Đnşallah-u Te‛âla Sîmon (?) vilâyeti feth olundukda sâbıkâ Ahısha’da ze‛âmetle bölük ağâsı olan Mehmed’e tevcîh olmak üzre emr-î şerîf yazıldı.
fî et-târihi’l- mezbûr
16. LĐVÂ-I ‛UZEYR
Sâbıka Birecîk beyi olan Mustafa Bey’e yazıldı.
fî 17 Za. sene ihda ve elf (15.08.1593)
17. LĐVÂ-I KARLIĐLĐ Giru Murâd Bey’e mukarrer.
fî 24 Za. Sene ihda ve elf (22.08.1593)
Kapûdân Arnavud Memî’ye yazıldı.
fî et-târihi’l-mezbûr
18. DEFTERDÂRLIK-I TIMÂRHA-Đ MAR‛AŞ Dergâh-ı Âli çâvuşlarından Mehmed Çâvuş’a yazıldı.
fî 17 zî’l-ka‛de sene (15.08.)
19. LĐVÂ-Đ SELEMĐYYE
Sâbıkâ livâ-ı mezbûr beyi olan Âli Bey’e şartı mûcebince mukarrer olmak içün yazıldı.
20. LĐVÂ-I SELMÂS
Sâbıkâ livâ-ı mezbûr beyi olan Gazi Bey’e virildi ferde hükmü yazıldı.
fî 27 Za. Sene ihda ve elf (25.08.1593)
21. DEFTERDÂRLIK-I HAZÎNE-Đ BAĞDÂD
Sâbıkâ Bağdâd’ın hazîne defterdârı olan Đbrâhim Efendi’ye mukaddemâ mutasarrıf olduğu sâlyânesiyle virilub ferde hükmü yazıldı.
fî 27 zî’l-ka‛de sene ihda ve elf (25.08.1593)
22. KETHÜDÂLIK-I TIMÂRHA-I VĐLÂYET-Đ KIBRIS
Đç-îl alaybeyisi olan Lütfullah Dergâh-ı Hümâyun’uma ‛arz-ı hâl virub zikr olunan kethüdâlık ricâ itmeğin virilub i‛lâmçün emrî virilmişdir.
fî 19 Za. Sene (17.08.)
23. LĐVÂ-I SARÛ KÛRĞÂN DER SERHADD-Đ TEBRÎZ Sâbıkâ Çâvundur Sancâğı’ndan ma‛zûl Đbrahîm Bey’e virildi.
fî gurre-i şehr-i zî’l-hicceü’ş-şerîfe sene ihda ve elf (29.08.1593)
24. LĐVÂ-I DĐZMÂR
Tebrîz beylerbeyisi mektub gönderub Dergâh-ı ‛Âli müteferrikalarından kendunun Sulbi oğlu olan Süleymân içün kendu ile serhadlerde bile olub bâkî yarar olmağla Dizmâr Sancâğı mahlûldur diyu virilmek ricâsına ‛arz itmeğin iki yüz bin hâslar ile virilmek içün emrî şerîf yazılmışdır.
fî gurre-i zî’l-hicce sene ihda ve elf (29.08.1593)
25. DEFTERDÂRLIK-I HAZÎNE-Đ HALEB Sâbıkâ Şâm defterdârı olan Âli’ye hüküm ki
(…..) ve kemâl-i emânet ve istikâmetine hüsn-i i‛timâd olunmağın hakkında mezîd-i ‛avâtıfı ‛âliyye-yi padişâhım zuhûra geturub iş bu sene
idub i‛lâmı içün (Boş) ta‛yîn olunmuşdur buyurdum ki
Vusûl buldukda kemâl-i emânet ve taraf-ı istikâmet ile Haleb hızâne-i ‛âmirem ve dizdârlığı hidmetinde olub mâl-ı mîrînin tevfîr ve teksîri bâbında mecdusâ‛î olasın diyu hükm-ü şerîf yazılmışdır.
