Kullanılan Paralar

Bir toplumun ekonomik unsurlarını açıklamaya çalıştığımız zamanlarda bahsedilmesi gereken en önemli noktalardan biri de o toplumun para unsurudur. Osmanlı Devleti kuruluş döneminde Selçuklu para birimi olan nisfiyeyi

kullanmışlardır.117 _{Sonraki dönemlerde akçe esasına dayanan Osmanlı parası Devletin} siyasi ekonomik gidişine parelel seyir izlemektedir. Osman Gazi döneminde 100 dirhem gümüşten 450 akçe kesilmiştir. 18.yüzyıldan itibaren akçenin kullanımının yanında kuruş da ağırlığını hissetirmeye başlamıştır. Araştırma yaptığımız defterimizde de eşyaların tümü olmassa da tereke tutarlarının toplamı önce akçe olarak hesaplanmış bunun yanında kuruş olarak değeri mutlaka yazılmıştır. Ayrıca akçe olarak hesaplanan tutarlar kuruşa çevrilirken mablağ gibi ölçüler kullanılmıştır.

117 _{İbrahim özcoşar, 315 Numaralı Diyarbakır Şer’iyye Sicili, Yayınlanmamış Yüksek Lisans} Tezi, Diyarbakır, 2000, s.317.

III. BÖLÜM

433 NUMARALIBİRECİK ŞERİYYE SİCİLİNİN TRANSKRİPSİYONU

Sahife 1 (...) Sahife 2

Mükerreb (…) (…) Eflak ism-i kanun İbn-i Hacı Ali Bin (…) (…) aleyh ber vech-i ati ile Meclis-i Şer’e de (…) bil farizete şer’iye tevzi’ ve taksim olunan müteveffay-ı mezburun terekesi defteridir ki ber vech-i ati zikr ve beyan olunur. Hurrire fi’l yevmi’t tasi ‘aşer min hususun şabanni’l-mu’azzam li-senete tis’ate ve ‘aşer ve salase-mi’ ete ve elf

…. Ferman 1 / 13 guruş siyah kilim 115 guruş/ 20 para yatak kat 120 guruş keçe 10 guruş ……. …… kazgan 20 guruş kazgan 20 guruş Tas tava havan sandık 15 guruş Kaban 13 guruş kürsi 10 guruş fanus 6 guruş küp …..hasır… legen… …. Erzak….mirat 15 guruş Sepet 16 guruş

Mezkurede vaki’ bir tarafına bulunduktan sonra ticaretimizde haci mülahazatımıza raiyet olunursa da …. Hacı Mehmed’ten alacağı olub kayıt olunur.

Huzurat-ı mezil (...)…. İbtidarmış. Cem῾an yekün

825 guruş 30 para menkûl esmânı 3000 guruş gayr-ı menkûl esmânı 3825 guruş 30 para

Minhâ el-ihrâcât

Resm-i kısmet 20 guruş Dellaliye 6 guruş 20 para Kaydiye 5 guruş 20 para

Varaka ve pul bahâsı 2 guruş 10 para Vasiye hüccet ve pulu 32 guruş 20 para Cem῾an yekün el-ihrâcât

66 guruş 30 para

759 guruş

Li’t-taksim-i beyne’l-veresetü’l-mezbûre

Hissetü’z-zevcetü’l-mezbûre Meryem Hatun 94 guruş 35 para Hissetü’l-bintü’l-kebîretü’l-mezbûre Miyase 60 guruş 15 para Hissetü’l-bintü’l-kebîretü’l-mezbûre Fatıma 60 guruş 15 para Hissetü’l-bintü’l-kebîretü’l-mezbûre Eslem 60 guruş 15 para Hissetü’l-ibnü’l-kebîrü’l-mezbûr Abdulvehhab 120 guruş 30 para Hissetü’l-bintü’s-sagîretü’l-mezbûre Zeyneb 60 guruş 15 para Hissetü’l-bintü’s-sagîretü’l-mezbûre Zeliha 60 guruş 15 para Hissetü’l-ibnü’s-sagîrü’l-mezbûr Abdulkadir 120 guruş 30 para Hissetü’l-ibnü’l-kebîrü’l-mezbûr Şerif120 guruş 30 para

