Belge 1/1
Bestâni Mahallesinden Mehmet Ağa bin Mahmud Mahalle-i mezbûre ahalisi mahzarında ikrâr idüp avarız vakfından yüzon esedi kuruş deynim vardır deyü ikrâr Fi 16 Muharrem 1092
Şuhûdü’l- hâl
Yahya Halife, Ahmet Halife, Ebubekir Halife, Yazıcı Mehmed , Abdullah ve Hüseyin ve Ali Beşe ve Mehmed ve Đsa meblağ-ı mezbûr mukabelesinde mahalle-i mezbûre de vâki mülk ve zirhanemi rehin vaz’eyledim deyû kayd.
Belge 1 / 2
Ferid Baş zâde Es-Seyyid Hacı Abdürrahim Efendi Ankara’ya naib olmağla Şa ‘ban bin Ali nam kimesneyi yevmi iki akçe vazife ile Çınar Ahmed Paşa Camiinde hitabet etmek üzre hıreflerinden kaim makam eylediği kayd.
Fi 24 Muharrem 1092
Belge 1 /3
Hubbas Kaya ? Zâde fahrü’l-kuzât Mehmed Efendi Haramiz ( ? ) Hisar nâm karye kurbunda bir re’s deve bulup getirdüler sahibi zuhur idinceye deyin nafaka takdir olunsun dedikte yevmi on beşer akçe nakdi olunduğu kayd.
Fi 28 Zilhicce 1091
Belge 1 / 4
Hacı Doğan Mahallesinden Mehmed bin Hacı Bey...Zilhicce-i Şerifesinini yiğirmidördüncü gününden Muhzır Başı ma’rifetiyle
Belge 1 / 5
Nartaşon ( ? ) nam bikr-i baliğa şeref-i Đslam ile müşerrefe olub Saime nam tesmiye olunub Es-Seyyid Mehmed Çelebiye teslim olunduğu kayd.
9 Zilhicce 1091 Belge 1 / 6
Es-seyyid Đbrahim Çelebi Kapucuzâde Efendinin değirmeni harkını bahar vaktinde tathir olunmağa ta‛ahhûd idüb onlar dahi kabul eylediler deyû Đbrahim Çelebinin kethüdaları Halil Çelebi muvacehesinde ikrarı kayd.
10 Şevval 1091
Belge 1 / 7
Kızıl Beğden Hasan Beşe ibn-i Ali ve Ahmed Beşe bin Hızır nam kimesneler Ali Beşe ibn-i Şa ‘ban nam kimesneyi Yan Ova nam mevzi ‘de mecrûh olub kurbünde olan --- iki buçuk gün mukaddem mecrûhan vefat eyledi deyu kayd edildi
Belge 2 / 1
Kızıl Beğde vefat eden Mehmed’in veraset-i zevce-i Metrûkesi Hûri bint-i Hızır ve validesi Fatıma ve sulbiye kızı Ayşe ve Asiya nam sağirelere münhazıra oldukdan sonra mezburenin karındaşı ( boş ) mahzarında 3 yastık ve 1 döşek ve 1 yorgan --- 1 darayı kaftan cümle da‘vadan fariğa olub on guruş---? vesair zimmetine mütealika hukuktan zimmetini ibra ve iskad eyledim. Fi 9 Muharrem 1091
Şuhûdü’l- hâl
Mahmud bin Ahmed , Hacı Ali bin Ahmed, Đbrahim bin Ali
Belge 2 / 2
Tosbağa nam karyede sakin Hüseyin Ağa bin Kara oğlu Mehmed Ağanın zevcesi Neriman bint-i Abdullah kendi tarafından asalete ve sadri oğlu Mehmed ve sadriye kızı Emine nam sağirlerin kıbel-i şer ‘den mansûbe vasileri olmağla vesayeten mahfil-i kazada Ahmed Çelebi ibn-i Mustafa mahzarında dava ( Đdüb )zevcim mezbur Hüseyin Ağanın hayatı ve mematı nâ ‛ma‛lûm olmağla mal-ı sarihinden olup iş bu mevcûd-ı bilmeclis bir sim kılıç ve bir sim hançer ve bir sim---ve iki güğüm ve bir
hararı mezbur Ahmed Çelebi külli ihtiyacım olduğundan binaen.? ahz murad ederim dedikde mezbur Ahmed kırk kuruş hakkım mukabelesinde on sene mukaddem vaz’ eyledi didikde gıbbe’l-inkar Mehmed Halife bin Mustafa vech-i muharrer üzere ve Delal Başı Đbrahim---hakkı olduğuna şahidleriz. Kayd-ı mezbûru Ahmed Çelebi yedinde olmağın ma hüvel vaki’ .
