Tezimizin en önemli bölümü olan 1498 Numaralı Rize Şer‘iyye Sicili’nin transkripsiyon çalışması sırasında, transkripsiyon işaretlerinin tamamı kullanılmamıştır. Kelimelerin doğru bir şekilde okunabilmesi ve anlaşılmasını sağlamak amacıyla, uzatmalar için “^” işaretine, ayn ( ع) harfleri için “ ‘ ” işaretine, hemze (ء) harfleri için “ ’ ” işaretine yer verilmiştir.
Bazı belgelerin numarası yoktur. Yapmış olduğumuz çalışmada karışıklığa neden olmamak için numarasız belgeler numaralandırılmıştır. Bu numaralandırma, numarasız belgeye bir önceki kayıttaki numaranın yanına harfler koymak suretiyle yapılmıştır. Örneğin; “Numara 77’den sonra gelen numarasız ilk belge “77a” varsa numarasız ikinci belge de, 77b” olarak numaralandırılmıştır. Numaraların bazıları ikinci kez tekrar ettiği için 94-115 arası olan ilk kayıtlardaki numaraların yanına “.0” konulmuştur. Ayrıca 84 nolu kayıt numarasından da iki tane vardır. Bu kayıtlar da
84-1 ve 84-2 diye numaralandırılmışlardır.
Belgelerde katip tarafından unutularak yazılmadığı düşünülen kelimeler “[]” işaretleri arasında yazılarak metne eklenmiştir. Yine kâtip tarafından yanlışlıkla iki kez yazılan kelimeler de “< >” işaretleri arasında gösterilmiştir.
Doğru okunup okunmadığından emin olunamayan kelimelerin yanına parantez içerisinde olma ihtimali kuvvetli olan farklı bir okunuşu ya da (?) işareti konulmuştur. Okunması mümkün olmayan kelimelerin yerine “ (……….) ” işareti konulmuştur.
73
3.2. 1498 Numaralı Rize Şer'iyye Sicili’nin 101 – 200 Arası Sayfalarda Yer Alan Kayıtların Transkripsiyonu
Numara 94.0
Trabzon vilâyeti dâhilinde Rize kazâsı kurâsından Umma karyesi ahalisinden iken bundan akdem vefât eden Timurcioğlu Yunus bin Hasan’ın sulb-i kebîr oğlu gâib ani’l-beled Mehmed ile sağîre kızı Fındıka’nın mallarını hıfza ve tesviye-i umûrlarına kıbel-i şer‘den bir vasî nasb u ta‘yîn olunmak ehemm ü elzem olunmağın emânet ile ma‘rûfe ve istikâmet ile mevsûfe olub her vechile kayyumluk ve vesâyet uhdesinden gelmeğe kâdir idüğü zeyl-i vesîkada muharrerü’l-esâmî müslimîn ihbârlarıyla mütehakkak olan işbu bâ‘isû’l-kitab karye-i mezkûre ahalisinden Abdülhamid Efendi ibn-i Yusuf nâm kimesneyi hâkim-i muvakki‘-i sadr-ı kitâb tûbâ lehû ve hüsn-i meâb Efendi hazretleri dahî gâib-i merkûm ile sağîre-i mezbûrenin vakt-i rüşd ve sedâdına değin mallarını hıfza ve tesviye-i umûrlarına ru’yete vasî nasb u ta‘yîn eyledikde ol dahî ber vech-i muharrer vesâyet-i mezkûreyi kabûl ve hidmet-i lâzımesini edâya ta’ahhüd ve iltizâm etmeğin mâ vaka‘a bi’t-taleb ketb olundu fî 15 Rebii’l-evvel sene 94
