1
1- Nevşehir Kazası’nın Memiş Bey Mahallesi ahalisinden Tahir Beyzade Ali Bey ve biraderi Hamdi Beyler ile hademeleri ma‘zubi Ahmed bin İsmail’den her biri meclisde kaza-i mezkurun Herekeli mahallesi ahalisinden Baratalı
2- zade Mehmed Efendi İbni Ahmed Ağa mahzarında takrir-i kelam ve tabir-i anil meram idüp Aksaray Kazasına tabi Süleman Höyüğü karyeler ahalisinden Mehmed oğlu Ahmed Çavuş
3- ibni Mehmed ile karye-i mezkurede arazimizi gasb ve cihet-i mülkiyece ika eylediği sahtekarlık fiilinden dolayı merkum Ahmed Çavuş aleyhinde ikame 4- edilen adliye ve mülkiye ceza ve hukuk ve ticaret kısımlarına ve istinafen
mahkeme-i cezaiye ve hukukiye kısımlarında ve memalik-i şahanenin her kangı vilayet
5- velev o kaza mahkemelerinin her kangı kısımlarında olur ise olsun ve bilcümle leh ve aleyhlerimizde vukubulmuş ve bulacak deaviden dolayı keyfiyetin
6- aid olacağı mehakim-i şeriyye ve nizamiye ve cezaiye ve istintak devairelerinde bidayette itirazen istinafen iade ve temyizen ve cehr ve gıyabi suretlerle
7- müddei ve müddeialeyh sıfatlarıyla muhakeme ve muhaseme ve mürafaa ve azam istikay-ı anilhükkam ikame-i şuhud ve istimaına tahlif ve istihlafa ve kendi imzasıyla ve layiha ve evrak-ı
8- saire tanzim ve makam-ı aidelerine takdime tebliğ ve tebellüğe vaz‘ hecz ve fekke ve lehimizde sadır olan i‘lam-ı icraya vaz‘a ve tenfiz-i ahkamını
9- metalibeye zarar ve ziyan ve tazminat da‘valarını kıyam ehl-i hibre ve mümeyyiz ve hükm-i erbaba vukuf nasb ve ta‘yin ve azle ve bu da‘valardan mütevellid
10- da‘va-yı hadise vukuunda ve şahs-ı salis zuhurundanlar ile muhakemenin her bir derecesinde asil gibi ifa-yı muameleye ikrar ve iktizasınca zahir bu muamelenin ifa ve icra ve husus-ı mezkurun mütevakkıf
11- olduğu umurun küllisini ika ve icraya tafralarımızdan mumaileyh Mehmed Efendi’yi vekalet-i amme-i mutlaka-i sahiha-i şer‘iyye ile vekil-i murahhas ve mufavvaz olarak
12- vekil ve naib-i menab nasb ve ta‘yin eyledik dediklerinde ol dahi vekalet-i mezkureyi berminval-i muharrer kabul eyledi deyu takrir ve tasdikve tescil-i vekalet
15 Rebiaülahir 1323
İsmail oğlu Ahmed Vekil-i mumaileyh Mehmed Biraderi Hamdi Bey
Müvekkil-i mumaileyh Ali Bey Efendi İbni Hacı Süleyman
2
1- Nevşehir Kazası’na tabi Melegubi Karyesi’nde sakine ve tebea-i devlet-i aliyyenin Rum milleti nisvanından iken bundan akdem fevt olan Mavri kızı Vasleki binti
2- Bezo veled Tamak veraseti sadrı kebir oğlu gaib-i anilbeled İstavri ve sadriye kebire kızı o seyyid ve hazıra anilmeclis Sevize ve diğeri Mariye’ye muhasara idüğü karye-i
3- mezkure ahalisinden ve tebea-i müşarünileyhanın millet-i merkumesinden Aleksi veled Yorgi ve Yovan veled Mirkan nam kimesnelerin mahzar-ı hükkam cahının şahidin-i
4- ma‘delin şehadetleriyle sabit ve sübut-ı verasetlerine hükm-i şeri lahık olduktan sonra varisun-ı mezburundan ma‘rifetüşşahs mezbure Mariye Hatun
