Sayfa No : 1 Belge No : 1
Tarihi : 10 Safer 1041 / 08 Ağustos 1631
Mazmûn-ı Kitâba muhâlif müvekkilem merkûme Âbide hâtundan bi‟l-isâle ve yâhûd bi‟l-vekâle da‟vâ ve nizâ‟ sudûr ve zuhûr ederse lede‟l- hükkâm ve zi‟l-fazl ve‟l-ihtirâm mesmûa‟ ve makbûle olmaya dedikde vekîl-i mezbûr Halîl Çavuş ikrâr-ı meşrûhunda vekîl-i merkûm Abdullatif Çelebi‟yi muvâcehe tasdîk ve bi‟l-müşâfehe tahkîk etmeğin ma vaka‟a bi‟t-taleb ketb olundu fi‟l-yevmi‟l-mükemmel li‟l-ışrîn min saferi‟l-hayr li-sene ihdâ ve erba‟în ve elf
Şuhûdü‟l-hal
Fahrü‟l-müderrisîn Hasan Efendi bin Abdusselâm, diğer Hasan Efendi bin Mûsa, Mehemed Çelebi odabaşı, Yahya Çelebi el-müderris, El-hâc Hüseyin, Süleyman Çelebi el-kâtip, Şâhin bey el-cündî
Sayfa No : 1 Belge No : 2
Tarihi : 10 Safer 1041 / 08 Ağustos 1631
Medine-i Rodosçuk mahallâtından El-hâc Îsa mahallesi sâkinlerinden olub bundan (akdem) vefât eden Halil Bey bin Abdullâh‟ın veraseti sulbiyye kebîre kızları Selîme ve Âbide ve zevce-i metrûkesi Humâ hâtun ibnetü Abbâs‟a münhasıra olduğu şer‟ân münhasır oldukdan sonra mezbûre Selîme tarafından husûs-ı âti‟l-beyanı ikrâra vekîl olub merkûme Selîme‟yi ma‟rifet-i‟ş-şer‟iyye ile ârifîn olan Hasan Çelebi bin Yahyâ ve Osman Beşe bin Abdullah nâm raciller şehâdetleri ile şer‟an vekâleti sâbite olan İbrâhim Efendi bin Mehmed ve mezbûre Âbide tarafından dahî kezâlik vekîl olub merkûme Âbide‟yi dahî m‟arifet-i şer‟iyye ile ârifîn olan Mahmûd bey bin Abdallah nâm râcil ve Ali bey bin Hasan Efendi şehâdetleri ile şer‟an vekâleti sâbite olub zevci olan fahrü‟l-cüyûş Halîl Çavuş bin el-hâc Mehmed meclis-i şer‟-i hatîr-i
lâzimi‟t-33
tevkîrde merkûme Hümâ hâtun tarafından dahî husûs-ı mezbûru tasdîka vekîl olub merkûme Hümâ hatunu ma‟rifet-i şer‟iyye ile ârifîn olân Ali Bâli bin Yusuf ve Mustafâ Beşe bin Mahmûd nâm kimesneler şehâdetleri ile şer‟an vekâleti sâbite olan fahrü‟l-müderrisîn Abdüllatif Çelebi ibn İbrâhim Efendi mahzarında her birleri bi‟l-vekâle ikrâr ve takrîr-i kelâm edüp mezbûre Hüma hâtunun mehr-i müeccelinden zevci müteveffâ-yı mezbûr Halîl bey zimmetinde on bin akça hakkı olub ba‟de vefâtihî muhallefâtından ırs-i şer‟i ile intikâl eden sümün hisse-i şer‟iyyesinden dahî yigirmi bin akça isabet edüp cem‟an mezbure Hüma hâtunun zevce-i muteveffâ-yı mezbûrun muhallefâtından otuz bin akça hakkı olduğu şer‟an sâbite ve mütehakkık olub verilmek lâzım gelmeğin müvekkilelerimiz mezbûretân Selîme ve Âbide dahî babaları