âhire bey ve ve füruht olunub semeninin Eytâm Müdîri ma’rifetiyle istirbâh olunmak üzere kıbel-i şer’den vasîyye-i mezbûre Esmâ Hâtûn’a izin virdiğini vâki-

hâlî kâtib mûmâ-ileyh mahallinde ketb ve tahrîr ve ma’an mürsel-i ümenâ-i şer’le meclis-i şer’a gelüb âlâ-vukû’a inhâ takrîr itmeğin gıbbe’t-tasdîki’ş-şer’î mâ-vaka’a bi’t–taleb ketb olundu. Fi’l-yevmi’s-sâmin aşer min-şehr-i Rebî’ü’l-ahir lî-sene selâsîn ve selâse mi’ete ve elf.

_________________________________________________________Şuhûdü’l–hâl Mahalle-i mezbûr Timari Abdi Mahalle-i Ak Osmânzâde Ve İmâmı Ali Rızâ oğlu Ahmed Mezbûreden Osmân gayrühüm Efendi ibn-i çavuş ibn-i Sarı Hafızzâde bin Hasan

İsmâil Mustafâ Hafız Ahmed bin Bekir

643/NUMRO-66

Hüdâvendigâr Vilâyet-i Celilesi dâhilinde merkez livâ olan Karahisâr-ı Sâhib mahallâtından Hâcı Mahmûd Mahallesi ahâlîsinden iken bundan akdem vefât Hâcı Ömeroğlu Ömer bin Ömer bin Abdullah’ın verâseti zevcesi Râbiâ bint-i Murâd ile evlad-ı kibârı Âyişe ve Mustafâ ve Kâdir ve Hasan sagîr oğulları Mehmed ve İsmâil’e münhasıra ve tashîh-i mes’ele-i mîrâsları bi’l-fârizâti’ş-şer’îyye seksen sekiz sehmden olub sihâm-ı mezbûreden on bir sehmi mezbûre Râbiâ’ya ve yedi sehmi mezbûre Âyişe’ye ve on dörder sehmden cem’an yetmiş sehmi mezbûrun Mustafâ ve Kâdir ve Hasan ve Mehmed ve İsmâil’e isâbeti tahakkukundan sonra sagîran-ı mezbûrân Mehmed ve İsmâil’in tesviye-i umûrlarına kıbel-i şer’den bâ- hüccet-i şer’îyye vasî nasb ve ta’yîn olunan vâlideleri zevce-i mezbûre Râbiâ Hâtûn meclis-i şer’î enverde mahalle-i mezbûrede vâki cânib-i yemeni Hâcı Ömeroğlu Hasan menzili ve yesâri Fırkalıoğlu Hâcı Hamza menzili ve arkası Hâcı Yûsufoğlu Ömer menzili ve cebhesi tarîk-i amm ile mahdûd müştemilat-ı ma’lumeyi havi bir bab-ı mülk menzil-i mûrisimiz zevcim müteveffâ-yı merkûm Ömer’in ile’l-vefât yedinde mâlı ve mülkü olub bad-ı vefâta benimle vasîleri olduğum sagîran-ı mezbûrân verese-i sâ’ire-i merkûmesine mevrus olmuş iken menzil-i mezkûr müşrif harab olmağla ben ve verese-i kibâr-ı mezbûrunun her birimiz menzil-i mahdûd mezkûrda

