Belge No : 214
Medîne-i Kayseriye’de Sisliyan Mahallesi sâkinelerinden Nâr Hatun bint-i Cemur nâm Nasrâniye mahfil-i kazâda iş bu hâmilü’s-sifr Bedros veled-i Mıgırdiç nâm zımmî muvâcehesinde üzerine da’va ve takrîr-i kelâm edüb merkûm Bedros bundan akdem Eğribucak nâm mevzi’de vâki bir tarafdan Ali Çavuş bağı ve bir tarafı Bağçeci Şa’ban bağı ve bir tarafdan es-Seyyid Ebu Bekir Çelebi tarlası ve bir taraftan tarîk-i âmm ile mahdûd bir kıt’a tarlasını zevcim olub bundan akdem hâlik olan Artin veled-i Avanos ile vücuda geldikde münasefeten taksim etmek üzere bağ gars edüb zikr olunan tarla bağ oldukda merkûm Burus iki ırgatlık hissesini hizmeti mukabelesinde zevcim mezbûr Artiyon’a verib ol dahî ba’de’l-kabz hâlik olmağla bağ-ı mezkûrun cümlesini mezbûr Bedros zabt eder suâl olunub bağ-ı mezkûrdan bana isabet eden mertebeden mezbûr Bedros’un kasr-ı yedine tenbih olunmak matlubumdur dedikde gıbbe’s-suâl ve’l-inkâr müddeiye-i mezbûreden müddeâsına mübeyyine taleb olundukda ityan-i beyyineden izhâr-ı acz ile istihlâf etmeğin ba’de’t-tahlîfiş-şer’i mezbûr Nâr Hatun’a bî-vech muârazadan men’ olunub mâ vak’a bi’t-taleb ketb olundu. Fi’l-yevmi’t-tâsi’ min Şa’ban el Muazzam sene 104.
Şuhûdü’l-hâl
• Musli Bekir İbn-i İsmail
• Ali bin Halil
• es-Seyyid Abdüsselam bin es-Seyyid Ahmed
• Köse Osman bin Abdurrahim
• Selman bin Abdurrahim
• Murad bin Ali
• Mehmed bin Mustafa
Sayfa No: 91/92 Belge No : 215
Medîne-i Kayseriye’ye tâbi’ Hasanalb nâm karye sükkânından Mustafa bin Mehmet ve Hacılar nâm karye sükkânından el-Hâc İbrahim bin Hasan ve Horsana nâm karye sükkânından Mehmed bin Abdürrezzak ve Abdülbaki bin Ali ve Mustafa İbn-i el-Hâc Ali ve Ömer bin Hızır ve Kemer nâm karye sükkânından Sefer bin Ali ve Develi nâm karye sükkânından Ali bin Mehmed ve Halil bin Ali Hırka nâm karye sükkânından Veli bin Oruç Boyacılı nâm karye sükkânından el-Hâc Osman İbn-i el-Hâc Veli ve Yenice nâm karye sükkânından Hamza bin Şa’ban ve el-Hâc Ahmed bin Hasan ve Kebaz nâm karye sükkânından Bâli bin Ali ve Çevrili nâm karye sükkânından Ahmed bin Hüdaverdi ve İbrahim bin Hamza ve Mahzemin zemin nâm karye sükânından Musa bin Abdulbaki ve Veli bin Keldede ve Süksün nâm karye sükkânından Mustafa bin Abdullah ve Amarat nâm karye sükkânından Denizoğlu Baki ve Mustafa ibn-i Abdulbaki ve Kermelik nâm karye sükkânından Kör Mustafa ve Abdullah bin Cuma Çukur nâm karye sükkânından Osman bin Abdül ve İvaz bin Şa’ban ve Taşhan nâm karye sükkânından Cafer bin Fazıl ve Osman bin Mehmed ve Akçakaya nâm sükkânından Süleyman bin Hüseyin ve Kösden nâm karye sükkânından Mehmed bin Ali ve İsmail bin Yusuf ve Semenkire Nâm karye sükkânından İsmail bin kulaksız Hasan ve Bozatlı nâm karye sükkânından Durmuş bin Mustafa ve Pınar nâm karye sükkânından Ahmed bin Abdullah ve Kaman nâm karye sükkânından İbrahim ibn-i el-Hâc Receb Şah Melik nâm karye sükkânından el-el-Hâc İsa bin Habib Beyazıtlı nâm karye sükkânından Ali bin Ya’kûb ve Sarı Fakılı nâm karye sükkânından Mehmed bin Mustafa ve Ferahtin? nâm karye