fî evâ’il-i Z. Sene ihda ve elf (02. 09. 1593)
26. VOYVODÂLIK-I EFLÂK
Sâbıkâ Eflâk voyvodâsı olan Patraşko (?) voyvodânın oğlu Yan Mihâl voyvodâya hüküm ki
Hâlâ hakkında mezîd-i ‛avâtıfı ‛âliyye-yi padişâhım zuhûra geturub iş bu sene ihda ve elf zî’l-hicceü’ş-şerîfenin dördüncü gününden Eflâk voyvodâlığını sana tevcîh ve ‛inâyet idub buyurdum ki (Boş)
Vusûl buldukda te’hîr itmeyub Eflâk’a varub kemâl-i emânet ve istikâmetle ve voyvodâlık hidmetinde olub ol câniblerin hıfz ve hırâsetinde ve re‛âyânın zabt ve siyânetinde dakika fevt itmeyesun diyu hükmü yazılmışdır.
fî evâ’il-i Z. Sene ihda (02. 09. 1593)
27. LĐVÂ-I CÂNĐK
Cânik kapû kethudâsı olan Zeynel Âbidîn’e ba‛zı şurûtla tevcîh olunub ferde hükmü yazıldı.
fî gurre-i Z. Sene ihda ve elf (29.08.1593) Şartı ferde mukayyeddir.
(s.5)
28. LĐVÂ-I AKKERMÂN
Sâbıkâ livâ-ı mezbûr beyi olan Mahmûd Bey’e şart ve ta‛ahhüdü üzre virilub ferde emrî yazıldı.
fî şehr-i zî’l-hicceü’ş-şerîfe sene ihda ve elf (09. 1593)
Göri Beylerbeyi’si Mustafa mektub gönderub Göri Kal‛ası’nda yevmi yüz akçe ile hâliyen yemîn ağâsı olan Bayındır içün yarar ve serhaddin kâdimi emekdârlarından olub on beş nefer yarar âdemleriyle üç yıl ağâlık hidmetinde olub envâ‛ yararlığı zuhûr itmişdir diyu Sûruç Sancâğı virilmek ricâsına ‛arz itmeğin aher yerde sancâk olmamak üzre yazılmışdır.
Fî 4 zî’l-hicce sene ihda ve elf (09. 1593)
30. LĐVÂ-I KARAHĐSÂR-I SÂHĐB
Sâbıkâ Basra Beylerbeyi’si olub hâlâ Karahisâr-ı Sâhib Sancâğı’na mutasarrıf olan Ahmed dâme ikbâluhuya hüküm ki
Mukaddemâ Hüdâvendigâr Sancâğı’na mutasarrıfken livâ-ı Karahisâr-ı Sâhib sene ihda ve elf şevvâli’l-mükerremînin yigirmi ikinci gününden ber vech-i mubâdele kenduye tevcîh olunub henüz hükmün ihrâç itmedüğün bildirub zikr olunan Karahisâr-ı Sâhib Sancâğı kendune bir beylerbeyilik ‛inâyet olunca ber vech-i arpâlık tevcîh olunmak bâbında emr-î hümâyûnum talep eyleduğun ecilden buyurdum ki
Livâ-i Karahisâr-ı Sâhib sana beylerbeyilik ‛inâyet olununca ber vech-i arpâlık târihi’l-mezbûrdan mutasarrıf olasın diyu hüküm yazıldı.
fî evâ’il-i zî’l-hicce sene ihda ve elf (02. 09. 1593)
31. LĐVÂ-I ORÛT3
Nahçivân kâdîsı Selâhaddîn mektub gönderub sâbıkâ Orût beyi olan Âli içün yarar ve emekdâr olub u‛ğûr-u hümâyûnumda külli hidmet-i siyâset itmişken yukarı cânibden itâ‛at iden Melîk Âli Hân bilâ emr beylerbeyi mektubuyla livâ-i mezkûru zabt ider diyu giru mukarrer kılınmak ricâsına ‛arz itmeğin mukarrer olmak içün hüküm yazılmışdır.
fî gurre-i zî’l-hicce sene ihda ve elf (29.08.1593)
32. KETHÜDÂLIK-I TIMÂRHA-I HALEB
Sâbıkâ Dû’l-kadriye’nin tımâr dizdârı olan Bekir Halîfe’ye yazılmışdır. fî 18 Z. Sene ihda ve elf (15.09.1593)
3 Revân Eyaleti’ne dahil olan bu sancak Urut ve Orot olarak da zikredilmektedir. Bkz.: F. Kırzıoğlu,
a.g.e., s. 319, 358, 374; Bekir Kütükoğlu, Osmanlı- Đran Siyasi Münasebetleri (1578-1612), Đstanbul, 1993, s. 242, 262.