94a.0
Trabzon vilâyeti dâhilinde Rize kazâsı kurâsından Çoncik karyesi ahalisinden iken bundan akdem vefât eden Havacı(?)oğlu Mustafa ibn-i Mahmud’un sulb-i sağîr oğlu Mecid ile sulbiyye-i sağîre kızı Hanıme’nin mallarını hıfza ve tesviye-i umûrlarına ru’yete kıbel-i şer‘den bir vasî nasb u ta‘yîn olunmak ehemm ü elzem olunmağın emânet ile ma‘rûfe ve istikâmet ile mevsûfe olub her vechile vesâyet uhdesinden gelmeğe kâdir idüğü zeyl-i vesîkada muharrerü’l-esâmî müslimîn ihbârlarıyla mütehakkak olan işbu bâ‘isû’l-vesîka vâlideleri Âyişe bint Ahmed nâm Hâtûn hâkim-i muvakki‘-i sadr-ı kitâb tûbâ lehû ve hüsn-i meâb Efendi hazretleri dahî sağîrân-ı mezbûrânın vakt-i rüşd ve sedâdına değin mallarını hıfza ve tesviye-i umûrlarını ru’yete vasî nasb u ta‘yîn eyledikde ol dahî ber vech-i muharrer vesâyet-i mezkûreyi kabûl ve hidmet-i lâzımesini edâya ta’ahhüd etmeğin mâ vaka‘a bi’t-taleb ketb olundu fî 5 Rebii’l-evvel sene 94
74
Numara 95.0
Trabzon vilâyeti dâhilinde Rize kazâsı kurâsından Çoncik karyesi ahalisinden iken bundan akdem vefât eden Havacı(?)oğlu Mehmed ibn-i Mehmed’in sulb-i sağîr oğulları Mahmud ve Osman ile sulbiyye-i sağîre kızı Gülfe’nin babaları müteveffâ-yi mezbûrdan mevrûs mallarını hıfza ve tesviye-i umûrlarına ru’yete kıbel-i şer‘den bâ-hüccet mansûb vasîleri bulunan liebeveyn er karındaşları Molla Mustafa dahî vefât idüb tesviye-i umûrları mu‘attal kalmış olduğundan sağîrûn-i mezbûrûnun mallarını hıfza ve tesviye-i umûrlarına kıbel-i şer‘den bir vasî nasb u ta‘yîn olunmak ehemm ü elzem olunmağın emânet ile ma‘rûfe ve istikâmet ile mevsûfe olub her vechile vesâyet uhdesinden gelmeğe kâdir idüğü zeyl-i vesîkada muharrerü’l-esâmî müslimîn ihbârlarıyla mütehakkak olan işbu bâ‘isû’l-vesîka vâlideleri Fâtıma bint Memiş nâm Hâtûn’u hâkim-i muvakki‘-i sadr-ı kitâb tûbâ lehû ve hüsn-i meâb Efendi hazretleri dahî sağîrûn-i mezbûrunun vakt-i rüşd ve sedâdına değin mallarını hıfza ve tesviye-i umûrlarını ru’yete vasî nasb u ta‘yîn eyledikde ol dahî vesâyet-i mezkûreyi kabûl ve hidmet-i lâzımesini edâya ta’ahhüd ve iltizâm etmeğin mâ vaka‘a bi’t-taleb ketb olundu fî 5 Rebii’l-evvel sene 94
95a.0