Fi 21 Safer 1092
Belge 2 / 3
Arslan Zade Salih Efendinin Hanı iş bu bâ‘isül-mahrûf Molla Arif isticâr eylediğini mahallinde kayd.
Belge 2 / 4
Yahudi Taifesinden Musa Veled-i Salamon nam yahudi mahfil-i kazada zevcesi Sara bint-i---Yahudiye tarafından babası mezbur Haydar mahzarında ikrâr idüb tarih-i kitabdan iki sene mukaddem diyâr-ı aherden dönmez isem zevcem mezbure Sara benden boş olub nefsini ahere tezvic eylesin didikda gıbbû’t-tasdik
29 Receb 1092
3. varak yazılmamış veya çıkmamış olduğundan transkiripsiyonu yapılamadı.
Belge 4 / 1
Medine-i Ankara civarında Etlik Yakası demekle mâ‛rûf mevzi‛de vaki‛ bağlar ahalisinden Veliyüddin Efendi ve Yusuf Efendi ibn-i Abdullah nam kimesneler meclis-i şer‘a gelüb herbiri takrir-i kelam ve bast-ı merâm idüb zikr olunan mevzi ‘de Şa‘ban ve Hızır nam kimesnelerin bağları mabeyninde medine-i mezbûre mahallatından Kırış Mahallesi sükkanından Es-seyyid Mehmed bin Musli nam kimesne tarih-i kitab gicesi ba‛del ‘işa cerihan maktül bulunmuşdur . Kıbel-i şer ‛den üzerine varulub keşf ve muayene olunmak matlubumuzdur dediklerinde savb-i şer‛ kadimden Mevlâna Mehmed Efendi irsal olunub ol dahi medine-i mezbûre mütesellimi Fahrü’l-emacid vel- ekarim Mehmed Beğ tarafından husus- ı mezbûra mübaşir ta ‘yin olunana Sefer ibn-i Handan ve zeyl-i vesikada mektûb’ul-esâmi-i müslimin ile mevzi‛i mezkûre varub
cerh-i mezbûr es-Seyyid Mehmed’i keşf ve mezbura nazar eylediklerinde başının ard mevziinden bıçak yarası olub mezburân Şa ‘ban ve Hızırın bağları canibinde cerihan mezbûr Es-Seyyid Mehmed’i maktul bulunduğunu ba ‘del keşf vel-mu ‘âyene vâki‛-i hâl Mevlâna mezbûr mahallinde huzur-ı müslimin de ketb ve tahrir ba ‘dehû mean ba’s olunan muhzır Ahmed bin Ali ile meclis-i şer’a gelüb ala vukua inha ve ihbar etmeğin ma hüve’l ketbolundu.
5 Şa ‘bân 1091
Belge 7 / 1
Medine-i Ankara’da Mihr-i Yâr Mahallesinden Serkis Veled-i Marad nam zımmi meclis-i şer’a gelüb takrir-i kelâm idüb car-ı mülasıkım olan Andon Veled-i Pedros nam papazın mülkü fevkâni odasıyla benim mülk-ü tahtani odamın mabeyninde setre ve câil olmamakla mezbur Andon’un havale ve zararı vardır. Havale-i mezkureyi def ‘i içün zikr olunan tahtani odamın divarı üzerine havale divarı bina eylemek murad eylediğimde mezbur Andon mani ‘ olur kıbel-i şer‛den üzerine varulub keşf ve tahrir olunmak matlubumdur didikde kitab-ı mahkemeden Mevlâna Osman Efendi irsâl olunub oldahi hassa mimarlarından üstad Ömer bin Mehmed ve sayir zeyl-i sahifede mestûrü’l-esami olub ebniye ve sükufe vukufu olan kimesneler ile mezbûrânın menzillerine varub ilkây-ı nazar eylediklerinde fil’vâki ‘ merkûm Andon papasın mülk-i feskâni odasıyla mezkur Serkis’in tahtani odasının mabeyninde setre ve hail olmamağla tarafeyne zarar ve havale olduğu zahir ve mütebeyyin olmağın mezbûr Serkis’in zikr-i sabık eden tahtani odasının divarı üzerine havale bina olundukda tarafeynin havalesi def olur deyu icmâ ‘ ve ittifâken haber virdiklerini Mevlânayı mezbûr mahalinde tahrir ba ‘dehû meclis-i şer’a gelüb ‘alâvuku ‘a inha ve takrir etmeğin ma –hüve’l vâki‛ bit- taleb ketb olundu.