33. LĐVÂ-I DERTENG TÂBĐ‛ BAĞDÂD Sâbıkâ Zengâbâd4 beyi Ahmed Bey’e hüküm ki
Mukaddemâ Bağdâd Beylerbeyi’si Hızır Paşa mektub gönderub Nihâvend Kal‛ası’na hazîne defterine irsâline bir yarar bey lazım olub ve Derteng hâkimi Arslan Katar’ın bi’l-fi‛il tasarrufunda Derteng Sancâğı’yla iki sancâk dahî olub ber vech-i hidmet lâzım oldukça tâlimden eşka itmeyub Bağdâd divânına geldukde ve sen yarar şecâ‛at-ı şi‛âr ricâsıyla atlu ve cebelûm ve sâ’ir hidmetlim kâdirdir diyu livâ-i Derteng sana virilmek ricâsına ‛arz itmeğin livâ-i mezbûr ihda ve elf zî’l-hiccesinin on yedinci gününden sâbıkâ Zengâbâd hâkimi Ahmed Bey’e tevcîh olunub hükmü yazılmışdır.
fî 17 zî’l-hicce sene ihda ve elf (14.09.1593)
34. LĐVÂ-I ZENGÂBÂD DER BAĞDÂD
Sâbıkâ Çengülü (?) Sancâğı beyi olan Hasan Bey’e virilub ferde hükmü yazıldı.
fî gurre-i zî’l-hicce sene ihda ve elf (29.08.1593)
(s.6)
35. LĐVÂ-I ORD5 TÂBĐ‛ REVÂN
Nahçıvân kâdısı Selâhaddîn ‛arz-ı tevcîhiyle livâ-i mezbûr beyi olan Âli Bey’in üzerinde iken beylerbeyi ahere zabt itdirdukde giru mukarrer olunub hükmü yazılmışdır.
fî gurre-i Z. Sene (Boş) (29.08.(Boş))
36. LĐVÂ-I MUŞ
Kuds-i Şerîf beyi Câ‛fer Bey’e ber vech-i mübâdele virilub ferde hükmü yazıldı.
fî 22 Z. Sene ihda ve elf (19.09.1593)
4 Bağdad Eyaleti’ne bağlı bu sancağı O.Kılıç Zeng-i Abâd olarak belirtmiştir. O.Kılıç, a.g.e., s.71. 5 Revan Eyaleti’ne bağlı sancaklar üzerinde yaptığımız araştırmalarda Ord adlı bir sancâğa rastlamadık. Ancak Ordubâd Sancâğı’nın kısaltılmış bir şekilde yazılmış olabileceğini düşünmekteyiz.
Muş Sancâğı beyi Câ‛fer Bey’e virilub ferdesi yazıldı.
fî 22 Z. Sene ihda ve elf (19.09.1593)
38. DEFTERDÂRLIK-I HAZÎNE-Đ BASRA
(Boş) Sağda (?) Sancâğı ile Lahsa’da mal defterdârı olan Mehmed’e hüküm ki
(…..) ve kemâl-i istikâmetle hüsn-i i‛timâdım olmağın hakkında mezîd-i ´inâyet-i hüsrevânem zuhûra getirub ihda ve elf zî’l-hiccesinin yigirmi
dördüncü gününden hızâne-i ‛amirenin Basra cânibi defterdârlığıyla (…..) defterdâr olanlar mutasarrıf oldukları sâlyâne ve dirlîği ile sana ‛inâyet idub buyurdum ki (Boş)
Vusûl buldukda mu´accelen Basra’ya varub hazîne defterdârı olub mâl-ı mîrînin tevfîr ve teksîri bâbında bezl û makdûr idub âdemin gönderub berâtın ihrâç itduresin.
