SİCİLİN ÇEVİRİ YAZISI Seferihisâr_7681_0001/1 Ş.S.D. İli: Eskişehir İlçe: Seferihisâr Demirbaş No. 10 Mikrofilm no. 7681 Seferihisâr_7681_0001/2 Sayfa 1 1/1
Medîne-i Seferîhisâr Mahallâtı’ndan Kutbeddîn Mahallesi sâkinlerinden Pehlivan oğlu Hasan bin Hüseyin nâm kimesne meclis-i şer-i şerif'il-enverde Ay mahallesi mütemekkinlerinden ve Devlet-i 'Aliyye teb´asının Ermeni milletinden Sultân oğlu Kifork veledi Makaryos mahzarında bi tav-‘ı ikrâr ve takrîr-i kelâm idüp 'akd-i âtî'l-bey‘ın sudûrina değin silk-i mülk-i sahîhimde münselik olub Kürtün yaylağında vâkı´ bir taraftan karındâşım müteveffâ İbrâhîm Necmî Hüseyin menzili ve bir taraftan Hasan oğlu Mehmed Ali menzili ve bir taraftan Hâcî Tavid menzili ve taraf-i râbi´ tarîk-ı âmm ile mahdûd bir oda ve bir mikdâr havliyi müştemil bir bâb mülk-i menzilimi tarafeynden îcâb ve kabûli hâvî ve şurût-i bir oda ve bir mikdâr havliyi müştemil bir bâb mülk-i menzilimi tarafından îcâb ve kabûli hâvî ve şurût-i müfside ve muvâza‘a ve gabn-ı takrîrden ârî bey´ı bât-i sahîh-i şer´iye ile merkûm Kikork’a bin beş yüz guruşe bey´ ve temlîk ve teslîm eylediğimde ol dahi ber vech-i muharrer ve temlîk ve teslîm ve kabz ve kabûl eyledikten sonra semeni olan meblağ-ı mezkûr bin beş yüz guruşi merkûm Kifork yedinden temâmen ve kâmilen ahz ve kabz eyledim fi mâ ba´d menzil-i mahdûd-i mezkûrde benim aslâ ve kat´â alâka ve medhalim kalmayup merkûm Kifork’un mülk-i müşterâ-yi sahihi ve hakk-ı sarîhi olmuşdur keyfe mâ yeşâ mutasarrıf olsun didikde gıbbe't-tasdîkı'ş-şer´i mâ vâka´ bi'-tâleb ketb olundı. Fî 23 sene 87.
1/2
Medine-i Seferihisâr Mahallâtı’ndan Kudbeddîn Mahallesi sâkinlerinden Pehlivan oğlu Hasan bin Hüseyin nâm kimesne meclis-i şer´-i şerîfi’l-enverde medîne-i mezkûrde mâl müdîri bâ irâde-i seniyye müteferruat me'mûriyetinden bulunan futuvvetlü Ahmed Hamdî Efendi hâzır olduğı hâlde Ay mahallesi mütemekkinlerinden ve Devlet-i 'Aliyye teb´asının Ermenî milletinden işbu ba´isu’-rakim Kifork veledi Makaryos mahzarında bâ tav‘ı ikrâr ve takrîr-i kelâm idüp akd-i âtî'l-bey´ın ve ferâğ-ı mu´teberenin sudûrina değin arâzîsi bâ sened taht-i tasarrufımda ve üzerinde binası silk-i mülk-i sahîhimde münselik olub Kürtün yaylâğında Eski Kürtün nâm mevkı‘de yeni ağıl dimek ile ma´rûf arâzî-i
emîriye üzerinde mebânî bir kıt´a ağnâm ağılında olan on altı sehimden bir sehimi hisse-i şâyi´ası tarafeynden îcâb ve kabûli hâvî ve şurût-i müfside ve mevâzia ve gabnı takrîrden ârî bey´-i bâti sahîh-i şer´i ile ve ferâğ-i kat´ı ile bin beş yüz guruşe merkûm Kifork’a bey´ ve temlîk ve teslîm ve ferağ ve tefviz eylediğimde ol dahi ber vech-i muharrer iştirâ ve temellük ve teslim ve teferruğ ve tefviz ve kabul eyledikten sonra semeni olan meblağ-ı mezkur bin beş yüz guruşe merkûm Kifork yedinden temâmen ve kâmilen ahz ve kabz eyledim fi mâ bâ´d sihâm-i mezkûrde benim aslâ ve kat´â alâka ve medhalim kalmayub merkûm Kifork’un mülkinde müşterâ-yi sahîhi ve hakk-ı sarîhi olmuşdur keyfe mâ yeşâ mutasarrıf olsun didikde gıbbe’t-tasdîkı’ş-şer´i mâ vâka´ bi'-tâleb ketb ve imlâ olundı.