5- binti kaza-i mezkur mahkemesinde meclis-i şeri azim-i lazımüttevkirde takrir-i kelam ve tabir-i anil meram idüp validem ve murisim müteveffiye Vasleki 6- binti Petro’nun dersaadette Balık Pazarı Kapusu haricinde kahveci ve balıkçı
dükkanları beynlerinde kaim Simon oğlu dükkanı demekle arife bir bab
7- balıkçı dükkanı derununda mevcude beynel esnaf gedik ta‘bir olunur alat’üllevazım ma‘lumenin yüz yirmi sehm itibariyle otuz sehm balıkçı gediğiyle 8- ve evkaf-ı hümayun hazinesinde senedat odasında çarşamba günleri umur ve
hususunun icrası makarr-ı hazine-i mezkureden mazbata cennetmekan
9- Sultan Mahmud Han taği tab şah hazretlerinin vakf-ı şerifi mülhakatına cami-i Enderun vakfı mesfufatından Yahya Efendi deresi deryaya
10- mülhak olduğu Dere Ağzı nam mahallden Tophane-i Amire civarında Kerc Kapusu tabir olunan mahalle gelince anaforlardan istiridye ve tarak ihracı
11- gediği balıkçı esnafından asitane ve Galata’da vaki‘ dükkanlara merbut otuz bir aded kayıkdan İstanbul balık pazarında Simon dükkanına merbut
12- senevi elli guruş icara müeccele ve bir aded kayığın nısfını bey‘ ve nısf-ı sülüsan an rub‘ hisse sened ba temessük bervech ve kabz müteveffiye-i
13- mezbure validem Vasleki’nin hayatında ilelvefat taht-ı ma‘rifetinde bade fevte mezkur balıkçı gediğiyle İstiridye Kayığı ve taraf-ı mezkur adiyen ve seviyen 14- benimle er karındaşım gaib-i anilbeled İstavri ve kız karındaşım Evsiyye’ye ve
hazıra mezbure Sevize’ye intikal etmekle anifüzzikr gedik-i mezkureden
15- hisse-i şayiama isabet eden yedi buçuk sehm balıkçı gediğinden ve İstiridye ve taraf-ı mezkureden hisse-i şayia intikal lazımelerini üzerime bilicra
16- ve ba‘delintikal hisse-i ırsiyye-i şeriyyemin sened-i sabık ve lahık icar-ı mehaliyelerini rü‘yete ve bundan böyle müstecirine icar etmeğe ve bedel-i 17- icarlarını ahz ve kabzla tarafıma irsal ve isale ve anifülbeyan hisse-i balıkçı
gediği ve diğer İstiridye ve taraf-ı mezkureden hisse-i şayiamın
18- talibi zuhurunda bedel-i misliyle ba re‘yi mütevelli ahire bey‘ ve ferağa ve mahallinde şurut ve nizami vechle me’muri huzurunda takrire ve bedeli
19- ahz ve kabzla gedik tarafıma irsal ve isale ve hisse-i şayialarıma dahl ve taarruz vukuunda aid olduğu muhakemede bidayette i’tirazen
20- istinafen iade ve temyizen ve cehr ve gıyabi suretlerle müddei ve müddeialeyh sıfatlarıyla muhakeme ve muhaseme ve mürafaasına ikame-i şuhud ve istimaına
21- tahlif ve istihlafa ve hesabın lüzumunda hisse-i şayiamdan müstecirini tahliyesini talebe ve lehimde sadır olan ilam-ı icraya vaz‘a ve tahsilini
22- talebe ahz ve kabza vaz‘ hecz ve fekke ve lüzumu takdirinde ahir dahi mütevekkile me‘zun olmak üzere ve husus-ı mezkurun mütevakkıf
23- olduğu umurun ika ve icraya tarfımdan hazır merkum karye-i mezkur ahalisinden ve sabıkan müşarünilehanın millet-i merkumesinden
24- Elya veled Etnas kimesneyi vekalet-i amme-i mutlaka-i sahiha-i şer‘iyye ile vekil ve naib-i menab nasb ve ta‘yin eyledim dedikde ol dahi