Trabzon vilâyeti dâhilinde Rize kazâsı kurâsından Salarha Kapnes karyesi ahalisinden iken bundan akdem vefât eden Karasüleymanoğlu Süleyman bin Ahmed’in sulb-i sağîr oğulları İbrahim ve Süleyman’ın mallarını hıfza ve tesviye-i umûrlarına kıbel-i şer‘den bir vasî nasb u ta‘yîn olunmak ehemm ü elzem olunmağın emânet ile ma‘rûfe ve istikâmet ile mevsûfe olub her vechile vesâyet uhdesinden gelmeğe kâdir idüğü zeyl-i vesîkada muharrerü’l-esâmî müslimîn ihbârlarıyla mütehakkak olan işbu bâ‘isû’l-vesîka vâlideleri Rukiye bint Ali nâm Hâtûnu hâkim-i muvakki‘-i sadr-ı kitâb tûbâ lehû ve hüsn-i meâb Efendi hazretleri dahî sağîrân-ı mezbûrânın vakt-i rüşd ve sedâdına değin vasî nasb u ta‘yîn eyledikde ol dahî vesâyet-i mezkûreyi kabûl ve hidmet-i lâzımesini kemâ yenbeğî edâya ta’ahhüd ve iltizâm etmeğin mâ vaka‘a bi’t-taleb ketb olundu fî 24 Rebii’l-evvel sene 94
75
Numara 96.0
Trabzon vilâyeti dâhilinde Rize kazâsı kurâsından Mirokaloz karyesi ahalisinden Tafiloğlu Memiş bin Yusuf nâm kimesne kazâ-yı mezkûr de‘âvî meclisinde ma‘kûd meclis-i şer‘-i şerîfi’l-enverde karye-i mezkûre ahalisinden Sarıömeroğlu Ahmed Usta ibn-i Ali nâm kimesne mahzarında takrîr-i kelâm ve ta‘bir-i ‘ani’l-merâm edüb ben bu esnada asker-i müstahfız-ı tertib edeceğimden bâ-tapu tasarrufumda olub karye-i mezkûrede kâîn bir tarafdan leb-i derya bir tarafdan Karahasanoğlu Osman bin Ahmed’in tarlası ve bir tarafdan Tafiloğlu kızı Rukiye Hâtûn bint-i Yusuf’un tarlası ve taraf-ı râbi‘ Ceziroğlu Ali bin Mehmed’in tarlası ile mahdûd yarım dönüm üç kot tohum isti’âb eder bir kıt’a tarlayı bin guruş bedeli mukâbelesinde tâlibine ferâğ ve tefvîze ve bedelini ahz u kabza ve husûs-i mezkûr mutavaffık olduğu umûrun külliyine tarafımdan mezbûr Ahmed Usta’yı vekâlet-i âmme-i mutlaka-i sahîha-i şer‘iyye ile vekîl ve nâib-i menâb nasb u ta‘yîn eylediğimde ol dahî ber vech-i muharrer vekâlet-i mezkûreyi kabûl ve hidmet-i lâzımesini kemâ yenbeğî edâya ta’ahhüd ve iltizâm etmeğin mâ vaka‘a bi’t-taleb ketb olundu fî 25 Rebii’l-evvel sene 94
96a.0
Trabzon vilâyeti dâhilinde Rize kazâsı kurâsından Kalohraf karyesi sâkinlerinden zâtı ta‘rîf-i şer‘î ile mu‘arrefe olan Tâhire bint Hasan nâm Hâtûn kazâ-yı mezkûr de‘âvî meclisinde ma‘kûd meclis-i şer‘-i şerîfi’l-enverde zevc-i mutallâka olub Yeniköy mahallesi ahalisinden Mehmed Reis ibn-i Ahmed nâm kimesne mahzarında takrîr-i kelâm ta‘bir-i ‘ani’l-merâm edüb mezbûr Mehmed Reis ile bundan akdem zevciyet beynimizde kâime iken merkûmun firâşından hâsıl ve benden mütevellîd hâlâ hacr u terbiyemde olan tahmînen bir buçuk yaşında oğlu işbu hâzır-ı bi’l-meclis İbrahim’in aslâ malı olmayub nafaka ve kisve bahâya eşedd-i ihtiyâc ile muhtâc olmağla sağîr-i mezbûr İbrahim’in nafaka