Fî 23 Safer sene 87
1/3
Medîne-i Seferihisâr’ın Benli Mahallesi mütemekkinlerinden ve Devlet-i 'Aliyyenin Ermenî milletinden Kirkor veledi Murâd meclis-i şer´-i şerîf’il-nverde mahalle-i mezkûre mütemekkinlerinden teb´a-i müşârun-ileyhânın millet-i merkûmesinden işbu ba´isu’r-rakîm Arab oğlu Markos veledi Abraham mahzarında bi tav‘ı ikrâr ve takrîr-i kelâm idüp akd-i âtî'l-bey´ın sudûrine değin silk-i mülk-i sahîhimde münselik olub mahalle-i mezkûrenin Kasır zokağında otuz yedi numara ile murakkam etrâf-ı erbâ´ası Melemmet zâde Mehmed Efendi Merhûm Beşe oğlu Ahmed ve Patoron oğlu Haci Ağop menzilleri çıkmaz zokak ile mahdûd ve üç oda ve bir mikdâr havlıyi müştemil bir bâb mülk-i menzilimi tarafeynden îcâb ve kabûli hâvî ve şurût-i müfside ve muvaza‘a ve gabn-i takrîrden ârî bey´-i bât-i sahîh-i şer´i ile elli bin elli guruşe merkûm Markos’a bey´ ve temlîk ve teslîm eylediğimde ol dahi ber vech-i muharrer iştirâ ve temlîk ve teslîm eyledikten sonra semeni olan meblağ-ı mezkûri merkûm Markos’a yedinden temâmen ve kâmilen ahz ve kabz eyledim fi mâ bâ´d menzil-i mahdûd-i mezkûrde benim aslâ ve kat´â alâka ve medhalim kalmayup merkûm Markos’un mülk-i müşterâ-yi sahîhi ve hakk-ı sarîhi olmuştur keyfe mâ yeşâ mutasarrıf olsun didikde gıbbe't-tasdîkı’ş-şer´i mâ vâka´ bi'-tâleb ketb ve olundı.
Fî 3 Safer Sene 87
Sefer-i hisâr_7681_0002/1 Sayfa 2
2/1
Medine-i Seferihisar Mahallesi’nden Hunatlar Mahallesi’nden Bacı oğlu Hacı Ali Ömer Osman bin Hacı Ali meclis-i şer-'ı şerifi’l-enverde zımmi Akdoğan Mahallesi mütemekkinlerinden ve Devlet-i ´Aliyye teb´asının Ermeni Milletinden bâ´isu'r-rakîm Hacı oğlu Hacı Artin Kulus veledi Hacı Ohannes mahzarlarında bi tav´ı ikrâr ve takrîr-i kelâm idüp akd-i âtî’l-bey´ın sudurına değin binası silk-i mülk-i sahîhimde münselik olan Abdulvahhap Efendi Vakfı müstekilâtından medine-i mezkûre sûkının Bey Handa vâkı´ etraf-ı erba'adan
Veli oğlu İbrahim mağazası ve müşteri-yi merkûmuna vekâletleri ve hân-ı mezkûr havlisi ve sûk-ı sultanî ile mahdût ve senevi cânibi vakfa sekiz kuruş ait başında bi-l-icareteyn taht-ı tasarrufumda olan bir bab mağazamı tarafeynden icap ve kabulü ve hâvî şurût-i müfside ve muvaza'a ve gabn-ı takrîrden ârî bey´-i bâti sahîh-i şer´i ile ve ferâğ-i mu´tebere ile on bin kuruşa mekûmun Hacı Agop ve Hacı