25- vekalet-i mezkureyi berminval-i muharrer kabul eyledi deyu takrir ve tasdik ve tescil-i vekalet eylediği
21 rebiülahir 323 Vekil Elya veled Etnas Aleksi veled Yorgi
Ma‘ruf Yuvan veled Mirkol
Müvekkile Mariye binti Anastas karye-i Melegübi 3
1- Niğde Sancağı’na muzaf Aksaray Kazası’nda Geluri Karyesi ahalisinden ve tebea-i devlet-i aliyye’nin rum milletinden Ağa Beylur nam ahir-i hüccet oğlu 2- Yedusi veled Anaryosi meclisde sancak-ı mezkureye tabi Arabsun Kazası’nın
Hıristiyan Başı Mahallesi’nde ve tebea-i müşarünileyhanın millet-i
3- Merkumesinden (Okunmuyor) mahzarında takrir-i kelam ve tabir-i anilmeram idüp mumaileyh Kozma Efendi ile meyanımızda
4- cereyan etmiş bilcümle ahz i‘tadan mütevellid ve kısmen dahi nakden olup cem’an sim mecidi yirmi guruş hesabiyle sim-i adi
5- dokuz bin seksen guruş zimmetinde deynim olup meblağ-ı mezkuri beş sene zarfında yani birinci taksidinin sekiz yüz seksen guruş
6- ve diğeri nekasitlerinin sekiz yüz guruş olarak beş sene zarfında yani birinci taksidinin sekiz yüz seksen guruş ve diğeri tekasitlerinin sekiz yüz guruş olarak beş senede ifa ve te’diye etmek ve geçmiş eyyamların dahi keza sened-i
7- nizamiyelerini başkaca ifa etmek üzere iş bu deyne mukabil olarak karye-i mezkurenin Kuru Toz Mahallesi’nde vaki‘ bir tarafı
8- Hayta’nın İstavri ve bir tarafı Yemenici Eftem ve bir tarafı Cebrail’in oğlu Anastos menzilleri ve taraf-ı rabi‘i tarik-ı am ile
9- mahdud müteveffa-yı merkum pederim Anaryos namıma mukayyed olup sened- i adi ile bundan akdem merkum pederimden iştira ederek
10- şıradmalık taht-ı tasarrufumda bulunan mea havlu ve hususa beş gözden ibaret bir bab menzil-i mezkur düyunuma mukabil olarak
11- dayım mumaileyh Kozmo Efendi’ye vekaen ferağ ve teslim eyledim ve ol vecihle ferağ-ı mezkurun me’muri huzurunda muamele takririyesi ika ve icraya ve indelhace mezkur
12- deynin adem-i menzil-i mezkuri bilmüzayede ahire bey‘-i sabit ile bey‘ ve teslime ve bedel-i itmamını ahz ve kabza ve mezkur
13- düyunuma mahsuben fazlası bana red ve teslim ve hasebülicab menzil-i mezkur deyn-i mezkure karşılık gelüp ifa edilmez ise
14- mütebakisi içün başka makama müracaata muhtar olmak terzi Tahir’i tevkile me’zun olmak üzere dayım mumaileyh Kozma Efendi’yi
15- küllema gazlek fanit vekili ma‘husunca azl ve enazaldan ma‘sun olmak üzere vekalet-i karye-i sahiha-i şeriyye ile vekil-i murahhas ve mufavvaz
16- olarak vekil ve naib-i menab nasb ve tayin eyledim dedikde hazır merkum Kozma Efendi dahi berminval-i muharrer kabul itmeğin ma vekaa‘
17- bittaleb ketebe olundu 21 rebiülevvel 323 Vekil-i merkum Kozma
Müvekkil-i merkum Yedusi veled Anaryosi Ma‘ruf biraderi Elmacı Andon oğlu Yaron . Ma‘ruf Yergöğü elçisi Eshak oğlu Sava
4
1- Nevşehir Kazasına tabi Karapınar Karyesi’nde sakine zani karye-i mezkure ahalisinden Ömer Hoca oğlu Mustafa ve Narlı Osman oğlu Salih nam kimesneler ta‘rifleriyle ma‘rufe
