Beyâne hâcet olmadığı üzre Tanzîmât-i Hayrıyenin asl-ı iĢ esâsı sâye-i mu„adelet-vâye-i mülükânede vedi„am-i cenab-i kibriyâ olan ibâdullâhın kâfe-i mezâim ve ta´addîyâtdan vekâyeleriyel her bir Ģahsın vâkı´ olacak idda ve iĢtikâllerinde muhâkeme-i seri„iye ve kânûniyenin icrâsıyla ber müktezâ-yi Ģer´-i Ģerîf ev kânûn-i
92
münîf tertîb idecek hükm e icaz icrâ olunarak tarafının bir diyeceği kalmamakdan ibâret olub bu ise lillahi‟l-hamd ve ve‟s-sena bidâyet-i tanzimât-i hayriyeden bu ana kadar icrâ olunarak hiç fert hakkında muhâkemesiz cezâ icrâ olunmamıĢ ise de Tanzimât-i hayriyeden mukaddem vukû´ bulan bazı harekât-i nâ marziyeye mebnî belki bu misillü harekâtın vukû´ bulmak hatvesiyle fimâ bâ´d kâfe-i müĢîrân-i a´zâm haderâtı taraflarından bu maddeye kemâliyle dikkat ve nezâret bin muhâkemesiz hiçbir mahalde bir mâ[dde] görülmeyerek ve siyaset-i zülmiyeden begayet tehaĢĢî kılınarak bi'l- cümle husûsâtın kânûnnâmem-i hümâyûne terfiken ber nahc-i Ģerhi icrâ olunması husûsına irâde-i mu´adelet ifâde-i Hazreti PâdiĢâhî müte´allık buyurulmuĢ ve ol bâbda Ģeref-pirâyi vusûl olan emirnâne-i sâmî cenab-i sadâret-penâhî mûcebince sûret-i irâde-i aliyyu‟l-vâye-i sâire kâimmekâmlarına buyurulmuĢ olmağla zât-i atûfetleri dahi takîdâd-i kâmilenin ahir icrâsıyla VirânĢehir sancağı kazâlarında zinhâr hilâf-i usûl-i müstahsene hâlât vukû´a geturilmemesine ve siyâset-i zülmiyeden begâyet ictinâb birle muhâkemesiz bir mahalde hiçbir madde görülmemesine mezîd i´tinâ ve himmet buyurulmak siyâkında Ģukka-i mahsûsa tahrîr ve tesyîr kılındı
Fî 7 rebî u‟l-evvel sene 58
VirânĢehir bâzârı kazâsı müftisi Sâlih Efendi'nin kıbeli't- Tanzîmât vüzerâ-yi a´zâm hazeratı taraflarından bâ buyuruldı-yi mahsûs olan Ģehriye elli guruĢ maâĢ tanzîmât-ı hayire iktizâsınca bi'l- kat´ı Ģehriye yüz elil guruĢ muamaĢ ile kazâ-i mezkûr meclisine a´zâ ta´yîn kılınmıĢ ise de mu‟ahharan ve hâl-i tahammüline göre virgüsinin ahz ve istihsâli lâzım geldiğine ve mûmâ ileyh fakîru‟l-hâl ve kesîru'l- i´yâl olarak Ģâyeste-i ürmet bulunduğına mebnî sıdk-ı ser isâbet efser-i mülûkâne olmak üzre mûmâ ileyhe muhassıllek emvâlinden Ģehriye yüz guruĢ maâĢ tahsîsi lede'l- insa emsâli vecihle tesviye-i icabına bakılmak üzre mâru‟l- beyân mahsûs olan elli guruĢ maâĢın sûret-i tahsîsini mübeyyin yedinde olan buyuruldının irsâli cenâb-ı nezâret-i celîle-i mâliyeden iradm- iĢ´âr buyurulmuĢ olduğından buyuruldı-i mezkûr mûmâ ileyhden ahz ve esırrâ ve icrâ-yi icâbı VirânĢehir meclis-i tarafından inhâ olunmuĢ ve bu mekûle vülât-i a´zâm hazerâtıyla mütesellimîn taraflarından bâ buyuruldı.