20 Receb sene 1091 Şuhûdü’l- hâl
Usta Ebubekir bin Hasan ,Mehmed bin Ali ,Abdülkadir bin Hüseyin, Musli bin Mustafa Dede , Ali el-muhzır, Ohannis Veled-i Bağos, Kara Benit Veled-i Maydros, Agob Veled-i Asradi, Arton Veled-i Bâli
Belge 7 / 2
Medine-i Ankara’da Bâbâni ( ? ) Mahallesi sükkanından iken bundan akdem vefat eden El-hac Yakub’un verâseti zevce-i metrûkesi Emine nam hatun ile sulbi kebir oğlu Đsmail münhasıra olduğu şer ‘an zahir oldukdan sonra mezbûr Đsmail kendi asalete ve mezbûre Emine tarafından husus-ı âtiyü’l-beyânı ikrara sabit’ül-vekâle vekili olmağla vekâlete mahfil-i kazada ba ‘isü’l-kitâb Hasan ve Mehmed ibn-i Oruç nâm karındaşlar mahzarlarında ikrâr ve takrir-i kelâm idüb mûrisemiz müteveffâ-i mezbûr El-hac Yakub tarih-i kitabdan üç sene mukaddem hâl-i hayatında ve kemâl-i akl ve sıhhatinde selk-i mülkünde münselik olub Ekinci Mahallesinde vaki bir tarafdan Biberli ve bir tarafdan Münakkas oğlu nam kimesneler mülkleri ve iki tarafdan tarik-i ‘am ile mahdud mülk havlısını mezbûrân Hasan ve Mehmede alel-iştirâk ledi’l-evâni iki esedi kuruşa baten bey‘ ve teslim ve ahz-ı semen eyleyüb mahdud-ı mezkûr havlı mezburanın mülk-ü müşterâları olub bir vecihle alâka ve müdehalemiz yoktur zikr olunan havlıya müteallika dava ve niza ‘ sadır olursa ledi’l-hükkâmü’l-kirâm istima ‘ olmasun didikde gibbü’t-tasdik kayd olundu.
20 Receb 1091
Belge 8 / 1
Medine-i Ankara mahallatından Konurca Mahallesinde sakin Hüseyin bin Abdullah nâm kimesne meclis-i şerifde kendüye rıkkını mu ‘terif olan iş bu orta boylu açık kaşlı Ru’sül-asl müsellimü-l mille bâ ‘isü’l-kitab Yusuf ibn-i Abdullah nam ğulâm mahzarında bi-t-tav‘is-sâf ikrâr ve i ‘tiraf idüb mezkur Yusuf’u hasbeten-lillahi’l-azim malından i ‘tâk’-ı şeriyye eyledim hâzel-yevm mevsûb-ı mezbur Yusuf Sair ahrar-ı asliyyin gibi hür olub üzerinde ( hakk-ı )velâdan gayrı hakkım kalmadı dedikde ma- vak’a bit-taleb ketb olundu .
