Vakıflarla ilgili Belgeler

İncelemiş olduğumuz sicilde (s.125-247), sadece bir vakıfla ilgili belge vardır. Bu belge de, Monlakendi Köyü’nde bulunan bir vakıf medresenin (Molla Ahmed Peykerici Medresesi) keşfi ile ilgili ilgilidir345_.

333 _{38244-VI, s.145/b.1.} 334 _{38244-VI, s.157/b.3.} 335 _{HŞS., 38244-VI,s.130/b.2; HŞS., 38244-VI,s.164/b.3.} 336 _{HŞS., 38244-VI,s. 239/b.2.} 337 _{HŞS., 38244-VI,s. 158/b.1.} 338 _{HŞS., 38244-VI,s. 139/b.3} 339 _{HŞS., 38244-VI,s. 197/b.3} 340 _{HŞS., 38244-VI,s. 206/b.1} 341 _{HŞS., 38244-VI, s.128/b.2; HŞS., 38244-VI,s.199/1.} 342 _{HŞS., 38244-VI, s.135/b.1; HŞS., 38244-VI, s.193/b.2.} 343 _{HŞS., 38244-VI, s.139/b.3.}

344 _{HŞS., 38244-VI, s.141/b.2; HŞS., 38244-VI,s.147/b.2; HŞS., 38244-VI,s.151/b.2; HŞS., 38244-}

VI,s.238/b.2.

DÖRDÜNCÜ BÖLÜM

4. METİN TRANSKRİPSİYONU

s.125/b.1:

Medine-i Harput mahallâtından Camiʽ-i Kebir Mahallesi sâkinlerinden Halil Çelebi ibn-i Ahmed nâm kimesne meclis-i şerʽ-i şerîf lâzimüʼt-teşrîfde işbu hâfizüʼl- vesîka Bektaş Bey ibn-i Hüseyin Ağa nâm kimesne muvâhesinde bi’t-tavʻi’s-sâf ikrâr ve iʻtirâf idüb Medine-i mezbûra tâbiʻ Endek mezraasının arazi ve evlerin ve bağçesinin yerlerini bundan evvel rubʻ benim olmağıyla rubʻın nısfı merkûm Bektaş Bey’e ve tefvîz ve temlîk eylemiş idim el-hâletü hâzihi maʻrifet-i sâhibü’l-arz ile sâlifü’z-zikr rubʻın nısfını zirâat olunmuş on yedi kîle tohumı ile zemininin hakk-ı tasarrıfını tefviz-i katʻ ile evlerin ve bağçenin ve harman yerlerinin rubʻının nısfı beyʻ-i bât-ı sahîh-i şerʻi ile tarafeynden icâb ve kabûl-i hâvî ile merkûm Bektaş Bey’e altmış beş ʻaded esedi guruş ve bir mısrî kılıc ve bir re’s durı at’a beyʻ ve tefvîz eylediğimde ol-dahi minvâl-i muharrer üzere tefvîz ve iştirâ eyledüğinden sonra semen-i merkûm altmış beş ʻaded esedi guruş ile mârrü’z-zikr kılıcı ve atı yedinden biʼt-tamâm ve’l-kemâl ahz u kabz eyledim bâʻde’l-yevm sâlifü’z-zikr mezraasının arazisinde ve evlerinde ve bağçesinde ve harman yerlerinde medhalim kalmadı merkûm Bektaş Bey’in rubʻ müfevvız-ı mahzı ve mülk-i müşterâsıdır keyfe mâ-yeşâ mutasarrıf olsun didikden sonra kız karındaşları Emine ve Rahime taraflarından husûs-ı âtî’l ikrâr vekîl olub zâtlarını ârifân olan Mustafa Bey ve Salih Bey ibn-i Ömer Bey şahâdetleriyle sâbitü’l-vekâle olan Şeyh Ahmed meclis-i şerʻde merkûm Bektaş Bey muvâcehesinde zikr olan mezraʻda müvekkilelerimin katʻâ medhalleri yokdur merkûm Bektaş Bey’in alduğı makbûlleridir deyü takrîr itmeğin mâ-vakʻa bi’t-tâleb ketb olundı. Tahrîren fî evâhir-i Muharremü’l- hâram li-sene 1092.

