ŞEKİLLER LİSTESİ
BOA, BEO.AYN.D, NR 624-
Sayfa 47
25 N 67 tarihinde mahallerine gönderildi.
Zabtiye Müşiri Paşa Hazretlerine
Haleb ve Birecik’in hadise-i mündefiasına sebeb olub bu tarafa gönderilmiş olan otuz nefer eşhasın derece-i töhmetleri üzerine mahallinden vuku bulacak işara göre buud-ı inkızalarına bakılmak üzere emsalleri misillü ne afv ne de ceza makamında olarak marifet-i müşirileriyle Bursa’ya gönderilmesi saniha-i zib sudur buyrulan emr u ferman-ı hümayun hazret-i padişahi mantuk-ı alisinden olub keyfiyet Hüdavendigar ve Haleb valileri devletlü paşalar hazeratına bildirilmiş ve isimleri mübeyyin pusuşla merbuten gönderilmiş olmağla ber mukteza-yı irade-i seniyye-i hazret-i şahane iktizasının icrasına himmet buyuralar deyü ferman-ı ali
Maliye nazırı efendi hazretlerine ber-vech-i muharrer ferman-ı ali kıta 1
29 N 67 tarihinde kavasbaşına verildi
Belviran kazasına tabi Beliki karyesi ahalisinden carihen vefat eden Abdülatif’in katili Mehmed’in ber-muceb-i kanun-ı ceza mahallindeki mahbusiyeti tarihinden itibaren beş sene müddetle tersane-i amirede vaz’-ı kürek olarak hitam-ı müddetinde sebilinin tahliyesiyle geldiği yere tard olunmak üzere bu tarafa celbi meclis-i valadan ifade olunmuş ve keyfiyet konya valisi hazretlerine bildirilmiş olmağla vürudunda müddet-i mezkure içün vaz-ı kürek olunmak babında ferman-ı ali
29 N 67 tarihinde gönderildi
Zabtiye Müşiri paşa hazretlerine
Zevcesinin vefatından dolayı bab-ı zabtiyede mahbus bulunan Ferhad Bey’in müteveffiye-i muma-ileyhanın kerimesi hanım ile huzur-ı hazret-i fetva-penahide müdafaa olunmak üzere şimdilik kavi kefili alınarak tahliye-i sebile haiz olduğu Istabl-ı amire müdürlüğü payesinin ref’i ve uhdesinde bulunan nişanın ahz ve darbhane-i amireye teslim kılınması meclis-i valada tensib ve hakipa-yı hümayun- ı hazret-i padişahiden istizan olunarak irade-i seniyye-i cenab-ı mülükane dahi ol- merkeze müteallik ve şeref-sudur buyrulmuş ve nişan keyfiyeti maliye nezaret-i celilesine bildirilmiş olmağla mantuk-ı alisince icra-yı icabına himmet buyuralar deyü ferman-ı ali kıta 1
Sayfa 48
11 L 67 tarihinde gönderildi
İngiltere devleti tebaasından olub Leş kasabasında lenger-endaz olan sefinede katl ve idam olunarak emval ve eşyası ahz ve gasb olunmuş olan Kapudan Esbero ile iki nefer taifesinin katilleri olan dört nefer eşhasın bu tarafa gönderildiği İşkodra mutasarrıfı atufetlü paşa hazretleri tarafından cevaben işar kılındığından merkumların ber-muceb-i kanun-ı ceza mahallerindeki mahbusiyeti tarihi olan altmış altı senesi rebiülevvelinin on dokuzuncu gününden itibaren onar sene müddetle küreğe konularak hitamı müddetlerinde sebillerinin tahliyesi meclis-i valadan ifade olunmuş olmağla ol-vecihle icabının icrası babında ferman-ı ali
Kıta 1
13 L 67 tarihinde Kavasbaşına verildi
Bozok sancağında kain Soron karyesi sakinlerinden olub madruben vefat eden Memiş’in katilleri Osman ve Ömer’in ber-muceb-i kanun ceza mahallindeki mahbusiyetleri tarihinden itibaren tersane-i amirede beşer sene müddetle vaz’-ı kürek olunarak bi’l-istihdam müddetleri hitamında sebillerinin tahliyesiyle memleketlerine tard ve def’ olunmak üzere bu tarafa celbi meclis-i valadan ifade olunmuş ve keyfiyet mahalline bildirilmiş olmağla derununa merkumlardan mezkure içün vaz’-ı kürek olunmak babında ferman-ı ali