müteveffâ-yı mezbûre Halîl beyin muhallefatından olub mahalle-i mezbûrede vâki‟ bir tarafı yine mezbûre Hümâ hâtun mülkü ile mahdûd ve bir tarafı Esfer hâtun ve tarafeyni tarîk-i âmm ile mahdûd olub bir bâb fevkânî ve şehneşini ve iki bâb tahtânî evleri ve sofayı ve fırını ve bir miktar havluyu müştemil olan otuz bin akça kıymetlü mesbûkü‟z-zikr otuz bin akça mukâbelesinde mezbûre Humâ hâtuna ta‟yîn ve yedine teslîm ve temlik eylemeleri ile menzil-i mahdûd-ı mezkûr mezbûre Huma hâtunun mülk-i mevrûsu olub müvekkilelerimiz mezbûretân Selime ve Âbide‟nin alâka ve medhalleri yoktur dedikde vekîlân-ı mezbûrân İbrâhim Efendi ve Halîl Çelebi‟nin bi‟l-vekâle vech-i meşrûh üzere câri olan ikrârların yine vekîli mezbur Abdüllatif Çelebi ve Hüma tasdîk ve şifâhen tahkîk etmeğin mâ hüve‟l-vâki‟ bi‟t-taleb ketb olundu fi‟t-tarîhi‟l-mezbûr li-sene el-mezbûr
Şuhûdü‟l-hâl Sâbikûn
Sayfa No : 1 Belge No : 3
Tarihi : 22 Safer 1041 / 28 Eylül 1631
Medine-i Rodosçuk mahallâtından İskender Çavuş mahallesi sâkinlerinden el-hâc Musli bin Abidin nâm kimesne meclis-i şer-i hatîr-i lâzimi‟t-tevkîrde sulbiyye kızı olub bundan akdem vefât eden Âbide nâm hâtunun tesviye-i umûruna kıbel-i şer‟den mansûbe vasîsi olan babası râfi‟u hâze‟l-kitâb Mumcu Mehmed bin Mustafâ
34
mahzarında ikrâr ve takrîr-i kelâm edüb mahalle-i mezbûrede olub bundan akdem sagîr-i mezbur Mûsâ‟ya hîbe ve temlik ve teslîm eylediğim fevkânî menzilin altında vâki‟ etrâf-ı erba‟ası yine benim mülküm ve bir tarafı Hüseyin nâm kimesne mülkü ile mahdûd olan bir bâb tahtânî mülk menzilimi tûlu Bayram kimesne havlusuna varınca arzen binâ zirâ‟ıyla üç zirâ‟ olan tarîk-i hâss ile sagîri mezbûr Mûsa bey‟ nakd-i râyic-i‟l-vakt fıdda akçaya bey‟ ve teslîm ve temlîk olunub vasî-i merkûm Mehmed dahî bi‟l-vesâye ittibâ‟ ve kabûl ve kabz ve tesellüm eylediklerinden sonra semeni olan bin iki yüz akçayı bi‟t-tamâm ve‟l-kemâl vasî-i merkûm yedinden alub kabz eyledim ba‟de menzil-i mahdûd-ı mezbûr sagîri mezkûr Musâ‟nın mülk-i müşterâsıdır keyfe mâ yeşâ ve yuhtâr mutasarrıf olsun dedikde mukırr-ı mezbûru ikrâr-ı meşrûhunda vasî‟-i merkûm bi‟l-muvâcehe tahkîk edicek mâ-vaka‟a bi‟t-taleb ketb olundu fi‟l-yevmi‟s-sânî vel „işrîn fi‟t-tarihi‟l-mezbûr
Şuhûdü‟l-hâl
Abdullatif Mehmed bin Mustafa, Serdar el hac Mehmed bin Abdullah Sayfa No : 2
Belge No : 4
Tarihi : Evâsıt-ı Safer 1041 / 11-20 Eylül 1631
