Hüküm No: 157
Ma‘rûz dâ‘îleridir ki vilâyet-i Haleb vilâyet-i mahallesi dâhilinde medine-i Ayıntab ahâlisinden inde’l-i‘lâm Mustafa bin Mustafa Ayıntab de‘âvî meclisinde ma‘kûd-ı huzûr-ı şer‘îde takdîm eylediği arz-ı hâlde ism-i muharrer medine-i mezbûre ahâlisinden teb‘â-ı devlet-i âlîyeden ve Ermeni milletinden Karamanın oğlu Nersiz
bin Manek muvâcehesinde ikrâr-ı tam ve takrîr-i kelâm edüb merkûm Nersiz’e mâhiye seksen guruş ücret mukâvelesiyle beş buçuk mah hidmet itdim ve beş yüz kırk guruş ücretim terâküm edüb ve iki kile hınta dahi alacağı olub meblâğ-ı mezkûra mahsûben altmış guruş bana teslîm ve bâkî üç yüz seksen guruş alacağım meblâğ-ı bâkî mezkûr ile hıntayı mezkûr merkûmdan taleb ve da‘vâ ettiğinde meyânemizde muslihûn tavassut yüz altı guruşa sulh olunub ve her birimiz sulh-ı mezbûrı kabûl eyledik dedikde ol dahi mukırr-ı merkûmun meşrûhâsında tasdîk etmemle huzûr-ı âlîlerine i‘lâm olundu
Fî 28 Rebîü’l-âhir sene 91
Sayfa Numarası: 203 Numro 10
Hüküm No: 158
İbrahim şehir karyesi imam Efendi ba‘de’s-selâm inhâ olunur ki karyenizde sâkine Emine binti Mehmednâm bâkirin mâni‘-i şer‘îsi yoğsa işbu talibi tâlibi olan Hüseyin bin Mustafa nâm kimesneye velîsi izn-i ve tarafeyn rızâları ve mihr-i mü’eccel ve mihr-i mu‘accel nizâmisi tesmîyesiyle inde’ş-şuhûd akd-i nikâh eyleyesiniz ve’s-selâm
Fî 1 Rebîü’l-âhir (?) sene 1291
Hüküm No: 159
Haleb vilâyet-i celîlesi dâhilinde medine-i Ayıntab mahallatından ibni Şakir Mahallesi sâkinlerinden Behesnizâde Ali Efendi ibni Bekir Ağa ibni Hüseyin Ağa nâm kimesne meclis-i şer‘î şerîf-i enverde medine-i mezbûre hânedanından bundan akdem vefât eden Duacızâde Hacı Mehmed Emin Bey ibni Mustafa Ağa sulbi sağir oğulları Hasan ve Mehmed Arif’in tesvîye-i umûrlarına vasî mensûbeleri olan vâlideleri Haduc Hatun El-hac Mehmed Arif Ağa bin Ömer tarafından vekîl-i müseccel şer‘îsi karındaşı işbû bâisü’l-kitâb Mehmed Arif Efendi ibni Hacı Mehmed Arif Ağa mahzârında ikrâr-ı tam ve takrîr-i kelâm edüb işbû Mehmed Arif Efendinin müvekkilesi ve kız karındaşı Haduc Hatun bâ hüccet şer‘î vasîsi olduğu sağir oğulları Hasan ve Mehmed Arif mallarından bi’l-vesâye bana üç yüz aded aynî Osmani lira altunu idâne ve teslîm eylediğinde ben dahi yedinden istidâne ve kabz ve umûriye harc ve sarfla istihlâk edüb meblâğ-ı merkûm ile semen-i işbû tarih-i kitâbdan bir