fî evâhir-i zî’l-hicceü’ş-şerîfe sene ihda ve elf (22. 09. 1593)
39. DEFTERDÂRLIK-I HÂZĐNE-Đ LAHSÂ MÂ LĐVÂ-Đ SAĞDA (?) Hızâne-i ‛âmiremin Basra cânibi defterdârı Muhiddîn dâme ‛uluvvuhuya hüküm ki
Hakkında mezîd-i ‛inâyetim zuhûra getirub ihda ve elf zî’l-hiccesinin yigirmi dördüncü gününden Lahsâ’nın mal defterdârlığı Sağda (?) Sancâğı ile sana ‛inâyet idub buyurdum ki (Boş)
Vusûl buldukda te’hir itmeyub varub livâ-i mezbûr ile hazîne defterdârı olub kemâl-i emânet ve istikâmetle mâl-ı mîrînin tevfîr ve teksîri bâbında bezl û makdûr ve selefi ba-mahzûr eyleyub âdemin gönderub berâtın ihrâç itduresin.
Tahrîren evâhir-i zî’l-hicceü’ş-şerîfe sene ihda ve elf (22. 09. 1593)
40. DEFTERDÂRLIK-I HAZÎNE-Đ ERZURÛM
Sâbıkâ Erzurûm’da tımâr defterdârı olan Mehmed Efendi’ye ze‛âmet ve müteferrikalığıyla virilub ferde hükmü yazıldı.
Tafsîli ferde mukayyeddir.
41. BEYLERBEYĐLĐK-Đ EREŞ
Sâbıkâ Şirvân beylerbeyisi olan Ahmed’e zikr olunan beylerbeyilik ihda ve elf zî’l-hiccesinin ikinci gününden Aydın Paşa tahvîlinden mahlûl kalmakda Eltâğ (?) ve Kula (?) nâhiyelerini ilhâk olunub zikr olunan beylerbeyilik tevcîh olunub i‛lâm içün emr-î şerîf yazılmışdır.
42. LĐVÂ-I KIRŞEHRĐ
Sâbıkâ ‛Alâ’iye Sancâğı beyi olan Ahmed Bey’e tevcîh olunub ferdesi yazıldı.
fî selh zî’l-hicce sene ihda ve elf (26. 09. 1593)
43. LĐVÂ-I NĐĞDE
Sâbıkâ Silistre Sancâğı beyi olan Mustafa Bey’e tevcîh olunub ferde hükmü yazıldı.
fî 28 zî’l-hicce sene ihda ve elf (25.09.1593)
(s.7)
44. LĐVÂ-I ‛ANE VE HADÎSE
Sâbıkâ Cemmâse Sancâğı beyi olan Tâhîr Bey’e müteveffâ babası Mehmed Bey mutasarrıf olduğu üzre virilub ferdesi yazılmışdır.
fî gurre-i muharrem sene isnâ ve elf (27.09.1593)
45. LĐVÂ-I HINIS
Giru hatt-ı hümâyûnla Hamza Bey’e mukarrer olub hükm-ü şerîf yazılmışdır. Bundan akdem Đç-îl beyi olan Âli Bey’e virilub emr-î şerîf yazılmışdır.
fî 7 muharrem sene isnâ ve elf (03.10. 1593)
46. LĐVÂ-I AKÇA (?) TABĐ‛ BASRA
Mukaddemâ Mar‛aş’ın tımâr defterdârı iken bilâ-sebeb ‛azl olunmağla hâlbuki defter kethüdâlığı tevcîh olunub müyesser olmayan Bekir dâme mecdehuya hüküm ki
Hakkında mezîd-i ‛inâyetim zuhûra geturub sene isnâ ve elf muharreminin yedinci gününden (…..) kadrim tek tımâr defterdârlığını giru sana ‛inâyet idub i‛lâm içün (Boş) ta´yîn olmuşdur buyurdum ki
Sene-i evâ’il defterdârlık hidmetinde olub âdemin gönderub berâtın ihrâç itdüresin diyu hükmü yazılmışdır.
fî evâ’il-i muharrem sene isnâ ve elf (01.10.1593)
48. LĐVÂ-I HINIS
Sâbıkâ Đç-îl beyi Âli Bey’e ferde emrî üzerinde hatt-ı hümâyûnla sancâğı mukarrer ola diyu fermân olmağın ferde emrî yazıldı.
fî 7 muharrem sene isnâ ve elf (03.10. 1593)
49. LĐVÂ-I MENTEŞÂ
Sâbıkâ Ohri Sancâğı beyi olan Hasan Bey’e virilub ferde hükmü yazıldı.