sükkânından Küllabi bin Ahmed ve Kömür nâm karye sükkânından İsa bin Ali ve Şeyh Murad nâm karye sükkânından Hüseyin bin Abdülgaffar ve Süleymanlı nâm karye sükkânından Halil bin Dede nâm kimesneler kendiler taraflarından asaleten vesair karar-ı mezbûr ahalilerinden ma’lûmü’l-esâmi mahzûru’l-eşhas kimesneler taraflarından vekâlet ve Tavansun nâm karyeden Uğurlu veled Yenice Sefer-i veled-i Bünyad varub Sefer Erkilet nâm karyeden Anasdas veled Murad ve Gencâne veled-i Nerses ve Kablan veled-i Hatar ve Endürlük nâm karyeden
Murad veled Şahin ve vasıl veled Sinan Musli veled Şahin ve Efkere nâm karyeden Eküb veled-i Kabril ve Muncusun nâm karyeden Iraz veled-i Bali ve Şehrik veled-i Babak ve Abraham veled-i Darman ve Mancusun nâm karyeden Hatan veled-i Dengir ve Eküb veled-i Kebirkös ve İstefana nâm karyeden Durmuş veled-i kebiresi ve Darsiyak nâm karyeden Şahin veled-i Murad ve Venik nâm karyeden Babkir veled-i Haçadır Samkir veled-i Umur ve Haçadır veled-i Karabet Eküb veled-i Kirkor Ağırnas nâm karyeden Son veled-i Mihayil ve Hafid Ahi veled-i Satanir ve Talas nâm karyeden Devlet veled-i Düğüncü ve Yasef veled-i Ahmar ve Sefer veled-i Hatan Yasef veled-i Sefer ve Germir nâm karyeden kebiresi veled-i Simyon Tebrik Veled-i Yasef ve Dede oğlu Murad ve Gesi nâm karyeden Simyona veled-i Uğurlu ve Uğurlu veled-i Yasef ve Mois-i veled-i Sefer ve Balagesi nâm karyeden Markar veled-i Ekük ve Markar veled-i Etam Zincidere nâm karyeden Vasıl veled-i Deligöz Rafiyel veled-i Lensedâis Möyri veled-i Nihal ve Musa veled ise Tomarza nâm karyeden Serkis veled-i Femker ve Kirkor veled-i Karabet ve Kirkor Ben nâm karyeden Sersam veled-i Sefer ve Tesliman veled-i Sukes ve Kethüda nâm karyeden Kirkor veled-i Tersene ve Eküb vele-i Susdam ve Sarı Mehmedlü nâm karyeden Susam veled-i Akan veled-i Suhan veled-i Serkiz nâm zımmîler kendiler kendi taraflarından isabet vesair ahali karar-ı mezkûrdan ma’lûmü’l-esâmi ve mahzûru’l-eşhas zımmîler taraflarından vekâlet-i meclis-i şer’i hatir-i lâzımü’t-tevkîrde taraflarından vâki olan umurların görmeğe yedinde mazmûnu müsbet hüccet-i şer’iyye ile vekil ve kethüdaları olan iş bu hâmilü’s-sifr Biladin veled-i Oruç nâm zımmî muvâcehesinde her biri bi’l-asâle vel’vekâle ikrâr ve takrîr-i kelâm edüb kethüdamız merkûm Biladin’in târihe gelinceye değin irad ve masârifini ferden ferdâ hisab ve kitâb cem’î harç ve sarfını kabûl edüb zimmetinde bir akçe ve bir habbemiz kalmayub ancak bizim merkûm Biladin’e altı yüz elli guruş deynimiz zuhur etmekle ba’de’l-yevm meblağ-ı mezkûr tevzi ve cem ve tahsile vesâir vâki’ olan umurlarımız görmekle kemâ fi’l-evvel tarafından vekil ve kethüda nasb ve ta’yîn edüb ol dahî vekâlet-i mezbûreyi kabûl ve hizmeti lâzımesin edâ-ya taahhüt ve iltizam eyledikden sonra husus-ı mezkûrda merkûm Biladin zımmînin rey ve tedbiri harç ve sarfı makbulemizdir dediklerinde gıbbe’t-tasdîki’ş-şer’i mâ hüve’l-vâki’ bi’t-taleb ketb olundu. Fi’l-yevmi’l-hamis aşer işrîn min Şa’ban el Muazzam li-sene erbaa ve miete ve elf.