22 Recebü’l müreceb 1091
Belge 8 / 2
Medine-i Ankara’da Dibek Mahallesi sükkanından bâ‛isü’s-sifr Arton Veled- i Evhamis nam zimmi meclis-i şer‛ gelüb takrir-i kelâm idüb mahalle-i mezburede vâki‘ mülk menzilimin zükakkapısı üzerinde olan fevkâni oda ve sayırgâhım harâbe müşrif olmağla kal ‘ idüb yerine yine bir fevkâni oda bina eyleyüb lâkin iki tarafına ve köşe yerine mu ‘tâd-ı kadim üzre sundurma bina eylediğimde bazı kimesneler mani
olurlar kıbel-i şer ‘den üzerine varılub keşf ve tahrir olunmak matlubumdur dedikde kitab-ı mahkemeden Mevlâna Osman Efendi irsâl olunub oldahi hassa mimarlarından üstâd Ömer bin Mehmed vesâyir ebniye sükûfa vukûf olub zeyl-i sahifede mestûrü’l- esâmi olan müslimin ile menzil-i mezkûrun üzerine varub ilkây-ı nazar eylediklerinde mezbûr Artonun müceddeden bina eylediği sundurmanın tarik-i‘ âm‘a ve civârına asla zararı yokdur deyû bil-icma‘ihbâr eylediklerini Mevlâna mezbûr mahallinde tahriri ba ‘dehû meclis-i şer‘a gelüb me‘an ba‘s olunan Mehmed Çelebi nam kimesne ile ‘alâ vukû ‘a inha etmeleri ile ma-hüve’l-vâki bit-taleb ketb olundu.
Hurrire Fil-yevm 20 Receb 1091 Belge 8 / 3
Medine-i Ankara’da Tiflis Mahallesi ahalisinden Arton ve Karabit ve Yafos ve Bedros ve Hadibar ve Zacik ve diğer Karabit nâm zimmiler ve sağireleri mahfil-i kazada bâ‘isü’l kitâb el-hâc Mustafa bin Mehmed ve Halil nâm kimesneler mahzarlarında her biri ikrâr ve takrir-i kelâm idüb mezbûran el-hâc Mustafa ve Halil’in hâne-i avarızımıza bağlu olmağla evâmir-i şerife ile varid olan tekâlif-i divâniyeden mülklerine göre salyâne teklif eylediğimizde virmekde ta‘allül üzre olmaları ile beynimizde münazeât-ı kesire vakı’a olmuş idi el-halet-i hâzihi mezbûranın her birinden dörder esedi kuruşu ahz ve kabz eyledik meblağ-ı mezburu ba‘del-istirbâh hasıl olan nemasını mezburların ol dükkanında olan--- içün tekâlif-i divâniye cami‘ine edalu teslim idüb min‛ ba‛d mezburlardan salyâne teklif etmemek üzre cümlemiz ahd ve misâk eyledik dediklerinde gibbü’t-tasdik mâ-hüvel-vâki‛ bit-taleb ketb olundu. 22 Receb 1091
Belge 9 / 1
Medine-i Ankara’da Konurca Mahallesinde sakin Mustafa bin Ahmed nam kimesnenin ecir hassı olub bundan akdem vefat eden Süleyman nam şâb emredin veraseti validesi Hanabola ( ? ) binti Osman nam hatun ile babası Mehmed bin Beğdemir nam kimesneye münhasıra olduğu şer ‘an zahir ve mütebeyyin oldukdan sonra mezbûr Mehmed kendi canibinden asalete ve zevcesi mezbûre Hanabola tarafından husus-ı âtiü’l-beyanı ikrâra vekil olub vekâleti zât-ı mezbûreyi ma‘rifet-i şer‘iye ile ârifan olan Mustafa bin Zülfikâr ve Đvaz bin Mehmed şehadetleri ile şer ‘an sabite olmağla vekâlete mahfil-i kazada bâ‘isü’l-kitâb mezbûr Mustafa mahzarında
ikrâr ve takrir-i kelâm idüb oğlum mezbur Süleyman mezbur Mustafa’nın ecir-i hâssı olmağla mezbur Mustafa sakin olduğu menzilde vaki‛ her bâr içine giren kimesneler havasından boğulub helâk olduğu mütebeyyin olub tehlike olan su kuyusuna sakıt olan bakraca girüb ihrâceyle deyu mezbur Süleyman’a El-hac ve Đbrahim ve zikr olunan kuyuya cebren mezbur Süleyman’ı idhâl etmekle zikr olunan kuyunun havasından mezbur Süleyman boğulub mezbur Mustafa’nın vech-i meşruhu üzre cebr ve teaddisi sebebiyle helâk olmağın bundan akdem mezbur Mustafa’dan mucibini dava eylediğimde ol dahi mezbur Süleyman zikr olunan kuyuya kendi sun‘î ile girüb helâk olmuşdur deyû vech-i meşhûr üzre cebr ve teaddisini inkar etmekliğine beynimizde münaza‘at-ı kesire vakı‘a olmuş idi el-hâlet-i hâzihi beynimizde muslihin tevassuf idüb es-sulh seyyid’ül ahkâm fevahasınca da‘vâyı mezbûreden asâlete ve vekâlete on kuruş kıymetli bir çift kara sığır öküzü ile nakden altı esedi kuruş üzerine mezbur Mustafa benimle akd-i sulh eyledikde ben dahi sulh-ı mezbûru kabul ve bedel-i sulh olan meblağ-ı mezbûr ile zikr olunan öküzleri mezbur Mustafa yedinden ahz ve kabz idüb husus-ı mezbûra müte’allika da‘vâdan asalet ve vekâletim hasebiyle zimmetini ibra ve iskât eyledim dedikde gibbü’t-tasdîk mâ hüve’l-vaki‘ bit-taleb ketb olundu.