Medine-i Rodosçuk mahallatından Câmi‟-i Atîk mahallesi sâkinlerinden Ahmed Çelebi bin Ramazan nâm kimesne meclis-i şer‟-i hatîr-i lâzimi‟t-tevkîrde medine-i merkûmede Hüseyin Çavuş mahallesinde sâkin fahru‟s-sulehâ ve‟s-sâlikîn eş-şeyh Muslihuddîn Efendi bin Murâd nâm kimesne tarafından bey‟-i âti‟l-beyânı tasdîke vekîl olub Abdullâtîf Çelebi bin İbrâhim Efendi el-muderris ve İbrâhim bin Şa‟bân nâm kimesneler şehâdetleriyle şer‟ân vekâleti sâbite olan li-ebeveyn karındaşı Receb Efendi bin Murâd nâm kimesne muvâcehesinde ikrâr ve takrîr-i kelâm edüb silk-i mülk-i mahzımda muntazam olan emlâkımdan medine-i mezbûre sınûrı dâhilinde kurbalı? dimekle ma‟rûf mevzi‟de vâki‟ bir cânibi Keresteci İbrâhim Çelebi mülkü ve bir cânibi Kâsım oğlu Ali Çelebi mülkü ve bir cânibi Âsım bin Mustafâ Bey‟in mülkü ve bir cânibi yine kendü mülküm ile mahdûd ve tahmînen iki buçuk dönüm bir kıt‟a mülk bağımı vekîli mezbur Receb Efendi‟nin müvekkili olan mûma-ileyh eş-şeyh Muslihuddin Efendi‟ye iki bin yedi yüz nakd-i râyici‟l-vakt fıdda akçaya bey‟-i bât-ı
35
sahîh-i şer‟î ile bey‟ edüb kabz-ı semen-i ma‟dûd ve teslîm-i mübeyya‟-ı mahdûd eyledim ba‟de‟l-yevm mârrü‟z-zikr bağı mezbûr eş-şeyh Muslihuddîn Efendi‟nin mülk-i müşterâsıdır keyfe mâ yeşâ ve yuhtâr mutasarrıf olsun dedikde bâyî‟-i mezbûru ikrâr-ı meşrûhunda merkûm Receb Efendi vicâhen tasdîk ve şifâhen tahkîk edicek mâ-vaka‟a bi‟t-taleb ketb olundu fi evâsıt-ı saferi‟l-hayr lisene ihdâ ve erba‟în ve elf Şuhûdül‟hâl
Fahrü‟l-müderrisîn İbrâhim Efendi bin Hasan, Hasan Efendi bin El-hâc Ahmed, Halîl dede bin El-hâc Hamza, El-hâc Mehmed bin Abdullâh
Sayfa No : 2 Belge No : 5
Tarihi : 10 Safer 1041 / 07 Eylül 1631
Medine-i Rodosçuk mahallâtından El-hâc Îsa mahallesi sâkinelerinden Hümâ hâtun ibnetü Abbâs tarafından husûs-ı âti‟l-beyânı ikrâra vekil olub vekâleti merkûme Hümâ‟yı ma‟rifet-i şer‟iyye ile ârifîn olan Ali Bâlî bin Yusûf ve Mustafâ Bey bin Mahmud nâm kimesneler şehâdetleriyle şer‟an sâbite olan fahrü‟l-müderrisîni‟l-kirâm Abdullatif Çelebi bin İbrâhim Efendi meclis-i şer‟-i hatîr-i lâzimi‟t-tevkîrde merkûme Hümâ Hatun‟un sulbiyye kebîre kızı olan Âbide hâtun ibnetü Halîl bey tarafından husûs-ı âti‟z-zikr tasdîke vekil olub vekâleti merkûme Âbide hatunu ma‟rifet-i şer‟iyye ile ârifîn olan Mahmud bey bin Abdullâh ve Ali bey bin Hasan nâm kimesneler şehâdetleriyle şer‟an sabite olan dergâh-ı âlî dâme mahfûfen bi‟l-me‟âlî Çavuşlarından fahrü‟l-cüyûş zevci Halîl Çavuş bin el-hâc Mehmed mahzarında bil‟vekâle