Şuhûdü’l-hâl
• Mührü Ahur Halil Ağa ibn-i Kalander Ağa
• Fahru’s-Sâdâti’l-kiram es-Seyyid Ahmed Çelebi (…)
• Dizdar Mahmud Ağa bin Veli
• Hüseyin Bekir bin Süleyman
• el-Hâc Mustafa Ağa Kıl’ander Ağa
• Ahuhu Osman Ağa
• Murtaza Çelebi bin el-Hâc Edib
• Kemal bin Hüdaverdi
• Osman bin Ali
• Ramazan Beşe bin Veli
• Ebu Bekir Bey Abdi
• Ve gayruhum minel huzzâr
Sayfa No: 92/93 Belge No: 216
Medîne-i Kayseriye’nin Müslüman mahallâtından Yalman Mahallesi sükkânından Ömer Efendi ibn-i Hasan ve Topal İshak bin Abdüsselam ve Ebulkasım bin İbrahim Sarı Halil ibn-i el-Hâc Mehmed ve İbrahim bin Mustafa Hisayunlu Mahallesi sükkânından el-Hâc Osman bin Ömer ve el-Hâc Ahmed bin Receb ve Ramazan bin Hanefi bin Mahmud Mustafa ve Yenice Mahallesi sükkânından İmam Mehmed halife Ali Kaya bin Veli ve el-Hâc Şa’ban ibn-i el-Hâc Mustafa ve el-Hâc Ali bin Osman Abdulkadir bin Mehmed ve Mustafa bin Ramazan ve İsmail bin Mahmud Molla Mustafa bin İbrahim ve Molla Hüsayin bin Ali ve Molla Abdulvehhab bin Mustafa ve Mustafa bin Veli ve Hürrem Çavuş Mahallesi sükkânından Hâc Ali bin Abdi ve el-Hâc Osman bin Cafer ve Ahmed bin Osman ve Lala Mahallesi sükkânından Osman bin Veli ve Hüseyin bin Ahmed ve Şa’ban bin ve Ahmed Şa’ban bin Süleyman ve Ahmed bin Mehmed ve Emir Sultan Mahallesi sükkânından el-Hâc Abdulrezzak ibn-i Abdürrahman ve el-Hâc Ömer ibn-i el-Hâc Abdusselam ve el-Hâc Kasım bin Abdulvehhab ve Kıl’anderhane Mahallesi sükkânından Musa Bekir bin Ali oğlu bin
Bektaş ve İmam Ali Efendi ibn-i Ömer ve Molla Ali ibn-i (…) ve Molla Ali bin MollaVeli ve Mustafa bin Süleyman es-Seyyid el-Hâc Himmet ibn-i es-Seyyid Ali ve el-Hâc Ahmed bin Ahmed Bozatlu Mahallesi sükkânından Molla Ali bin Hasan Fakir ve Ebu Bekir bin el-Hâc Seyyid bin ve (el-Hâc /karalanmış) İlyas bin Bayram ve Mehmed bin Mahmud ve Osman bin Ebu Bekir Himmet bin Yunus Ali Efendi bin Mustafa ve Taşkıncık Mahallesi sükkânından Ali bin Veli ve Ali bin Halil ve Hasan bin Hüseyin bin Veli Kapan Mahallesi sükkânından Molla Bayram bin Münir ve Hasan bin Mehmed ve Abdurrahman bin Ahmed Hacet Mahallesi sükkânından el-Hâc Mustafa Efendi ibn-i Osman Efendi ve el-Hâc Halil bin İbrahim ve Abdi bin Çelebi bin Abdulkerim Şeyh Çelebi ibn-i Amr ve Merkebci Mahallesi sükkânından el-Hâc İbrahim Bekir el-Hâc Receb ve Veli bin Abdülgani ve Ahmed bin Hasan Şa’ban bin Hüseyin Hâcı İvaz Mahallesi sükkânından Mustafa bin İbrahim ve Mehmed bin Şa’ban ve Tac-ı Kızıl Mahallesi sükkânından mütevelli Receb bin Hâc Mehmed ve Kethüda ibn-i el-Hâc Mehmed ve Ömer bin el-el-Hâc Bayram Ahi Ali bin Ali ve Mumcu Halil Mahallesi sükkânından Molla Süleyman bin Mansur ve Abdurrahman bin