Kıta 1
Bu dahi
İngiltere devleti tebaasından olub Leş kasabasında lenger-endaz olan sefinede katl ve idam olunarak emval ve eşyası ahz ve gasb olunmuş olan Kapudan Esbero ile iki nefer taifesinin katilleri olan dört nefer eşhasın kaffe-i emval ve eşyası altı bin iki yüz elli kuruşa baliğ olarak bundan başka bir nesneleri olmadıüğı ve merkumların ber-muceb-i kanun-ı ceza mahallerindeki mahbusiyeti tarihi olan altmış altı senesi rebiülevvelinin on dokuzuncu gününden itibaren onar sene müddetle küreğe konularak hitamı müddetlerinde sebillerinin tahliyesi meclis-i valadan ifade olunmuş olmağla ol-vecihle icabının icrası babında ferman-ı ali
Kıta 1
Bu dahi
Ankara Sancağında kain kasaba-i Bala kazasına tabi’ Koriga karyesi sakinlerinden maktul Mustafa’nın katili mezkûr karye ahalisinden Mehmed’in ber-muceb-i kanun-i ceza mahallindeki mahbusiyeti tarihinden itibaren beş sene müddetle küreğe konularak müddeti hitamında sebilinin tahliyesiyle memleketine tard olunmak üzere celbi meclis-i valadan ifade olunmuş ve keyfiyet mahalline bildirilmiş olmağla vürudunda merkum müddet-i mezkure içün vaz-ı kürek olunmak babında ferman-ı ali
Kıta 1
Bu dahi
Kebsud kazasına tabi Eğdiç karyesi ahalisinden maktul İsmail’in katili Yalan Yusuf’un ber-muceb-i kanun-i ceza mahallindeki mahbusiyeti tarihinden itibaren altı sene müddetle vaz-ı kürek olunarak hitamına tahliyesiyle geldiği yere tard olunmak üzere bu tarafa celbi meclis-i valadan ba mazbata ifade olunmuş ve
keyfiyet mahalline bildirilmiş olmağla vürudunda merkum müddet-i mezkure içün vaz’-ı kürek olunmak babın ferman-ı ali
Kıta 1
BOA, BEO.AYN.D, NR. 624-006
22 Ca 66 tarihinde Kavasbaşıya verildi.
Peravişte kazasında Niksan karyesinde maktulen halik olan Naci zımminin katili Deli Hüseyin’in ber-muceb-i kanun-i ceza mahallindeki mahbusiyeti tarihinden itibaren beş sene müddet tersane-i amirede vaz’-ı kürek olunarak müddeti hitamında sebilinin tahliyesiyle memleketine tard ve def’ kılınmak üzere bu tarafa celb olunması meclis-i valadan ba mazbata ifade olunmuş ve mucebince keyfiyet mahalline bildirilmiş olmağla merkum müddet-i mezkure içün vaz-ı kürek olunmak babında ferman-ı ali kıta 1
23 Ca 66 tarihinde kavasbaşıya verildi
Meclis-i vala azasından devletlü İzzet Paşa hazretlerinin sahilhanesi kayıkhanesine girib bazı eşya ahzına ibtidar ve kayıkçılardan Mustafa ve Osman dahi darb ve cerhe ictisar eylemelerinden dolayı ahz ve girift olunan İbrahim’in merkumanı bıçak ile darb ve cerhe mücaseret ve Kıbrıslı Ahmed’in dahi bu maddede merkûma refakat ve eşya ahzı hususunda müşareketi ikrarlarıyla tebeyyün etmiş olduğundan icra-yı mücazatı istizaına dair zabtiye meclisinin mazbatası meclis-i valaya verilerek ber-muceb-i kanun-i ceza mahbusiyetleri tarihinden itibaren merkum İbrahim’in bir sene ve refiki Ahmed’in dahi altı ay müddetle vaz’-ı pranga olunarak hitam-ı müddetlerinde sebillerinin tahliyesi meclis-i mezkurdan ifade olunmağla ol-vecihle icabı ira olunmak babında ferman- ı ali kıta 1