Şühûdü’l-hâl

Ali Efendi el-İmâm, Yusuf Ağa Alpavud, es-Seyyid Mustafa Çelebi ibn-i Mahmud Bey, Mehmed Çelebi el-Hâc Osman, Mahmud Bey, Ebubekir bin Davud, İbrahim Karbuz

s.125/b.2:

Medine-i Harput mahallatından Ortak Mahallesi sâkinlerinden olub bu sene-i mübârekede Hacc-ı şerîfden gelürken fevt olan el-Hâc Monla Mevlüd bin Mehmed nâm kimesnenin sulbî oğulları Mustafa ve Ebulkasım nâm sagirlerin emvâl-i mevrûselerini hıfz eylemek içün bir vasî lâzım olmağın işbu hâfizüʼl-vesîka li-ebeveyn karındaşları Monla Ali nâm Şâbb ve sâbit-i merkûm ehl-i ve müstehâk olmağın cânib-i şerʻ mutahharadan merkûm Monla Ali vasî nasb olunub ol-dahi ve sâbit-i merkûmeyi kabûl ve hidmet-i lâzımesin edâya müteahhid olmağın bu vesîka bi’t-tâleb ketb olundı. Tahrîren fî evâsıt-ı Cemâziye’l-ʻûlâ li-sene isneyn ve tisʻîn ve elf.

Şühûdü’l-hâl

Ali Efendi el-Hatib bî-Camiʻ-i Kebir, es-Seyyid Ebubekir Efendi es-Seyyid İbrahim, Mehmed Efendi Monla Hacı, es-Seyyid Ebubekir Çelebi Saman Satan, Hamza Beşe bin Hüseyin, Monla Mustafa bin Haydar, es-Seyyid Ebubekir bin Hazan Ali, Ehuhu es-Seyyid Hüseyin ve gayrihim.

s.125/b.3:

Medine-i Harput’a tâbiʻ Mornik nâm karye sâkinlerinden olub hâlâ kazâ-i Pertekde olan Sahik veled-i Mosik nâm zimmî tarafından akd-i âtî’l-beyʻ ve kabz-ı semenin tescîline vekîl olub Mehmed bin Hüseyin ve Ahmed bin Abdullah nâm kimesneler şahâdetleriyle hasm-ı hâced mahzarında sâbitü’l-vekâle olan İsmail Bey ibn- i Mustafa nâm kimesne meclis-i şerîʻat-ı garrâda işbu hâfizüʼl-vesîka es-Seyyid Ebubekir Çelebi ibn-i Ömer nâm kimesne muvâcehesinde bi’l-vekâle ikrâr-ı tâm ve takrîr-i kelâm idüb karye-i mezbûrede vâkiʻ bir tarafı Mağdisi zimmî evleri ve bir tarafı Körkik zimmî evleri ve bir tarafı Begnis evi ve bir tarafı harâbe ev yeri bu hudûd ile mahdûd olub müvekkilim mesfûrun sekiz bâb evlerini örtmesi ve gügercin evi ve tevâbiʻ ile yine karye-i mezbûrede inde’l-cîrân (s.126) maʻlûmetü’l-hudûd iki kıtʻa teğek bağını ve yine karye-i mezbûrede bir tarafı benim ve bir tarafı Mehmed Çelebi tarlası ve bir tarafı Koncı oğlı Ahmed tarlası ve bir tarafı tarîk ile mahdûd bostan yerini safka-i vâhide ile tarafeynden icâb ve kabûl-i hâvî ile müvekkilim mesfûr Sahik zimmî merkûm es-Seyyid Ebubekir Çelebi’ye yirmi bir ʻaded esedi guruşa beyʻ ve temlîk eylediğinde ol-dahi minvâl-i muharrer üzere iştirâ eyledüğinden sonra semen-i merkûm yirmi bir ʻaded esedi guruşa semen-i merkûm es-Seyyid Ebubekir Çelebi yedinden