Hüseyin ve Rauf bin Hüseyin ve Bağçevan Mahallesi sükkânından Molla Mustafa ibn-i Molla Ömer Osman ibn-i el-Hâc Ali ve Hacı Mehmed Bali ve Mustafa bin Hasan ve el-Hâc İsmail ve Abdulnebi Hacı Kılıç Mahallesi sükkânından Hüseyin Efendi ibn-i el-Hâc Mahmud ve el-Hâc Hüseyin ibn-i el-Hâc Hasan ve el-Hâc Abdulkadir ibn-i el-Hâc Ebu Bekir ve Hamurcu Mahallesi sükkânından İmam el-Hâc Mehmed bin İbrahim ve el-Hâc Mahmud bin Musa Ömer İsmail bin İsmail Şeyh Ramazan bin Yusuf Eski Bezzazistan Mahallesi sükkânından Mehmed ibn-i el-Hâc Rıdvan ve Ya’kûb bin Ahmed ve Huand Mahallesi sükkânından Ebul Kasım bin Hızır ve el-Hâc Hasan ibn-i el-Hâc Bayram Mehmed ibn-i el-Hâc Bektaş ve Hasbek Mahallesi sükkânından Molla Mustafa bin Abduşşükür ve Molla Ali ibn-i el-Hâc Hasan ve Abdi bin Ahmed el-Hâc İsmail Cafer nâm kimesneler ile kefere Mahallâtından Sel aldı Mahallesinden Dadır veled-i Serkiz Vanob veled-i Maşanlı Sınıkçı Mahallesinden Babek veled-i Marki ve Kiçi Kapu Mahallesinden Zeki veled-i Bahadır ve Sefer veled-i Simyon ve bir Şukuh veled-i Köstenzdil ve Mermerli Mahallesinden Emir veled-i Simyon Vanob veled-i Dadır ve Şarkiyan Mahallesinden Mihayil veled-i Simyon ve Yıvan veled-i Murad ve Eslem Paşa Mahallesinden Babek veled-i Simyon ve Mahas veled-i Kesbir ve Ağya veled-i Tori Satcan? Mahallesinden Hatar Bali veled-i Mıgırdiç Artiyon veled-i Yagob ve Köyyıkan Mahallesinden Ağya veled-i Sipahi ve Simyon veled Dadır ve Sayecı Mahallesinden Murad veled-i Yasef ve
Şahin veled-i Haçadır ve Yasef veled-i Şahin Bali Tavukçu Mahallesinden Yagob veled-i Avanos Kanber veled-i Sinan ve Çerak veled-i Minas ve Tator Mahallesinden Sefer veled-i İbrahim ve Simyon veled-i Temur ve Semaven Veled-i Dadır Karakeçi Mahallesinden Kayseri veled ise Sape Bali veled-i (…) Yagob Keklik Mahallesinden Kaya Bali veled-i Bali Sipelyan Mahallesinden Serkis veled-i Karabet ve Şahbaz veled-i Şahbali ve Sultan Mahalesinden Andon veled-i Yasef ve Saye Bali veled-i Yasef Gürcü Mahallesinden Cevrail veled-i Şinlik ve Abraham veled-i Yipli göz ve Rumiyan Mahalesinden Murad veled-i Yuri Bali Hürriyet Mahallesinden Yıvan veled ise Marad veled-i Vasil nâm zımmîler vesâirleri Medîne-i mezbûre kurasından Hasanalb nâm karyeden Mustafa bin Mehmed ve Hacılar nâm karyeden el-Hâc İbrahim bin Hasan ve Horsana nâm karyeden Mehmed Abdulrezzak ve Kemer nâm karyeden Sefer bin Ali ve Molu nâm karyeden Ali bin Mehmed ve Halil bin Ali Mahzemin nâm karyeden Şeyh Mehmed bin Mehmed Hırka nâm karyeden Veli bin Oruc ve Boyacılı nâm karyeden el-Hâc Osman ibn-i el-el-Hâc Veli Pençe nâm karyeden Hamza bin Şa’ban ve el-el-Hâc Ahmed bin Hasan ve Kebaz nâm