23 Ca 66 tarihinde kavasbaşıya verildi.
Tebaadan Akşehirli Ahmed Mekkeli Hüseyin Efendi’yle talebeden Veli Efendi’nin bazı eşyasını ahz eylemiş olduğunu ikrar etdiğinden ve mevcud
olanların bi’l-istirdad sahibine teslim olunub telef eylediği eşya bahasının dahi bundan böyle merkumun yesarında tahsil kılınacağından icra-yı mücazatı istizanına dair zabtiye meclisinin mazbatası meclis-i valaya verilerek ber-muceb-i kanun-i ceza merkumun mahbusiyeti tarihinden itibaren dört ay müddetle vaz-ı pranga olundu müddeti hitamında sebilinin tahliyesi meclis-i mezkurdan ifade olunmağla ol-vecihle icabı olunmak babında ferman-ı ali kıta 1
24 Ca 66 tarihinde Kavasbaşıya verildi
Divan-ı hümayun kalemi mühimme kavasiyanından Necmi Efendi’nin hanesinden Micaço mühtei Yakub yedi bin altı yüz kuruşluk evrak-ı nakdiyesini ahz eylediğini ikrar ve itiraf eylemişl ve meblağ-ı mezburun beş bin şu kadar kuruş bi’t-tahsil efendi-i muma-ileyhe olunduğu ve kusurunun dahi tesviyesine bakılacağı beyanıyla merkumun icra-yı mücazatı istizanına dair zabtiye meclisinin mazbatası meclis-i valaya verilerek ber-muceb-i kanun-ı ceza merkumun mahbusiyeti tarihinden itibaren altı ay müddetle vaz-ı pranga olunarak bi’l- istihdam inkıza-yı müddetinde kefili alınarak sebilinin tahliyesi meclis-i mezkurdan ifade olunmuş olmağla ol-vecihle icabı icra olunmak babında ferman-ı ali kıta 1
24 Ca 66 tarihinde Kavasbaşıya verildi
Tarabya’da kain fırunda Hamberik ve Yanyalı Anaştaş Ferancilecer Sakızlı Yani’nin bin dokuz yüz altmış altı kuruşunu ahz eylediği matbu’a ikrar edib mersumun ziyade iddiası olan bin dört yüz kuruş içün bi’t-taleb huzur-ı şerifde tahlis olunmasıyla muterif olduğu meblağ-ı mezburun bi’l-istirdad sahibi mersuma red ve ita olunduğu beyanıyla icra-yı mücazatı istizanına dair zabtiye meclisinin mazbatası meclis-i valaya verilerek ber-muceb-i kanun-i ceza mersumun mahbusiyeti tarihinden itibaren dört ay müddeti vaz’-ı pranga olunarak bi’l-istihdam müddeti hitamında kefili alınarak tahliye-i sebili meclis-i mezkurdan ifade olunmağla ol-vecihle icabı icra olunmak babında ferman-ı ali kıta 1
24 Ca 66 tarihinde kavasbaşı ağaya verildi
Makaracı esnafından İbrahim İngiltere Lomgazacı Nikola Tataluri’yi darb ve cerh etmiş olduğunu ve mecruh-ı mersumun ücret-i cariyesi hakkında ne vecihle karar verilmiş olduğu beyanıyla icra-yı mücazatı istizanına dair zabtiye meclisinin mazbatası meclis-i valaya verilerek ber-muceb-i kanun-i ceza mahbusiyeti tarihinden itibaren dört ay müddetle vaz’-ı pranka olunarak hidemat-ı lazımede bi’l-istihdam müddeti hitamında kefili alınarak sebillerinin tahliyesi meclis-i mezkurdan ifade olunmağla ol-vecihle icabı icra olunmak babında ferman-ı ali kıta 1
Bu dahi