2- Hatice binti Emin Mecliste kaza-i mezkur da'va vekillerinden Mustafa Efendi mahzarında takrir-i kelam ve tabir-i anil meram idüp zevcim Nevşehir Kazası’nda Bekdik Mahallesi
3- ahalisinden Ahmed bin Abdullah’ın zevce-i menkuhe-i medhulbihası olduğum cihetle zevcim merkumun validesiyle pederi merkum Abdullah ve zevce diğeri taraflarından
4- olunan imtizacsızlıktan dolayı hüsn-i muaşeretimiz olmadığı gibi ve zevcim merkum Ahmed’in kurasından hasıl ve benden mütevellid bir nefer oğlum sağir Musa Ağa’ya ve bana
5- nafaka-i lazıme virmediği üç mah-i mahi mütecaviz babam hanesinde ikamet etmekte bulunduğumdan zevcimmerkum ile nafaka ve saire da‘valarından dolayı keyfiyetin
6- aid olduğu mehakim-i Şeriyye ve nizamiye ve cezaiyede bidayette itirazen istinafen iade ve temyizen ve cehr ve gıyabi suretlerle müddei ve müddeialeyh sıfatlarıyla
7- muhakeme ve muhaseme ve mürafaasına ikame-i şuhud ve ismaına tahlif ve istihlafa ve kendi imzasıyla istida ve layiha ve evrak-ı saire tanzim ve takdime tebliğ
8- ve tebellüğe ve nafaka-i lazimemizin hüccet-i rabta talebe veyahut mesken-i şerinin tahliyesini talebe ve lehimde sadır olan ilam-ı icraya vaz‘a ve tahsilini talebe
9- ve nafaka-i mikdaranın takdiriyle terakim edecek mebaliğ-i icradan ahz ve kabza ve husus-ı mezkurun mütevakkıf olduğu umurun küllisini ifa ve icraya 10- tarafımdan mumaileyh Mustafa Efendi’ye vekalet-i amme-i mutlaka-i sahiha-i
şeriyye ile vekil ve naib-i menab nasb ve ta‘yin eyledim dedikde ol dahi vekalet- i mezkureyi
11- berminval-i muharrer kabul eyledi deyu takrir ve tasdik ve tescil-i vekalet eylediği.
22 rebiülahir 323 Ma‘ruf Salih bin Emin Ma‘ruf Mustafa bin Ömer Vekil-i mumailyeh Mustafa
Müvekkile-i mezbure Hatice binti Emin
5
1- Nevşehir Kazsı’nda Raşid Bey Mahallesi’nden Kara Deli oğlu Ali bin Emin Ağa meclisde kaza-yı mezkur da‘va vekillerinden Abdülkadir Efendi ibni Halil mahzarında takrir-i kelam
2- ve tabir-i anil meram idüp nefs-i Nevehir Kasabasıyla kurrahası havalisi zimmetlerinde ba sened ve ba defter matlubatımı mahallerinden taleb ve da‘va- yı aleyhanın vukubulan da‘valarından
3- dolayı keyfiyetin aid olduğu mehakim-i şer’iyye ve nizamiye ve cezaiye ve mülkiyeden bidayette i’tirazen istinafen iade ve temyizen ve cehr ve gıyabi suretleriyle müddei
4- ve müddeialeyh sıfatlarıyla muhakeme ve muhaseme ve mürafaasına ikame-i şuhud ve ismaına tahlif ve istihlafa ve kendi imzasıyla istida ve layiha ve evrak-ı saire tanzim
5- ve makam-ı iadelerine takdime tebliğ ve tebellüğe vaz‘ hecz ve fekke ve lehimde sadır olan ilam-ı icraya vaz‘a tenfiz-i ahkamını talebe ve bu da‘valardan 6- mütevellid da‘va-yı hadise vukuunda ve şahs-ı salis zuhurunda anlar ile dahi
muhakeme her bir derecesinde aslı gibi ika-yı muameleye ve husu-ı mezkurun 7- mütevakkıf olduğu umurun küllisini ifa ve icraya tarafımdan mumaileyh