84

müvekkilim mesfûr Sahik zimmî ahz eyledi sâlifü’z-zikr evler ve bağlar ve bostan yerini merkûm es-Seyyid Ebubekir Çelebi’nin mülk-i müşterâsıdır keyfe mâ-yeşâ ve yuhtâr mutasarrıf olsun didikde gıbbe’t-tasdîki’ş-şerʻî mâ-vakʻa bi’t-tâleb ketb olundı. Tahrîren fî evâ’il-i Cemâziye’l-ʻûlâ li-sene isneyn ve tisʻîn ve elf.

Şühûdü’l-hâl

Şeyh Ahmed Piyale Ağa, Mehmed Bey Çeribaşı, es-Seyyid Ebubekir Efendi, Ömer Beşe ibn-i Hüseyin, Osman Beşe Cebeli, Osman Karaca ve gayrihim.

s.126/b.1:

Medine-i Harput’a tâbiʻ Miyadun nâm karye sâkinlerinden Mehmed Ağa ibn-i Yadigar nâm kimesne meclis-i şerîʻat-ı garrâda karındaşı Hâcı Ağa mahzarında üzerine daʻvâ ve takrîr-i kelâm idüb karye-i mezbûrede vâkiʻ olub babamızdan müntakil merkûm Hâcı Ağa’nın ev hissesi önünde vâkiʻ kayalık tesmiye olan mevziʻi ikimizin davarı yatub durmak içün hîn-i taksîmde beynimizde münâsafa üzere kalmış iken mezbûr Hâcı Ağa bir mikdâr mevziʻni hâlâ binâ idüb vesâ’îrden dahi binâ itmek murad idüb suʻâl olunub icrâ-yı hakk olunmak matlubumdır didikde gıbbe’s-su’âl mevziʻi merkûm bi’l-külliye benimdir mezbûr Mehmed Ağa’nın hissesi yokdur deyü inkâr idüb müddeʻi-i merkûm Mehmed Ağa’dan dâʻvâsını beyyine taleb olundukda müslimînden Osman Ağa ibn-i Ebubekir Beşe ve Ebubekir bin Kadir nâm kimesneler li-ecli’ş-şahâde hâzırân-ı bi’l-meclis olub istişhâd olundukda fi’l-vâkiʻ sâlifü’z-zikr kayalık tesmiye olan mevziʻi babaları evi taksîm olundukda beynlerinde münâsafa üzere taksîm olunub nısfı merkûm Mehmed Ağa’nın ve nısf-ı âheri karındaşı Hâcı Ağa’nın olub davarları yatub ve durmak içün mülkleri olmuşdur Bu husûsa bu vech üzere şâhidlerüz şahâdet dahi iderüz deyü her biri edâ-yı şahâdet eylediklerinde şahâdetleri mesmûʻa olub münâsafa üzere mutasarrıf olmalarına tenbîh birle mâ-vakʻa bi’t-tâleb ketb olundu. Tahrîren fî evâhir-i Cemâziye’l-ʻûlâ li-sene isneyn ve tisʻîn ve elf.