Kütahya sancağının Niyaz kazası Derlice karyesi sakinlerinden olub maktulen fevt olan Hacıoğlu Hüseyin’in katili Veliyyüddin ber-muceb-i kanun-i ceza mahbusiyeti tarihinden itibaren beş sene müddetle tersane-i amirede vaz-ı kürek olunarak müddeti hitamında sebilinin tahliyesiyle memleketine tard ve def’ kılınmak üzere bu tarafa celbi meclis-i valadan ba mazbata ifade olunub mucebince keyfiyet mahlline yazılmış olmağla vürudunda merkum müddet-i mezkure içün vaz’-ı kürek olunmak babında ferman-ı ali kıta 1
Bu dahi
Gabrovalı Nikola refiki Yovan ile Nemçe devleti tebaasından Pavli’nin malumü’l- mikdar eşyasını ahz eylediğini ikrar etmiş ve eşya-yı mezkurden mevcud olanları bi’l-istirdad sahibine teslim olunarak kusuru zahire ihracı mümkün olamayan şeylerin esmanı olan üç yüz bu kadar kuruşun yüz kuruşunu peşinen tahsil olunub kusuru kefile rabt kılınmış olduğundan icra-yı icabı istizanına dair zabtiye meclisinin mazbatası meclis-i valaya verilerek ber-muceb-i kanun-i ceza mersumun mahbusiyeti tarihinden itibaren üç ay müddetle vaz’-ı pranga olunarak müddeti hitamında bir daha bu şeylerde bulunmayacağına kefili alınarak sebilinin tahliyesi ve refiki mersum Yovan’ın bi’t-taharri ele geçirilib istintakı bi’l-icra
keyfiyetin ba mazbata işar kılınması meclis-i mezkurdan ifade olunmuş olmağla ol-vecihle icabı icra olunmak babında ferman-ı ali kıta 1
28 Ca 66 tarihinde Kavasbaşıya verildi
Yanlış ecza tertib ve ita eylediklerinden dolayı mahbusda bulunan Cerrah Serkiz ve kalfası Serav Harti’nin tahliye-i sebilleriyle bunların Cerrah Kosti’nin fimabad eczacılıkda kullanılmamak üzere ber-muceb-i kanun-i ceza mahbusiyeti tarihinden iitibaren bir sene müddet prangaya vaz’ıyla tekmil-i müddetinde vilayetine tard ve def’ kılınması meclis-i valadan ifade olunarak keyfiyet hakipa-yı hümayundan bi’l-istizan emr ve irade-i seniyye-i hazret-i şahane dahi bu merkezde müteallik ve şeref-sudur buyrulmuş olmağla mucebince icabı icra olunmak babında ferman-ı ali kıta 1
Bu dahi
Avusturya devleti tebaasından Antonyo Noriken kaime sahtekarlığı töhmetine ictisar eylemesinden dolayı iki sene müddetle prangaya vaz’ olunmuş ise de sefareti tarafından vaki’ olan ifadeye mebni mersumun fimabad Dersaadet’e ayak basmamak üzere vilayeti tarafına def’i zımnında sebilinin tahliyesiyle sefareti tarafından teslim olunması nezaret-i celile-i hariciye ile bi’l-muhabere tensib olunduğu meclis-i valadan ifade olunmağla ol-vecihle icabı icra olunmak babında ferman-ı ali tarihiyle 28 Ca 66 kıta 1
Bu dahi
Borlu kazası ahalisinden Şeyhoğlu Abdülhalim Bey’in oğlu Hasan Efendi kaza-i mezbure bir saat mesafede kain hanesinde misafir olan karındaşı Mehmed’i peşto kurşunu ve bıçak ile telef eylediği şer’an sabit olduğundan merkum Hasan’ın ber- muceb-i kanun-ı ceza mahallindeki mahbusiyeti tarihinden itibaren tersane-i amirede altı sene vaz’-ı kürek olunarak hitam-ı müddetinde sebilinin tahliyesiyle vilayeti tarafına tard ve def’ olunmak üzere bu tarafa celbi meclis-i valadan ba