120

olan ber-tashîh-i mezkûr hisse-i şayiamızı âhire bey murâd itmezle vasîleri olduğum sagîran-ı mezbûrânın hisse-i şayia-i musibeleri benimle verese-i kibâr-ı mezbûrunun hisse-i şayialarıyla semen-i misliyle âhire bey olunub semenine iskan olunmak üzere sagîran-ı mezbûrân içün ahir bir menzil iştirâ olunmak sagîran-ı mezbûrân haklarında her vechle enfa âhiri olacağından sagîran-ı mezbûrânın hisse-i şayialarının ol-vechle beye kıbel-i şer’den bana izin verilmek bi’l-vesâye matlûbumdur didikde vasîyye-i mezbûre Râbiâ Hâtûn’un bi’l-cümle tekaririnin vâki ve nefsü’l-emre muvafık olduğu zeyl-i vesîkada muharrerü’l-esâmî müslimînin huzûr-ı şer’de ala vechiş-şehâde ihbârlarıyla tahakkuk teeyyüd itmeğin mûcibince sagîran-ı mezbûrânın hisse-i şayialarının verese-i kibâr-ı mezbûrunun husûs-ı şayialarıyla ma’an semen-i misliyle âhire beye ve semenine sagîran-ı mezbûrân içün bir bab-ı mülk iştirâsına vasîyye-i mezbûre Râbiâ Hâtûn’a kıbel-i şer’den izin virilmeğin mâ-vaka’a bi’t–taleb ketb olundu. Fi’l-yevmi’s-sâmin aşer min-şehr-i Rebî’ü’l-ahir lî-sene selâsîn ve selâse mi’ete ve elf.

_________________________________________________________Şuhûdü’l–hâl Kudüslüzâde Zekeriyazâde Çilli Kasab Koca Hüseyin Ve Abdurrahman Efendi Arif Efendi ibn-i oğlu Osmân gayrühüm ibn-i Ahmed Efendi İsmâil Efendi bin Hüseyin

(SAHÎFE-55)

643/NUMRO-67

Hüdâvendigâr Vilâyet-i Celilesi dâhilinde merkez livâ olan Karahisâr-ı Sâhib mahallâtından Hâcı Mahmûd Mahallesi ahâlîsinden iken bundan akdem vefât Hâcı Ömeroğlu Ömer bin Ömer bin Abdullah’ın verâseti zevcesi Râbiâ bint-i Murâd ile sulbîyye-i kebîre kızı Âyişe ve sulbî kebîr oğulları Mustafâ ve Kâdir ve Hasan ve sulbî sagîr oğulları Mehmed ve İsmâil’e münhasıra olduğu bi’l-ihbâr mütehakkık olmağla sagîran-ı mezbûrân Mehmed ve İsmâil’in tesviye-i umûrlarına kıbel-i şer’den bir vasî nasb lâzım ve mühim olmağın olmağın emanet ile ma’rûfe ve istikâmet ile mevsûfa ve her vechle vesâyet-i uhdesinde gelmeğe kâdire idüğü zeyl-i vesîkada muharrerü’l-esâmî müslimîn ihbârlarıyla tebeyyün iden sagîran-ı mezbûrânın vâlideleri olub zâtı müslimün-i mezbûrun tâ’rîfleriyle mu’arrefe olan işbu ba’isetü’l- küttâb Râbiâ nâm Hâtûn sagîran-ı mezbûrân Mehmed ve İsmâil’in ve vakt-i rüşd ve

121

sedâdlarına değin babaları müteveffâ-yı mezbûrdan mevrus müntakil mâllarını hıfz u hirâset ve sâ’ir umûr-ı lâzimelerini tesviye ve ru’yete kıbel-i şer’den vasî nasb ta’yîn olundukda ol-dahi ber-vech-i muharrer vesâyet-i merkûmeyi kabûl ve hidmet-i lâzimelerini kemâ-yenbâgi edâya ta’ahhüd ve iltizâm itmeğin mâ-vaka’a bi’t–taleb ketb olundu. Fi’l-yevmi’s-sâmin aşer min-şehr-i Rebî’ü’l-ahir lî-sene selâsîn ve selâse mi’ete ve elf.