ikrâr ve takrir-i kelâm edüb merhûm ve mağfûrun leh Rüstem Paşa hazretlerinin evkâfından olub muvekkilem merkûme Hüma hâtun‟un taht-ı tasarrufunda olan medine-i merkûmede Curahân? dâhilinde bir cânibi merhûm-ı mezbûr hamamının külhânı ve bir cânibi Âmine hâtun mahzeni ve bir cânibi hân-ı mezbûr havlusu ve bir cânibi ( boş) ile mahdûd olub icâre-i mu‟accele ve müeccele ile mütasarrıfe olduğu bir bâb vakıf mahzenin hakk-ı tasarrufun mütevellî-i vakf olan Mehmed bey bin Abdullâh ma‟rifetiyle merkûme Âbide hâtuna (silik) ve teslîm edüp ol dahî tefevvüz ve kabz ve tesellüm eyledik dedikde vekîl-i mezbûr Abdullatif Çelebiyi ikrâr-ı meşrûhunda vekîli
36
merkûm Halîl Çavuş vicâhen tasdîk ve şifâhen tahkîk edicek mâ-vaka‟a bi‟t-taleb ketb olundu fi‟l-yevmi‟l-mükemmeli‟l-ışrîn fi saferi‟l-hayr lisene ihdâ ve erba‟în ve elf Şuhûdül-hâl
Fahrü‟l-müderrisîni‟l-kirâm Hasan Efendi bin Abdusselâm, diğer Hasan Efendi bin Mûsa el-müderris, Yahya Efendi el-müderris, Mehmed Çelebi odabaşı, el-hâc Huseyin ahî-i Debbâğân.
Sayfa No : 2 Belge No : 6
Tarihi : Evâhir-i Safer 1041/ 21-29 Eylül 1631
Medine-i Rodosçuk mahallâtından El-hâc Îsâ mahallesi sâkinelerinden fahrü‟l-mühazzerât Hümâ hâtun ibnetü Abbâs tarafından hibe-i âti‟l-beyânı ikrâra vekili olub vekâleti mezbûre Hümâ hâtunu ma‟rifeti‟ş-şer‟iyye ile ârifin olan Ali Bey bin Yusuf ve Mustafa Bey bin Mahmûd nâm kimesneler şehâdetleriyle sâbite olan fahrü‟l-müderrisîn Abdüllatif Çelebi bin İbrâhim Efendi meclis-i şer‟-i hatîr-i lâzimi‟t-tevkîrde merkûme Hümâ hâtunun sulbiyye kebîre kızı fahrü‟l-muhassemât Âbide hâtun ibnetü Halil Bey tarafından hibe-i merkûmeyi tasdîke vekîl olub vekâleti mezbûre Âbide hâtunu ma‟rifeti‟ş-şer‟iyye ile ârifin olan Mahmud Bey bin Abdullah ve Ali bey bin Hasan nâm kimesneler şehâdetleriyle sâbite olan dergâh-ı âlî dâme mahfûfen me‟âlî Çavuşlarından fahrü„l-cüyûş Halîl Çavuş ibn el-hâc Mehmed mahzarında bi‟l-vekâle ikrâr ve takrîr-i kelâm edüb müvekkilem merkûme Hümâ hâtun silk-i mülk-i mahzında münselik ve muntazam olan emlâkinden kendü mahlle-i mahkiyyede vâki‟ bir cânibi yine kendü mülkü ve bir cânibi Asife hâtun mülkü ve iki cânibi tarîk-i âmm ile mahdûd bir bâb fevkânî ve şehneşini ve iki bâb tahtânî evleri ve sofayı ve fırını ve havluyu müştemil mülk menzilini kızı merkûme Âbide hâtuna hibe-i sahîha-i şer‟iyye-i tâmm şer‟iyye-ile hşer‟iyye-ibe ve temlîk edüp ba‟de‟t-tahlşer‟iyye-iyyetşer‟iyye-i‟ş-şer‟şer‟iyye-iyye teslîm eyledşer‟iyye-i ol dahî meclis-i hibede ittihâb ve kabûl ve kabz ve tesellüm ve temellük eyledim dedikde vekîl-i mezbûr Abdullatif Çelebi ikrâr-ı meşruhunda vekîl-i mersûm Halil Çavuş vicâhen tasdîk ve şifâhen tahkîk edicek mâ-vaka‟a bi‟t-taleb ketb olundu fî evâhir-i saferi‟l-hayr li-sene ihdâ ve erba‟în ve elf