mazbata ifade olunub keyfiyet mahalline bildirilmiş olmağla vürudunda merkum müddet-i mezkure içün vaz’-ı kürek olunmak babında ferman-ı ali 22 Ca 66 tarihiyle kıta 1
BOA, BEO.AYN.D, NR. 624-007
Sayfa 3
28 Ca 66 tarihinde gönderildi
Zabtiye Müşiri Hazretlerine
Geçende Yakacık karyesi sakinlerinden İbrahim Ağa’nın leylen hanesine girib gasb ve cerh madde-i fazihasına ictisar etmiş olan Kara Yorgi ile eniştesi diğer Berber Yorgi ve Çoban Feryoz ve Ceber ve Çoban kahyası Nikola’nın vuku bulan muhakeme ve istintaklarında mersuman Ceber ve Kara Yorgi el-yevmi firari olarak taharri üzerinde bulunan malumü’l-esami üç nefer refikleriyle beraber ağa-yı muma-ileyhin karye-i mezkurede vaki hanesine leylen girib cerh fazaihine ictisar ve çifte tüfenk ile bir tek tabanca alub firar eyledilklerini ikrar etmiş ve bunlardan mersumun Berber Yorgi ve Feryuz ve Çoban kahyası Nikola’nın beraet-i zimmetleri anlaşılıb sebilleri tahliye kılınmış olduğundan ve firari-i mersumun dahi ele getürüldükde keyfiyetleri başkaca ifade kılınacağından fakat marrü’z-zikr Kara Yorgi ile Cebero’nun icra-yı mücazatları istizasına dair zabtiye meclisinin mazbatası meclis-i valaya verilerek mersumlardan Berber Yorgi ile Cebro’nun ifade-i vakıalarına göre kutta-i tarik suretinde bulunduklarına mebni bunların ber-muceb-i kanun-i ceza beşer sene müddetle vaz’-ı pranga olunub hitam-ı müddetlerinde fimabad bu misillü fazaihde bulunmayacaklarına kavi kefilleri alınarak tahliye-i sebilleriyle firari-i mersumanın dahi ele getirilmesi hususuna ikdam olunması meclis-i mezkurdan ba mazbata ifade olunmuş olmağla ol-vecihle icabının icrasına himmet buyruralar deyü ferman-ı ali kıta 1
27 Ca 66 tarihinde Gönderildi
Çengelköyü Pazar kayığında yedek çeker iken denize düşmüş olan İstavri nam çelebinin vefatından dolayı validesiyle mezkur kayığın reisi ve taifeleri ve iskele kethüdasının istintaklarında keyfiyet kaza nev’inden olduğu tebeyyün ederek vereseden bu babda bir guna dava etmediğinden taife-i merkumenin sebilleri tahliye olunduğu beyanıyla mezbur reisin bazı mertebe tekayyüdsüzlüğü kabahat olduğundan ihracı ve kayıkçılar hakkında bir nizam-ı daimi ve ne hal istizanına dair zabtiye meclisinin mazbatası meclis-i valaya verilib fimabad yeni kayıkçılık edecek kimselerin ol-emirde bir üstad kayıkçının yanında altı yedi ay çalışub tahsil-i maharet etmedikçe müstakil kayık tedarikiyle işletdirilmemesi hususunun bir nizam-ı daimi ittihazıyla ihtisab nezaret-i behiyyesine havalesi ve merkum iskele kahyası hakkında bir suver olduğundan diğerleriyle beraber salıverilmiş ise de kubhen olmayub bazı sebebe mebni tevkif olmuş ise beyan olunması ve ol- vecihle mezburunun ihracı yerine diğer bir münasibinin tayin kılınması meclis-i mezkurdan ba mazbata ifade olunub keyfiyet nezaret-i Müşarun-ileyhaya bildirilmiş olmağla icrası icabına himmet buyuralar deyü ferman-ı ali kıta 1