sene tamamına değin mü’eccel ve mev‘ûduna sağirân-ı merkûman Hasan ve Mehmed Arif mallarından vasî-i mezbûr Haduc Hatun vekîli işbû Mehmed Arif yedinden iştirâ ve kabz eylediğim Acem şalı semeninden dahi kırk beş aded aynî Osmanî lira altununa cihetin mezkûreteynden cem‘an üç yüz kırk beş aded aynî Osmani lira altuna zimmetimde sağirân-ı merkûman Hasan ve Mehmed Arif’e vâcibü’l-edâ ve lâzimü’l-kaza deynim olub meblâğ-ı mecmû‘-u merkûm mukâbelesinde yedimde müstaklen mülküm olub medine-i mezbûrede vâki‘ Yüz Gece (?) Hânı kurbunda ka’in lede’l-ahâli ma‘lûm-ı mahdûd ve‘l-etraf Helvacı Hacı Mehmed Said âcârında olan bir bâb helvacı dükkânı ile medine-i mezbûrede arsada Attar Bazarı’ndaka’in kendi sâkin olduğu lede’l-ahâli ma‘lûm-ı mahdûd-ı ve’l-etraf bir bâb bedesten dükkânı arsa-ı mezbûre Haduc Hatun müvekkile-i mezbûr Mehmed Arif Efendiye rehin ve sahih-i şer‘î ile rehin ve teslîm eyledikde vekîl-i merkûm dahi irtihân kabûl eyledi dedikde gıbbe’t-tasdîkü’ş-şer‘î mukır-ı medyûn-ı merkûm Ali Efendinin babası Bekir Ağa bin Hüseyin Ağa ve Sadettinzâde Abdurrahman Ağa ve Hacı Abdullah Ağa bin Çubukçu Abdullah nâm kimesneler meclis-i şer‘î-i şerîfde vasî mezbûr vekîli Mehmed Arif Efendi mahzârında her biri ikrâr-ı tam ve takrîr-i kelâm edüb mukır-ı medyûn merkûm Ali Efendinin sağirân-ı merkûman Hasan ve Mehmed Arif cihetin mezkûriyetinden edâsı vâcib deyni olan meblâğ-ı mecmû‘-u merkûm üç yüz kırk beş aded aynî Osmani lira altununa tarafeynden bi’l-emir (?) ve’l-kabûl kefâlet-i mutlaka sahîh-i şer‘î ile biz dahi mut‘âkiben kefîl bi’l-mâl ve zâminler olub ve ihdâ humâ âharın zimmetine kefâlet hasebiyle lazım gelen meblâğa dahi kezalik bi’l-emir ve’l-kabûl başka başka teklîf eyledik dediklerinde gıbbe’t-tasdîkü’ş-şer‘î mâvak‘â bi’t-taleb ketb ve imla olundu hurrire fî’l-yevmi’l-sâlis min şehr-i Rebîü’l-âhir lî sene ihdâ ve tis‘in ve mieteyn ve elf
Şuhûdü’l-hâl: Osman Saib Efendi, Hacı Osman Bey
Söylemezzâde Seyid Mehmed Efendi Mehmed Ali Efendi katib-i da‘vâ Mehmed Şakir Efendi
Hüküm No: 160
Büyük Kızılhisar karyesi imam Efendi ba‘de’s-selâm inhâ olunur ki karyenizde sâkine Hatice binti Mustafa nâm bâkirin mâni‘-i şer‘îsi yoğsa işbû talibi olan Osman
bin Ali nâm kimesneye velîsi izni ve tarafeyn rızâları ve mihr-i mü’eccel ve mihr-i mu‘accel nizâmîsi tesmîyesiyle lede’ş-şuhûd akd-i nikâh eyleyeseniz ve’s-selâm Fî 3 Rebîü’l-âhir sene 91
Hüküm No: 161
Hacar karyesi imam Efendi ba‘de’s-selâm inhâ olunur ki karyenizde sâkine Şakire binti Ali nâm seyyibenin mâni‘-i şer‘îsi yoğsa işbû talibi olan Veli bin Şeyho nâm kimesneye velîsi izni ve tarafeyn rızâları ve mihr-i mü’eccel ve mihr-i mu‘accel nizâmîsi tesmîyesiyle lede’ş-şuhûd akd-i nikâh eyleyeseniz ve’s-selâm
Fî 3 Rebîü’l-âhir sene 91
Sayfa Numarası: 204 Numro 11
Hüküm No: 162