Artin ve Hacı Kolos nam kimesnelere bey' ve ferâğ eylediğimde onlar dahi ber vech-i muharrer iştirâ ve temellük ve tesellüm ve teferruğ ve kabul eyledikten sonra semeni olan meblağ-ı mezkûru merkûmuna Hacı Agop ve Hacı artin ve Hacı Kalos yedlerinden tamamen ve ahz ve kabz eyledim fi mâ ba'd mağaza-ı mahdudu mezkûrda benim aslâ ve kat’â alakam kalmayup merkumunun mülk-i müşterâ-yi sahîh ve hakk-ı sarîhleri ve teferruğları olmuştur keyfe mâ yeşâ mutasarrıf olsunlar didikte gıbbe’t-tasdîkı’ş-şer´i mâ vaka'a bi't-taleb ketb olundı. Fî 23 Safer sene 87
2/2
Medîne-i Seferihisâr Mahallâtı’ndan Hacı Hasan Mahallesi sâkinelerinden Şerife binti Ahmet Efendi Tarafından âtî’l-bey´ ve ferağ-ı ikrâra vekili olan zât-ı mezbûre-yi ârifan Mehmet bin El-hacc Mustafa ve Hüseyin bin Hacı Münip nâm kimesneler şehâdetleriyle sabit olan zevc-i dâhili Mehmet Efendi ibni Abdullah meclis-i şer-i şerif’il-enverde zımmi Akdoğan Mahallesi mütemekkinlerinden Devlet-i `Aliyye teb`asının Ermeni Milletinden Ohannes ve Kirkor veledi ve Artin mahzarlarında bi'l- vekâle ikrâr ve takrîr-i kelâm idüb müvekkilem zevcem mezbure Şerife akd-i ati'l bey' ve ferağ-ı meteberenin sudurına değin kız karındaşlarım Ümmühan ve Ayişe ve karındaşım Ahmet ile me`an yedimizde binası silk-i mülkümüz ve arazisi taht-ı tasarrufumuzda müşterek olup Devlet-şah yaylakında Karabab nam mevkı`de kâin arazi-i emiriye üzerinde mebni etraf-ı erba'ası hali mera ile mahdut bir kıt'a ağnam ağılının nısf hissesi benimle karındaşlarım ve muzbûrûnun olup karındaşlarım Ahmet ve Ümmühan ve Ayşe ağılı mezkurda olan hisselerini merkûmân Ohannes ve Kirkor'a bey' ve ferağ etmeleriyle ben dahi tarafeynden icap ve kabûli hâvî ve şurût-i mufside ve muvâza´a ve gabn-ı takrîrden ârî bey´-i bâti sahîh-i şer´i ve ferâğ-i mu´tebere-i kat-î ile bin sekiz yüz kuruşa hisse-i şâyi'amı merkûmân Ohannes ve Kirkor'a bey' ve temlik teslim ve ferağ ve tefriz eylediyimde ve onlar dahi ber vech-i muharrer iştirâ ve temellük ve tesellüm ve teferruğ ve tefevvuz ve kabul eylediklerinden sonra fi mâ ba'd ağıl-ı mahdut-ı mezkûrda benim aslâ ve kat’â alaka ve medhalim kalmayup merkûmân Ohannes ve Kirkor'un mülk-i müşterâları ve hakk-ı teferruğları olmuştur mutasarrıf olsunlar dedi dedikte gıbbe’t-tasdîkı’ş-şer´i mâ vaka'a bi't-taleb ketb olundı.
