Hüküm No: 137
Yahni Mahallesi imamı efendi ba‘de’s-selâm inhâ olunur ki mahallenizde sâkine Selver binti Celil nâm seyyibenin mâni‘-i şer‘îsi yoğsa işbu tâlibi olan Mustafa bin Ahmed nâm kimesneye tarefeyn rızâları ve velîleri izni ile ve mihr-i mü’eccel ve mu’accel-i nizâmîsi tesmiyesiyle inde‘ş-şuhûd akd-i nikah eyleyesiniz ve’s-selâm Fi 11 Rebiü’l-evvel 91
Hüküm No: 138
Vilâyet-i Haleb’e tâbi‘ Medine-i Ayıntab mahallâtında Hacı Baki Bölüğü mahallesi sâkinlerinden koca Osman oğlu Mehmed Şakir nâm kimesne medine-i mezbure de‘âvî meclisinde ma‘kûd-ı huzûr-ı şer-i me‘âl-i ukuda medine-i mezbûre mahâllatından tarla-yı Atik mahallesi sâkinlerinden iken bundan akdem vefât eden Hacızâde Seyid Efendi’nin sağîr oğlu Mehmed Mahzar’ın tesviye-i umûruna bâ hüccet-i şer‘i vasi nasb ve ta‘yin olunan vâlidesi … binti Abdullah nâm hâtun tarafından vekil-i müseccel-i şer‘i işbu bais’ül-kitab Ali Ağa bin Hacı Mehmed mahzarında ikrâr-ı tam ve takrîr-i kelam idüb işbu merkûm Ali Ağa’nın müvekkilesi … hâtunun vasisi olduğu sağîr-i merkûm Mehmed Mahzar’ın malından ve vekil-i merkûm Ali Ağa bana dört aded ayn-i Osmanî lirası altunu edâ ve teslim eylediğinde ben dahi istidâne ve kabz ve umûruma sarfla istihlâk idüb meblağ-ı mezkûr ile semeni işbu tarih-i mezkûreden altı mah kâmile ve tamamına değin … mev‘ûduna sağir-i mezbûrun malından vekil-i merkûm yedinden iştirâ ve kabz ettiğim bir parça Acem şalı semeninden bir buçuk beyaz mecidiyesi ciheteyn-i mezkûreteynden cem‘an dört aded Osmani lira altunu ve bir buçuk beyaz mecidiye zımmetimde vacibü’l-edâ ve lazımü’l-kazâ virecek deynimdir deyu gıbbe’t-tasdikü’ş-şer‘i medine-i mezbûre ahâlisinden olub medyûn-ı merkûmun karındaşları Memik ve Mehmed Ali nâm kimesneler meclis-i ma‘kûd-ı mezkûrede vekil-i merkûm
mahzarında her biri ikrâr-ı tâm ve takrir-i kelâm idüb mukırr-ı merkûmun zımmetinde sağir-i merkûmun ciheteyn-i mezkûreteynden dört aded ayn-i Osmani lirası ve bir buçuk beyaz mecidiye virecek deyni olub tarafeynden bi’l-emr ve’l-kabul kefalet-i mutlaka-i sahih-i şer‘iyye ile müteâkiben her birimiz edâsına kefil ve zâminleriz başka başka tekeffül eyledik dediklerinde gıbbe’t-tasdikü’ş-şer‘i mâ vak‘a
bi’t-taleb ketb ve imla olundu hurrire fi’l-yevmi’s-sâbi‘ ve’l-ışrin min şehr-i
Rebi‘u’l-evveli sene ihda ve tis‘în ve mieteyn ve elf
Şuhûdü’l-hâl
Fi 26 Rebi‘u’levvel
Hüküm No: 139 Mâ‘ruz-ı dâileridir ki
