânebet ve mûceb buyruldu ile ‘âmil ve hareket eyleyesiz

ve’s-selâm fi 7 Ramazan Sene 1178

Hüküm No: 28 Tarihi: Ramazan1178 / Mart 1764

Belge Türü: Mektub Belge Konusu: Atama

Belge Özeti: Ayntab Serdarlığına birinci bölükten Alemdar Ahmet Ağa’nın atanmasın dair.

Benzer Belgeler