25 Safer 27
2/3
Medîne-i Seferihisâr Mahallâtı’ndan Yenice Mahallesi sâkinlerinden Sarızâde Ali Ağa ibni El- Hacc Mustafa meclis-i şer-i şerifi’l-enverde Benli Mahallesi mütemekkinlerinden ve Devlet-i `Aliyye teb'asının Ermeni Milletinden bâ´isu'r-rakîm Toros veledi Hacı Agop Mahzarında bi tav'ı ikrâr ve takrîr-i kelâm idüp
akd-i ati'l bey'ın sudurına değin silk-i mülk-i sahihimde münselik olup Benli Mahallesi’nin Kişi Zokağında bir numro ile murakkam etraf-ı erba'ası Sarı zâde hacı Süleyman Aga ve Arap oğlu Ohannes ile İstankö bey oğlu Hacı Ohannes menzilinde ve tarafeynden tarik-ı 'amm ile mahdut fevkâni ve tahtâni dokuz göz oda ve bir miktar havlı-yı müştemil bir bab mülk-i mezlilimi tarafeynden îcâb ve kabûli hâvî ve şurût-i mufside ve muvâza´a ve gabn-ı takrîrden ârî bey´-i bâti sahîh-i şer´i ile otuz iki bin beşyüz kuruşa merkum Toros'a bey' ve temlik ve teslim eylemede ol dahi ber vech-i muharrer iştirâ ve temellük ve tesellüm eyledükte semeni olan meblağı mezkûr otuz iki bin beş yüz kuruş müştera-yı merkum Toros yedinden tamamen ve kamilen ahz ve kabz eyledim fî mâ ba'd menzili mahdud-ı mezkurda benim aslâ ve kat’â alaka ve medhalim kalmayup mezbur Toros'un mülk-i müşterâ-yi sahîhi ve hakk-ı sarîhi olmuştur keyfe mâ yeşâ mutasarrıf olsun didikte gıbbe’t-tasdîkı’ş-şer´i mâ vaka'a bi't-taleb ketb olundı.
fi 27 Safer 87
Sefer-i hisâr_7681_0002/2 Sayfa 3
3/1
Medine-i Seferihisâr Mahallâtı’ndan Hâcî Eskici Mahallesi sâkinlerinden iken bundan akdem vefât iden Süleymân Ağa ibni Süleymân’nın verâseti zevce-i menkûha-i metrûkesi Ayişe binti Hüseyin ile sulbiyye-i kebîre kızları Emîne ve Sâfiye ve sulb-i kebîr oğulları Süleymân ve Mehmed ve sagîr oğlu Hüsnî nâm kimesnelere münhasıra olduğı ba´de't-tahukkuki’ş-şer´i verese-i mezbûreden mezbûr Süleymân mecilis-i şer´-i şerîf’il-enverde zevce-i mezbûre Ayişe ile mezbûretân Emîne ve Sâfiye ve ibni mezbûr Mehmed tarafından zikr-i âtî-l-beyân ve ferâğı ikrara vekîl-i müseccele-i şer´ileri mezbûr ve Emîne ve ehiyân Süleymân Efendi ibni el-Hâcc Abdullâh ile sagîr-i mezbûr Hüsnî’nin kıbel-i şer´den vâsî-i mansûbi Mehmed Ali Efendi Hâcı ibni Ahmed hâzır olduğı halde Orta mahallesi mütemekkinlerinden ve Devlet-i Aliyeyye teb´asının Ermenî milletinden Barak Oğlu Haci Ağob veledi Haci Meburos mahzarında hâzirân vekîl ve vâsî-i mezbûrâne ile mean her biri ikrâr ve takrîr-i kelâm idüp akd-i âtî’l-beyân´ ve ferâğ-ı mu´teberenin sudûrına değin mevrûsumuz müteveffâ-yi mezbûrden müntakil ve mevrûs olan Porsuk virân nâm mevkı´inde kâin bir tarafdan Mantıcı zâde Mehmed Efendi ve bir tarafdan Kasâb Hüseyin bâğı ve bir taraf Kassâb Hüseyin bâğı ve bir tarafdan Sel deresi ve tarafdan tarîk-i 'âmm ile mahdûd ve arâzî-i mevkûfe üzerinde Ma´rûz-ı e bir kıt´a bâğı kürûmine ile derûnınde mebnî üç göz odalı tarafından îcâb ve kabûli hâvî ve şurût-i müfsîde-i vâhide ile on bin dokuz yüz guruşe merkûm Haci Agob’a bi'l-asâle ve bi'l-vesâye ve bi'l-vekâle bey´ ve temlîk ve teslîm ve ferâğ ve tevfîz eylediğimizde ol dahi ber vech-i muharrer iştirâ ve temlîk ve teslîm ve teferruh ve tefevvuz ve kabûl ve kabz eylediklerinden sonra semen ve bedeli olan meblağ-ı mezkûr on bin dokuz yüz guruşe merkûm Haci Ağob yedinden bi'l-asâle ve bi'l-vekâle temâmen ve kâmilen ahz ve kabz eyledikde fi mâ bâ´ad mahdûd-i mezkûrde bizim aslâ ve
kat´an alâka ve medhalim kalmayup merkûm Haci Ağob’un mülk-i müşterâ-yi sahîh ve hakk-ı sarîhi olmuşdur keyfe mâ yeşâ mutasarrıf olsun didikde gıbbe’t-tasdîkı’ş-şer´i mâ vaka'a bi't-taleb ketb olundı.