fî 10 muharremü’l-haram sene isnâ ve elf (06.10. 1593)
50. LĐVÂ-I SIĞLA
Menteşâ Sancâğı beyi olan Mehmed’e tevcîh olunub ferde emrî yazıldı.
fî 10 muharremü’l-haram sene isnâ ve elf (06.10. 1593)
51. LĐVÂ-I HACREK
Sâbıkâ Hacrek Sancâğı beyi Osmân dâme ‛izzuhuya hüküm ki
Senin içün yarar ve emekdâr olub vilâyetin ber vechle ehl-i vukûf iken bilâ- sebeb ahere virilmişdir diyu giru mukarrer olmak ricâsını ‛arz itmeğin hakkında mezîd-i ‛inâyetim zuhûra geturub iş bu sene isnâ ve elf muharreminin on beşinci gününden Hacrek Sancâğı giru sana ‛inâyet idub i‛lâmçün (Boş) ta´yîn olunmuşdur diyu ferde emrî yazıldı.
52. LĐVÂ-I ÇEMĐŞGEZEK
Dergâh-ı Mu´allâm çâvuşlarından Zeynel Çâvuş’a hüküm ki
Sen Divân-ı Hümâyûn’a gelub Divriği ifrâz-ı Malatya ve çeltük-ü Malatya ve Gerger ve Kâhta ve ze‛amet-i Mustafa Ağâ dimekle ma‛rûf bi’l-fi‛il ne mikdar yük akçe ibrâmet ile livâ-i mezbûr kendune ve çâvuşluğun oğlun Arslan’a olmak şartıyla üç yılı yigirmi bin florî ziyâde ile iltizâm idub ve hâlâ altı yük akçesi hızâne-i ‛amîreye peşin virmeğe müte‛ahhid olduğun ecilden iş bu sene isnâ ve elf muharremi’l-harâmının on ikinci gününden livâ-ı mezbûr şart-ı iltizâmın ve ta‛ahhüdün mûcebince sana ‛inâyet idub (Boş) virdum ki
Te’hir itmeyub müte‛ahhid olduğun altı yük akçe peşini bi’t-tamâm hâlâ hızâne-i ‛amîreme teslîm itdukden sonra sancâğa varub hıfz ve hırâset idub o şart-ı ibrâmın mûcebince mukâta‛âları zabt eyleyub ve tahsîl itdüğün mâl-ı mîrîyi ale’t-tevâlî irsâl itmekden hâlî olmayasın.
53. LĐVÂ-I DĐMYÂT
Đnebahtı Sancâğı beyi Süleyman Bey’e müstahikk olduğu hâslar yed ile tevcîh olmuşdur.
fî 14 muharremi’l-harâm sene isnâ ve elf (10.10. 1593)
54. LĐVÂ-I ĐNEBAHTI
Sâbıka Kârlıili Sancâğı virilub müyesser olmayan Kapûdan Artub Memi’ye virilub ferdesi yazılmışdır.
fî 14 muharremi’l-harâm sene isnâ ve elf (10.10. 1593)
55. LĐVÂ-I GEÇVÂN6 TÂBĐ‛ KARS
Sâbıkâ Livâne Sancâğı beyi olan Girây Bey’e virilub ferde emrî yazıldı. fî 15 muharremi’l-harâm sene isnâ ve elf (11.10. 1593)
6 Kars Eyâleti’ne bağlı bu sancâk, farklı kaynaklarda değişik isimlerle gösterilmiştir. O. Kılıç, okuduğumuz şekliyle belirtmiş ancak F.Kırzıoğlu Keçivân, F. Başar Geçivân (=Cucuvân/ Hoçovân), T. Baykara ve N. Akbayar hem Keçvân hem de Geçivân şeklinde belirtmişlerdir. Bkz.: O. Kılıç, a.g.e., s.67; F. Kırzıoğlu, a.g.e., s. 320 vd.; F. Başar, a.g.e., s.22; T. Baykara, a.g.e., s. 97; N. Akbayar, a.g.e., s. 95.