Ser-nâme-i defterde ismleri muharrer verese-i mezbûrûndan ma῾rifetü’z-zât mezbûre Meryem Hatun bâlâda muharrer hisse-i irsiyesi olan doksan dört guruş otuz beş parayı ve mezbûrûn Miyase ve Fatıma ve Eslem ve Abdulvehhab dahi bâlâda muharrer hisse-i irsiyeleri olan cem῾an üç yüz bir guruş otuz beş parayı tamamen ve kâmilen ahz u kabz edip sıgâr-ı mezbûrûn Zeyneb ve Zeliha ve Abdulkadir ve Şerif’in bâlâda muharrer hisse-i irsiyeleri olan cem῾an üç yüz altmış iki guruş on para idâne ve istirbâh olunmak üzre vasileri li-ebb er karındaşları mezbûr Abdulvehhab’a teslim olunduğu iş bu mahalle şerh verildi

Numara 5

Haleb vilâyeti dâhilinde makarr-ı livâ olan medine-i Urfa’ya mülhak Birecik kazâsının Saha Mahallesinde sâkin iken bin üç yüz on beş senesi hulûlünde vefât eden Şeyh Müslim ibn İbrahim bin Molla’nın sulbiye-i sagîre kızları Zeyneb ve Zeliha ve sulbi sagîr oğulları Abdulkadir ve Şerif’in li-ebb er karındaşları ve vasi-i mansûbları iş bu ba῾isü’l-kitâb Abdulvehhab bine’l-müteveffâ-yı mezbur Şeyh Müslim kazâ-i mezkûr mahkemesinde meclis-i şer῾-i şerîf-i lâzımü’t-teşrîfte takrir-i kelâm ve ta῾bir-i ‘ani’l- merâm edip vasileri olduğum iş bu sıgâr-ı hazırdan mezbûrûn li-ebb karındaşlarım Zeyneb ve Zeliha ve Abdulkadir ve Şerif hacr-ı terbiyemde olub âtide hacr-ı terbiyesi benden elyak-ı zuhûr edecek min hakki’l-ahz üzerine kadar-ı kifâye nafaka ve kisve bahâ farz ve takdir olunmak matlûbumdur dedikde hakikat-i hâl minvâl-i meşrûh üzre olduğu zeyl-i kitâbda muharrerü’l-esâmi-i Müslimîn ihbârlarıyla zâhir ve mütehakkık

olmağın hâkim-i mevki῾ sadr-ı kitâb Hasan Efendi hazretleri dahi sıgâr-ı hâzır-ı mezbûrûnun nafaka ve kisve bahâ ve sâ’ir levâzım-ı zarûriyeleri içün iş bu tarih-i kitâbdan kadar-ı kifâye küll-i yevm beherine altmışar paradan cem῾an altı guruş yevmî nafaka farz ve takdir edip meblağ-ı mefrûz-ı mezkûr altmışar parayı sigâr-ı hâzırûn-ı mezbûrûn Zeyneb ve Zeliha ve Abdulkadir ve Şerif’in küll-i yevm nafaka ve kisve bahâ ve sâ’ir levâzım-ı zarûriyelerine harc ve sarfa ve lede’l-hâce istidâneye ve ‘inde’z-zafer mine’l-hakki’l-ahz üzerine rücû῾a mezbûr Abdulvehhab’a izn verilmeğin mâ-vak῾a bi’t- taleb ketb u imlâ olundu fî’l-yevmi’s-sâbi῾ ‘aşer min Şabani’l-mu῾azzam li-senete tis῾ate ve ‘aşer ve selâse-mi’ete ve elf

Şuhûdü’l-hâl

Hacı Mehmet Ağa ibn Hacı Müslim Ve Osman Ağa İbn-i Mehmed Ve gayruhum

Numara 6

Haleb vilâyeti dâhilinde makarr-ı livâ medine-i Urfa’ya mülhak Birecik kazâsının Saha Mahallesi’nde sakine iken bundan akdem vefât eden Meryem Hatun ibni Hasan bin Hâcı Hinel’in verâseti babası mezbûr (…) bin Hinel ve anası Mekkiye Hatun ibniye Hafif Hâce ile sadriye-i sagîre kızları Zeyneb ve Zeliha ve sadri sagîr oğulları Abdulkadir ve Şerif’e münhasıra olduğu lede’ş-şer῾i’l-enver zâhir ve mütehakkık oldukdan sonra verese-i mezbûrûndan sıgâr-ı mezbûrûn Zeyneb ve Zeliha ve Abdulkadir ve Şerif’in tesviye-i umûrlarına bâ-hüccet-i şer῾iye vasileri li-ebb er karındaşları Abdulvvehhab bin Şeyh Müslim mezbûretân Hasan ve Mekkiye Hâtunnun bi’l-ihâle ve bi’l-vesâye taleb ve ma῾rifetleri ve ma῾rifet-i şer῾le lede’l-müzâyede bey῾ ve tahrir ve ba῾de ihrâcü’l-masârifü’l-lâzıme sahhü’l-bâki beyne’l-veresetü’l-mezbûre bi’l-farizatü’ş-şer῾iye tevzî῾ ve taksim olunan müteveffât-ı mezbûrenin terikesi defteridir ki ber-vech-i âti zikr u beyân olunur hurrire fî’l-yevmi’t-tâsi῾ ‘aşer min Şabani’l-mu῾azzam li-senete tis῾ate ve ‘aşer ve selâse-mi’ete ve elf