Ma‘rûz dâ‘îleridir ki Haleb vilâyet-i celîlesi dahilinde medine-i Ayıntab mahallâtından Seng-i Nakkaş Mahallesi sâkinlerinden iken bundan akdem tarihden on bir sene akdem vefât eden Hacı İbrahim oğlu Memik bin Maho’nun verâsetini zecve-i menkûha-i metrûkesi Meryem Hatun binti Dede Mehmed ile kebîr oğulları Mehmed ve Mustafa ve Mehmed Şerif ve İbrahim ve kebîre kızları Hatice ve Safiye Hatunlara muhsıran olub ba‘dehû ibni merkûm Mehmed dahi fevt olub verâsetini zevce-i menkûha-i metrûkesi Fatma binti Molla İbrahim bin Mehmed ve vâlidesi Meryem binti Dede Mehmed nâm Hatun ve sağir oğulları Mehmed Ali ve Memik ihsârı şer‘an zâhir ve âşikar olduktan sonra ebnâ-ı merkûmun bâisü’l-i‘lâm İbrahim bin Memik bin Maho nefsinden asaleten ve vâlidesi mu‘arifetü’z-zât Meryem Hatun tarafından ve müteveffâ karındaşı Mehmed’in sağir oğulları Mehmed Ali ve Memik’in kıbel-i şer‘den mansûbe-i vasiyesi ma‘rifet’üz-zât Fatma binti İbrahim nâm Hatun tarafından zikr-i âtî da‘vâya vekîl-i müseccel şer‘îleri olmağın vekâleten meclis-i şer‘de takdîm eylediği arz-ı hâlde ism-i muharrer medine-i mezbûre kurâsından Medkuz (?) karyesi ahâlisinden olub zikr-i âtî bağa vasi‘ yedi mütehakkık olan Mustafa bin Memik nâm muvâcehesinde bi’l-asâle ve bi’l-vekâle üzerine da‘vâ ve takrîr-i kelâm edüb medine-i mezbûre kurâsından Üç Kilise karyesi turâbında ka’in iki tarafdan Maho’nun oğlu bağ-ı ve tarlası ve bir tarafdan Veli Vakkas bağ-ı ve bir tarafdan Güllekci bağ-ı ile mahdûd ve mümtâz bir kıt‘a Karalık bağ-ın tamamı
babam müteveffâ-yı merkûm Hacı İbrahim oğlu Memik’in babsı Maho’dan müntâkil mülk mevrûsu olub babam merkûm merkûm Memik bağ-ı mahdûd ve mezkûrun tamamına mülkiyet üzere mutasarrıf ve işbu Mustafa bağ-ı mezkûre tımâr ve hidmet edüb senevî hâsılatının nısfını emeği mukâbilinde yemek üzere müsâkât verüb ve merkûm Mustafa dahi bağ-ı mahdûd-ı mezkûrı müsâkât üzere babamın vefâtına değin yedinde kalub ve tarihden on bir sene sene akdem babam Memik Ağa dahi vefât edüb terekesi beyne’l-verese-i bi’l-farîzati’ş-şer‘îye tevzîc ve taksîm olundukda bağ-ı mahdûd-ı mezkûrun nısf-ı hissesi benim hisse ve nısf-ı âhiri karındaşım müteveffâ Mehmed hissesine ifrâz olunub bağ-ı mahdûd-ı mezkûr-ı sâbıkı vechle tımâr ve hidmet etmek ve hâsılatından nısfını emeği mukâbilinde yemek üzere merkûm Mustafa’ya müsâkât virdiniz de merkûm Mustafa dahi bizlerden bağ-ı mahdûd-ı mezkûru müsâkât alub tımâr ve hidmet edüb hâsılatının nısfının emeği mukâbilinde olub ve nısf-ı âhirini bana va karındaşım müteveffâ-yı merkûma verüb ve karındaşım Mehmed dahi tarihden iki buçuk akdem vefât edüb bağ-ı mahdûd-ı mezkûre olan nısf-ı hissesi vâlidesi ve zevcesi müvekkilelerim mezbûretan ile sağir oğulları merkûman Mehmed Ali ve Memik’e mevrûs olub bu vech üzere bağ-ı mahdûd ve mezkûrun nısf-ı hissesi benim babamdan müntakil mülk mevrûsum ve nısf-ı âhir karındaşım müteveffâ-yı merkûm