_________________________________________________________Şuhûdü’l–hâl Kudüslüzâde Zekeriyazâde Çilli Kasab Koca Hüseyin Ve Abdurrahman Efendi Arif Efendi ibn-i oğlu Osmân gayrühüm ibn-i Ahmed Efendi İsmâil Efendi bin Hüseyin

643/NUMRO-68

Hüdâvendigâr Vilâyet-i Celilesi dâhilinde merkez livâ olan Karahisâr-ı Sâhib mahallâtından Hâcı Nuh Mahallesi ahâlîsinden Asâkîr-i Osmânîye on dokuzuncu Alayının üçüncü Taburunun onuncu Bölüğünün on yedinci Haymesi neferâtından iken bundan akdem ordusu cânibinde vefât iden Aşçı oğullarından Ahmedoğlu Mustafâ bin Ahmed bin Hâcı Mehmed’in verâseti babası mezbûr Ahmed ve vâlidesi Emîne bint-i İsmâil’e münhasıra olduğu Karaman Mahallesi ahâlîsinden Mustafâ bin Mahmûd Çavuş ve Hâcı Mahmûd Mahallesi ahâlîsinden Çerkesoğlu Hâcı Hasan bin Hâcı Abdullah ve Hâcı Eyyûb Mahallesi ahâlîsinden Ekmekçioğlu Abdurrahman bin Mehmed nâm kimesnelerden huzûr-ı şer’de ala vechiş-şehâde ihbârlarıyla tahakkuk itmeğin mûcibince müteveffâ-yı mezbûrun emvâl ve emlâk ve nükûd-ı vâris-i merkûmane isâbet ideceği iktiza eylediği i’lâm olundu. Fi’l-yevmi’s-sâlis ve’l-işrîn min-şehr-i Rebî’ü’l-ahir lî-sene selâsîn ve selâse mi’ete ve elf.

643/NUMRO-69

Hüdâvendigâr Vilâyet-i Celilesi dâhilinde merkez livâ olan Karahisâr-ı Sâhib’e tâbi Kal’acik-i Kebîr Karyesi ahâlîsinden iken bundan akdem vefât iden Yağlıoğlu Mustafâ bin Osmân bin Abdullah’ın ber-vech-i ati vârisi oldularını iddi’â iden zâtları tâ’rîf-i şer’î ile mu’arrefeler olan Ümmühân bint-i Abdurrahman nâm Hâtûn sadrîyye-i kebîre kızları Emîne ve Şerîfe ve Fâtıma hazıra oldukları halde meclis-i şer’î enverde (SAHÎFE-56) Medîne-i mezbûre mahallâtından Hâcı Eyyûb