Fi Selh-i Safer sene 87
3/2
Medine-i Seferihisar Mahallâtı’ndan Benli Mahallesi mütemekkinlerinden ve Devlet-i Âliye teb´asının Ermenî milletinden bâ'isü'r-rakim Haci Ohannes bin Ağob meclis-i şer´-i şerîf-i enverde Oda mahallesi mütemekkinlerinden ve Devlet-i 'Aliyye teb´asının Ermenî milletinden bâ´isu'r-rakîm Baliyon Oğlu Haci Artin bin Kirkor mahzarında bi tav´ı ikrâr ve takrîr-i kelâm idüp akd-i âtî’l-bey´ ferâğ-i mu´teberenin sudûrine değin kürûmi silk-i mülk-i sahîhimde münselik ve arâzî bâ senet taht-ı tasarrufımda olan Hiristiyân karyesi nâm mahallede Gül nâm mevkı´de kâin etraf-ı erba´ası Papas oğlu Karbet ve Bağosi oğlu Artin ve Toto oğlu Haci Karabet bâğları ve tarîk-i `âmm ile mahdûd ve bir kıt´a bâğım içun mülk-i kürûmi tarafından îcâb ve kabûli hâvî ve şurût-i mufside ve muvâza´a ve gabn-ı takrîrden ârî bey´-i bâti sahîh-i şer´i ile merkûm Haci Artin’e iki bin üç yüz guruş bey´ ve temlîk ve teslîm eylediğimde ol daha ber vech-i muharrer iştirâ ve temlîk ve teslîm ve kabz ve kabûl eyledikden sonra semeni olan semeni olan meblağ-ı mezkûri müşterâ-yi merkûm Haci Artin yedinden temâmen ve kâmilen ahz ve kabz eyledim fi mâ ba´d bâğ-ı mahdûd-i mezkûrde benim aslâ ve kat´an alâka ve medhalim kalmayub merkûm Haci Artin’inin mülk-i müşterâ-yi sahîhi ve hakk-ı sarîhi olmuşdur keyfe mâ yeşâ mutasarrıf olsun didikde gıbbe’t-tasdîkı’ş-şer´i mâ vak´a bi't-taleb ketb ve olundı.
Fı Selh-i Rebi´u’l-evvel
3/3
Medine-i Seferihisâr kurâsından Karacavirân karyesi sâkinlerinden Deli Mehmed oğlu Hüseyin ibni’l-mezbûr Mehmed meclis-i şer´-i şerîfi’l-enverde vilâyet-i Ankara’da evkâf-ı hümâyûn mu´accelât müdîri fazîletlu Abdulkerîm Efendi tarafından mürahhas vekîli bulunan Ebûbekir Efendi ibni Hüseyin Ağa hâzır olduğı hâlde Oda Mahallesi mütemekkinlerinden ve Devlet-i 'Aliyye teb´asının Ermenî milletinden bâ´isu'r-rakîm Kibyan oğulları Makyosi Karagob ve Artin ve Ohannes Maydoros Nebo Ohannesi mahzarında bi tav´i ikrâr ve takrîr-i kelâm idüp akd-i atî'l-bey´ ve ferâğ-i mu´teberenin Sudûrina değin binâsı silk-i mülk-i sahîhimde ve arâzîsinde mebnî bir kıt´a ağnâm ağılın nısf hissesi millet-i merkûmeden Çatal başı oğlu Haci Ağob zevcesi Hurisima bint-i Hoçotor’in taht-i tasarrufında ve nısf-ı hissesi dahi bâ sened taht-ı tasarrufunda olmağla el-hâleti hazihi nısf-ı hisse-i mezkûremin nısfını ki yani mezkûr ağılın mecmû´ ının rub´i kendi taht-ı tasarrufımda olub rub´-i diğerini tarafından îcâb ve kabûli hâvî ve şurût-i mufsîde ve mevâzi´a ve gabn-i takrîrden ârî bey´-i bât-i sahîh-i şer´i ile ve ferâğ-i mu´ayyene kat´i ile merkûmun Makrodiçi ve Ağob ve Midorosi ve Atin ve Ohannes ve Nebo Ohannesi nâm kimesnelere üç bin beş yüz guruşe bey´ ve temlîk ve teslîm ve ferâğ ve tefvîz eylediğimde anlar dahi ber vech-i muharrer iştirâken ve seviyen iştirâ ve temlîk ve teslîm ve tefrîh ve tefevvüzi ve kabûl ve
kabz eyledikten sora meblağ-ı mezkûr üç bin beş yüz guruşe merkûmun yedlerinden temâmen ve kâmilen ahz ve kabz eyledim fi mâ ağıl-ı mezkûrun rub´inde aslâ ve kat´ a alâka ve medhalim kalmayub merkûmun Makroyusi olmayub ve Midosi ve Artin ve Ohannes’in iştirâken ve seviyen mülk-i müşterâları ve hakk-ı taferruğleri olmuşdur keyfe mâ yeşâ mutasarrıf olsun didikde gıbbe’t-tasdîkı’ş-şer´i mâ vak´a bi't-taleb ketb olundı.