Şühûdü’l-hâl

Ali Efendi el-Hatib, es-Seyyid Ebubekir Efendi, Monla Mehmed el-İmam, el- Hâc Mehmed bin Kürd Ali, Mahmud Kethüdâ, Maksud Beşe ve gayrihim mine’l- hâzırûn.

s.126/b.2:

Medine-i Harput’a tâbiʻ Kesrik nâm karye sâkinlerinden Haçuk veled-i Ohan nâm zimmî meclis-i şerʽ şerîf lâzimüʼt-teşrîfde işbu hâfizüʼl-vesîka el-Hâc Mustafa bin Yusuf nâm kimesne muvâcehesinde bi’t-tavʻi’s-sâf ikrâr ve iʻtirâf idüb karye-i mezbûrede vâkiʻ olub bundan evvel tâht-ı tasarrufında olan bir tarafı Abdâl ve bir tarafı Karaca oğlı İsmail ve bir tarafı Keşîş ve bir tarafı çay bu hudûd ile mahdûd bostan yerini kadîmden câri olan suyı ile ve yine karye-i mezbûrede vâkiʻ Dükne tarlası dimekle maʻrûf bir tarafı Abdüllatif Efendi tarlası ve bir tarafı Davud tarlası ve bir tarafı Serkes zimmî tarlası ve bir tarafı çay ve karye-i mezbûrda Karhik tarlası dimekle maʻrûf bir tarafı değirmen harkı bir tarafı Mustafa Ağa tarlası ve bir tarafı Davud tarlası bir tarafı Serkes tarlası ile iki kıtʻa tarlaları dahi târih-i kitâbdan dört beş sene mukaddem işbu hâzırü’l-meclis yeğenim Kirkor dahi zimmî tarafından vekîl eylemiş idim bu dahi bana ve vâlidesine vekâleten salifü’z-zikr bostan yerini ve iki kıtʻa tarlaları suyı ile yüz beş ʻaded esedi guruşa merkûm el-Hâc Mustafa’ya beyʻ idüb kabz-ı semen eylemiş beyʻ ve kabz-ı semen eylediği makbûlum olub meblağ-ı merkûmdan hissem deynim edâ olunmuşdır sâbıkü’z-zikr bostan yerinde ve tarlalarda medhalim kalmamışdır ve hâlâ beş guruş dahi el-Hâc Mustafa’ya ahz eyledim min-baʻd alâkam kalmadı didikden sonra mezbûr Kirkor dahi vech-i meşrûh üzere beyʻ eyledüğine ol-dahi mukarrer olub mukarran-ı mesfûranın ikrârını merkûm el-Hâc Mustafa dahi tasdîk idüb mâ-vakʻa bi’t- tâleb ketb olundı. Tahrîren fî evâhir-i Cemâziye’l-ʻûlâ li-sene isneyn ve tisʻîn ve elf.

Şühûdü’l-hâl

es-Seyyid Ebubekir Efendi bin es-Seyyid İbrahim, Ali Efendi el-Hatib, Fahrü’l- ulemâ es-Seyyid Ahmed Bey, Veli Beşe tâbiʻ-i o, İsmail Ağa ibn-i el-Hâc Mehmed, Ehuhu Ali Ağa, İbrahim Çelebi ibn-i el-Hâc Haşim ve gayrihim.

s.127/b.1:

Camiʻ-i Kebir Mahallesi sâkinlerinden Ali Çavuş ibn-i Ahmed Çelebi şerʻde Meydan Mahallesi sâkinlerinden es-Seyyid Osman Çelebi ibn-i Nizameddin mahzarında üzerine dâʻvâ ve takrîr-i kelâm idüb Medine-i mezbûra tâbiʻ Ozan Nâhiyesinde vâkiʻ mukaddemâ babam merkûm Ahmed Çelebi Ömer Efendi’den iştirâ eyledüği bağa muttasıl olub mezbûr es-Seyyid Osman Çelebi’nin bundan akdem müteveffân olan zevcesi Elif’den müntakil bağda Elif’in karındaşı Süleyman ve kız