Mehmed’in babasından müntakil mülk mevrûsu olub karındaşım Mehmed’in vefâtıyla vâlidesi ve zevcesi ve sağir oğulları merkûman Mehmed Ali ve Memik mevrûs olmuşken işbû Mustafa bağ-ı mahdûd-ı mezkûrun tamamına tarihden bir buçuk sene akdem bi gayr-i vech-i şer‘î-i müdahale edüb bey‘ bağ-ı mahdûd-ı mezkûru tarihden bir buçuk sene akdem meclis-i şer‘de Ayıntab nâ’ibi Abdullah Efendi huzûrunda merkûmdan da‘vâ ettiğimde merkûm Mustafa bağ-ı mezkûr benim malımdır deyu bizlerin malımız olub kendi de müsâkatda olduğunu külliyen inkâr etmeğin ben müdde‘â-yı meşrûhâmı tarih-i mezkûrde isbâtdan âciz olub ve merkûme yemin dahi virdirmeyüb hala üzere kalmış idi el-hâletü hâzihi şâhidlerce zafer bulmamla su’al olunub îcâb-ı şer‘îsi bi’l-asale ve bi’l-vekâle murâdımdır deyu ba‘de’d-da‘vâ ve’s-su’al merkûm Mustafa cevâbında bağ-ı mahdûd-ı mezkûrun tamamı babamın malı olub ve müdde‘î-i merkûm babası Memik dahi benim bedr-i şerîkim olub bende tekâvî akçesi olmağla bağ-ı mezkûrun nısf-ı hâsılatını babası merkûm Memik’e virir idim bağ-ı mezkûre müdde‘î-i merkûmun babası Memik’in ber vechle hakkı ve medhâli yokdur deyu müdde‘î-i asîl vekîl-i merkûmun müdde‘âsını külliyen inkâr itmeğin müdde‘î-i asîl ve vekîl-i merkûmdan müdde‘â-yı meşrûhuna muvâfık beyyine taleb olundukda husûs-ı
mezbûre ârifan medine-i mezbûre kurâsından Karaca Burc karyesi imamı Mehmed Zekeriya Efendi ve muhtarı Mehmed bin Mehmed ve ihtiyarlarından Hüseyin bin Mehmed ve El-hac Mehmed bin Mehmed ve El-hac Mustafa bin Ahmed nâm kimesnelerden bâ varaka-i mestûre sırran ba‘dehû alenen lede’t-tezkîye adl ve makbûlü’ş-şehâde ettikleri ihbâr olunan mezkûr Karaca Burc karyesi ahâlisinden Hamenek oğlu Kenan bin Hame ve Hasan’ın oğlu Mehmed bin Hasan nâm kimesneler li ecli’ş-şehâde meclis-i şer‘a hâzıran olub eser’ül-iştihâd fî vak‘â bağ-ı mahdûd-ı mezkûrun tamamı işbu müdde‘î-i asîl ve vekîl-i merkûm İbrahim babasından müntâkil mülk mevrûsu olub merkûm Memik işbu Mustafa’ya bağ-ı mahdûd-ı mezkûre tımâr ve hidmet edüb hâsılanın nısfını emeği mukâbilinde yemek üzere müsâkat verüb merkûm dahi bağ-ı mahdûd-ı mezkûrı Memik Ağadan müsâkat alub müsâkat vech üzere mutasarrıf
Sayfa Numarası: 205 Numro 12
Olub be her sene hâsılatını beynlerinde taksîm ederler idi ve Memik Ağa tarihden on bir sene akdem vefât edüb terekesi terekesi beyne’l-verese taksîm olundukda bağ-ı mahdûd-ı mezkûrun nısf-ı hissesi oğlu işbu İbrahim hissesine ve nısf-ı âhiri diğer oğlu müteveffa Mehmed hissesine ifrâz olunub merkûman dahi bağ-ı mahdûd-ı mezkûrı yine merkûm Mustafa’ya tımâr ve hidmet etmek ve emeği mukâbilinde nısf-ı hâsnısf-ılatnısf-ınnısf-ı yemek üzere virüb merkûm Mustafa dahi ol vechle