122

Mahallesi ahâlîsinden Ali Efendi ibn-i Ahmed mahzarında bi-tav’ihâ takrîr-i kelâm ve ta’bîr-i ani’l-merâm idüb müteveffâ-yı merkûm Mustafâ zevc-i dahilim olub hin-i vefâtında verâseti benimle sulbîyye-i kebîre kızları mezbûrat Emîne ve Şerîfe ve Fâtıma li-ebeveyn er-kârındaşı gaib-i ani’l-meclis Ramazân bin Ali’ye münhasıra ve tashîh-i mes’ele-i mîrâsları bi’l-fârizâti’ş-şer’îyye yetmiş iki sehmden olub sihâm-ı mezbûreden dokuz sehmi bana ve on altışar sehmden cem’an kırk sekiz sehmi kızları hazırat-ı mezbûrat Emîne ve Şerîfe ve Fâtıma’ya ve on beş sehmi mezbûr Ramazân’a isâbet idüb bizden gayri vârisi ve terekesine müstahak âhiri olmamağla zevcim ve mûrisimiz ve müteveffâ-yı merkûm Mustafâ’nın mezbûr Ali Efendi zimmetinde cihet-i karzdan yirmi dört kurûş alacak hakkı olub meblâğ-ı mezkûr kable’l-ahz ve’l-istîfâ vefât itmekle meblâğ-ı mezkûrdan bir sihâm-ı mezkûr benimle kızlarım hazırat-ı mezbûrat Emîne ve Şerîfe ve Fâtıma’nın hisse-i irsiyyemize isâbet iden on dokuz kurûş halen bize edâ ve teslîme mezbûr Ali Efendi’ye tenbîh olunmak matlûbumdur deyû hazırat-ı mezbûrat Emîne ve Şerîfe ve Fâtıma ile bi’l-ma’iyye da’vâ itdiklerinde lede’s-su’âl mezbûr Ali Efendi dahi cevâbında cihet-i merkûmeden müteveffâ-yı merkûm Mustafâ’ya zimmetinde ol-mikdar kurûş deyni olduğunu tav’a ba’de’l-ikrâr ma-adâ müdde’îyye-i mezbûre Ümmühân ile hazırat-ı mezbûratın ber- vech-i muharrer verâset-i müdde’âlarını külliyen inkâr itmekle müdde’îyye-i mezbûre Ümmühân ile hazırat-ı mezbûrat Emîne ve Şerîfe ve Fâtıma’dan ber-vech-i muharrer verâset-i müdde’âlarına mutâbık beyyine taleb olundukda sâlifü’l-beyân her bir Kal’acik-i Kebîr Karyesi ahâlîsinden Aydınlıoğlu İbrâhim bin Mehmed ve Mezmezen(?)oğlu Hasan bin Süleymân nâm kimesneler li-ecli’ş-şehâde meclis-i şer’a hâzırân olub istişhâd olunduklarında fi’l-hakîka müteveffâ-yı merkûm Yağlıoğlu Mustafâ bin Osmân bin Abdullah’ın verâseti zevce-i menkûha’sı işbu müdde’îyye- i mezbûre Ümmühân ile sulbîyye-i kebîre kızları hazırat-ı mezbûrat Emîne ve Şerîfe ve Fâtıma ve li-ebeveyn er-kârındaşı oğlu gaib-i ani’l-meclis Ramazân bin Ali’ye münhasıra ve bunlardan gayri vârisi ve terekesine müstahak âhiri olduğu ma’lume değildir biz bu hususa bu vech üzre şâhidiz ve şehâdet dâhi ideriz deyû her biri müttefikü’l-lafz ve’l-ma’nâ bi’l- muvâcehe ber-nehc-i şer’î edâ ve şehâdet itmeleriyle şâhidân-ı mezbûrân usul-i mevzû’asına tatbîkan evvelen bâ-varaka-i mestûre mensûb oldukları mezkûr Kal’acik-i Kebîr Karyesi İmâmı Mehmed Efendi ibn-i Hâcı İbrâhim ve Muhtarı Kara Bekiroğlu Ahmed bin Bekir nâm kimesnelerden bi’l-