86

karındaşı Esma’nın sekiz sehmde her birinin birer sehmi olmağıyla babam Ahmed Çelebi Süleyman’ın ve Esma’nın hisseleri iştirâ itmekle bağ-ı merkûmun rubʻ babamın oldukdan sonra rubʻ hissesi ifrâz içün babam merkûm mahalline bî-garez Müslümanlar getürüb mezbûr es-Seyyid Osman ve hâlâ zevcesi olub bağ-ı merkûmda hisse-dâr olan Fatma hâtûn hâzır olub taksîm olunmağıyla Ömer Efendi iştirâ olunan bağ tarafından rubʻ hissemiz ifrâz olunub merkûm es-Seyyid Osman Çelebi’nin hozanı(?) altından teğek ucunda olan küme güllükden bağçe ortasında ceviz dibinden doğru kayaya ve andan doğru Ömer Efendi’den alınan bağın sınıruna varır sınur taʻyîn olunub ve Ömer Efendi’den alınan bağın dâhilinde bir kıtʻa tarlası olmağıyla tarla-yı merkûm ve bu sınırun Ömer Efendi tarafında olan bağ tarafı dört günde bir gün bir gice suyı ile ki bize âyid olan hissenin iki tarafı bizim ve bir tarafı Etmekci Ahmed ve bir tarafı Ceblek oğlı olub mutasarrıf iken hâlâ mezbûr es-Seyyid Osman mâniʻ olur su’âl olunub icrâ olunmak matlûmdır didikde gıbbe’s-su’âl mezbûr es-Seyyid Osman taksîm-i merkûmı münkir olub Ali Çavuş’dan beyyine taleb olundukda müslimînden el-Hâc Bali bin Hüseyin ve el-Hâc Allahvirdi ibn-i Menteşe nâm kimesneler li-ecli’ş-şahâde hâzırân olub istişhâd olundukda fi’l-vâkiʻ mezbûr es-Seyyid Osman ve zevcesi mahalline varıb ve bizler dahi hâzır olmağıyla Osman Çelebi’nin hozanı(?) altından teğek ucunda küme güllükden bağçe ortasından ceviz dibinden doğru kayaya ve andan doğru Ömer Efendi’den alınan bağa sınur taʻyîn olunub ve Ömer Efendi bağı içinde bir tarla ve dört günde bir gün gice suyı Ahmed Çelebi’nin hissesi ifrâz ve tahdîd ve taʻyîn olunub fasl olmuşdır bu husûsa bu vech üzere şâhidlerüz ve şahâdet dahi iderüz deyü her biri edâ-i şahâdet-i şerʻiyye eylediklerinde gıbbe’l-riâyet-i şerâitü’l-kabûl şahâdetlerimiz kabûlde vâkiʻ olub mâ-vakʻa bi’t-tâleb ketb olundı. Tahrîren fî evâsıt-ı şehr-i Cemâziye’l-ʻûlâ li- sene isneyn ve tisʻîn ve elf.

Şühûdü’l-hâl

Ali Efendi el-Hatib bî-Camiʻ-i Kebir, es-Seyyid Abdurrahman Çelebi Samanzâde, es-Seyyid Ebubekir Efendi ibn-i Seyyid İbrahim, el-Hâc Ahmed Beşe ibn-i Mehmed, es-Seyyid Hasan bin Selim, Mehmed Çelebi İmam, es-Seyyid Yahya Çelebi bin Monla Süleyman ve gayrihim mine’l-hükkâm.

s.127/b.2:

Medine-i Harput’a tâbiʻ Uluâbâd Nâhiyesi’nde Kürdimlik nâm karye sâkinlerinden Kapucı Hüseyin bin Bayram nâm kimesne ve Hasan Ebubekir nâm Şâbb ve diğer Hasan bin Hızır nâm kimesneler asâlaten ve akd-i âtî’l-beyʻ-in tescîline Hüseyin bin Hasan ve Mustafa bin Mehmed nâm kimesneler şahâdetleriyle mezbûr Kapucı Hüseyin vekâleten meclis-i şerʽ-i şerîf-i lâzimüʼt-teşrîfde işbu sâhibü’l-kitâb fahrü’l-akrân el-Hâc Ebubekir Ağa ibn-i Karaman tarafından husûs-ı âtî’l-beyânı tasdîke vekîl olan Mehmed Çelebi ibn-i el-Hâc Osman nâm kimesne muvâcehesinde her biri asâleten ve vekâleten ikrâr-ı tâm ve best-i merâm idüb Medine-i mezbûra tâbiʻ Kurı Gölcük’de vâkiʻ bir tarafı kademgâhdan gelüb denize akan su ve bir tarafı kiliseden tahta maşada giden yol ve bir tarafı Ulus yolu ki Hor’ye gelür ve bir tarafı deniz bu hudûd ile mahdûd olub müşterek mülkümüz olan kömi otlağı ve sulağı ve mişede ve süreği ve çayırı ve suyu tevâbiʻ ve levâhıkıyla tarafeynden icâb ve kabûl-i hâvî beyʻ-i bât-ı sahîh-i şerʻi ile yirmi ʻaded esedi guruş beyʻ ve teslîm ve temlîk eylediğimizde ol- dahi minvâl-i muharrer üzere iştirâ ve tesellüm ve temlîk eyledüğinden sonra semen-i merkûm yirmi ʻaded esedi guruş bi’t-tâmam yedinden ahz ve kabz eyledük baʻde’l- yevm sâlifü’z-zikr kömde ve otlakda ve sulağında ve mişede ve süreğinde ve çayırında ve suyunda tevâbiʻ ve levâhıkında katʻâ medhalimiz kalmadı didiklerinde merkûm Mehmed Çelebi dahi bi’l-vekâle tasdîk itmeğin bi’t-tâleb ketb olundı. Tahrîren fî evâsıt- ı Cemâziye’l-ʻûlâ li-sene isneyn ve tisʻîn ve elf.

Şühûdü’l-hâl

Ali Efendi el-Hatib, Beyzâde Mehmed Ağa, Hasan Efendi sâkini Monlakendi, Monla Ali el-Müezzin, el-Hâc Ömer Ağa, Monla Halil İmam bî-mezcid-i mahalle-i ez- Zahiriye, Monla Ebubekir sâkini Monlakendi ve gayrihim.

s.128/b.1:

Medine-i Harput’a tâbiʻ Miyadun nâm karye sâkinlerinden Hâcı Ağa ibn-i Yadigâr nâm kimesne meclis-i şerîʻat-ı garrâda karındaşı Mehmed mahzarında dâʻvâ ve takrîr-i kelâm idüb babamızdan müntakil olub karye-i mezbûrede vâkiʻ evleri bundan evvel beynimizde taksîm eylediğimizde Karlık mevziʻ içün beynimizde bir mikdâr hâli mevziʻ müşterek taksîm olunub ileʻl-ân üzere iken hâlâ merkûm Mehmed bi’l-külliye tasarruf murad ider suʻâl olunub baʻde tebeyyün kendi hissemden kasr-ı yedine tenbîh

88

olunmak matlubumdır didikde gıbbe’s-su’âl merkûm Mehmed mevziʻi merkûm bi’l- külliye benimdir vech-i meşrûh üzere ʻalâ tarîki’l-münâsafa taksîm olunmuşdır deyü mezbûr Hâcı Ağa’nın hissesini münkir olub mezbûr Hâcı Ağa’dan beyyine taleb olundukda müslimînden Mehmed bin Molla ve Osman bin Bali nâm kimesneler li- ecli’ş-şahâde hâzırân-ı bi’l-meclis olub istişhâd olundukda fi’l-vâkiʻ mekûman el-Hâc Ağa ve Mehmed evleri taksîm eylediklerinde münâzaun-fîh olan mevziʻi Karlık nâmı ile beynlerinde münâsafa üzere müşterek taksîm olunub kalmışdır ileʻl-ân müşterekdir deyü edâ-i şahâdet eylediklerinde şahâdetleri mesmûʻa olub münâsafa üzere mutasarrıf olmalarına tenbîh birle mâ-vakʻa bi’t-tâleb ketb olundı. Tahrîren fî evâsıt-ı şehr-i Cemâziye’l-ʻûlâ li-sene isneyn ve tisʻîn ve elf.