müsâkat olmuşdur ve tarihden iki buçuk sene akdem merkûm Mehmed vefât edüb bağ-ı mahdûd-ı mezkûre vâlidesi Meryem binti Dede Mehmed nâm Hatuna ve zevcesi Fatma binti Molla İbrahim nâm Hatun ve sağir oğulları Mehmed Ali ve Memik’e mevrûs olmuşdur bağ-ı mahdûd-ı mezkûrun nısf-ı hisse işbu İbrahim’in babasından müntâkil mülk mevrûsu nısf-ı âhiri karındaşı müteveffâ-yı merkûm Mehmed’in vâlidesi ve zevcesi ve sağir oğulları Mehmed ve Memik’in mülk mevrûslarıdır bizler bu husûsa bu vech üzere şâhidleriz ve şehâdet dahi iderüz deyu her biri edâ-yı şehâdet-i şer‘î etmeleriyle şehâdetler dahi makbûl olmağın mu‘cebiyle bağ-ı mahdûd-ı mezkûrun nısf-ı hissesi müdde‘î-i asl-ı merkûm İbrahim’in ve nısf-ı âhiri müvekkileleri mezbûretan Meryem ve Fatma Hatunlar ile sağiran-ı merkûman Mehmed Ali ve Memik’in mülk mevrûsları olduğuna ba‘de’l-hükmü’ş-şer‘î bağ-ı mahdûd-ı mezkûrdan kef-i yed ile
müdde‘î-i asîl ve vekîl-i merkûm İbrahim teslîmine merkûm Mustafa’ya tenbîh olunduğu bi’l-iltimâs Ayıntab mahkemesinden huzûr-ı âlîlerine i‘lâm olundu
Fî 3 Rebîü’l-âhir sene 91
Hüküm No: 163
Bâdî defter-i kassam oldur ki Haleb vilâyeti celîlesine tâbi‘ medine-i Ayıntab mahallâtından Eyüb Oğlu Mahallesi sâkinlerinden iken bundan akdem vefât eden Elbistanlı oğlu Mustafa bin Hacı Davud’un verâseti sulb-i sağire kızı Haduc ile karındaşı oğlu Mehmed’e inhisârı şer‘an zâhir ve âşikar oldukdan sonra sağire-i mezbûrenin tesvîye-i umûruna kıbel-i şer‘den validesi Sultan binti Ahmed nâm Hatun ve Hasan nasb ve ta‘yin olunub ol dahi ber vech-i vesâyet mezkûrı ba‘de’l-kabûl vasi-i mezbûre taleb ve ma‘rifeti ve mu‘arrifet-i şer‘le tahrîr ve terkîm ve beyân olursa bi’l-farîzati’ş-şer‘îye tezvîc ve taksîm olunan müteveffâ-yı merkûmun terekesi defteridir ki ber vech-i âtî zikr ve beyân olunur
Fî 25 Rebîü’l-evvel sene 1291
Cinsi Miktar Fiyat Menzil der mahalle-i mezbure 4000 guruş Yorkan 1 aded 20 guruş Ve döşek 1 aded 60 guruş
Yasdık 1 aded 20 guruş
Atik (…) 1 aded 25 guruş
Atik kilim 2 aded 80 guruş Namazlık ve sofra 1 aded 20 guruş
Tenür yorkan 40 guruş
Arka esvâbı 40 guruş Sağir sandık ve kürsi 3 aded 72 guruş Bakır batman 3 aded 9 guruş
Bulgur ve çuval 1 aded 25 guruş
Hurdavat menzil 10,5 guruş
Minhâ El-ihrâcat
Techiz ve tedvin 74,5 guruş Virgüye deyni 185 guruş Duyûn-ı müteferika-i müsebbit 220 guruş Resm-i kısmet 100 guruş
Kaydiyye 6 guruş
Varaka baha 2 guruş Cemân yekûn 582,5 guruş
Sahhü’l-[bâki] li taksîm beyne’l-verese 3900 guruş Hisse-i bitni sağire-i mezbûre Haduc 1950 guruş Hisse-i ibni ahi merkûm Mehmed 1950 guruş
Hüküm No: 164