Abdülkadir Efendi’yi vekalet-i amme-i mutlaka-i sahiha-işeriyye ile vekil ve naib-i menab nasb ve ta‘yin
8- eyledim deyu takrir ve tasdik ve tescil-i vekalet eyledikde 23 rebiülahir 323
Vekil Abdülkadir
6
1- Nevşehir Kazası’nda Karaca Kürd Mahallesi ahalisinden öksüz oğlu Osman bin Hacı İbrahim meclisde kaza-i mezkur da‘va vekillerinden ve tebea-i devlet-i 2- aliyyenin Rum milletinden Orahim veled Yordan mahzarında takrir-i kelam
tabir-i anil meram idüp kaza-i mezkurun mahalle-i mezkuresinde tavukçuzade 3- Hacı Atıf ve Ahmed ve Ali Efendiler ve Kilimli Mehmed Efendi’nin aleyhimde
ikame eylediği bir göz dam da‘vasından ve daha sairle ve aleyhde vuku‘ 4- bulmuş ve bulacak bilcümle deavilerden dolayı keyfiyetin aid olduğu mehakim-
i şer’iyye ve nizamiye ve cezaiye ve ticariyeden bidayette i’tirazen
5- istinafen iade ve temyizen ve cehr ve gıyabi suretlerle müddei ve müddeialeyh sıfatlarıyla muhakeme ve muhaseme ve mürafaasına ikame-i şuhud ve ismaına tahlif
6- ve istihlafa ve kendi imzasıyla istida ve layiha ve evrak-ı saire tanzim ve makam-ı iadelerine takdime tebliğ ve tebellüğe vaz‘ hecz ve fekke
7- ve lehimde sadır olan ialm-ı icraya vaz‘a ve tahsilini talebe ehl-i ceza mümeyyiz hükm ve erbab-ı vukuf nasb ve ta‘yin ve azle ve ledelhace
8- münazaünfih mahallin keşfi metalibeye ve husu-ı mezkurun mütevakkıf olduğu umurun küllisini ifa ve icraya tarafımdan merkum Orahim
9- veled Yorvani vekalet-i amme-i mutlaka-i sahiha-i şeriyye ile vekil-i murahhas ve mufavvaz olarak vekil ve naib-i menab nasb ve ta‘yin eyledim dedikde ol dahi
10- vekalet-i mezkureyi berminval-i muharrer kabul eyledi deyu takrir ve tasdik ve tescil-i vekalet eylediği
25 Rebiülahir 323
Vekil-i merkum
Müvekkil-i merkum Osman Hoca Hacı İbrahim
7
1- Nevşehir Kazasına tabi Civar Zile Karyesi ahalisinden tebea-i devlet-i aliyye’nin rum milletinden Arabsunlu Hartasta oğlu Yordan veled Horisto meclisde kaza-i mezkur
2- da‘va vekillerinden Nuh Efendi ibin esseyyid Mehmed mahzarında takrir-i kelam tabir-i anil meram idüp gerek pederim müteveffa Hıristo’dan ve gerekse benim tarafımdan edilen ahz ve
3- i‘ta ve saireden mütevellid bilcümle nam üzerlerinde bulunan matluba semen ve sairle ve alyhde vukubulmuş ve bundan böyle vukubulan deaviden dolayı
4- keyfiyetin aid olduğu mehakim-i şeriyye nizamiye ve cezaiye ve devair-i sairede müddei ve müddeialeyh sıfatlarıyla bidayette i’tirazen istinafen iade ve temyizen
5- ve cehr ve gıyabi suretlerle muhakeme ve muhaseme ve mürafaasına ikame-i şuhud ve ismaına tahlif ve istihlafa ve kendi imzasıyla yahud benim imzamı vaz‘la
6- her nev‘ istida ve layiha ve evrak-ı saire tanzim ve makam-ı iadelerine takdime tebliğ ve tebellüğe vaz‘ hacz ve fekke ve lehimde sadır olan ilam-ı icraya vaz‘a 7- ve tenfiz-i ahkamını icraya ehl-i habere ve mümeyyiz ve hükm-i erbab-ı vukuf