37
Şuhûdü‟l-hâl
Fahrü‟l-müderrisîni‟l-Kiram Hasan Efendi bin Abdüsselâm, diğer Hasan Efendi bin es-seyyid Musa el-muderris, Yahya Çelebi el-müderris, Mehmed Çelebi odabaşı, El-hâc Çelebi Debbâğân.
Sayfa No : 2 Belge No : 7
Tarihi : 10 Safer 1041 / 07 Eylül 1631
Medîne-i Rodosçuk mahallâtından câmi‟-i atîk mahallesi sâkinelerinden fahrü‟l-muhazzerât Âbide hâtun ibnetü Halîl bey tarafından hibe-i âti‟l-beyânı ikrâra vekîl olub vekâleti merkûme Âbide hâtunu ma‟rifet-i şer‟iyye ile ârifîn olan Mahmûd bey bin Abdullâh ve Ali bey bin Hasan nâm kimesneler şehâdetleriyle sâbite olan dergâh-ı âlî dâme mahfûfen bi‟l-me‟âlî Çavuşlardan fahrü‟l-cüyûş zevci Halîl Çavuş ibn el-hâc Mehmed meclis-i şer‟-i-şerîf ve mahfel-i dîn-i münîfte li-ebevyn kızkarındaşı olan işbu hâfızetü‟l-kitâb fahrü‟l-müvakkerât Selîme hâtun tarafından dâhi zikr olunan bey‟ ve takâsı tasdîke vekîl olub vekâleti kezâlik merkûme Selîme hatunu ma‟rifet-i şer‟iyye ile ârifîn olan Hasan Çelebi bin Yahya ve Osman Çelebi bin Abdullah nâm kimesneler şehâdetleriyle sâbite olan İbrahim Efendi bin Mehmed el-müderris muvâcehesinde bi‟l-vekâle ikrâr ve takrîr-i kelâm edüb müvekkilem merkûme Âbide hatun‟un silk-i mülk-i mahzında muntazam olan emlâkinden medine-i mezbûrede ürün? bazarı kurbunda vâki‟ bir cânibi yine müvekkile-i mezbûre Selime hatun mülki ve iki cânibi Beyzâde Ahmed Ağa mülkü ve bir cânibi tarîk-i âmm ile mahdûd olub merkûme Selime hatun ile ale‟l-iştirâki‟s-sevî mutasarrıfe oldukları bir bâb mahzende olan nısf hisse-i şer‟iyyesini merkûme Selime hatuna on dört bin akçaya bey‟-i bât-ı sahîh-i şer‟î ile bey‟ ve teslîm edüb ve yine taht-ı tasarrufunda olub medine-i mezbûrede Bezzâzistân kurbunda vaki„ merhum molla Kırımî ve vakfından icâre-i mu‟accele ve müeccele ile mutasarrıfe olduğu bir cânibi fahrü‟l-müderrisîn Hasan Efendi mülkü ve bir cânibi yine merkûme Selime hatunun mülkü ve bir cânibi zikr olunan Bezzâzistan duvarı ve bir cânibi tarîk-i âmm ile mahdûd bir bâb vakıf dükkânda olan dört sehmde üç sehm hissesinin dahî hakk-ı tasarrufunu mütevellî-i vakf ma‟rifetiyle on dört bin akçaya ve yine taht-ı tasarrufunda olub merhûm Sultan Mehmed Hân aleyhi‟r-rahmeti