Cevizlice Mahallesi imam Efendi ba‘de’s-selâm inhâ olunur ki mahallenizde sakine Ayşe binti Abdullah nâm bâkirin mâni‘-i şer‘îsi yoğsa işbu talibi olan Mustafa bin Ahmed nâm kimesneye velîsi izni ve tarafeyn rızâları ve mihr-i mü’eccel ve mihr-i mu‘accel nizâmîsi tesmîyesiyle lede’ş-şuhûd akd-i nikâh eyleyesiniz ve’s-selâm Fî 3 Rebîü’l-âhir sene 91
Hüküm No: 165
Etbek karyesi imam Efendi ba‘de’s-selâm inhâ olunur ki karyenizde sâkine Ayşe Fatma binti Memik nâm bâkirin mâni‘-i şer‘îsi yoğsa işbu talibi olan Ahmed bin Hacı Mustafa nâm kimesneye velîsi izni ve tarafeyn rızâları i mü’eccel ve mihr-i mu‘accel nmihr-izâmîsmihr-i tesmîyesmihr-iyle lede’ş-şuhûd akd-mihr-i nmihr-ikâh eyleyesmihr-inmihr-iz ve’s-selâm Fî 16 Rebîü’l-âhir sene 91
Sayfa Numarası: 206 Numro 13
Hüküm No: 166 Fî 13 Temmuz
Bâdî-i defter-i kassâm oldur ki Haleb vilâyet-i celîlesi dâhilinde medîne-i Ayntâb mahallâtından Kabasakal Mahallesi sâkinlerinden iken bundan akdem vefât iden Ahmed bin Mehmed’in verâset-i zevce-i menkûha-i metrûkesi Hatîce binti Hasan ile sulbî kebîr oğulları Mustafa ve Mehmed ve sağîr oğlu Hasan ve sağîra kızı Ayveş’a inhisârı şer‘an zâhir ve âşikâr oldukdan sonra sağîrân-ı mezbûrân Hasan ve Ayveş’un tesviye-i umûrlarını ru’yet ve mâl-i mevrûslarını ahz ve kabz ve hıfz kıbel-i şer‘den vâlideleri zevce-i mezbûre Hatîce Hâtun vasî nasb ve ta‘yin olunub ol dahi ba‘de’l-kabûl vasî-i mezbûr taleb ve ma‘rifeti ve ma‘rifet-i şer‘le tahrîr ve beyne’l-verese bi’l-ferîzati’ş-şer‘iyye tevzî‘ ve taksîm olunan müteveffâ-yı merkûm terekesi defteridir ki ber-vech-i âtî zikr ve beyân olunur
Fî 29 Rabî‘i’l-evvel sene 91
Cinsi Miktar
Menzil der mahalle-i mezbure 1 1000 guruş
Bakır batman 5 200 guruş
Yatak kat 1 120 guruş
Tenvir yorgan 1 40 guruş
Mışlıh atîk 1 25 guruş
Müteveffâ’nın arkası elbisesi 50 guruş
Müsta‘mel kilim 3 75 guruş
Gürgen karyesinde Davud yedinde bezr-i hınta 24 şa‘ir 16
400 guruş
Kendir’de re’semâl 532 guruş
Erik karyesinde Harus Hüseyin’den alınan rehin bağın nısfı
600 guruş
Menzilde zahîra ve unluk 24 200 guruş
Kendirci câzâzında kendirci dükkanın ve içinde olan edevât nısıf hissesi
300 guruş
Hırdavat menzil 72,5 guruş
Cem‘an yekûn 3814,5 guruş
Minhâ el-ihrâcât
Resm-i kısmet 9,5 guruş
Kaydiyye 5,2 guruş
Varaka baha 1 guruş
Sahhü’l-bâki li taksîm beyne’l-verese 3712 guruş Hisse-i zevce-i mezbûre Hatîce 464 guruş Hisse-i ibnü’l-merkûm Mustafa 928 guruş Hisse-i ibnü’l-merkûm Mehmed 928 guruş Hisse-i ibnü’l-merkûm Hasan 928 guruş Hisse-i bintü’l-mezbûre Ayveş 464 guruş
Hüküm No: 167
Gürgen karyesi İmam Efendi ba‘de’s-selâm inhâ olunur ki karyeniz de sâkine Fâtıma binti Hacı Hasan nâm bâkirin mâni‘-i şer‘îsi yoğsa işbu tâlibi olan Abdurrahman bin Ali nâm kimesneye velîsi izni ve tarafeyn rızâları ve mihr-i mü’eccel ve mihr-i mu‘accel nizâmîsi tesmiyesiyle lede’ş-şühûd akd-i nikâh eyleyesiniz ve’s-selâm Fî 4 Rabî‘i’l-âhir sene 91