123

muvâcehe âlenen lede’t-tezkiye adl ve makbûlü’ş-şehâde idükleri iş’ar ve ihbâr olunmağın mûcibince müdde’îyye-i mezbûre Ümmühân ile hazırat-ı mezbûrat Emîne ve Şerîfe ve Fâtıma’nın ber-vech-i muharrer verâset-i müdde’âlarını ba’de’l-hükm müdde’â aleyh mezbûr Ali Efendi ala mucib-i ikrâra ilzâm olunduğu kendüye tenbîh olundukdan sonra müdde’îyyat mezbûratdan hazırat-ı mezbûrat Emîne ve Şerîfe ve Fâtıma yine meclis-i şer’î enverde Kal’acik-i Kebîr Karyesi ahâlîsinden Efendioğlu Halil bin Ali Efendi mahzarında bi-tav’ihâm takrîr-i kelâm idüb (SAHÎFE-57) takrîr- i kelâm idüb pederimiz müteveffâ-yı merkûm Mustafâ’nın bi’l-cümle terekesinden hisse-i irsiyye-i şayiamızı vaz-ı yed idenler ile bi’l-cümle leh ve aleyhimize vukû bulmuş ve fi’mâba’d vukû bulacak de’âvînin a’id olduğu mehâkim-i şer’îyyede ve mehâkim-i nizâmiyyenin hukûk ve cezâ ve ticâret kısimlârında mecâlis-i idâre ve deva’ir-i sâ’irede bidâyeten ve istinâfen ve temyîzen ve tashîhan ve i’tirâzen ve i’âdeten taleb ü da’vâ muhâkeme ve muhâsama müdâfa’a ve murâfa’aya ve ikâme-i şuhûd istimâ’ına tahlîf ve hacz-ı vaz ve fekkine teblîğ ve tebellüğe istid’â ve levâyih tanzîm ve mercî-ia’idine takdîme istihsâl eylediği i’lâmâtı mevkî-i icrâya vaz’a ve lede’l-iktizâsulh ve ibrâya inde’l-iktiza âhiri dahi tevkîl ve terfîk ve azline ve’l-hâsıl husûsat-ı mezkûreye müte’allika ve müteferri’a olan umûrun küllîsini son dereceye kadar îfâya tarafımızdan vekâlet-i âmme-i mutlâka-i sahîha-i şer’îyye ile hazır-ı mezbûr Halil Efendi’yi vekîl nasb ve ta’yîn eyledik didiklerinde mezbûr Halil Efendi dahi ber-vech-i muharrer vekâlet-i mezkûreyi kabûl hidmet-i lâzimelerini kabûl ve hidmet-i lâzimelerini kemâ-hiye hakkuhâ edâ ve îfâya ta’ahhüd ve iltizâm eyledim didikde gıbbe’t-tasdîk ve’t-tasdîki’ş-şer’î mâ-vaka’a bi’t–taleb ketb ve imlâ olundu. Fi’l-yevmi’s-sâlis ve’l-işrîn min-şehr-i Rebî’ü’l-ahir lî-sene selâsîn ve selâse mi’ete ve elf.

_________________________________________________________Şuhûdü’l–hâl Başkâtib Vâsıf Mukayyîd Osmân Kâtib Ahmed Ve Efendi Zeki Efendi Efendi gayrühüm

643/NUMRO-70

Hüdâvendigâr Vilâyet-i Celilesi dâhilinde merkez livâ olan Karahisâr-ı Sâhib’e tâbi Ümraniye Karyesi ahâlîsinden iken bundan akdem vefât iden Salihoğlu Ömer bin Salih bin Abdullah’ın verâseti zevce-i menkûha’sı Emîne bint-i Osmân

124

ile sulbîyye-i kebîre kızları Cemile ve diğer Emîne ve Zehrâ ikinduden mukâddem vefât iden sulbî kebîr oğlu Salih’in sulbî sagîr oğlu Salih’e münhasıra olduğu bi’l- ihbâr inde’ş-şer’î’l enver zâhir ve mütehakkık oldukdan sonra sagîr-i mezbûr Salih’in tesviye-i umûruna kıbel-i şer’den bir vasî nasb lâzım ve mühim olmağın emaneti ile ma’rûfe ve istikâmet ile mevsûfa ve her vechle vesâyet-i uhdesinde gelmeğe kâdire idüğü zeyl-i vesîkada muharrerü’l-esâmî müslimîn ihbârlarıyla mütehakkık olan sagîr- i mezbûrun min kıbeli’l-eb ceddesi olub zâtı müslimün-i mezbûrun tâ’rîfleriyle mu’arrefe işbu ba’isetü’l-küttâb Emîne bint-i el-mezbûr Osmân nâm Hâtûn’un sagîr- i mezbûr Salih’in vakt-i rüşd ve sedâdına değin ceddi müteveffâ-yı mezbûrdan mevrus müntakil mâlını hıfz u hirâset ve sâ’ir umûr-ı lâzimesini tesviye ve ru’yete kıbel-i şer’den vasî nasb ta’yîn olundukda ol-dahi ber-vech-i muharrer vesâyet-i merkûmeyi kabûl ve hidmet-i lâzimesini kemâ-yenbâgi edâya ta’ahhüd ve iltizâm itmeğin mâ- vaka’a bi’t–taleb ketb olundu. Fi’l-yevmi’s-sâmin aşer min-şehr-i Rebî’ü’l-ahir lî-sene selâsîn ve selâse mi’ete ve elf.