nasb ve ta‘yin ve azle ve protesto ve beyanname ve muhtıra tanzim ve takdime ve bu da‘valardan
8- mütevellid da‘va-yı hadise vuku‘unda ve şahs-ı salis zuhurunda anlar ile dahi muhakemenin her bir derecesinde asl gibi ifa-yı muameleye ahz ve kabza selh ve ibraya
9- ve husus-ı mezkurun mütevakkıf olduğu umurun küllisini ifa ve icraya tarafımdan mumaileyh Nuh Efendi’yi vekalet-i amme-i mutlaka-i sahiha-i şeriyye ile vekil-i murahhas
10- ve mufavvaz olarak vekil ve naib-i menab nasb ve ta‘yin eyledim dedikde ol dahi vekalet-i mezkureyi berminval-i muharrer kabul eyledi deyu takrir ve tasdik ve tescil-i vekalet
29 Rebiülahir 323
Vekil-i mumaileyh Nuh Efendi
Müvekkil-i merkum Yordan veled Hıristo Karye-i Civarzile
8
1- Nevşehir Kazası’nın Bekdik Mahallesi ahalisinden Yatar Kalmaz oğlu Ahmed bin Abdullah meclisde kaza-i mezkur da‘va ekillerinden Abdülkadir Efendi ibni Halil
2- mahzarında takrir-i kelam ve tabir-i anil meram idüp zevcem Karapınar Karyesi’nde sakine Hatice binti Emin Ağa’nın aleyhde ikame eylediği nafaka ve talak
3- da‘vasından dolayı keyfiyetin aid olduğu mehakim-i şeriyye ve nizamiye ve cezaiye bidayeten i’tirazen istinafen iade ve temyizen ve cehr ve gıyabi suretlerle
4- müddei ve müddeialeyh sıfatlarıyla ve muhaseme ve müraffasına ikame-i şuhud ve ismaına tahlif ve istihlafa ve kendi imzasıyla istida ve layiha ve evrak-ı
5- saire tanzim ve makam- iadesine takdime tebliğ ve tebellüğe vaz‘ hacz ve fekke ve lehimde sadır olan ilam-ı icraya vaz‘a ve tahsilini talebe ahz ve kabza
6- ve mezburenin hukuk-ı zevciyye riayetini taleb ve da‘vaya ve bundan mütevellid da‘va-yı hadise vukuunda ve şahs-ı salis zuhurunda anlar ile dahi muhakemenin
7- her bir derecesinde aslı gibi ika-yı muameleye ve husus-ı mezkurun mütevakkıf olduğu umurun küllisini ika ve icraya tarafımdan mumaileyh Abdülkadir Efendi’yi
8- vekalet-i amme-i mutlaka-i sahiaha-i şeriyye ile vekil ve naib-i menab nasb ve ta‘yin eyledim dedikde ol dahi vekalet-i mezureyi berminval-i muharrer kabul 9- eyledi deyu takrir ve tasdik ve tescil-i vekalet eylediği
4 Cumadelahir 323
Vekil-i mumaileyh Abdülkadir
Müvekkil-i merkum Ahmed bin Abdullah
9
1- Nevşehir Kazası karyelerinden Civarzile Karyesi ahalisinden ve bende-i devlet-i aliyyenin Rum milletinden iken bundan akdem fevt olan Ebu Setul veled Kara Vasil’in
2- veraseti zevce-i metrukesi Horsata ile sulbi kebir oğlu gaib-i anilbeled Ağa’ya ve sulbi sağir oğlu İstavri ve sağire kızı Mariye’ye münhasıra idüğü karye-i mezkure
3- ahalisinden Kiriyako veled Dimitri dahi Kota nam kimesnelerin mahzar-ı hükkam cahının şahidin-i ma’delin şehadetleriyle sabit ve sübut
4- verasetlerine hükm-i şeri lahık olduktan sonra varisun-ı mezburundan siğar-ı merkuman İstavri ve Mariye benat-ı Ebu Setul’ün ba hüccet-i şeriyye vasiyy-i mutasavvi
5- amucaları Sotri veled Kara Vasil meclisde karye-i mezkure ahalisinden Hacı Dimitri veled Hacı Ağa ve rüfekaları aleyhlerine bidayet-i mahkemesi ceza kısmında