Fi (silik)
Sefer-i hisâr_7681_0003/1 Sayfa 4
Huve
1)
Sûret-i Emirnâme-i Hazret-i Fetvâ-Penâhî
Bazı medyûn mutasarrıf olduğı yedi mülki birkaç alacaklıya rehin eylemekde ve bundan dolayı envâ´ müşkilât ve münâza´ât tahaddüs itmekde bulunmuş müstekillât ve musakkafât-ı mevkûfenin sûret-i istiklâli bir kâ´ide-i makbûza tahtında cârî ise de emlâk-i sâirenin mu´âmelât-i tertibâtiyesinde intizâm ve inzibat olmaması bir tâkım sû-i isti´mâli dâ´î olacağından bunun dahi mûcib-i emniyet olacak bir kâ´ide tahtına va sa'i lâzimeden bulunmuş olduğı beyânıyla ol babda şûrâ-yi devletden kaleme alınub bi'l-istizân icrâ-yi ahkâmına irâde-i seniye-i hazret-i Padişâhi müte´allık ve şeref-sûdur buyurulmuş olan mevâd-i nizâmiyenin bir nüshasının nakliyle îcâb iden hükkâm ve nüvvâb-i şer´iyeye tebligât-i mü’essire icrâsı ba-tezkire-i sâmiye iş´âr buyurulmuş ve bu mevâd-i nizâmiye-i mezkûrenin bir nüsha-i matbû´ası leffen irsâl kılınmış olmağla mutlaka vilâyetde tâb´ıyle ahkâmının tenfîz ve icrâsı zınnında dâhil-i daire-i vilâyet olan nüvvâb Efendilere birer nüshasinin irsâliyle tebliğ´-i keyfiyet olunması sıyâkında şukka-i mahfûze-i senâveri terkîm kılındı.
Fi 19 Cemâziye’l-âhire sene 287
2)
Seferihisâr kazâsı niyabet-i şer´iyesine Meveddetlu Efendi
Bâlâ-yi tahrîrât-i senâverîye ihrâc ittirilen suret-i emirnâme-i hazret-i feteva-i penâhî ve'l-mutasarrıf nizâm-i âlî misâl-i sâmîsinin Kâm-i ahkâmının tenfîz ve icrâsıyla hilâf-i emr-i âlî hâl ve hareket olunmamasına mezîd-i dikkat ve i´tinâ eylemeleri siyâkında tahrîr-i nemîkaya ibtidâr kılındı.