Kağızmân Sancâğı beyi olan (Boş) Bey’e virilub ferde emrî yazıldı.
fî 5 muharremi’l-harâm sene isnâ ve elf (01.10. 1593)
57. LĐVÂ-I KAĞIZMÂN
Sâbıkâ Đzmir Sancâğı (beyi) olan (Boş) Bey’e virilub ferde emrî yazıldı.
fî 15 muharremi’l-harâm sene isnâ ve elf (11.10. 1593)
58. LĐVÂ-I EL-‛AZÎZ TÂBĐ‛ ŞEHR-Đ ZOL
fî 15 muharrem sene isnâ ve elf (11.10. 1593) Za‛im Murâd’a hüküm ki
Şehr-i Zol Beylerbeyi’si Osmân Paşa mektub gönderub kadîmden Şehr-i Zol‘a tâbi‛ El-´Azîz nâm A‛rab cemâ‛atî eşkıyâ kuttâü’t-tarîk olub ayende ve revendenin mal ve kapanları ğaret ve kendülerine katl ve hasâret idub niçe kimesnelere kâh sancâk ve kâh ze‛âmet ile virilub zabtlarına kâdir olmadıkları ecilden fesâd ve şenâ‛atleri izdiyâd bulduğun ve sen yarar ve şecâ‛atı şi‛âr ve sahib-i ‛aşiret ve ehl-i vukûf olub ol eşkiyânın zabtına ve ayende ve revendenin emîn ve sudmend ile mürûr û ‛ubûruna kâdir olduğun ecilden livâ-ı mezbûru sene isnâ ve elf muharreminin on beşinci gününden iki yüz bin ile sana ta´yîn idub buyurdum ki
Varub zikr olunan sancâğın hıfz ve hırâsetinde olasın diyu yazılmışdır.
(s.9)
59. LĐVÂ-I BOZOK
Sâbıkâ Kengırı Sancâğı beyi olan Hasan Bey’e virilub ferde hükmü yazılmışdır.
fî 17 muharremi’l-harâm sene isnâ ve elf (13.10. 1593)
60. LĐVÂ-I AHALKELEK7
Sâbıkâ Tortûm Sancâğı beyi olan Mustafa Bey’e virilub ferde emri yazıldı.
7 Çıldır Eyâleti’ne bağlı bu sancâk Ahılkelek olarak da zikredilmektedir. F. Kırzıoğlu bu sancâk ismini Akhılkelek ya da Akhal-Kelek olarak belirtmiştir. Đlgili kaynaklar için bkz.: O. Kılıç, a.g.e., s.66; F. Başar, a.g.e., s.22; T. Baykara, a.g.e., s.97, B. Kütükoğlu, a.g.e., s.54; N. Akbayar, a.g.e., s.3. ; F. Kırzıoğlu, a.g.e., s.44,45,85.
61. KETHÜDÂLIK-I DERTER-Đ HALEB
Sâbıkâ Şehr-i Zol’da tımâr defterdârı olan Fazlullâh’a tevcîh olunub ferde hükmü yazılmışdır.
fî 17 muharrem sene isnâ ve elf (13.10. 1593)
62. LĐVÂ-I SULTÂNÖNÜ
Hâlâ Hasankeyf beyi olan Âli Bey’e virilub ferde hükmü yazıldı.
fî 25 muharremi’l-harâm sene isnâ ve elf (21.10. 1593)
63. LĐVÂ-I HASANKEYF
Hâlâ Sultânönü Sancâğı beyi olan Kurd Ahmed Bey’e tevcîh olunub ferde hükmü yazıldı.
fî 25 muharremi’l-harâm sene isnâ ve elf (21.10. 1593)
64. LĐVÂ-I SELEMĐYYE
Sâbıkâ Tarsûs Sancâğı beyi olan Mehmed Bey’e tevcîh olunub ferde hükmü yazıldı.