Ta´yîn olunan maâĢlar tanzîmât-i hayrıye usûl-i mehâsin tevâlî muktezâsınca emvâl-i mezkûreden i´tâ olunageldiği kuyûdden nümâyân olmak hasebiyle ber mûceb-i buyuruldı mûmâ ileyhin mahsûs olan sâlifu'z- zikr elli guruĢe maâĢının iĢbu elli sekiz senesi martından i´tibâren mâh be mâh yedinden sened ahzıyla VirânĢehir sancağı
93
emvalinden mûmâ ileyhe i´tâsı bu def´a bâ emirnâmem-i sâmî Hazret-i vekâlet penâhî emr ve ebzâr buyurulmuĢ olmağla maâĢ-i mezkûri mâh be mâh mûmâ ileylhi bi'l- îfâ senesi hitâmında irâd ve mesârifinin icrâsiyçun bundan ahz ve istifâ olunacak senedâtın tarafımıza tesyîr esırrâsi husûsına himmet buyurulmak siyâkında Ģukka-i mahsûsa tahrîr ve tesyîr kılındı.
Fî 7 rebî u‟l-evvel sene 58
ĠĢbu rebî u‟l-evvel gurresinden i´tibâren mesârifât hazînesinin müstakilen idâresi karârgîr olduğı ecilden bi‟l- cümle âsâkir-i manzume ve redîf ve mutazammine ve yerlu topçularına Ģehr-i mezbûrde verilen maâĢ ve ta´yînatın defteri baĢkaca tutularak sürat-i irsâli müktezâ-yi irâde-i seniyyeden bulunmuĢ ve keyfiyet evliye-i sâire kâimmekâmlarına ve savb-i atûfetlerine bildirilmiĢ olduğından ol vecihle iktizâsına himmet buyurulacağı derstâr ise de mahallinde defter-i mezbûrun b tanzîm ve irsâli ay baĢılarının bi't- tâbi´ biraz uzamak ve Der-sa´âdetde aklâmı dolaĢub senedâtının tanzîmi dahi vakte muhtâc olub hazînece mahsûbinin icrâsı tâbi´ kesb-i te'hîr itmek lâzım geleceğinden mahsûbinin sür„at-i icrâsıyla senedinin vaktiyle esırrâsında medârm-ı suhûlet olmak içun beher ay gerek âsâkir-i mansume ve lâyıka ve gerek muntazam ve yerlu topçularına maâĢ ve ta´yînât bâhâ olarak emvâl-i hazîneden her kaç guruĢ sarf ve i´tâ olunur ise ay baĢı olduğı gibi ale‟l- hesâb suretinde olarak me'mûrleri yedinden bir kıt´a sened ahz ve istihsâl olunarak evvel bâ evvel irsâl ve defter-i lâzimesinin dahi ba´de'l- bi'l- ikdâm tanzîm ve irsâli husûsı bu def´a taraf-ı eĢref-i nezâret-i mâliyeden bi't- tahrîrât sened iĢ´âr buyurulmuĢ ve iktizâsi lâzım gelenlere tahrîr ve ezbâr kılınmıĢ olmağla me'mûr idâresi oldukları kazâlarda sınufen-i manzûme ve redif-i askeriyeye karĢu Ģehrm-i rebî u‟l-evvel gurresinden i´tibâren emvâl-i hazîneden verilen maâĢ ve ta´yînatın a baĢında ale‟l- hesâb sûretiyle me'mûrleri yedinden memhûr sened ahz ve istifâ olunarak bilâ Tevfîk serî´an ve âcilen savb-i meclise tesyâr ve maâĢ ve ta´yînât-i mezkûrun i´tâsı târîhini izâhen bi't- tahrîrât iĢare var ise uzadılmıĢ redif defter-i lâzimesini dahi tanzîm ve esbâl himmet ve ba´demâ ve ber minvâl-i meĢhûr senedât-i lâzimenin evvel be evvel serî´an defterlerinin mute„âkıben esırrâsıyla târîh i´tâsının tahrîr ve enbâsına sarf-ı rü'yet buyurmaları sıyâkında Ģukka mahsûs tahrîr ve tesyîr kılındı.