38
ve‟l-gufrân hazretlerinin arâzisinde medîne-i mezbûre sınurı dahilinde kefere harmanı kurbunda vaki‟ bir cânibi Mahmud bey tarlası ve bir cânibi yine merkûme Selime hatun tarlası ve bir canibi sekbândan Hasan Çelebi tarlası ve bir cânibi tarîk-i âmm ile mahdûd ve tahmînen iki keyl tohum istî‟âb eder bir kıt‟a arpalığının dahî hakk-ı tasarrufunu ve vakf-ı mezbûr zâbiti ma‟rifetiyle iki bin akçaya merkûme Selime hatuna tefvîz ve teslîm edüb ol dahî tefevvüz ve kabz ve tesellüm eyledikdensonra sâlifü‟z-zikr mahzenin semeni olan meblağ-ı mezbûr on dört bin akça ve dükkân-ı mezbûrun mukâbele-i tefvîzi olan iki bin akça ki cem‟an otuz bin akçayı müvekkilem merkûme Âbide hatunun müşteriye-i merkûme Selime hâtuna lede‟l-ahâlî ve‟l-cîrân ma‟lûmü‟l-hudûd çiftlik bahasından zimmetinde lâzım olan deyni olan otuz bin akçasına takâs eyledik dedikde vekîl-i mezbûr Halil Çavuş ikrar-ı meşrûhunda vekîl-i mersûm İbrahim Efendi dahî vicâhen tasdîk ve şifâhen tahkîk edicek ma vaka‟a bi‟t-taleb ketb olundu fi‟l-yevmi‟l-mükemmel li‟l-ışrîn saferi‟l-hayr lisene ihdâ ve erba‟în ve elf. Şuhûdül-hâl
Fahrü‟l-müderrisîn Hasan Efendi bin Abdullah, Diğer Hasan Efendi Yahya Çelebi müderris, Mehmed Çelebi odabaşı, Hasan ağa müderris, Abdullatîf Çelebi el-müderris
Sayfa No : 3 Belge No : 8
Tarihi : 10 Safer 1041/ 07 Eylül 1631
Medine-i Rodosçuk mahallâtından Kara Kâtib mahallesi sâkinlerinden fahrü‟l-mühazzerât Selîme Hâtun ibnetü Halîl bey tarafından âti‟l-beyân olan bey‟ ve takası ikrâra vekîl olub vekâleti mezbûre hatunu ma‟rifet-i şer‟iyye ile ârifîn olan Hasan Çelebi bin Yahya ve Osman Beşe bin Abdullah nâm râciller şehâdetleriyle sâbite olan fahrü‟l-meşveret İbrâhim Efendi bin Mehmed mahfel-i kazâda mezbûre Selime hatunun li-ebeveyn kızkarındaşı olub câmi‟-i Atîk mahallesinde sâkine olan Âbide hatun tarafından dahî bey‟ ve takâs-ı mezbûru tasdîke vekîl olub vekâleti merkûme Âbide hâtunu ma‟rifet-i şer‟iyye ile ârifin olan Mahmûd bey bin Abdullah ve Ali bey bin Hasan nâm kimesneler şehâdetleriyle sâbite olan dergâh-ı âli dâme mahfûfen bi‟l-me‟âlî Çavuşlarından fahrü‟l-cüyûş zevci Halil Çavuş ibn el-hâc Mehmed mahzarında
39