fî 21 muharremi’l-harâm sene isnâ ve elf (17.10. 1593)
65. LĐVÂ-I BER-KEŞÂD8 TÂBĐ‛ REVÂN
Sürmeli Sancâğı beyi olan Mehmed Bey’e tevcîh olunub ferde hüküm yazıldı. fî 21 muharremi’l-harâm sene isnâ ve elf (17.10. 1593)
66. LĐVÂ-I KABBÂN TÂBĐ‛ BASRA
Sâbıkâ (Boş) Sancâğı beyi olan Abdülbâkî Bey’e hüküm ki
Basra Beylerbeyisi Âli dâme ikbâluhuya mektub gönderub hala Kabbân Sancâğı beyi olan mir Hüseyîn’i Basra kulları katl itmekle livâ-i mezbûr mahlûl olub ve senin içün yarar ve şecâ‛âtı şi‛âr olmağla iki yüz nefer atlu ile livâ-i mezbûr muhâfazasına gönderilmişdir diyu ‛inâyet ricâsına ‛arz itmeğin hakkında mezîd-i
8 Bu sancak, aynı zamanda Bergüşad/Bergüşat/Berguşat/Berküşâd adlarıyla da anılmaktadır. Đlgili kaynaklar için bkz.; F. Kırzıoğlu, a.g.e., s. 172,319; F. Başar, a.g.e., s.25; B. Kütükoğlu, a.g.e., s.264.
Sancâğı sana ‛inâyet idub i‛lâmçün (Boş) ta´yîn olmuşdur buyurdum ki
Te’hîr itmeyub varub livâ-i mezbûrun hıfz ve hırâsetinde olub âdemin gönderub emr-i berâtın ihrâç itdüresin diyu hüküm yazıldı.
fî et-târihi’l-mezbûr
(s.10)
67. LĐVÂ-I KÛR(Û)NA TÂBĐ‛ BASRA
Sâbıkâ Amâsya Sancâğı beyi olan Đbrâhim dâme ‛izzuhuya hüküm ki
Basra Beylerbeyi’si Âli dâme ikbâluhu mektub gönderub hâlâ Basra’ya tâbi‛ Kûr(û)na Sancâğı beyi olan Ahmed’i Basra kulu katl itmekle livâ-i mezbûr mahlûl olub ve senin içün yarar ve şecâ‛ât-ı şi‛âr olmağla livâ-i mezbûr muhâfazasında gereği gibi hidmetini eylemişdir diyu ‛inâyet ricâsına ‛arz itmeğin hakkında mezîd-i ‛inâyetim zuhûra geturub iş bu sene isnâ ve elf muharreminin yigirmi birinci gününden Kûrûna Sancâğı sana ‛inâyet idub i‛lâm içün (Boş) ta´yîn olmuşdur buyurdum ki
Livâ-i mezbûrun hıfz ve hırâsetinde olub âdemin gönderub berâtın ihrâç itdüresin.
68. LĐVÂ-I HARPRÛT
Sâbıkâ Aydın Sancâğı beyi olan Sehrâb Bey’e virilub ferde hükmü yazıldı. fî 21 muharrem sene isnâ ve elf (17.10. 1593)
69. LĐVÂ-I SULTÂNÖNÜ
Livâ-i mezbûr beyinin vefâtı haberi gelub mahlûl olmağın sâbıkâ Çemişgezek Sancâğı beyi olan Piyâle Bey’e virilub ferde hükmü yazıldı.
fî 24 muharrem sene isnâ ve elf (20.10. 1593)
70. LĐVÂ-I MĐCĐNGERD9
Sâbıkâ Erzurûm’da defter kethüdâsı olan Kara Nûh oğlu Mehmed’e virilub ferdesi yazılmışdır.
9 Erzurum Eyaleti’ne bağlı bu sancak, Micingird, Mıcıngerd, Mecingerd, Mecimgired olarak da bilinmektedir. Bkz.:F. Kırzıoğlu, a.g.e., s. 165; F. Başar, a.g.e., s.21; N.Akbayar, a.g.e., s. 118.