Şühûdü’l-hâl

Ali Efendi el-Hatib, Fahrü’l-akrân Hacı Ömer Ağa, es-Seyyid Abdurrahman Sağmani, Ahmed Beşe tâbiʻ-i Ömer Ağa, Osman Çelebi ibn-i Cafer Bey, el-Hâc Hasan Kalkancızâde ve gayrihim.

s.128/b.2:

Hoca Mahallesi sâkinlerinden Emine bint-i Mustafa meclis-i şerʻde Yahya Efendi bin Mehmed Efendi mahzarında be-tavʻühâ ikrâr ve iʻtirâf idüb Hoca Hamamı’nda yevm-i erbâaʻ dâşrasında Yahya Efendi hemşiresiyle Kekdek oğlı evi hâlî beyninde olan hâli mevziʻ tasarrıfını ve içerüde şatırvan önünde bir legan ve bir sitil mevziʻlerin ve igtisâl mevziʻlerini ve sol tarafda mevziʻni ve su etrafında Pike’de mesa(?) beyninde olan su nöbetimi bir mushaf-ı şerîf ile iki ʻaded esedi guruşa merkûm Yahya Efendi’ye tefvîz ve feragât idüb mushaf-ı şerîf ile iki ʻaded esedi guruşı yedinden ahz eyledim min-baʻd medhalim kalmadı dedi Yahya Efendi dahi tasdîk eyledi. Tahrîren fî evâsıt-ı Cemâziye’l-ʻûlâ li-sene isneyn ve tisʻîn ve elf.

Şühûdü’l-hâl

Ali Efendi el-Hatib, İshak Çelebi el-Müezzin, Osman Beşe Cebeli, Monla Mahmud el-Müezzin, Monla Ebubekir Maksudzâde, Mustafa Tobcı, Hüdavirdi oğlı Halil zevcî mersûme, Mustafa Beşe ibn-i Hakvirdi ve gayrihim.

s.128/b.3:

Medine-i Harput’un nefs-i şehr Müslümanları Kethüdâsı Ebubekir ve Bakkâl Esnâfı Şeyhi Seyyid Mevlüd Çelebi ve Babuşcı Esnâfından el-Hâc Mevlüd ve esnâf-ı kassâban Yiğitbâşısı veledzâde Ahmed ve şehrde zimmîlerden Tomcan ve Haçuk ve Ohan ve Kazar ve havâss-ı hümâyûn karyeleri melîki Nikegos ve tımâr karyeleri melîki Asdur meclis-i şerîʻat-ı garrâda işbu hâfizüʼl-vesîka fahrüʻl-eşbâh Hüseyin Ağa ibn-i Haydar Ağa muvâcehesinde her biri takrîr-i kelâm ve best-i merâm idüb merkûm Hüseyin Ağa ve birkaç senedir Kasâba-i mezbûrede hidmet padişâhı olan menzil hidmetin görüb reʻâyâ ve berâya teâdi ve zarar gelmeyüb mürûr-ı ubûr iden ulâklar dahi âsûde-hâl yollanmağıyla cümleye intifâʻ ve hidmetinden râzı olub sene-i âtiyyeyi yine merkûm Hüseyin Ağa’ya virilmek cümlemizin maʻrifeti ve rızâsı olduğı ecilden senesi tekâmülüne kalmağın târih-i vesîkadan on dört ay hidmet-i merkûmeyi edâ idüb bir ferdin bargirin dutturmayub eğer ulâklar cebir iderse ücretin merkûm Hüseyin Ağa vire bu minvâl üzere senesi iki bin üç yüz esedi guruş olmak üzere ücret taʻyîn ve katʻ eylediğik ki olıgeldüğü üzere meblağ-ı merkûm iki bin üç yüz esedi guruş beter ve sağ yerlere tevzîʻ idüb maʻrifet-i şerʻle defter olunub yine defʻ oluna ve tevzîʻ olunan yerlerde tahsîl kabil olmayub bâkî kalursa herkes hânelerine göre hesabına mahsûb idelim didiklerinde vech-i muharrer üzere merkûm Hüseyin Ağa dahi hidmet-i merkûmeyi ücret-i mezkûr ile kabûl itmeğin mâ-vakʻa bi’t-tâleb ketb olundı. Tahrîren fî evâ’il-i şehr-i Rebîʻü’l-âhir li-sene isneyn ve tisʻîn ve elf.