2 Muharrem 67 tarihinde Kavasbaşıya verildi.
Kürekde bulunan Rusçuklu Salih’in tahliye-i sebili valide tarafından niyaz olunmayub keyfiyet meclis-i valaya lede’l-havale merkumun ikmal-i müddetine az bir şey kalmış olduğundan merhameten salıverilmesi ifade olunmağla ol- vecihle icabı icra olunmak babında ferman-ı ali kıta 1
Bu dahi
Konya eyaleti mülhakatından Ereğli kazasında Ekizli karyesi ahalisinden ve asker-i redifeden olub mahnuken vefat eden Ahmed’in katilleri Mehmed ve Ali’nin ber-muceb-i kanun-i ceza mahallindeki mahbusiyetleri tarihinden itibaren beşer sene müddetle vaz’-ı kürek olunarak bi’l-istihdam inkızasınca sebilleri tahliye olunarak memleketleri canibine tard ve def’ kılınmak üzere bu tarafa celbi meclis-i valadan ifade olunub keyfiyet mahalline yazılmış olduğu vürudlarında merkumlar müddet-i mezkure içün vaz’-ı kürek olunmak babında ferman-ı ali kıta 1
Sayfa 4
Bu dahi
İzmir’e muzafa Karşıyaka sakinlerinden olub mecruhen vefat eden Rençber Karacalı Mustafa’nın katili Sadık’ın ber-muceb-i kanun-i ceza mahallindeki mahbusiyeti tarihinden itibaren beş sene müddetle tersane-i amirede vaz’-ı kürek olunarak müddeti hitamında sebilinin tahliyesiyle vilayetine tard ve def’ kılınmak üzere bu tarafa celbi meclis-i valadan ba mazbata ifade olunub mucebince keyfiyet mahalline yazılmış olmağla vürudunda merkum müddet-i mezkure içün vaz’-ı kürek olunmak babında ferman-ı ali kıta 1
Bu dahi
Menteşe sancağına Karlıcalı Ahmed ve Osman ve Salih gasb-i emval ve hetk-i ırz misillü faziha-i keriheye ictisar eylediklerinden ber-muceb-i kanun-i ceza merkumların mahbusiyetleri tarihinden üç sene müdddet kürekde bi’l-istihdam inkızasında küfelaya rabt olunarak sebilleri tahliye ile memleketlerine tard ve def’ kılınmak üzere bu tarafa celbi meclis-i valadan ifade olunub keyfiyet mahalline bildirilmiş olmağla merkumların vürudlarında ol-vecihle icabı icra olunmak babında ferman-ı ali kıta 1
Bu dahi
Cisr-i Mustafa Paşa kazasına tabi Salihler karyesi sakinlerinden olub madruben müteveffiye olan Hamza’nın katili Zeyneb’in ber-muceb-i kanun ceza mahallindeki mahbusiyeti tarihinden itibaren beş sene müddetle tersane-i amirede vaz’-ı kürek olunarak hitam-ı müddetinde sebilinin tahliyesiyle memleketine tard ve def’ kılınmak üzere bu tarafa celbi meclis-i valadan ba mazbata ifade olunub mucebince keyfiyet mahalline bildirilmiş vürudunda merkum müddet-i mezkure içün vaz’-ı kürek olunmak babında ferman-ı ali kıta 1
Harputi Mustafa bazı şeyden üzerine tutulub üzerinde yüz kuruş kadar züyuf ve temiz akçe bir beyaz küpe zuhur ederek lede’s-sual mahbus bulunan Galatalı Angelo nasraniyenin hanesinde olan sandığını ahar eve nakl için inhitarları kendisine verilmiş olduğundan mezkur akçe ve küpeyi sandıkdan aldığını söylemiş ve mersumdan sonraldıkda [soruldukda] inhitar vermediğinden başka sandığında bir akçe olduğunu beyan eylemiş ve merkum sabıkalı bulunmuş olduğundan icra-yı icabı istizanına zabtiye meclisinin mazbatası meclis-i valaya verilerek merkumun üzerinde yüz kuruş kadar akçe bulunmasıyla bir hükm tertib eylemeyüb fakat sabıkalu olduğu cihetle polis tarafından dikkat olunması inkıza edeceğinden kefili alınarak tahliye-i sebili meclis-i mezkurdan ifade olunmuş olmağla ol-vecihle icabı icra olunmak babında ferman-ı ali kıta 1