ve kisve bahâsı içün babası mezbûr Mehmed Reis üzerine kadr-i ma‘ruf meblâğ farz ve takdîr olunmak bihakki’l-hidâne matlûbumdur dedikde gıbbe’t-tasdîki’ş-şer‘î hâkim-i muvakki‘-i sadr-ı kitâb tûbâ lehû ve hüsn-i meâb Efendi hazretleri dahî sağîr-i mezbûrun nafaka ve kisve ve sâir levâzım-ı zarûriyyesîçün babası mezbûr Mehmed Reis üzerine işbu târih-i kitâbdan beher şehr yirmi iki buçuk sâni‘ guruş
76
akçe nafaka ve kisve bahâ farz ve takdîr buyurub meblâğ-ı mefrûz-i mezkûru sağîr-i mezbûrun nafaka ve kisve ve sâir levâzım-ı zarûriyyesine harc u sarfa ve lede’l-iktizâ istidâniye ve inde’z-zafer babası mezbûr Mehmed Reis üzerine rücû‘a sağîr-i mezbûrun vâlidesi ve hâzınası mezbûre Tâhire Hâtûn’a kıbel-i şer‘den izn vermeğin mâ vaka‘a bi’t-taleb ketb olundu fî 13 Rebii’l-evvel sene 94
Numara 97.0
Trabzon vilâyeti dâhilinde Rize kazâsı kurâsından Malpet karyesi ahalisinden iken bundan akdem vefât eden Mollanınoğlu Hacı Ali bin Memiş bin Abdullah’ın verâseti sulb-i kebîr oğlu Ahmed Yazıcı ve sulb-i kebîr oğulları gâib ani’l-beled Hacı Mustafa ve Memiş Kabudan ve sulbiyye-i kebîre kızları Âyişe ve Hafize ve Nuriye ve sulbiyye-i kebîre kızı gâib ani’l-beled Gülfe’ye münhasıra olduğu lede’ş-şer‘î’l-enver zâhir ve nümâyân oldukdan sonra gâibûn-ı mezbûrûnun tesviye-i umûrlarına kıbel-i şer‘den mansûb kayyumları karındaşları mezbûr Ahmed Yazıcı’nın ma‘rifet ve ma‘rifet-i şer‘le tahrîr ve terkîm ve beyne’l-verese taksîm olunan tereke-i müteveffâ-yi mezbûrdur ki ber vech-i âtî ale’l-esâmî zikr ü beyân olunur fî 20 Rebii’l-evvel sene 94
Bir bâb kahvehane Bir bâb serender Bir bâb mülk-i menzil
4000 1000 7500
Bir bâb ahur Nuhâs kıyye 45 İnek 2
500 225 200
İki kat yatak Lazut Tahra balta kazma
200 300 30
Zincir 1 Hırdavât Tüfenk 1
77 Yekûnu’l-mal
21770*
Minhe’l-masârifât
Resm-î kısmet Kaydiyye-i defter Varaka bahâsı
545 32 11
Yekûnu’l-İhracât 589
Yekûnu’l-mal 21181
Hisse-i ibn Ahmed Hisse-i ibn Hacı Mustafa
4236 8 para 4236 8 para
Hisse-i ibn Memiş Kapudan Hisse-i bint Âyişe
4236 8 para 2118 4 para
Hisse-i bint Hafize Hisse-i bint Nuriye Hisse-i bint Gülfe
2118 4 para 2118 4 para 2118 4 para
Bâlâda murakkam gâibûn-ı mezkûrunun hisselerini kayyumları mezbûr Ahmed Efendi li-ecli’l-hıfza ahz etmiş olmağla şerh verildi fî 20 Rebii’l-evvel sene 94
Numara 98.0
Trabzon vilâyeti dâhilinde Rize kazâsı kurâsından Umma karyesi ahalisinden iken bundan akdem vefât eden Sarıoğlu Yakub bin Mustafa’nın sulb-i sağîr oğlu Salih ile sulbiyye-i sağîre kızı Fâtıma’nın mallarını hıfza ve tesviye-i umûrlarına kıbel-i şer‘den bir vasî nasb u ta‘yîn olunmak ehemm ü elzem olunmağın emânet ile
