• Sonuç bulunamadı

Hüküm No: 115

Seng-i Nakkaş Mahallesi imam Efendi ba‘de’s-selâm inhâ olunur ki mahalleniz sâkinelerinden Hatice binti Ali Osman nâm bâkirin mâni‘-i şer‘îsi yoğsa işbu tâlibi olan Tahir bin Abdülkadir nâm kimesneye tarafeyn rızâları ve velîleri izni mihr-i mü’eccel ve mih'r-i mu‘accel nizâmîsi tesmiyesiyle lede’ş-şuhûd ve akd-i nikâh edesiniz ve’s-selâm

Fî 20 Rebiü’l-evvel sene 91

Hüküm No: 116

Güllü karyesi imam Efendi ba‘de’s-selâm inhâ olunur ki karyeniz sâkinelerinden Ayşe binti Balo nâm bâkirin mâni‘-i şer‘îsi yoğsa işbu tâlibi olan Ali bin Veli Mehmed nâm kimesneye tarafeyn rızâları ve velîleri izni mihr-i mü’eccel ve mih'r-i mu‘accel nizâmîsi tesmiyesiyle lede’ş-şuhûd ve akd-i nikâh edesiniz ve’s-selâm

Fî 21 Rebiü’l-evvel sene 91

Hüküm No: 117

Güllü karyesi imam Efendi ba‘de’s-selâm inhâ olunur karyenizde sâkine Güllü binti Vakkas nâm bâkirin mâni‘-i şer‘îsi yoğsa işbu tâlibi olan Veli Mehmed’in oğlu Mahli (?) nâm kimesne tarafeyn rızâları ve velîleri izni ve mihr-i mü’eccel ve mih'r-i mu‘accel nizâmîsi tesmiyesiyle lede’ş-şuhûd ve akd-i nikâh eyleyesiniz ve’s-selâm Fî 27 Rebiü’l-evvel sene 91

Sayfa Numarası: 196 Numro 3

Hüküm No: 118

Vilayet-i Haleb’e tâbi‘ Medine-i Ayıntab ahâlisinden olub Candarma Askerî Çavuşlarından Maraşlıoğlu İbrahim Çavuş ibni Ali nam kimesne Medine-i mezbûre de‘âvi meclis odasında ma‘kûd-ı huzûr-ı şer-i şerif-i Enver’de Medine-i mezbûre hanedânından Muhlis efendizâde işbu bâisü’l-kitâb Mustafa Efendi mahzarında ikrâr-ı tam ve takrîr-i kelâm idüb zikr-i âtî bey‘in sudûruna değin silk-i mülkümde münselik müstakillen malım olan Medine-i Ayıntab kûrasından Kızılca kend türâbında kâin bir taraftan Mecuk oğlu Süleyman zeytünliği ve bir taraftan Ömer nâm kimesne zeytünliği ve bir taraftan Ali’nin oğlu Mehmed zeytünliği ve bir taraftan Ömer’in oğlu Ali nâm kimesne zeytünliği ile mahdûd ve mümtaz kırk ağaç zeytün eşcarlarını müştemil bir kıt‘a mülkü tarafeynden îcâb ve kabûl-ı hâvî şürût-ı mübtıle ve ukûd-ı müfside ve telce-i muvâzaa‘dan ârî ve berî olarak bey‘i bât-ı sahîh-i şerî sahîh-ile sahîh-işbu mûmasahîh-ileyh Mustafa Efendsahîh-i’ye yedsahîh-i yüz guruşa bey‘ ve temlîk ve teslîm eylediğimde mûmaileyh efendi dahi meblâğ-ı mezkûre iştirâ ve temellük ve tesellüm ve kabz ve kabûl eylediğinden sonra semeni olan meblâğ-ı mezkûru efendi mûmaileyh yedinden bi’t-tamam ve’l-kemâl ahz ve kabz itdim fî-mâ-ba‘d zeytünlüğü mahdûd-ı mezkûr aslâ va kat‘â benim alâka ve medhâlim kalmayub müşterî-i mûmaileyh Mustafa Efendi’nin mülk-i müşterâsı ve hakk-ı sarîhi olmuşdur keyfe mâ-yeşâü ve hasbe mâ yehtâr mâlik ve mutasarrıf olsun dedikde gıbbe’t-tasdîkü’ş- şerî mâ-vak‘a bi’t-taleb ketb ve imlâ olundu hurrire fi’l-yevmi-s sânî ve’l-işriyn min şehr-i Rebiü’l-ûlâ lî-sene ihdâ ve tis’în ve mieteyn ve elf