_________________________________________________________Şuhûdü’l–hâl Işıklar Karyesi’nden Ümraniye Karyesi’nden Karye-i Mezbûrdan Ve Deli Ali oğlu Hâcı Mehmed oğlu Yûsuf Arif oğlu Hüseyin gayrühüm Ali bin Süleymân bin Mehmed bin Arif

(SAHÎFE-58)

643/NUMRO-71

An-ı asl Konya Vilâyeti dâhilinde Antalya Sancağına tâbi Akseki Kazâsına muzâfe Belek Karyesi ahâlîsinden olub Hüdâvendigâr Vilâyet-i Celilesi dâhilinde merkez livâ olan Karahisâr-ı Sâhib’e tâbi Bolvadin Kazâsına muzâfe Çay Nâhiyesi’nde mukîm zâtı zeyl-i vesîkada muharrerü’l-esâmî zevât tâ’rîfleriyle mu’arref Kara Osmânoğlu Ahmed Efendi ibn-i Mehmed meclis-i şer’î şerif-i enverde mezkûr Belek Karyesi ahâlîsinden olub kezâlik zâtı mu’arref Ahmed Çavuşoğlu Ali efendi ibn-i Ahmed mahzarında bi-tav’â takrîr-i kelâm idüb Bolvadin Kazâsı mahkeme-i şer’îyyesinde muti fi 27 Hâzırân (1)327 tarihlü bir kıt’a vekâlet hüccetinde tasfilen zikr ü beyân olunduğu vechle mûrisimiz ve pederim müteveffâ-yı mezbûr Mehmed’den benimle kârındaşlarım ga’ibün ani’l-beled Mustafâ ve Mehmed ve Hadîce ve müteveffiye Emîne ile vâlidem diğer Emîne’ye mevrus olan