22 Receb 1091
Şuhûdü’l- hâl
Hamza Halife bin Hacı, Hasan bin Hasan , Đbrahim bin Süleyman, Mustafa bin Hamza , Hasan bin Hüseyin , Hacı Abdünnebi bin Ebi Bekir, Ferah Halife bin Kasım, Hüseyin bin Abdullah , Ser Muhzırân Ali Beğ
Belge 9 / 2
Medine-i Ankara‘da Behlülnâm Mahallesi sükkanından Maksud Veled-i Kaya nam zimmî mahfil-i kazada Marta bint-i Kirekos nam nasraniye mahzarında ikrâr-ı kelâm idüb bundan akdem mezbûre Marta zevcim olub lakin nâşize olmakla beynimizde ülfet mümkün olmamağla mezbûre Marta’yı talak-ı bâyen ile tatlî eylediğimden sonra zevciyete müteallika olan da‘avamızdan her birimiz aherin zimmetini ibrâ ve iskât eyledik dedikte gibbü’t-tasdikü’ş-şer‘î mâ hüve’l-vaki‘ bit-taleb ketb olundu.
22 Receb 1091
Belge 9 / 3
Medine-i Ankara’da sâkin Hubbâz taifesinden Ali bin El-hac Habib nam kimesne mahfil-i kazada bâ‘isül-kitab Mahmud bin Himmet Mahzarında ikrâr ve takdiri kelam idüb tarih-i kitabdan bir sene mukaddem elli altı esedi kuruş sermayem ve üç kuruşu mezbur Mahmud’un sermayesi olub hasıla olan faide beynimizde münasafa olmak üzre mezbur Mahmud ile Habbazlık sanatında înanen şirket idüb mecmu‘ sermâyemiz mezbur Mahmud’un yedinde olub sanat-ı mezkûre de bir sene i‘mâlinden hesab gördüğümüzde sermâye-i mezbûreden elli esedi kuruş zarar olmağla hesab-ı mezburdan mezbur Mahmud’a isabet eden yiğirmibeş kuruşu mezburdan taleb eylediğimde akd-ı şirket-i mezbûrede asıl benim sermayem olmayub senin sermayeni i‘mâl eyledim hüsrân-ı mezburdan zimmetime şer ‘an bir şey lazım gelemez deyüb akd-ı şirket-i mezbûreye sermaye olduğunu inkar etmekle beynimizde münaza‘at-ı kesire vakı‘a olmuş idi el-hâlet-i hazihi mezbur Mahmud ve sâdât-ı muslihîn ile da ‘vâyı mezkûremden benimle on iki kuruş üzerine ebnâ-i akd-i sulh eyledikde ben dahi sulh-ı mezbûru kabul ve bedel-i sulh olan meblağ-ı mezbûru yedinden ahz ve kabz idüb husus-ı mezbûra muteallika da ‘vadan mezbur Mahmud’un zimmetini ibrâ ve iskât eyledim dedikde gibbü’t-tasdik mâ hüve’l-vaki‘ bit-taleb ketb olundu.