94
Devlet-i aliyye teba´asından Zaferanborlı‟ya tâbi´ Debbâğlar karyesi mütemekkinlerinden Eminönü‟nde mavnacı olub hilâf-i rızâ-i âlî harekete cüret iden Hüseyin nâm veledi Hüseyin bu def´a Der-sa´âdet‟den Zaferanborlu‟ya azîmet ideceğnden esnâ-i râhda zabtiye me'mûri vesâire taraflarından murûrine mümâna„at olunmamak evledel iktizâ ianet ve himâyet kılınmak bebanıd iĢbu murûr tezkiresi verildi.
Fî 2 cemâziye'l- ahir sene 58
Metin-i tezkerede muharreru'l- esâmi Hüseyin‟nin Der-sa´âdet‟de hilâf-i rızâ-i âlî harekete cüret itmiĢ olmasından nâĢî fima ba´d bâ emirnâmem-i sami der-sa´âdet gelmesi irâde buyurulmadıkça saliverilmemek Ģartıyla vilâyetine def´-i irâde-i seniye iktizâsından ulunmuĢ olmağla ol vecihle merkumun keyfiyet-i tezkiresini memleketi siciline dahi kayd ve iĢâret olunmak içun iĢbu mahalle Ģerh verilub temhir olundı. Fî 2 cemâziye'l- ahir sene 58
Devlet-i aliyye teba´asından Zaferanborlı kazâsında Yörük karyesi mütemekkinlerinden Üsküdar iskelesi mavnacılarından olub hilâf-i rızai- âlî harekete cüret iden ibraihm nâm veledi Halîl bu def´a Der-sa´âdet‟den ÇerkeĢ kazâsına azîmet ideceğinden esnâ-i râhda zabita me'mûri vesâire taraflarından murûrine mümâna„at olunmamak ve lede'l- iktizâ i„ânet ve himâyet kılınmak bâbında iĢbu murûr tezkiresi verildi.
Fî 29 rebî u‟l-evvel sene 58
Metin-i tezkirede muharreru'l- esâmi Ġbrâhîm‟in Der-sa´âdet‟e hilâf-i rızâ-i âlî harekte cüret eylemiĢ olmasından nâĢî fimâ bâ´d bâ emirnâme-i sami der-sa´âdete gelmesi irâde buyurulmadıkça salıverilmemek Ģartıyla vilâyetine def´i irâde-i seniye iktizâsından bulunmuĢ olmamkla ol vecihle murûrun keyfiyet-i mezkûresi memleket siciline dahi kayd ve iĢâret olunmak içun iĢbu mahalle Ģerh verilub temhîr olundı. Fî 29 rebî u‟l-evvel sene 58
Devlet-i aliyye teba´asından Zaferanborlı‟ya tâbi´ Akviran karyesi mütemekkinlerinden mavnacı esnâfından olub hilâf-i rızai- âlî hareketeine mebnî vilâyetine def´ i lâzım glen Mustafâ nâm veled Hasan bu def´a Der-sa´âdet‟den Zaferanborlı kazâsna azîmet ideceğinden esnâ-i râhda zabita me'mûri vesâire
95
taraflarından murûrine mümâna„at olunmamak ve lede'l- iktizâ i„ânet ve himâyet kılınmak bâbında iĢbu murûr tezkiresi verildi.
Fî 28 rebî u‟l-evvel sene 58
Metin-i tezkirede muharreru'l- esâmi Mustafâ‟nın Der-sa´âdet‟e hilâf-i rızâ-i âlî harekte cüret eylemiĢ olmasından nâĢî fimâ bâ´d bâ emirnâme-i sami der-sa´âdete gelmesi irâde buyurulmadıkça salıverilmemek Ģartıyla vilâyetine def´i irâde-i seniye iktizâsından bulunmuĢ olmamkla ol vecihle merkumun keyfiyet-i mezkûresi memleket siciline dahi kayd ve iĢâret olunmak içun iĢbu mahalle Ģerh verilub temhîr olundı. Fî 28 rebî u‟l-evvel sene 58