125

karye-i mezbûrede vâki malumu’l-hudud ve’l-müştemilat bir bab-ı mülk menzilde olan hisse-i irsiyye-i şayia-i malumem ile kız-kârındaşım olub âhiren vefât itmiş olan mezbûre Emîne’den ve el-yevm hal-i hayâtında bulunan kârındaşlarım mezbûrun Mustafâ ve Mehmed ve Hadîce’den iştirâ eylediğim husûs-ı şayia-i malumemi kaffeten işbu hazır-ı mûmâ-ileyh Ali Efendi’yi yetmiş aded lirâ-yı Osmânî semen-i merfu makbûz mukâbelesinde kat’iyyen bey ve temlîk eylediğimde mûmâ-ileyhde ol- vechle iştirâ ve teslîm ve kabûl itmekle ferâğ-ı resmisinin i’tası içün karye-i mezbûrede sâkin marü’l-beyân Akseki Kazâsı sâbık-ı şer’îyye Kâtibi Tâhir Efendi ibn-i Abdullah’ı kabûlüne mevkufen vekîl ve na’ib-i menab nasb ta’yîn eylemiş itdiysede vekîl-i mûmâ-ileyh vekâlet-i mezkûreyi îfâ itmediği gibi kârındaşlarım mezbûrun Mustafâ ve Mehmed ve Hadîce hâne-i mezkûrede olan hisselerini bey eylediklerini inkâr ile nâmıma takrîr resmisini i’tadan imtina itmekde oldukları mesmuam olmağla mûmâ-ileyh Tâhir Efendi’yi vekâlet-i mezkûremden azil ve ihraç eylediğimden hâber-i azili kendüsine teblîğine ve hâne-i mezkûrede pederim ile hemşirem Emîne’den müntakil ve mevrus husûs-ı şayia-i malumemi üzerime ba’de’l-intikal ber- minval-i meşrûh hisse-i müntakilem ile diğer kârındaşlarım mezbûrundan müştera husûs-ı şayiamı hazır-ı mezbûr Ali Efendi’ye kemâ-fi’s-sâbık kat’iyyen bey ve ferâğ ve semenini kabz ve istîfâ eylediğime binâen muamele-i kanuniyesinin îfâsı içün komisyon-ı mahsûs huzûrunda i’ta-yı takrîre ve kârındaşlarım mezbûrun ber-vech-i bala beylerini mukîrr olarak husûs-ı şayialarını nâmıma ferâğ idecek oldukları sûretde husûs-ı malumelerinin dahi evvelen nâmıma tefriğinden sonra mezkûr hisseleri dahi mezbûr Ali nâmına kezâlik ferâğ ve teslîme ve şayed kârındaşlarım takrîrinden imtina ve akd-i mezkûrlarını inkârlarında ısrar iderler ise semen-i nâmıyla mâlımdan ve yedimden kârındaşlarım mezbûrun Mustafâ’nın yirmi ve Mehmed’in keza yirmi Hadîce’nin on aded lirâ-yı Osmânî makbûzları olmağla mebâliğ mezbûre ile müteveffât Emîne’nin kezâlik makbûzu olan aded lirâ-yı Osmânî ve husûs-ı mezkûre müştera hakkında kârındaşlarım verese-i şer’îyyesinden a’id olduğu mehâkim-i şer’îyyede ve mehâkim-i nizâmiyyenin hukûk ve cezâ ve ticâret kısimlârında mecâlis- i idâre ve deva’ir-i sâ’irede taleb ü da’vâ muhâkeme ve muhâsama müdâfa’a ve murâfa’aya ve ikâme ve istimâ ve redd-i şuhûda ve tahlîfe ve teblîğ ve tebellüğe ve kendi imzasıyla istid’â ve levâyih tanzîm ve mercî-ia’idine takdîme ve vaz-ı hacz ve fekkine ve ehl-i hibre vukûf-ı nasb ve ta’yîn ve azline ahz ü kabza ve bu babda bi’l-

126

cümle makbûzâtını evvelce semen-i mebâliğ-i makbûzam olan meblâğ-ı mezkûr yetmiş lirâyı mahsub itmek (SAHÎFE-59) üzere mezbûr Ali Efendi’ye i’ta ve teslîme ve takasa ve’l-hâsıl husûsat-ı mezkûreye müte’allika ve müteferri’a olan umûrun küllîsini son dereceye kadar îfâya ve icrâya merreten bad-ı âhiri âhirini tevkîl ve terfîk ve azline me’zun olmak üzere küllema azleten fetat vekîl-i mazmunu üzere azil ve in’izalden masune vekâlet-i âmme-i devriyye-i sahîha-i şer’îyye ile tarafımdan mezbûr Ali Efendi’nin li-ebeveyn kârındaşı karye-i mezbûrede sâkin Mehmed Efendi’yi kabûlüne mevkufen vekîl ve na’ib-i menab nasb ta’yîn eyledim didikde hazır-ı mazbur Ali Efendi dahi mukîrr-i mezbûrun ber-minval-i muharrer takrîrini harfiyen tasdîk itmeğin mâ-vaka’a bi’t–taleb ketb ve imlâ olundu. Fi’l-yevmi’l-hâmis ve’l-işrîn min- şehr-i Rebî’ü’l-ahir lî-sene selâsîn ve selâse mi’ete ve elf.