Kilim 1 aded 20 guruş

Basmadan ma῾mûl entari 2 aded 20 guruş Zenneye mahsûs ayakkabı 2 aded 10 guruş Çuka ferman 1 aded 20 guruş

Yatak kat 2 aded 200 guruş

Kendüden mukaddem vefât eden zevci Şeyh Müslim bin İbrahim’den hisse-i irsiyesi 94 guruş 35 para

Yekün 368 guruş 35 para Minhâ el-ihrâcâr

Resm-i kısmet 9 guruş Kaydiye 20 para

Varaka ve pul bahâsı 1 guruş Yekün el-ihrâcât 10 guruş 20 para

Hissetü’l-ümmü’l-mezbûre Mekkiye Hatun 59 guruş 29 para Hissetü’l-bintü’s-sagietrü’l-mezbûr Zeyneb 39 guruş 32 para Hissetü’l-bintü’s-sagiretü’l-mezbûr Zeliha 39 guruş 32 para Hissetü’l-ibnü’s-sagirü’l-mezbûr Abdulkadir 79 guruş 24 para Hissetü’l-ibnü’s-sagirü’l-mezbûr Şerif 79 guruş 24 para (…)

(Sahife 3) Numara 7

Husûs-ı âtiyü’l-beyânın mahallinde ketb ve tahriri içün savb-ı şer῾-i şerîfden bi’l-iltimâs me’zûnen bi’l-hükm irsâl olunan mevlânâ kâtib Ahmed Efendi Birecik kazasının Sancak Mahallesinde Cemal bin Yusuf menziline varub kaza-i mezkûrun Saha mahallesinden Ahmed bin Mail ve Mehmed bin Ahmed nâm kesân hâzır oldukları halde ‘akd-ı meclis-i şer῾-i ‘adl ettikde mezkûrun Tedrib Mahallesinde sâkin iken bundan dört ay mukaddem vefât eden Salih bin Mehmed bin Receb’in veraseti zevce-i menkûha-i metrûkesi Eslem hâtun ibnetü’l-mezbûr Cemaleddin ve sulbiye-i kebîre kızı Emine ve sulbiye-i sagîre kızı Ayişe ve mezbûrenin batnında müsebbibînü’l-halk sekiz aylık haml-ı mevkûf ile li-ebeveyn er karındaşları Receb ve Hâcı Süleyman ve Müslim ve Yusuf ve li-ebb kız karındaşı Fatıma’ya münhasıra olduğu lede’ş-şer῾i’l-enver zâhir ve mütehakkık oldukdan sonra verese-i mezbûrdan zâtı kesân-ı mezbûranın ta῾rîfleriyle mu῾arrefe mezbûre Eslem hâtun meclis-i ma῾kûd-ı mezkûrda babası mezbûr Cemal bin Yusuf mahzarında takrîr-i kelâm ve ta῾bir-i ‘ani’l-merâm edip zevcim ve mûrisim müteveffâ-yı mezbûr Salih’e vasi-i muhtârı olmadığını iddi῾a ile terikesine vâzı῾ü’l-yed