bi‟l-vekâle ikrâr ve takrîr-i kelâm edüp müvekkilem merkûme Selîme hatunun silk-i mülk-i mahzında muntazam olan emlâkinden medine-i mezbûre tevâbi‟inden Köse İlyas nâm karye sınûrı dahilinde iki canibi yine müvekkilem mezbûre Âbide hatun mülkü ve bir cânibi vadi ve bir cânibi tarîk-i âmm ile mahdûd olub iki bâb tahtânî ve bir bâb fevkânî evleri ve iki küçük anbârı ve bir büyük anbarı ve bir çatma ahuru ve bir kerpiç binalu ahuru ve fırını ve bi‟r-i mâî ve kara ağaçlığını ve eşcâr-ı müsmire ve gayr-i müsmireyi muhteviyye hadîkayı müştemil olan mülk çiftliğini ve içinde olan bir su sığırı öküzü ve dokuz re‟s kara sığır öküzlerini ve buzağısıyla bir su sığır ineği ve bir su sığırı düğesi ve bir su sığırı tosunu ve dört re‟s kara sığır danalarını ve altı re‟s kara sığır ineklerini ve üç re‟s düğeler ve beş re‟s tosunlar ki cem‟an yigirmi yedi re‟s hayvanâtdır ve iki buçuk araba ve cemî‟ âlât-ı zirâ‟at ve harâset ile bir büyük sabanı ve üç küçük sabanı safka-i vâhide ile merkûme Âbide hatuna bey‟-i kat‟î ile otuz bin akçaya bey‟ ve teslîm eyledikdensonra semeni olan meblağ-ı mezbûru müşteriyye-i mezbûre Âbide hâtunun silk-i mülkünde olub medîne-i mezbûrede örnek bazarı nâm mevzî‟de vâki‟ lede‟l-ahâlî ma‟lûmü‟l-hudûd olub mezbûre Selîme hâtuna bey‟ eylediği mahzen bahâsından olan on dört bin akçasına ve yine Molla Kırîmî vakfından bezzâzistân kurbunda vâki‟ lede‟l-ahâlî ma‟lûmü‟l hudûd mezbûre Selime hâtuna tevfîz eyledigi vakıf dükkânın erba‟a sehminden selâse sehm hisse-i şer‟iyyesinin mükâbele-i tefvîzde olan on dört bin akçasına ve yine Sultân Mehmed Hân aleyhi‟rrahmeti ve‟l-gufrân hazretlerinin evkafından olub medîne-i mezbûre verâsında kefere harmanları kurbunda vâki‟ lede‟l-ahâlî ma‟lûmü‟l-hudûd olub yine müvekkilem mezbûre Selime hâtuna tefvîz eyledigi bir kıt‟a arpalığının mükâbele-i tefvîzde olan iki bin akçasına mukâsa eyledi min ba‟d çiflik-i mahdûd-ı mezbûr ve hayvânat-ı merkûme ve sâir eşyâ-i mezkûresiyle mesfûre Âbide hatunun mülk-i müşterâsı olub semeninden zimmetinde bir akça ve bir habbe bâkî kalmadı keyfe mâ yeşâ ve yuhtâr mutasarrıfe olsun dedikde vekîl-i mezbûr İbrâhim Efendi ikrâr-ı meşruhunda diğer vekîl mersûm Halil Çavuş vicâhen tasdîk ve şifâhen tahkîk edicek ma vaka‟a bi‟t-taleb ketb olundu fi‟l-yevm‟il-mükemmel li‟l-„aşer min safer‟l-hayr lisene ihdâ ve erba‟în ve elf.
Şühûdü‟l-hal
Fahrü‟l-müderrisin Hasan Efendi bin Abdüsselam, Diğer Hasan Efendi el-müderris, Abdüllâtif Çelebi el-müderris, Mehmed Çelebi odabaşı, el-hâc Hüseyin bin debbâ‟ân,
40
Şahin bey bin Abdullâh el-cündî, Hasan ağa bin Ali Çelebi bin bali, Yahya Efendi bin Yahya Ali el-müderris, Mehmed bin Mustafa Ser-bâzâr.