23 Receb 1091
Şuhûdü’l- hâl
Ali Çelebi bin Abdülbaki ,Abdüllatif bin Abdülkerim ,Hüseyin Beşe bin Bayram, Ali Çelebi bin Đsmail ,Ser muhzırân Ali Beğ
Belge 10 / 1
Medine-i Ankara’da Hacı Bayram Veli Mahallesi sakinlerinden Fatıma bint-i Hasan nam Hatun tarafından hibe-i atiyetü’l-beyânı ikrara vekil olub vekâlete zât-ı mezbûreyi ma‛rifet-i şer‛iye ile arifan olan Murad bin Hasan ve Receb bin Mustafa şehadetleri ile şer ‘an sabite olan Ahmet dede ibn-i Abdurrahman nam kimesne mahfil-i kazada müvekkile-i mezburenin sadr-ı kebir oğlu bâ ‘isü’l-kitab Hüseyin Çelebi ibn-i Mehmed Efendi Mahzarında ikrâr idüb müvekkilim mezbûre Fatıma silk-i mülkünde münselik olub Çubukabad kazasına tabi ‘ Manasır ( ? ) nam karye hududu dahilinde vaki bir tarafdan Mustafa ve bir tarafdan Mehmed ve bir tarafdan diğer Mustafa nam
bir kıt’a mülk bağını sahib-i arz ma‘rifetiyle oğlu mezbur Hüseyin Çelebi’ye bundan akdem hisse-i sahi‘a-i şer ‘iye ile hibe ve teslim ve temlik idüb ol dahi meclis-i hibe de ittihab ve tesellim ve temlik eyledi mahdud-ı mezkur bağ mezbur Hüseyin Çelebi’nin mülk-ü mevrûsudur keyfe-mâ yeşa ‘ mutasarrıf olsun dedikde gibbü’t-tasdik mâ hüve’l- vaki‘ bit-taleb ketb olundu.
23 Receb 1091
Şuhûdü’l- hâl
Hasan Dede Đbrahim , Musa Dede , Đsa Mehmed Dede Ahmed , Abdüllatif Çelebi bin Aldülkerim , Ser Muhzıran Ali
Belge 10 / 2
Fil-asl medine-i Ankara’dan olub hala dârü’s-saltanatü ‘l-aliyye Mahmi‘ye-i Kostantiniyyede sakin umdetü’l müderrisinü’l-kiram es-seyyid Şeyh Mehmed Efendi ibn-i Abdülbaki Efendi tarafından husus-ı âtiyül-beyanı ikrara vekili olub vekâleti zehrü’l-kuzât Es-seyyid Esad Efendi Đbn-i Ahmed Efendi ve Zehru’l-Müderrisîn Es-seyyid Abdullah Efendi ibn-i Pîri Efendi Şehadetleri ile şer ‘an sabite olan El-hac Ahmed Çelebi Đbn-i Mustafa mahfil-i kazada müvekkil-i muma ileyhe rıkkını mu‘terif olan iş bu uzun boylu kumral sakallı Gök gözlü sağ gözü ‘alil müslimül’-mülleh Boğdanü’l-asl bâ‘isü’l-kitâb Yusuf bin Abdullah Mahzarında bil-vekâle ikrâr ve takrir-i kelâm idüb müvekkilem muma ileyh Es-Seyyid Şeyh Mehmed Efendi abd-i memlûku mevsûf mezkur Yusuf ’u has beten-lillâ-hil-‘azîm malından i‘tâk ve tahrîr idüb mersûfu mezkûr Sâir ahrar-ı asliyyin gibi hür olduktan sonra livâ-i Ankara’da Çubukabâd kazasına tabi ‘ Kavaklı nam karyede vaki ‘ çiftlikde mevcud olan on bir adet keçi onsekiz arı kovanı ve yedinde olan cemi ‘eşyâ-i ma ‘lümesini ve karye-i mezbûrede olub Celle demekle ma ‘rûf ledil-ahâli ma ‘lümü’l-hudud büyût-ı adidem menzilini ve birde Samanlık ta bir olunur menzili mezbûr Yusuf’a hibe-i sahiha-i şer ‘iye ile hibe ve temlik kendüye teslime beni müvekkil eylemekle ben dahi menzileyn-i mezbureyni mezbur Yusuf’a teslim idüb oldahi meclis-i hibede tesellüm ve temellük eyledi dedikde gibbü’t-tasdik mâ hüve’l-vaki‘ bit-taleb ketb olundu.