Vilâyet-i Haleb’e tâ‘bi Kilis ahâlisinden ba‘isü’l-i‘lâm Ahmed bin Kâsım bin Süleyman nâm kimesne vilayet-i mezbûra tâ‘bi Medine-i Ayıntab mahallesinde meclis-i şer‘î şerif-i enverde takdîm eylediği arz-ı halde ismi muharrer Medine-i Ayıntab ahâlisinden olub zikr-i âtî merkebe vaz‘ yola mütehakkık olan Medine-i Ayıntab mahallâtından Yahni mahallesi ahâlisinden Hacı Mustafa bin Hüseyin nâm kimesne muvâcehesinde üzerine da‘vâ ve takrîr-i kelâm idüb merkûm yedinde olub muâyene olunan kır erkek merkebe şirâen … olub tarihden yedi sene akdem yedimden sirka ve zâyi‘ olub şimdi merkûm yedinde bulmamla bi’l-istihkâk hâlâ taleb iderim deyu ba‘de’d-da‘vâ ve’s-suâl ol-dahi cevâbında merkeb-i mevsûf-ı mezkûru tarihinden dokuz mah akdem Kalender oğlu Mehmed Said nâm kimesneden
Sayfa Numarası: 200 Numro 7
On iki buçuk guruşa iştirâ itdim şirâen yedimde mâlımdır deyu merkeb-i mezkûre vaz‘-ı yedini ikrâr ve i merkûmun mâ‘-adâ müdde‘âsı inkâr idicek müdde‘î-i merkûm vech-müdde‘î-i meşrûh müdde‘âsını husûs-ı mezbûre ârmüdde‘î-ifan ve her bmüdde‘î-irmüdde‘î-i ber-muktezâ-yı irâde-i seniyye ve bâ varaka-i mestûre mensûb olduklarında ve Kilis Mahallatından Zater Mahallesi ahâlisinden ve Bostancı esnâfından olub … El-mu‘allim medine-i mezbûrede bulunan ve zîr-i mestûreye vaz‘-ı mühür ve imzâ eden Bağçeci … oğlu Mustafa ve Hoş oğlu Mehmed ve Mustafa bin Bekir ve Ömer bin Hacı Ali ve Eşkici Ali bin Mustafa nâm kimesnelerden sırran ve ba‘dehû alenen
lede’t-tezkîye adl ve makbûlü’ş-şehâde idikleri ihbâr olunan mezkûr Zater Mahallesi ahâlisinden ve Bostancı esnâfından Mehmed bin Hacı Mahmud Emin bin Yusuf ve Saka başı oğlu Şefik bin Mustafa nâm kimesneler şehâdetleriyle ber-nehc-i şer‘î âlî ve bi’l-muvâcehe meşrûta ve mufâssala isbât ve’t-tahlîf mu‘cebiyle ba‘de’l-hükmü’ş-şer‘î merkeb-i mevsûf-ı mezkûru müdde‘î-i merkûm Ahmed’e teslîmine merkûm Hamal Mustafa’ya tenbîh olunduğu tescîl ve bi’l-iltimâs Ayıntab mahkemesinden huzûr-ı âlîlerine i‘lâm olundu ve’s-selâm
Fî 29 Rebîü‘l-evvel sene 91
Hüküm No: 140
Tevbe Mahallesi imamı ba‘de’s-selâm inhâ olunur ki mahallenizde sâkine Emine binti Hacı Ömer nâm bâkirin mâni‘ (karalanmış)
Hüküm No: 141 Ma‘rûz da‘îleridir ki
Vilâyet-i Haleb’e tâbi‘medine-i Ayıntab mahallatından kurb-ı Zincirli Mahallesi sâkinlerinden bâisü’l-i‘lâm Mehmed bin İbrahim nâm kimesne meclis-i şer‘î-i şerîfde takdîm eylediği arz-ı hâlde ism-i muharrer zevce-i menkûha-i medhûl-ı bihâsı olan mu‘arifetü’z-zât Sefa binti Mehmed Efendi nâm Hatun tarafından vekîl-i müseccel-i şer‘îsi Hüseyin bin Mehmed Efendi muvâcehesinde üzerine da‘vâ idüb işbû Hüseyin’in kız karındaşı ve müvekkilesi mezbûre Sefa Hatun benim zevcem olub elli günden beru hânemden gidüb karındaşı işbu merkûm Hüseyin’in hânesinde sâkine olmağla su’al olunub zevcem mezbûre hâneme gelüb bana itâ‘at ve inkıyât etmekliğine tenbîh olunmak murâdımdır dedikde vekîl-i merkûmun cevâbında