6- ikame eylediğim ceza da‘vasından dolayı ve aleyhimde kaza-i mezkur da‘va vekillerinden Orahim veled hıra Yordan mahzarında takrir-i kelam ittirüb merkum Hacı Dimitri tarafından ikame olunan da‘vasından dolayı izale ve salifüzzikr sağir-i merkuman
7- İstavri ve Mariye binti Ayastol aleyhlerine ikame olunan hane ve saire da‘valarından dolayı ba hüccet şeriyye vasileri olduğum hasebiyle
8- vesayet ve daha sair iş bu mes’eleden mütevellid mütehaddis vukubulmuş ve bulacak velhasıl leh ve aleyhimdeki bilcümle deaviden dolayı keyfiyetin aid olduğu
9- mehakim ve nizamiye ve cezaiye ve ticariye ve mülkiyeden bidayette itirazen istinafen iade ve temyizen ve cehr ve gıyabi suretlerle müddei ve müddeialeyh ve şahs-ı
10- salis sıfatlarıyla muhakeme ve muhaseme ve mürafaalarına ve dercevaba ikame- i şuhud ve ismaına ve tahlif ve istihlafa ve kendi imzasıyla istida ve layiha ve evrak-ı
11- saire tanzim ve makam-ı iadelerine takdime tebliğ ve tebellüğe zarar ve ziyan tazminat iddialarına ehl-i habere ve mümeyyiz ve hükm-i erbab-ı vukuf nasb 12- ve ta‘yin ve azle ve lüzumu halinde münazaünfih mahallin keşfini talebe ve işbu
da‘valardan mütevellid da‘va- yı hadise vukuunda ve şahs-ı salis sıfatlarıyla 13- anlar ile dahi muhakeme her bir derecesinde aslı gibi ika-yı vazifeye vaz‘ hecz
14- ve evrak-ı tahkikanın taksiminin icrasını metalibeye ve husus-ı mezkurun mütevakkıf olduğu umurun küllisini ifa ve icraya tarafımdan bilasale ve bilvesaye
15- merkum Orahim veled Yordan’ı vekalet-i amme-i mutlaka-i sahiha-i şeriyye ile vekil-i murahhas ve mufavvaz olarak vekil ve naib-i menab
16- nasb ve ta‘yin eyledim deyu takrir ve tasdik ve tescil-i vekalet eylediği 7 Cumadelahir 323
Vekil-i merkum Yordan
Müvekkil-i merkum Sotri veled Kara Vasil Karye-i Civarzile
10
1- Nevşehir Kazası’na tabi Civarzile Karyesi ahalisinden ve tebea-i devlet-i aliyyenin Rum milletinden iken bundan akdem fevt olan Lavris veled Estemad’ın
2- veraseti zevce-i metrukesi Harasta binti Yordan ile sulbü kebir oğlu Yavla ve sulbiyye-i kebire kızları münhasıra olup kablelkasem varisun-ı
3- mezburundan Yavla dahi fevt olup veraseti zevce-i metrukesi Mariyana binti Sovatri ile sulbi kebir oğlu gaib-i anilbeled Sağlos ve hazıra anilmeclis
4- sulbiyye-i kebire kızı İstavriyani’ye münhasıra idüğü karye-i mezkure ahalisinden ve başta müşarünileyhanın millet-i merkumesinden Leğor veled Yovakim ve Sotri
5- veled Nikola nam kimesnelerin mahzar-ı hükkam cahının şahidin-i ma‘delin şehadetleriyle sabit ve sübur-ı verasetlerine hükm-i şeri lahık olduktan sonra 6- varisun-ı mezburundan müteveffayı evvel merkum Lazari’nin vereselerinden
ma‘rifetüşşahs zevce-i metrukesi mezbure Hrastana ile sulbiyye-i kebire
7- kızları müteveffa-yı sani Yavla’nın vereselerinden gündelik ma‘rifetüşşahs zevce-i metrukesi Mariyana Hatun ile sulbiyye-i kebire kızı İstavriyaniye’den