3)
Tertîb-i Emlâk Hakkında Mevâdd-i Nizâmiyedir
Birinci madde bir mülkün tertîbinde ibtidâ o mülkün başka yere rehin veyahut ve sukûn ve tahtında bulunmak gibi ilişkisi olmadığı musaddak mahalle veya karyesi Muhtârı ve ihtiyâr meclisi tarafından mühürli bir ilm-u haber ahz ile râsi irâde-i meclis temyîze ve kazâda ise de‘âvi meclisine ibraz olunmak ve meclisde bilâ te'hîr o mülkün senedâtı mu´ayene ve bir güna ilişkisi olmadığı tahkîk olunduktan sonra ilm u haberi hıfz olunarak birer ruhsatnâme verilub o ruhsatnâme mülkin bulunduğı kazâ-i mahkeme-i şer´iyesine bil irâ'e oradan zaman hücceti alınmak lâzım gelecektir. İkinci madde De'âvi ve Temyîz Mecâlisinde mu´amelât-ı tertîbiye içun bir defter tutulub bir mülk hakkında tertibi ruhsatnâmesi verildiği anda o defdere kayd olunacağı zemânın hîn-i fekkinde mecâlis-i mezbûreye bi'l-mürâca‘a kayd ve tashîh ittirilecekdir.Üçüncü madde bu mu´amelâtın icrâsında ve de´âvî ve temyîz-i mecâlisden harc verse alınmayup yalnız hüccet harcı alacakdır.
fî 21 Rebî u’l-âhir sene 287 fî 8 Temmuz sene 288
Sefer-i hisâr_7681_0003/2 Sayfa 5
1)
Sûret-i Emirnâme-i Sâmî
Ser-rişte vâsıl olmaksızin mahall-i âhâra nakl hâne eyleyenler hakkında Eytâm Sandığınca ne makâmla idilmekde lâzım geleceği ve mevrûsleri diyar-i âhirede irtihâl iden kesânın istîfâ-yi husûs-ı ırsıyesi içun dahi bazı kavâ‘id-i teshîliyle vaz´ ve te‘sîsi bazı vilâyetlerden iş´âr olunduğından keyfiyet Şura-yi Devletin mütâla‘asına havâle kılınmış idi eytâmın hisse-i mevrûsesini ahza kesb-i istihkâk eylemesi mutlakâ vukû´ ve sübût ve rüşde mevkûf bulunduğından mahall-i âhara hicret-i asl kâ‘ideyi tağyîr idemeyub hıfz-ı nizâmât îcâbınca her tarafda eytâm sandıklarınca menâfi‘i-ahâlîye hizmet idecek vesâitde mü'essis ve mevcûd olması lâzım geleceğinden sinn-i rüşde vusûlinden mukaddem mahal-i âhara hicreti vukû´ bulan yetimin hisse-i irsiyesi gittiği mahalde isbât-ı vücûd ittikten sonra vatan-i kadîm ve cedîdinde bulunan mahkemeler beyninde ketb ve tahrîr olunarak akçesi mevcûd ise derhâl ve edâne olunmuş ise müddet-i mu´ayyenesi hitâmında gitmiş olduğı mahallin mahkemesi sandığına nakl idilerek mu´âmele-i şer´iyesinin orada icrâsı hem kâ‘ide-i şer´iye ve nizâmiyeden maksad-ı asl olan hıfza hukuk maddesini câmi´ ve hem de o misillu nakl-ı hâne idenlerin vatan-ı sâbıklarında kalacak akçelerden dolayı oranın eytâm sandığına mürâca´at-i mütevâlilerini vâkı´ olacağından eytâm sandıkları hakkında mevcûd olan nizâmnâmeye derc ve tenzîl olunması ve mevrûsleri diyâr-i ahara irtihâl idenlerin istifâ-yi hukûk–ı ırsiyesi zimmetinde sahîh ve şuhûd istihâsiyle mevrûsun mahall-i vefâtına azîmet veya vekîl mahall-irsâl mahall-itmelermahall-i müşkmahall-ilât ve ta‘bmahall-ibâtı mûcmahall-ib olacağından
o makule muhalefât esmânının hazîneye vürûdunden mahallinden vukû´ bulacak iş'ara göre veresenin bulunduğı mahallin tâbi´ olduğı vilâyetle bi'l-muhâbere tedkîkât-i müktaziye icrâsıyla bedel-i terekenin ve nakd-i mevcûdu var ise anı resm-i nizâmisi bi't-tedkik üst tarafında sübût –i vârisine terteddüp idüp Mu´âmele-i şer´iyesinin îfâsından sonra ashâbına verilmek üzre ol vilâyete irsâl ile mebâliğ-i mersûmenin gönedilen mahallede şehriye şedvellerine masraf kayd-ı mahsûsun kâ‘ide ittihâzkayd-ı ve şâyed hukûk-kayd-ı vârisin 'adem-i sübûti veya vârisin