*
78
ma‘rûfe ve istikâmet ile mevsûfe olub her vechile vesâyet uhdesinden gelmeğe kâdir idüğü zeyl-i vesîkada muharrerü’l-esâmî müslimîn ihbârlarıyla mütehakkak olan işbu bâ‘isû’l-kitab vâlideleri Gülfe bint Ali nâm Hâtûn hâkim-i muvakki‘-i sadr-ı kitâb tûbâ lehû ve hüsn-i meâb Efendi hazretleri dahî sağîrân-ı mezbûrânın vakt-i rüşd ve sedâdına değin mallarını hıfza ve tesviye-i umûrlarını ruiyyete vasî nasb u ta‘yîn eyledikde ol dahî ber vech-i muharrer vesâyet-i mezkûreyi kabûl ve hidmet-i lâzımesini edâya ta’ahhüd ve iltizâm etmeğin mâ vaka‘a bi’t-taleb ketb olundu fî 28 Rebii’l-evvel sene 94
98a.0
Trabzon vilâyeti dâhilinde Rize kazâsı mahallatından Hurtoz (Hortoz) mahallesi ahalisinden iken bundan akdem vefât eden Mızmızoğlu Haşim bin Mustafa’nın verâseti zevcesi Ulviye bint Hacı Ahmed ve sulbiyye-i sağîre kızı Havva ve liebeveyn karındaşları Ali ve Kemal ve liebeveyn kız karındaşları Cemile ve Ulviye’ye münhasıra olduğu lede’ş-şer‘î’l-enver zâhir ve nümâyân oldukdan sonra sağîre-i mezbûrenin tesviye-i umûruna kıbel-i şer‘den mansûb vasîsi vâlidesi mezbûre Ulviye’nin taleb ve ma‘rifet ve ma‘rifet-i şer‘le tahrîr ve terkîm ve beyne’l-verese tevzî‘ ve taksîm olunan tereke-i müteveffâ-yi mezbûrdur ki ber vech-i âtî ale’l-esâmî zikr ü beyân olunur fî 25 Rebii’l-evvel sene 94
Bir bâb mülk-i menzilden rub‘-ı hisse 800
İki kıt’a mülk-i ağaçlıktan rub‘-ı hisse 300
Bir bâb değirmenden rub‘-ı hisse 250
Tarla etrafında eşcâr-ı müsmire 200
79 Lede’l-müzâyede satılan eşya
600 Yekûnu’l-mal 1550 Nukûd-ı Bahâ 0600 Satılan Eşyâ 2150 Minhe’l-masârifât
Mehr-i zevce Techîz ve Tekfîn Resm-î kısmet
400 100 41 10 para
Varaka bahâsı Kaydiyye
2 3
Yekûnu’l-İhracât 546 10 para
Yekûnu’l-mal 1603 30 para
Hisse-i zevce Hisse-i bint Hisse-i ahe’l-mezbûr
200 18 para 801 35 para 200 18 para
Hisse-i ahe’l-mezbûr Hisse-i uhtu’l-mezbûre Hisse-i uht
200 18 para 100 9 para 100 9 para
Küsür para 2
Bâlâda murakkam sağîre-i mezbûrenin hissesini vasîsi vâlidesi mezbûre Ulviye Hâtûn li-ecli’l-hıfza ahz etmiş olmağla şerhe verildi fî 25 Rebii’l-evvel sene 94
80
Numara 99.0