müdde‘î-i merkûm müvekkilesi kız karındaşı Sefa Hatunun zevc-i dâhil olduğunu ikrâr lâkin merkûm hukûk-ı zevciyete mürâ‘ât etmeyüb dâ’ima hilâf-ı şer‘î tekdîr ve mezbûreyi lî gayr-ı hakkın darb idüb ol vechle kendisinden emin ve râzı olmayub hüsn-i zendekanları mensûb olmuşdur dedikde zevc-i merkûm zevcesi mezbûreyi darb eylediğini inkâr etmekle fî-mâ-ba‘d zevcesi mezbûreyi hilâf-ı şer‘î darb ve tekdîr etmeyüb hukuk-ı zevciyete mürâ‘ât ve kadrini mertebe-i infâk ve ... ta‘ahhüd idüb ve mahalle-i mezbûre ahâlisinden Erelli oğlu Yusuf nâm kimesne tekeffül etmekle mezbûre Sefa Hatun vekîl olan karındaşı merkûm Hüseyin dahi müvekkilesi mezbûre Sefa Hatun dahi zevc-i merkûm Mehmed’e itâ‘at ve hukuk-ı zevciyete
mürâ‘ât etmek üzere vekîl-i merkûm ta‘ahhüd eylediği ve bu vechle kat‘-ı nizâ‘ eyledikleri tescîl ve bi’l-iltimâs huzûr-ı âlîlerine i‘lâm olundu
Fî 26 Rebîü‘l-evvel sene 91
Hüküm No: 142
Vilâyet-i Haleb’e tâbi‘medine-i Ayıntab hânedanından Battalzâde fütüvvetli Mehmed Emin Bey Efendi ibni merkûm El-hac Sadık Bey medine-i mezbûre de‘âvî meclisinde ma‘kûd-ı huzur-ı şer‘î me‘âlî ukûda medine-i mezbûre kurâsından Tevbe karyesi sâkinelerinden iken bundan akdem vefât eden Nebi oğlu Mustafa’nın sağire kızları Havva ve Kamer ve Zeliha’nın vasîleri bulunan Ali bâisü’l-kitab ali bin Mehmed nâm kimesne mahzârında ikrâr-ı tâm ve takrîr-i kelâm edüb işbû Ali’nin vâsîsi olduğunu sağirûn-ı mezbûrunun mallarından vâsi‘ merkûm Ali bana yirmi beş aded aynı mecidi lirası altun ittiyâm (?) ve teslîm eylediğinde ben dahi ... ve kabz ve umûruna sarfla istihlâk edüb meblâğ-ı mezkûr ile semeni işbû tarih-i mezkûreden i‘tibâren
Sayfa Numarası: 201 Numro 8
Bir sene mü’eccel-i mev‘ûduna değin sağirûn-ı mezbûrunun mallarından vâsî-i merkûm yedinden iştirâ eylediğim bir kıt‘a Acem şalı semeninden dahi üç aded beyaz aynı mecidi lirası ve üç yüz üç ... beyaz mecidisi cem‘an yirmi sekiz adedi aynı mecidi lirası ve üç bütün beyaz mecidi ve üç rub‘ (silik) zimmetinden vâcibü’l-edâ ve lâzimü’l-kaza virecek deynimdir dedikde tasdîkü’ş-şer‘î Tevbe medresesi ittisâlinde bulunan mülk hırdavat bostanı terhîn eyledim dedikde … gıbbe’t-tasdîkü’ş-şer‘î mâvak‘a bi’t-taleb ketb ve imlâ olundu hurrirefi’l-yevmi’s-sâni ve’l-işrîn min şerh-i Rebîü‘l-evvel lî sene ihdâ ve tis‘in ve mieteyn ve elf sene 91
Hüküm No: 143
Kurb-ı Bey Mahallesi imam Efendi ba‘de’s-selâm inhâ olunur ki mahallenizde sâkine Ayşe binti Mehmed nâm bâkirin mâni‘-i şer‘îsi yoğsa işbu talibi tâlibi İbrahim bin İbrahim nâm kimesneye tarafeyn velîsi ve rızâları ve mihr-i mü’eccel ve mihr-i mu‘accel-i nizâmîsi tesmiyesiyle lede’ş-şuhûd akd-i nikâh eyleyesiniz