Şühûdü’l-hâl

Fahrü’l-vâizîn es-Seyyid İsmail Efendi, Fahrü’l-akrân el-Hâc Ömer Ağa, Fahrü’l-akrân es-Seyyid Mustafa Ağa, Fahrü’l-zûemâ Veli Ağa ibn-i İbrahim Ağa, Fahrü’l-eşbâh Murtaza Ağa ve gayrihim.

s.129/b.1:

Medine-i Harput kalʻası sâkinlerinden İbrahim Çelebi ibn-i Munzur Bey nâm Şâbb meclis-i şerîʻat-ı garrâda işbu hâfizüʼl-vesîka karındaşı Süleyman Bey muvâcehesinde bi’t-tavʻi’s-sâf ikrâr ve iʻtirâf idüb Medine-i mezbûra tâbiʻ Adedi nâm mevziʻde vâkiʻ bir tarafı karındaşımız Yusuf Bey ile el-Hâc Mehmed oğlı Süleyman Çelebi bağları ve bir tarafı ʻammim Hüseyin Ağa bağı ve bir tarafı Karaca oğlı Hasan Bali ve Naʻlçacı Ahmed bağları ve bir tarafı karye-i Pekinik’den gelen çay ile mahdûd

90

bağı babamız merkûm Munzur Bey’inden altı karındaş ber-vech-i iştirâk iştirâ eylediğimiz ecilden altı sehmde bir sehmi kendi malım olmağıyla el-hâletü hâzihi zikr olan bağdan altı sehmde bir sehm hisse-i şâyiası tarafeynden icâb ve kabûl-i hâvî beyʻ-i bât-ı sahîh-i şerʻle karındaşım merkûm Süleyman Bey’e kırk altı ʻaded esedi guruş ve bir sîm bıçak ve bir mikdâr fezni nâ-maʻlûm penbeye beyʻ ve teslîm ve temlîk eylediğimde ol-dahi minvâl-i muharrer üzere iştirâ ve tesellüm ve temlîk eyledüğinden sonra semen-i merkûm kırk altı ʻaded esedi guruş ile sîm bıçakı fezni nâ-maʻlûm penbeye tamâmen merkûm Süleyman bin yedinden tamâmen ahz u kabz eyledim bâʻde’l-yevm sâlifü’z-zikr bağda min-baʻd medhalim kalmadı hisse-i merkûm mezbûr Süleyman Bey’in mülk-i müşterâsıdır keyfe mâ-yeşâ mutasarrıf olsun didikde gıbbe’t- tasdîki’ş-şerʻî mâ-vakʻa bi’t-tâleb ketb olundu. Tahrîren fî evâ’il-i Cemâziye’l-ʻûlâ li- sene isneyn ve tisʻîn ve elf.

Şühûdü’l-hâl

Ali Efendi Hatib, Osman Çelebi bin Cafer Bey, Halil Beşe Bozikzâde, Hacı Çelebi Pekinikli, es-Seyyid Ebubekir Çelebi Köse, Osman Beşe Cebelizâde, İsmail Çelebi Karacazâde, Berber Usta Osman

s.129/b.2:

Medine-i Harput mahallâtından Meydan Mahallesi sâkinlerinden Emine bint-i Kaya nâm hâtûn husûs-ı âti’d-dâʻvâya vekîl olub zâtını ârifân olan Mevlüd bin Seydi ve