Trabzon vilâyeti dâhilinde Rize kazâsı mahalltından Hurtoz (Hortoz) mahallesi ahalisinden iken bundan akdem vefât eden Mızmızoğlu Haşim bin Mustafa’nın sulbiyye-i sağîre kızı Havva’nın vâlidesi ve tesviye-i umûruna kıbel-i şer‘den mansûbe vasîsi olan işbu bâ‘isû’l-vesîka Ulviye bint Hacı Ahmed nâm Hâtûn talebiyle hâkim-i muvakki‘-i sadr-ı kitâb tûbâ lehû ve hüsn-i meâb Efendi hazretleri sağîre-i mezbûrenin babası müteveffâ-yi mezbûrdan mevrûs malından işbu târih-i kitabdan beher yevm beşer para nafaka ve kisve bahâ farz ve takdîr buyurub meblâğ-ı mefrûz-i mezkûru sağîre-i mezbûrenin nafaka ve kisve ve sâir levâzım-ı zarûriyyesine harc u sarfa ve lede’l-iktizâ istidâneye ve inde’z-zafer sağîre-i mezbûrenin malı üzerine rücû‘a vasî-yi mezbûre Ulviye Hâtûn’a kıbel-i şer‘den izn verilmeğin mâ vaka‘a bi’t-taleb ketb olundu fî 1 Rebii’l-ahir sene 94
Numara 100.0
Ma‘rûz-ı dâ‘îleridir ki
Husûs-i âtiyyü’l-beyânın mahallinde bi’l-muâ‘yene(?) keşf-i edeyâ ma‘rifet-i şer‘-i şerîf-i fasl-ı vasiyyeçün bi’l-iltimâs bu da’ileri Trabzon vilâyeti dâhilinde Rize kazâsında Yukarı Çarşu civarında Yalıboya(?) Câddesi’nde vâki‘ zikr-i âti menâzi’ kayd olan üç kıt’a mülk arâzi üzerine varub kazâ-yı mezkûr ka’im-i makâmı ıstabl-i âmıstabl-ire müdîrıstabl-ikıstabl-i pâyelülerıstabl-inden ıstabl-izzetlü Abdülhalîm Ağa ıstabl-ibnü’l-merhûm Emıstabl-in Ağa kazâ-yı mezkûrede me’zunen bi’l-iktâ fahâmetlü el-Hâc Hasan Hüsnü Efendi ibn-i Mustafa ve kazâ-yı mezkûr idare meclisi mümeyyizâtı ve cerîdede mazbûtu’l-esâmî müslimîn huzûrlarında akd-i meclis-i şer‘-i âlî(?) eyledikde kazâ-yı mezkûr mahallatından Beseyan(?) mahallesi ahalisinden sâhib-i arz-ı hâl Mollaömer-zâde el-Hâc Mustafa Efendi ibn-i el-Hâc Yakub meclis-i ma‘kûd-ı mezkûrda mahallât-ı merkûmdan Babik mahallesi ahalisinden olub zikr-i âti üç kıt’a mülk-i arsada vaz‘-ı yed olduklarvaz‘-ı ber nehc-i şer‘ beyyine-i âdîle ile sâbit ve müstehak olan Mataracvaz‘-ı- Mataracı-zâde el-Hâc Mustafa Efendi ve el-Hâc Ahmed Efendi ve el-Hâc Abdülhamid Efendi evlâd el-Hâc Hâfız Mehmed Efendi ve İbrahim Ağa ibn-i İsmail Ağa nâm kimesne hâzır olduğu hâlde muvâcehelerinde kazâ-yı mezkûr belediye meclisi ma‘rifetle tanzim olunub ibrâz olunan bir kıt’a harita vechile üzerinde akd-i meclis-i şer‘-i âli olunan bir tarafdan tahtâni hattı(?) duvarı(?) ittisâlinde olub
81
şer‘en yedimde mülküm olan münhedim kahvehâne ile mahall-i sâireye mürûr eden tarîk-i ‘âmm ve bir tarafdan müdde‘î-yi aleyhden mûmâ ileyhden el-Hâc Mustafa ve el-Hâc Ahmed ve el-Hâc Abdülhamid Efendiler ile hâzır-ı mezbûr İbrahim Ağa’nın dükkânları arkaları ve bir tarafdan Gedikoğlu Tevfik’in dükkânı arkası ve taraf-ı râbi‘ Müftü Efendi Câmi‘-i şerîfi ile mahall-i sâireye mürûr edüb bu def’a belediye