Bu dahi
Mellah taifesinden Doğan refiki Asitaneli Alabe’yi darb ve cerhe mücaseretinden başka zabtiye çavuşu Ahmed’i dahi cerh eylemiş olduğu ve carih-i merkum Ali sabıkalı ve uygunsuz makuleden olarak refikleri Türk Ali ve diğer Ali bu defa vuku bulmak habasetinde beraber bulundukları beyanıyla icra-yı icabı istizanına dair takdim kılınan zabtiye meclisinin mazbatası meclis-i valaya verilerek merkum ve Doğan töhmeti ziyadece bulunmasına binaen mahbusiyetleri tarihinden itibaren merkum Doğan’ın bir sene ve mecruh-i merkum Ali’nin altı ay müddetle vaz’-ı pranga olunarak müddetleri hitamında sebillerinin tahliyesi ve refikleri merkuman-ı Alilerin darb ve cerh maddesinde medhalleri ve bu misillü efalde sabıkalu olmayub fakat birlikde bulunmaları kendülerine muceb-i kabahat olacağından ve mamafih şimdiye kadar müddet-i mahbusiyetleri ceza-yı kafi göründüğünden kendülere tenbihat-ı ekide icrasıyla şimdiden salıverilmesi meclis-i mezkurdan ifade olunmuş olmağla ol-vecihle icabı icra olunmak babında ferman-ı ali kıta 1
BOA, BEO.AYN.D, NR. 624-008
Sayfa 5
2 Muharrem 67 tarihinde Kavasbaşıya verilmişdir.
Ketebeden Hasan Efendi’nin seyisi Yorgi muma-ileyhin altı yüz kuruş kıymetli bir zerağ lahuri şalını ahz ile yelek yapdurub iki yüz kuruşa diğer bir aded
yüzüğünü dahi aldığını ikrar ve bundan başka zayi’ olan sekiz yüz kuruş kıymetlü bir aded elmas iğneyi inkar etmiş ve mezkur yüzük aynen bi’l-istirdad salifü’z- zikr şalın kıymeti olan altı yüz kuruş ile elbise bahasından matlubu bulunan sekiz yüz kuruş ki ceman bin dört yüz kuruş karşılık mersumun dahi muma-ileyh zimmetinde olan altı yüz bu kadar kuruş alacağı bade’t-tenzil efendi-i muma- ileyhin baki-i matlubu olan altı yüz bu kadar kuruş dahi kendüsü vazgeçmiş olduğu beyanıyla mersum hakkında lazım mücazatın istizasına dair zabtiye meclisinin mazbatası meclis-i valaya verilerek ber-muceb-i kanun-i ceza mersumun mahbusiyet tarihinden itibaren dört ay müdddetle vaz’-ı pranga olarak müddeti hitamında sebilinin tahliyesi meclis-i mezkurdan ifade olunmağla ol- vecihle icabı icra olunmak babında ferman-ı ali kıta 1
Bu dahi
Ahz ve uygunsuz makuleden bulunduklarına binaen tutulmuş olan İngiltere devleti tebaasından Kefalonyalı Temestoflu Dalsamaki ve Toma ve Nemçe devleti tebaasından Venedikli Covanni Nençoliç nam şahısların müddeileri davalarından vazgeçmiş ise de mersuman serseri ve uygunsuz makulelerden olarak devlet-i Müşarun-ileyha kançılaryaları canibinden dahi kabul olunmamış olduğu beyanıyla icabının icrası istizanına dair zabtiye meclisnin mazbatası meclis-i valaya