71. LĐVÂ-I CEBELE
Beyrût Sancâğı beyi mîr Yûsuf dâme ‛izzuhuya hüküm ki
Trablusşâm Beylerbeyi’si Ca‛fer mektub gönderub Trablusşâm’a tâbi‛ Cebele ve Lâzkiye mukâta‛âtı beş altı yıldan beri Kör Emîr Âli nâm kimesne zimmetinde senevî yigirmi sekiz bin florîye olub lakin mertebe-i ‛isyân ve tuğyân üzere olmakda her sene bir akçe dâhil itmedügünden ğayrı havâss-ı hümâyûn karyelerin harâb idub min ba‛d akçe hâsıl olmakda îmdi münkatı‛ olmağla zikr olunan mukâta‛âta kimesne tâlib ve rağib olmayub ve senin içün ba‛zı şurûtla ve Cebele Sancâğı kendüne olmak şartıyla mukâta‛ât-ı mezbûrenin asıl isrâsından her sene iki bin florî ziyâde ile kabul idub ve havâss-ı hümâyûn karyelerin ma‛mûr ve abâdân eyleyub ve mâl-ı bekâyadan her sene otuz bin florî dahîl-i hazîne idesin ki cem‛ân bir senede ‛atîk ve cedîdden altmış bin florî olur diyu ta‛ahhüd eyledüğün bildirmeğin hakkında mezîd-i ‛inâyetim zuhûra geturub iş bu sene isnâ ve elf muharreminin yigirmi altıncı gününden mutasarrıf olduğun hâsların bedeliyle Cebele Sancâğı’nı şart û ta‛ahhüdün mûcebince sana ‛inâyet idub i‛lâm içün (Boş) olmuşdur buyurdum ki
Te’hîr itmeyub varub sancâğının hıfz ve hırâsetinde olub atîk ve cedîdden müte‛âhhîd olduğun altmış bin florîyi Trablusşâm hazînesine bî-kusur teslîm idub imhâl ve müsâheleden hazer idesin ve mu‛accelen âdemin gönderub berâtın ihrâç itduresin.
fî evâ’il-i muharrem sene isnâ ve elf (01.10. 1593)
72. LĐVÂ-I BEYRÛT
Dergâh-ı Mu‛allâm müteferrikalarından Âli zîde mecdehuya hüküm ki Beyrût beyi iken hâlâ Cebele Sancâğı ‛inâyet olunan mîr Yûsuf dâme ‛izzuhu ba‛zı şurûtla Beyrût Sancâğı ‛inâyet olmak şartıyla Cebele Vilâyeti’nin mukatâ‛âlarından ziyâde ile kabul itmeğin sonra mezîd-i ‛inâyetim zuhûra geturub iş bu (sene) isnâ ve elf muharreminin yigirmi altıncı gününden Beyrût Sancâğı’ndan iki yüz bin hâslar ile sana ‛inâyet idub buyurdum ki
Te’hîr itmeyub varub sancâğın hıfz ve hırâsetinde olub âdemin gönderub berâtın ihrâç itduresin.
73. LĐVÂ-I AMASYA
Cebele Sancâğı beyi Süleymân dâme ‛izzuhuya müstahikk olduğu hâsları bedeli ile tevcîh olunub ferde hükmü yazıldı.
fî 26 muharremi’l-harâm sene isnâ ve elf (22.10.1593)
74. KAPÛDÂNLIK-I ÖZÎ
Tersâne-i ‛Âmîre re’îslerinden otuz sekiz akçe ‛ulûfesi olan Abdul Cebbâr oğlu Kurd’a tevcîh olmak içün Kapûdân Paşa’ya hükm-ü şerîf yazılmışdır.
fî evâhir-i muharrem sene isnâ ve elf (21.10.1593)
75. BEYLERBEYĐLĐK-Đ TĐFLĐS
Sâbıkâ (Boş) Sancâğı beyi olan Abdurrahmân Bey’e virilub ferde hükmü yazıldı.
fî 26 muharrem sene isnâ ve elf (22.10.1593)
76. LĐVÂ-I SAFED
Sâbıkâ hızâne-i ‛âmirenin bu sene Bosna defterdârı olan Sinân’a tevcîh olunub hükmü yazıldı.
fî 27 M. Sene isnâ ve elf (23.10.1593)
77. LĐVÂ-I ‛ACLÛN
Sâbıkâ (Boş) Sancâğı beyi olan Mansû(r) Bey oğlu Ahmed dâme ‛izzuhuya hüküm ki
Mektub gönderub livâ-ı mezbûr giru sana ‛inâyet olmak üzre beher sene mukâbele-i müşârün ileyhe yigirmi bin altun virmeğe müte‛ahhid olduğun ecilden hakkında mezîd-i ‛inâyetim zuhûra geturub iş bu sene isnâ ve elf muharreminin yigirmi