meclisi ma‘rifetiyle altı zirâ‘ tevsî‘ olunan tarîk-i â’mm ile mahdûd tûlen on sekiz ve arzan dört bihesâb-ı terbî‘ yetmiş iki zirâ‘ bir kıt’a ve yine mahall-i mezkûrede vâki‘ bir tarafdan tahdîd olunan yetmiş iki zirâ‘ arsa ve bir tarafdan Gedikoğlu mezbûr Tevfîk’in dükkânı arkası ve bir tarafdan ba-zân Keşîşoğlu Nikola veled-i Agâm dükkânı arkası ve ba-zân Müftü Efendi câmi‘-i şerîfi havlusu ve taraf-ı râbi‘ câmi‘-i şerîf-i mezkûr ile mahall-i sâireye mürûr eden altı zir’â arazında olan sâlifü’z-zikr tarîk-i â’mm ile mahdûd ve tûlen beş ve arzan dört ve bihesâb-ı terbî‘ yirmi zirâ‘ bir kıt’a ve yine mahall-i mezkûrede vâki‘ bir tarafdan münhedim kahvehane-i mezkûre mürûr eden tarîk ve bir tarafdan leb-i derya ve bir tarafdan câmi-i şerîf havlusu ve ahalinin leb-i deryaya müntehim(?) olur tâ’ifeye çekeceği ve tarîk-i cedîd içün on iki zirâ‘ arzında olan tarîk-i â’mm mezkûr ile mahdûd tûlen on arzan yirmi bihesâb-ı terbî‘ üç yüz yirmi zirâ‘ bir kıt’a ki cem‘an üç kıt’a mülk-i arsaları gâib ani’l-beled Tuzcu-zâde Edhem Efendi ibn-i Mehmed Tâhir Ağa ibn-i Osman Ağa nâm kimesnenin yedinde mülkü olub arsa-ı mahdûd-i mezkûrları gâib-i mezkûr Edhem Efendi semeni-i ma‘lûm ve medfû‘ makbûzu mukâbelesinde bana bey‘ ve temlîk ve teslîm eylediğinde ben dahî ber vech-i muharrer iştirâ ve temlîk ve kabûl etmemle ol vechile arsa-ı mahdûd-i mezkûrların her biri şirâ’en yedimde mülküm iken arâzi-yi mahdûd-i mezkûrlardan yetmiş iki zirâ‘ arsa-i mahdûd-i mezkûrları mûmâ ileyhüma el-Hâc Mustafa ve el-Hâc Ahmed ve el-Hâc Abdülhamid Efendiler ile hâzır-ı mezbûr İbrahim Ağa’dan her biri bi-gayr-i hak zabt ve temellük eder olmalarıyla suâl olunub arsa-ı mahdûd-i mezkûrdan keff-i yedlerine tenbîh olunmak murâdımdır deyû dea‘vîya tasaddî ve ol vechile beynimizde münâza‘ât-ı kesîre ve muhâsamât-ı şedîde cereyân etmiş ise de arsa-ı mahdûd-i mezkûrlardan sâlifü’l-beyân yirmi zirâ‘ arsa ile üç yüz yirmi zirâ‘ arsa gâib-i mezbûr Edhem Efendi’den iştirâ-ı mülküm olub ma‘âdâ zikr olunan yetmiş iki zirâ‘ arsada benim aslâ ve kat‘a alâka ve medhalim olmayub mûmâ ileyhümân Hâc Mustafa ve Hâc Ahmed ve
el-82
Hâc Abdülhamid Efendiler ile hâzır-ı mezbûr İbrahim Ağa’nın kırk seneden mütecâviz gâib-i mezbûr Edhem Efendi ile bil-muvâcehe mülk-i sahîhlerinde temellük mülkleridir deyû müdde‘î-yi mezbûr el-Hâc Mustafa Efendi ikrâr ve takrîr ve bu vechile kat’-i münaza’a eyledik dediğinde müdde‘î-yi mezbûr el-Hâc Mustafa Efendi’nin ber minvâl-i muharrer sâdır olan cem‘-i kelîmât-ı meşrûhasını mûmâ ileyhümân el-Hâc Mustafa ve el-Hâc Ahmed ve el-Hâc Abdülhamid Efendiler ile hâzır-ı mezbûr İbrahim Ağa’dan her biri vecâhen tahkîk ve şifâhen tasdîk eyledikleri mahallinde ketb u tahrîr ve bi’l-iltimâs huzûr-ı âlîlerine î‘lâm olundu fî 20 Cemaziye’l-ahir sene 94