karyeden Bali bin Ali ve Çevril nâm karyeden Ahmed bin Hüdaverdi ve İbrahim bin Hasan ve Süksün nâm karyeden Musli bin Abdullah ve Amarat nâm karyeden Mustafa bin Abdulnebi ve Çukur nâm karyeden Osman bin Abdil ve Taşhan nâm karyeden Cafer bin Fazlı ve Ağçakaya’dan Süleyman bin Hüseyin nâm kimesneler ile Tavansun nâm karyeden Uğurlu veled-i Pençe ve Erkilet nâm karyeden Anasdas veled-i Marad ve Endürlük nâm karyeden Marad veled-i Şahin ve Vasil veled- iSatan ve Efkere nâm karyeden Eküb veled-i Kabril ve Mancusun nâm karyeden Satan veled-i Rank Eküb veled-i Kirkor ve İstefana nâm karyeden Durmuş veled-i Kebiresi ve Darsiyak nâm karyeden Şahin veled-i Marad Ronk nâm karyeden Babuk veled-i Haçadır ve Eküb veled-i Kirkor ve Ağırnas nâm karyeden Suda veled-i Mihayil Anasdas veled-i Sultaneş ve Talas nâm karyeden Devlet veled-i Düğüncü ve Sefer veled-i Satan ve Endürlük nâm karyeden Marad veled-i Devlet ve Germir nâm karyeden Kebiresi veled-i Simyon Tebrik veled-i Yasef ve Gesi nâm karyeden Simyon veled-i Uğurlu Mois veled-i Sefer ve Balagesi nâm karyeden Markar veled-i Dakük ve Markar veled-i İmam ve Zincidere nâm karyeden Vasil veled-i Deligöz ve Mihayil veled-i Anasdas ve Yuri veled-i Mihayil nâm zımmîler ile Medîne-i mezbûrenin Müslüman taifesi taraflarından vâki olan emirlerine görmeğe yedinde mazmun-u müspet hüccet-i şer’iyye ile vekîl ve kethüdaları olan Ali kethüda ibn-i Yahya ile zımmî taifesi taraflarından kezalik hüccet-i şer’iyye ile vekîl ve kethüdaları olan Karabet veled zeyl-i
sâhifesi taraflarından kezalik hüccet-i şer’iyye ile vekil ve kethüdaları olan Karabet veled-i Kati ve Kara ahalileri taraflarından kezalik hüccet-i şer’iyye ile vekîl ve kethüdaları olan Biladin veled-i Oruç mahfil-i kazâda iş bu râfiü’l-kitâb el-Hâc Ramazan bin Seyyid Beşe nâm kimesne mahzarında her biri bi’l-asâle vel’vekâle ikrâr-ı tam ve takrîr-i kelâm edüb merkûm el-Hâc Ramazan muayyin-i fukara olub daima bizim ırzlarımızı ve emvallerimizi siyanet ve himayet edüb mâlâ ve bednâ fukara içün bezl-i makdur etmişdir. Hattâ kefere mahallâtından beş yüz zımmîler evleri ile Tokad ve Amasya ve Merzifon ve Adana Payas vesâir bilâda göçüb parakende olanlar hala birkaç seneden berü merkûm el-Hâc Ramazan’ın siyaneti sebebiyle yerlü yerüne gelmişlerdir ve vâki olan salyane geri ayan-ı vilayet ve efendilerin kat’â medhalî olmayub ve merkûm el-Hâc Ramazan asla vaz-ı yed etmeyüb biz alıb verdiğimiz hesabıyla merkûm el-Hâc Ramazan’da bir akçe ve bir hisse alacağımız yokdur dediklerinde gıbbe’t-tasdîki’ş-şer’i mâ vak’a bi’t-taleb ketb olundu. Fi’l-yevmi’s-sâlis-i aşer min Şa’ban el Muazzam li-sene erbaa ve miete ve elf.