Sayfa No : 3 Belge No : 9
Tarihi : 14 Safer 1041 / 11 Eylül 1631
Medîne-i Rodosçuk mahallâtından Hoca Bayezid mahallesi sâkinlerinden Hasan bin Osman nâm kimesne meclis-i şer‟de işbu raf‟ü‟l-kitâb Âbâdî Çelebi bin İlyâs nâm rrâcil mahzarında ikrâr ve takrîr-i kelâm edüp târih kitaptan üç ay mukaddem silk-i mülk-i mhazımda münselik olan emlâkımdan mahalle-i mezbûrede vaki‟ bir cânibi benim kendü mülküm ve bir cânibi Cebeci kızı mülkü ve iki cânibi tarîk-i âmm ile mahdûd üç bâb tahtânî ve bir bâb fevkânî evleri ve fırını müştemil mülk menzilimi mezbûr Âbâdî Çelebiye bey‟-i bât-ı sahîh-i şer‟î ile on dört bin nakd-i râyic-i‟l-vakt fıdda akçaya bey‟ edüb ahz-ı semen-i ma‟dûd ve teslîm-i mubeyya‟-ı mahdûd eyledim ba‟de‟l-yevm menzil-i mahdûd-ı mezbûr mezkûr Âbâdî Çelebi‟nin mülk-i müşterâsıdır keyfe mâ yeşâ ve yuhtâr mutasarrıf olsun dedikde mukırr-ı mezbûru ikrâr-ı meşrûhunda el-mukarru lehü‟l-mezbûr Âbâdî Çelebi bi‟l-muvâcehe tasdîk ve şifâhen tahkîk edicek ma vaka‟a bi‟t-taleb ketb olundu fi‟l-yevmi‟r-râbi‟ ve‟l-ışrîn fî saferi‟l-hayr lisene ihdâ ve erba‟în ve elf.
Şühûdü‟l- hâl
Halil Çelebi bin Nuh, Yahya Çelebi el-müderris, Mehmed Beşe er-râcil, İsmaîl bey, Abbâs er-râcil, İbrahîm Dede, Üstad Şaban.
Sayfa No : 3 Belge No : 10 Tarihi : tarihsiz
Medine-i Rodosçuk mahallâtından el-hâc Mehmed mahallesi sâkinlerinden Musli bin Abdullah nâm kimesne mahfel-i kazâda Şa‟bân Çelebi bin Cemâleddin nâm râcil mahzarında ikrâr ve takrîr-i kelâm edüp medîne-i mezbûre sınurı dâhilinde Kayı yolu dimekle ma‟rûf mevzi‟de vaki‟ bir cânibi Kara İskender bağı ve bir cânibi Na‟lband
41
bağı ve bir cânibi Şa‟bân nâm kimesne bağı ve bir cânibi tarîk-i âmm ile mahdûd ve tahmînen üç dönüm bir kıt‟a mülk bağı beş bin iki yüz nakd-i râyici‟l-vakt fıdda akçaya bey‟ ve teslîm ve temlîk edüb oldâhî vech-i muharrer üzere mübeyya‟ ve kabûl ve kabz ve tesellüm eyledikdensonra semeni olan meblâğ-ı mezbûru yedinden bi‟t-tamâm ve‟l-kemâl ahz ve kabz eyledim min ba‟d bâğ-ı mahdûd-ı mezbûr mezkûr Şa‟bân Çelebi‟nin mülk-i müşterâsıdır keyfe mâ yeşâ ve yuhtâr mutasarrıf olsun dedikde mukırr-ı mezbûrun ikrâr-ı meşrûhunda el-mukarr-ı lehü‟l-mezbûr Şa‟bân