Numara 101.0
(Boş kayıt)
Numara 102.0
Trabzon vilâyeti dâhilinde Rize kazâsı mahallatından Romanoz mahallesi ahalisinden iken bundan akdem vefât eden Hatem(?)oğlu Ahmed bin Mehmed’in verâseti zevce-i menkûha-i metrûkesi Zeyneb bint Hüseyin nâm Hâtûn ile sulb-i sağîr oğulları Yusuf ve [Abdül]kadir ve Osman ve kebîre kızı Fâtıma münhasıra olduğu lede’ş-şer‘î’l-enver zâhir ve nümâyân oldukdan sonra sağîrûn-i mezbûrûnun tesviye-i umûrlarına kıbel-i şer‘den mansûb vasîleri vâlideleri mezbûre Zeyneb Hâtûn’un ma‘rifet ve ma‘rifet-i şer‘le tahrîr ve terkîm ve beyne’l-verese tevzî‘ ve taksîm olunan tereke-i müteveffâ-ı mezbrudur ki ber vech-i âtî ale’l-esâmî zikr ü beyân olunur fî 5 Rebii’l-ahir sene 94
Bir bâb mülk-i menzil Nuhâs kıyye 3 Lazut
1000 45 200
Tahra balta kazma Zincir 1 Hırdavât
20 10 20
İnek 2 İki kıt’a mülk-i mağrûs
83 Yekûnu’l-mal
2495
Minhe’l-masârifât
Mehr-i zevce Techîz ve Tekfîn Resm-î kısmet
250 245 50
Kaydiyye-i defter Varaka bahâsı
3 1
Yekûnu’l-İhracât 549
Yekûnu’l-mal 1946
Hisse-i zevce 244 15 para Hisse-i ibn 486 30 para
Hisse-i bint 243 15 para Hisse-i bint 243 15 para
Hisse-i bint 243 15 para
Bâlâda murakkam sağîrûn-i mezbûrûnun hisselerini vasîleri vâlideleri mezbûre Zeyneb Hâtûn li-ecli’l-hıfza ahz etmiş olmağla şerh verildi fi’l-yevmi’t-târihü’l-mezbûr
Numara 103.0
Trabzon vilâyeti dâhilinde Rize kazâsı mahallatından Romanoz mahallesi ahalisinden iken bundan akdem vefât eden Hatem(?)oğlu Ahmed bin Mehmed’in sulb-i sağîr oğulları Yusuf ve Abdülkadir ve Osman’ın mallarını hıfza ve tesviye-i umûrlarına kıbel-i şer‘den bir vasî nasb u ta‘yîn olunmak ehemm ü elzem olmağın emânet ile ma‘rûfe ve istikâmet ile mevsûfe olub her vechile vesâyet uhdesinden
84
gelmeğe kâdir idüğü zîr-i vesîkada muharrerü’l-esâmî müslimîn ihbârlarıyla mütehakkak olan işbu bâ‘isû’l-vesîka vâlideleri Zeyneb bint Hüseyin nâm Hâtûnu hâkim-i muvakki‘-i sadr-ı kitâb tûbâ lehû ve hüsn-i meâb Efendi hazretleri dahî sağîrûn-i mezbûrunun vakt-i rüşd ve sedâdına değin mallarını hıfza ve tesviye-i umûrlarını ru’yete vasî nasb u ta‘yîn edildikde ol dahî ber vech-i muharrer vesâyet-i mezkûreyi kabûl ve hidmet-i lâzımesini kemâ yenbeğî edâya ta’ahhüd ve