Şuhûdü’l-hâl
• Umdetü’l-email ve’l-imran Hüseyin Ağa kethüda teberdarı ey atîk-i sabık
• Emîrü’l-ümarâi’l-Kirâm es-Seyyid Mehmed Bekir
• Umdet’ül-müderris es-Seyyid Abdurrahim Efendi
• Kıdvetü’l-müderris es-Seyyid Mustafa Efendi
• Umdetü’s-sâdât es-Seyyid Hidayetullah Efendi
• Fahri’l-Meşayihu’ş-şeyh Şemseddin Efendi
• es- Seyyid Abdullah Efendi bin es- Seyyid Ahmed Efendi
• Beşir Efendi bin Mustafa Çelebi ve Ömer
Sayfa No: 93 Belge No: 217
Medîne-i Kayseriye’de Yenice Mahallesi sâkinlerinden Kâmile Bint-i Nâzır nâm Hatun tarafından husus-ı ati’z-zikr vekil olub zat-ı mezbûrla mârifet-i şer’iyye ile ârifan olan es-Seyyid Hasan Çelebi ibn-i es-Seyyid Ahmed ve Molla Hızır bin Ali nâm kimesneler şehadetleri ile şer’an vekâlet-i âtiye olan es-Seyyid Ahmed Çelebi ibn-i Mustafa nâm
kimesne meclis-i şer’i hatir-i lâzımü’t-tevkîrde râfiü’l-kitab el-Hâc İvaz bin Abdullah nâm kimesne tarafından husus-ı ati’z-zikr tasdik vekili olan Ramazan Bekir bin İbrahim nâm kimesne mahzarında bi’l-vekâle ikrâr ve takrîr-i kelâm edüb müvekkilem mezbûr Kâmile silk-i mülkü sahihinde münselik olub mahalle-i mezbûrda vâki’ bir tarafdan el-Hâc Osman menzili ve iki tarafdan el-el-Hâc Şa’ban menzili ve bir tarafdan târik-i âmm ile mahdûd dahî liyesi bir sofa ve bir tabhane ve bir örtme ve bi’r-i mâ’ ve bir havlu ve hâriciyesi bir ahur ve bir samanlık ve bir havluyu müştemil mülk-i menzili tarafeynden icab ve kabûlü havi bey’-i bat-ı sahih-i şer’i ile doksan esedi guruşa merkûm el-Hâc İvaz bey’ ve teslim ol dahî vech-i meşrûh üzere iştirâ ve kabûl ve tesellüm ettikden sonra semeni olan meblağ-ı mezkûr doksan guruş merkûm el-Hâc İvaz yedinde tamamen ahz ve kabz eyledim. Ba’de’l-yevm menzil-i mahdûd mezkûr müvekkile merkûm el-Hâc İvaz’ın mülk-i müşterâsıdır. Keyfe mâ yeşâ mutasarrıf olsun diye dedikde gıbbe’t-tasdiki’ş-şer’i mâ vak’a bi’t-taleb ketb olundu. Fi 22 Şa’ban el Muazzam sene 104.