Hüküm No: 168
Gürgen karyesi İmam Efendi ba‘de’s-selâm inhâ olunur ki karyeniz de sâkine Âişe binti Mehmed nâm Şeybe’nin mâni‘-i şer‘îsi yoğsa işbu tâlibi olan Abdurrahman bin Ahmed nâm kimesneye velîsi izni ve tarafeyn rızâları ve mihr-i mü’eccel ve mu‘accel nizâmîsi tesmiyesiyle lede’ş-şühûd akd-i nikâh eyleyesiniz ve’s-selâm Fî 4 Rabî‘i’l-âhir sene 91
Hüküm No: 169
Ma‘rûz-ı dâ‘îleridir ki Halebü’ş-şehbâ vilâyet-i celîlesi dâhilinden medîne-i Ayntâb kurâsından Girlenci karyesi ahâlîsinden Köse’nin oğlu bâ‘isü’l-i‘lâm Ali bin Mehmed nâm kimesne medîne-i mezbûre de‘âvî meclis odasında (silik) huzûrları ma‘âlî ukûda takdîm eylediği arz-ı hâlde eş-şeyh Mehmed ve zikr-i âtî merkeb vaz‘-ı
yedi mütehakkık olan medîne-i mezbûre ahâlîsinden teb‘a-i Devlet-i Aliyye’den ve Musâvî milletden Yusuf bin Hârun müvâcihesinde üzerine da‘vâ ve takrîr-i kelâm idüb merkûm yedinde olub mu‘âyene olunan boz erkek merkeb şirâ’en mülküm olan (silik) târihden on dokuz gün akdem Birecik’de han civârında gice (silik) ve zâyi‘ olub şimdi merkûm yedinde bulmamla bi’l-ittifâk hâlen talebi iderim ba‘de’r-racûl ve’s-suâl ol dahi cevâbında târihden on altı gün akdem merkeb-i mevsûf-ı mezkûru Birecik’de ismi ma‘lûm olmayan bir kimesneden yüz altmış guruşa iştirâ itdim yedinde şirâ’en mülkümdür deyu merkeb-i mevsûf-ı mezkûra vaz‘-ı yedini ikrâr ve mâ‘adâ müdde‘âsını inkâr idecek müdde‘î-i merkûm ber-vech-i meşrûh müdde‘âsını husûs-ı mezbûra ârifân ve her birleri muktezâ-yı irâde-i seniyye ve bâ-varaka-i mestûre mensûb oldukları mahallerinden zîr-i mestûreye vaz‘-ı mühr ve imzâ iden Tevbe mahallesi İmamı Mehmed Emin Efendi ve Muhtarı Mehmed Ağa ve İsmâil Rıfat Ağa ve Mehmed Ağa nâm kimesnelerden sirran ve alenen lede’t-tezkiye adl ve makbûlü’ş-şehâde idükleri ihbâr olunan Tevbe mahallesi ahâlisinden Cafer oğlu Mehmed Ağa bin Mustafa Ağa ve diğer Mehmed bin Memek nâm kimesneler şehâdetleriyle ber-nehc-i şer‘-i âlî ve bi’l-müvâcehe meşrûhan ve mufassalen ba‘de’l-isbât ve’t-tahlîf mûcibince ba‘de’l-hükmü’ş-şer‘ (silik)
Sayfa Numarası: 207 Numro 14
Mevsûf-ı mezkûru müdde‘î merkûm Ali’ye teslîmine müdde‘î-i aleyh merkûm Yusuf’a tenbih olunduğu bi’l-iltimas huzûr-ı âlîlerine i‘lâm olundu
Fî 4 Rabî‘i’l-âhir sene 1391
Hüküm No: 170
Dölek karyesi İmam Efendi ba‘de’s-selâm inhâ olunur ki karyeniz de sâkine Hatîce binti Bekir nâm bâkirin mâni‘-i şer‘îsi yoğsa işbu tâlibi olan Osman bin Mehmed nâm kimesneye velîsi izni ve tarafeyn rızâları ve mihr-i mü’eccel ve mihr-i mu‘accel nizâmîsi tesmiyesiyle [lede’ş-şühûd] akd-i nikâh eyleyesiniz ve’s-selâm