Şuhûdü’l- hâl
Umdetü’l –kuzat Ahmed Efendi, El-hac Đsa Beşe bin Đsa , Zehrü’l-akrân Ahmed Ağa bin Derviş Ağa , Mehmed Efendi , Dede Çelebi , Hacı Ali bin Abdülkerim
Belge 11 / 1
Vekil-i mezbur el-hâc Ahmed Çelebi , iş bu uzun boylu sarışın müslimü-l-mille ( moskovi’l asl ) kahraman bint-i Abdullah mahzarında bil- vekâle ikrâr idüb müvekkil-i muma ileyh Es-seyyid Şeyh Mehmed Efendi mevsufe-i mezkûremi i‘tâk ve iki re’s ineği hîbe eyledi didikden sonra kayd.
24 Receb 1091
Belge 11 / 2
Medine-i Ankara’da Hacı Doğan Mahallesi sükkanından iken bundan akdem hâlik olan Kirkor nam zimminin veraset-i zevce-i metrûkesi Yazgül nam nasraniye ile sulbi oğulları Ağob ve Asvadir ve Sulbiye kızı Horsimi nam sağireler ile Papas Ohanis nam zimmiye münhasıra olduğu şer ‘an zahir ve mütebeyyin oldukdan sonra mezbur Ohanis mahfil-i kazada hâlik-i mezburun muhallefatına vaziatü’l-yed olan mezbure Yazgül’ü mahzarında üzerine dava idüb murisemiz hâlik-i mezburun mecmu ‘ muhallefatından tashih meselemiz üzre yüzyiğirmi sehimden bihasebü-lirsü-z şer-î intikâl eden yiğirmi sehim hisse-i irsiyemi mezbure Yazgül’den vaziatü’l-yed olmağla taleb ederim suâl olunub alıverilmek matlubumdur gibbü’s-süâl mezbure Yazgül cevabında mukaddeman mezbur Ohanis zikr olunan hisse-i irsiyesi mukabelesinde muhallefat-ı hâlik-i mezburdan olub Eser nam mevzi‘de vaki‘ ledi’l-ahâli ma‘lûmü’l- hudud beş ırgadlık bir kıt ‘a bağ ve beyaz iki donluk sof ve --- olub hâlik-i mezburun muhallefat-ı davasından zimmetini ibra ve iskat eyledi deyû def ‘ ile mukabele etmeğin gibbü’l-istintak ve akibü’l-inkâr mezbûre Yazgül ‘den def ‘-i mezkurunu mübeyyine beyyine taleb olundukda Osib Veled-i Pedrus ve Ohanis Veled-i Ağob ve Marat veled-i Menas nam zimmiler li-eceli’ş-şehâde meclis-i şer‘a hazırûn olub eserü’l istişhâd fil-vâki‘ müddeî-î mezbur Ohanis oğlu hâlik-i mezbûrun mühallefatından bi-hasebü’l-irsü’ş-şer’î kendine intikal iden hisse-i mezkûresi mükabelesinde zikr olunan bağı mezbure Yazgül yedinden bizim huzurumuzda ahz ve kabz idüb hâlik-i mezbûrun muhallefatına müteallika olan da‘vâdan mezbûrenin
zimmetini ibra ve iskât eyledi biz bu hususa bu vech üzre şahidleriz şehâdet dahi ederiz deyu her biri edâ-i şehâdet-i şer‘iye eylediklerinde şehadetleri makbûle olmağın müddei-i mezbûr Ohanis muarazadan men ‘ birle ma hüve’l-vâki ‘ bit-taleb ketb olundu. 23 Receb 1091
Şuhûdü’l- hâl
Abdüllatif Çelebi bin Abdülkerim, Ali Çelebi bin Abdülbâki, Hüseyin Beşe bin Bayram Mehmed bin Ömer, Hüseyin bin Mahmud ,Ser Muhzıran Ali Beğ
Belge 11 / 3
Medine-i Ankara ‘da Debbağîn Mahallesi sükkanından Menas Veled-i Serkis nam zimmi mahfil-i kazada sulbi kebir oğlu sâhib-i hâze‘s-sifr David nam zimmi mahzarında ikrar idüb mahalle-i mezbûrede vâki‘ bir tarafdan Hacı Mahmud nam kimesne ve bir tarafdan Hızır Bali zimmi mülkü ve iki tarafdan tarik-i ‘âm ile mahdud bir fevkâni oda ve bir tahtani oda ve bir tabhâne ve bir sofa ve bir sayegâh ve bir hadîka ve hayatı ( mûştemil ) mülk menzilimi mezbur David’e seksen esedi kuruşa bey‘ ve