Şuhûdü’l-hâl
• Halil Halife bin Mahmud
• Molla Hüseyin bin Ali Bekir
• MollaAli ibn-i el-Hâc Mustafa
• Güncü Ahmed bin Mahmud
• İbrahim bin Mahmud
• Ali bin İbrahim
• Osman bin Mehmed
• Osman bin Ebu Bekir
• Yusuf Beşe (bozuk)
• Ve gayruhum
Sayfa No: 94 Belge No: 218
Medîne-i Kayseriyye’de Kürtler Mahallesinde sâkin iken bundan akdem vefat eden es-Seyyid Hüseyin bin Ali’nin veraseti zevce-i metrukesi Fatıma bint-i Mehmed nâm
Hatun ile li-ebeveyn karındaşı es-Seyyid Hasan Çelebi’ye münhasır olduğu lede’ş-şer’ hazır müta’yîn oldukdan sonra merkûm es-Seyyid Hasan Çelebi asaleten mezbûr Fatıma tarafından husus-ıati’l-beyan ikrâra vekil olub zat-ı mezbûreye mârifet-i şer’iyye ile ârifan olan el-Hâc Mehmed bin Ebulkasım Abdürrezzak bin Abdullah nâm kimesneler şehadetleri ile şer’an vekâleti yedinde olan Halaçoğlu Ali bin İbrahim nâm kimesne vekâlet-i meclis-i şer’i hatir-i lâzımü’t-tevkîrde iş bu râfiü’l-kitab es-Seyyid Mustafa Çelebi ibn-i es-Seyyid Osman nâm mahzarında her biri bi’l-asâle vel’vekâle ikrâr ve takrîr-i kelâm edüb müteveffa-yı mezbûrenin terekesinden olub mahalle-i mezbûrda vâki’ bir tarafdan Şa’ban Beşe menzili ve bir tarafdan Ali Bayram menzili ve bir tarafdan bazen Hüseyin bazen es-Seyyid Hasan menzilleri ve bir tarafdan târik-i âmm ile mahdûd bir sofa ve bir tabhane ve bir örtme ve bir ahur ve bir havluyu müştemil mülk-i menzili tarafeynden icab ve kabûlü havi bey’-i bat-ı sahih-i şer’i ile otuz esedi guruş merkûm es-Seyyid Mustafa Çelebi’ye bey’ ve teslim ol dahî vech-i meşrûh üzere iştirâ ve kabûl ve tesellüm ettikden sonra semeni olan meblağ-ı mezkûr otuz bir guruş merkûm es- Seyyid Mustafa yedinde bittamam ahz ve kabz eyledim. Ba’de’l-yevm menzil-i mahdûd mezkûr merkûm es-Seyyid Mustafa Çelebi’nin mülk-i müşterâsıdır. Keyfe mâ yeşâ ve yahtâru mutasarrıf olsun dediklerinde gıbbet tasdik. Fi 16 Şa’ban sene 104.
Şuhûdü’l-hâl
• Ramazan Bekir bin İbrahim
• Hasan Efendi bin Ahmed Efendi
• Hafız Ahmed Efendi bin Mehmed
• Şemsi oğlu Ali
• (…) cioğlu Ali
• el-Hâc Osman bin el-Hâc Süleyman
• Ebu Bekir Bekir bin Abdullah İbrahim
Sayfa No: 94 Belge No: 219
Medîne-i Kayseriyye Mahallatından Bektaş Mahallesi sâkinlerinden Şerife bint-i Yusuf nâm Hatun meclis-i şer’i hatir-i lâzımü’t-tevkîrde iş bu râfiü’l-kitab Ayan veled-i nukud nâm zımmî muvacehesinde ikrâr-ı tam ve takrîr-i kelam edüb akd-i âti suduruna değin silk-i mülkü mevrusumda münselik olub Medîne-i mezbûr civarında Hasandağı nâm mevzinde vâki’ bir tarafdan Şeyh Amr bağı ve bir tarafdan Abdulcelil bağı ve bir tarafdan kuyu ve bir tarafdan târik-i âmm ile mahdûd eşcar-ı müsmire gayrı müsmireyi