_________________________________________________________Şuhûdü’l–hâl Karahisari Külamcıoğlu Darendeli Hâcı Süleymân Ve Hâcı Eyyûb bin Süleymân bin Osmân gayrühüm

643/NUMRO-72

Hüdâvendigâr Vilâyet-i Celilesi dâhilinde merkez livâ olan Karahisâr-ı Sâhib mahallâtından Çavuşoğlu Mahallesi ahâlîsinden iken bundan akdem vefât iden Karamıklıoğlu İbrâhim bin Yahyâ bin Nasuh’un ber-vech-i ati vârisi olduğunu iddi’â iden mahalle-i mezbûre ahâlîsinden Hâcı Hasan bin İbrâhim meclis-i şer’îmizde Medîne-i mezbûre mahallâtından Sinanpaşa Mahallesi ahâlîsinden Arikzâde Hâcı Arif Efendi ibn-i Hâcı Ahmed Efendi muvâcehesinde müteveffâ-yı merkûm İbrâhim Çavuş pederim olub hin-i vefâtında verâseti zevcesi Tayyibe bint- i Hâcı Mehmed ile kebîre kızları Halime ve Fâtıma Adeviye ve kebîr oğlu olmamla bana münhasıra ve ba’dehû bint-i mezbûre Halime dahi vefât idüb verâseti zevc-i metruki Mehmed bin Ahmed ve vâlidesi mezbûre Tayyibe ve sagîre kızı Zeliha ve sagîr oğulları İbrâhim ve Saadeddin ve kebîr oğlu Ahmed’e münhasıra ve tashîh-i mes’ele-i mîrâsımız bi-hükmi’l-münâsahati’ş-şer’îyye dört yüz seksen sehmden olub sihâm-ı mezbûreden yetmiş dört sehmi mezbûre Tayyibe’ye ve seksen dörder sehmden cem’an yüz altmış sekiz sehmi mezbûrtan Fâtıma ve Adeviye’ye ve yüz altmış sekiz sehmi bana ve yirmi bir sehmi mezbûr Mehmed’e ve yedi sehmi mezbûre Zeliha’ya ve on dörder sehmden cem’an kırk iki sehmi mezbûrun İbrâhim ve Ahmed

127

ve Saadeddin’e isâbet idüb bizden gayri vârisi ve terkesine müstahak âhiri olmamağla mûrisimiz ve pederim müteveffâ-yı evvel-i merkûm İbrâhim Çavuş’un mezbûr Hâcı Arif Efendi zimmetinde cihet-i karzdan kırk sekiz kurûş alacak hakkı olub meblâğ-ı mezkûr kable’l-ahz ve’l-istîfâ ber-vech-i muharrer vefât itmekle meblâğ-ı mezkûrdan ber-tashîh mezkûr hisse-i irsiyyeme isâbet iden on dört kurûş halen bana edâ ve teslîme mezbûr Hâcı Arif Efendi’ye tenbîh olunmak matlûbumdur deyû da’vâ itdikde lede’s- su’âl mezbûr Hâcı Arif Efendi dahi cevâbında cihet-i merkûmeden müteveffâ-yı evvel merkûm İbrâhim Çavuş’a zimmetinde ol-mikdar kurûş deyni olduğunu tav’a ba’de’l- ikrâr ma-adâ müdde’î merkûm Hâcı Hasan’ın ber-vech-i meşrûh verâset müdde’âsını külliyen inkâr itmekle müdde’î merkûm Hâcı Hasan ber-vech-i meşrûh müdde’âsını tafsilatı zabt-ı i’lâmda muharrer olunduğu vechle Çavuşbaşı (SAHÎFE-60) Mahallesi ahâlîsinden Hammaloğlu Monlâ İbrâhim bin Mustafâ ve Monlâ Bahşi Mahallesi ahâlîsinden Katırcıoğlu Hâcı Murâd bin Hâcı Süleymân nâm kimesneler şehâdetleriyle ber-nehc-i şer’î isbat itmeğin şâhidân-ı mezbûrân usul-i mevzû’asına tatbîkan evvelen bâ-varaka-i mestûre mensûb oldukları mezkûr Çavuşbaşı Mahallesi İmâmı Mehmed Efendi ibn-i Abdullah ve Muhtarı Cemaloğlu Hâcı Ömer bin Hâcı Bekir ve Monlâ Bahşi Mahallesi İmâmı Ahmed Efendi ibn-i Mehmed Efendi