Bazzade Hacı Ali Efendi Berber Mehdi Ağa

Mehmed Vesim Ağa karye-i mezbûre muhtarı Resul Kahya

Ve Hacı Hasan Ağa Muhzır başı İzzet Ağa

Ve Sinan bin Abdullah Efendi Ve gayrehüm

Hüküm No: 119

Seng-i Nakkaş Mahallesi İmam Efendi ba‘de’s-selâm inhâ olunur ki mahallenizde sâkine Hadice binti Ali Osman nâm bâkirin mâni‘-i şer‘îsi yoğsa işbu tâlibi olan Mehmed bin Mehmed Ali nâm kimesneye tarefeyn rızâları ve velîleri izni ile ve mihr-i mü’eccel ve mu’accel-i nizâmîsi tesmiyesiyle lede‘ş-şuhûd akd-i nikah eyleyesiniz ve’s-selâm

Fî 22 Rebiü’l- ûlâ sene 91

Hüküm No: 120

Ulu Ma‘sara karyesi İmam Efendi ba‘de’s-selâm inhâ olunur ki karyenizde sâkinelerinden Hadice binti Ömer nâm bâkirin mâni‘-i şer‘îsi yoğsa işbu tâlibi olan Mustafa bin Ömer nâm

kimesneye tarefeyn rızâları ve velîleri izni ile ve mihr-i mü’eccel ve mu’accel-i nizâmîsi tesmiyesiyle inde‘ş-şuhûd akd-i nikah eyleyesiniz ve’s-selâm

22 Rebiü’l- ûlâ sene 91

Hüküm No: 121

Hacar karyesi ba‘de’s-selâm inhâ olunur ki karyenizde sâkine Fatıma binti Ali nâm bâkirin mâni‘-i şer‘îsi yoğsa işbu tâlibi olan Mehmed b. Maho nâm kimesneye tarefeyn rızâları ve velîleri izni ile ve mihr-i mü’eccel ve mu’accel-i nizâmîsi tesmiyesiyle lede‘ş-şuhûd akd-i nikah eyleyesiniz ve’s-selâm

Hüküm No: 122

Hacar karyesi ba‘de’s-selâm inhâ olunur ki karyenizde sâkine Hesna binti Ali nâm bâkirin mâni‘-i şer‘îsi yoğsa işbu tâlibi olan Mehmed bin Hüseyin nâm kimesneye tarefeyn rızâları ve velîleri izni ile ve mihr-i mü’eccel ve mu’accel-i nizâmîsi tesmiyesiyle lede‘ş-şuhûd akd-i nikah eyleyesiniz ve’s-selâm

22 Rebiü’l- ûlâ sene 91

Hüküm No: 123

Ma‘ruz-ı dâ‘ireleridir ki Vilayet-i Haleb’e tâbi‘ Medine-i Ayıntab mahallâtından Tevbe mahallesi sâkinlerinden iken bundan akdem fevt olan Ali Hoca oğlu Mehmed bin Hacı Mustafa nâm müteveffânın evlâd-ı sıgarlarının ba- hüccet-i [şer‘iyye] vasileri olan Fâtıma binti Hafız Ahmed nâm hâtun tarafından vekil-i müseccel-i şer‘isi bâisü’l-ilâm Ahmed bin Ahmed nâm kimesne Medine-i mezbûre de‘âvi meclis odasında ma‘kûd-ı huzûr-ı şerî’de takdîm eylediği arz-ı hâlde ism-i muharrer Medine-i mezbure Sarı kahya Mehmed nâm kimesne muvâcehesinde üzerine bi’l-vekâle da‘vâ ve takrîr-i kelâm idüb müteveffâ-i merkûmun hayatında işbu merkûm Sarı kahya zimmetinde cihet-i karz-ı şer‘îden üç yüz yetmiş guruş alacak hakkı olub meblâğ-ı mezkûru kable’l ahz ve’l istiğfâ vefât etmekle meblâğ-ı mezkûr vereselerinden mevsûf olmağın bi’l-vekâle hâlâ taleb ederim deyu ba‘de’d-dâ‘vâ ve‘s-suâl ol-dahi cevâbında yüz altmış guruş deyni olduğunu ikrâr ve ziyâdesi olan yüz on guruşun inkâr idicek muslihun tavassutuyla yüz on yedi guruştan elli bir guruşunu kabûl idüb iki yüz yirmi iki guruş otuz para üzerine inşa-i akd-i musâlâha olunub ve bedel-i sulh olan meblağ-ı mezkûr iki yüz yirmi iki guruş otuz parayı müdde-i vekîl-i merkûm Ahmed’e eda ve teslimiyle merkûm Sarı Mehmed Kahya ilzâm olunduğu bi’l-iltimas huzûr-ı âlîlerine î‘lâm olundu