olan mezbûr Hâcı Süleyman’ın ve zevcim ve mûrisim müteveffâ-yı mezbûrun terekesine müte῾allika zimem-i nâssda olan alacaklarını ashâbdan ahz u kabza ve zuhûr edecek duyûnunu âid olduğu ‘âlim-i şer῾iyyede husûmet ve redd-i cevâb ve taleb ve da῾va ve makbûzunu bana irsâl ve isâl ve teslîme ve lede’l-iktizâ sulh ve ibrâya ve husûs-ı mezkûrun mütevakkıf olduğu umûrun küllîsine tarafımdan vekâlet-i ‘âmme-i mutlaka-i sahîha-i şer῾iyye ile babam mezbûr Cemal’i vekil ve nâ’ib-i münâsib nasb u ta῾yîn etmiş eylediğimde ol-dahi ber-vech-i muharrer vekâlet-i mezkûreyi kabûl ve hidmet-i lâzımesini kemâ-yenbagi edâya ta῾ahhüd ve iltizâm eyledi dediğini kâtib-i mumâ-ileyh mahallinde ketb ve tahrîr ve ve ma῾ân mürsel-i ümenâ-i şer῾le meclis-i şer῾e gelüb ‘alâ vukû῾a inhâ ve tahrir etmeğin mâ-vaka῾ bi’t-taleb ketb u imlâ olundu hurrira fi’l-yevmi’s-sâmin ‘aşer min şehr-i Şa῾bani’l-mu῾azzam li-seneti tis῾a ‘aşer ve selâse-mi’ete ve elf.

Numara 8

Ma῾rûz-ı dâ῾î-i kemîneleridir ki

Haleb vilâyeti dâhilinde makarr-ı livâ olan medine-i Urfa’ya mülhak Birecik kazâsının Tedrib Mahallesinde sâkine iken bundan yirmi gün mukaddem vefât eden Naile hâtun ibniye Ali bin Receb’in verâseti zevc-i metrûku Mehmed bin Tahir ile li- ümm ceddesi Ayişe hâtun ibniye Mehmed Ali ve li-ebeveyn Ammioğulları Receb ve Hâcı Süleyman ve Müslim ve Yusuf Bol Mehmed ve li-ebeveyn-i Ammi Müslim ve Bozan Benan Hasan’a münhasıra olduğu lede’ş-şer῾i’l-enver zâhir ve mütehakkık oldukdan sonra verese-i mezbûrundan sâhib-i ‘arz-ı hâl ma῾rifetü’z-zât mezbûre Ayişe hâtunun vekil-i müseccel-i şer῾isi Abdullah bine’l-mezbûr Mehmed Ali ve mezbûr Hâcı Süleyman kazâ-i mezkûr mahkemesinde ma῾kûd-ı meclis-i şer῾imizde verese-i mezbûrûndan derûn-ı ‘arz-ı hâlde ismi mezkûr mezbûr Mehmed müvâcehesinde iş bu târih-i zabtdan yirmi gün mukaddem vefât eden müteveffâ-yı mezbûre Nâile Hatunun hayat ve sıhhatinde mezbûr Mehmed zimmetinde müteferrik ma῾kûdun ‘aleyh bin beş yüz guruş mehr-i mü’eccel alacak hakkı olub meblağ-ı mezkûru kable’l-ahza ve’l-istifâ mezbûre Naile hatun ber-vech-i muharrer vefât edip vârisini ber-vech-i muharrer veresesine münhasıra olmağla meblağ-ı mezkûr bin beş yüz guruşdan müvekkile-i mezbûre ile benim hisse-i irsiyemizden keff-i yed ve bize teslîme mezbûr Mehmed’e tenbih olunmak bi’l-vekâle ve bi’l-ihâle matlûbumuzdur deyu da῾vâ ettiklerinde ol-dahi cevâbında müdde῾i vekil-i mezbûrun müvekkilesiyle müdde῾i-i mezbûr Hâcı Süleyman

verâset-i müdde῾ilerin ikrâr ve i῾tirâf edip lakin zevcem ve murisemiz müteveffât-ı mezbûrenin ikrârı maraz-ı mevtinde olub şer῾an mu῾teber olmadığı cihetle meblağ-ı mezkûru müteveffât-ı mezbûrenin terike-i sâ’iresi hayâtına idhâl ve beyne’l-verese tevzî῾ ve taksime mübâşir olunup mezbûr Mehmed râzı olmuşdu deyu tasaddi eyledikleri ve fi῾illerini mezbûr Mehmed inkâr etmekle müdde῾iyân-ı mezbûrân ber- vech-i muharrer müdde῾âlarını Hâcı Hüseyin Efendi ibn Mehmed bin Mehmed ve Hâcı Sadullahn bin Mehmed bin Ahmed bi’l-müvâcehe ber-nehc-i şer῾i edâ ve şehâdet-i şer῾iyye etmeleriyle mezbûr Mehmed şâhîdân-ı mezbûrân iyi âdem olduklarını tasdik meblağ-ı mezkûr beş yüz guruş müteveffât-ı mezbûrenin sâ’ir terikesi miyânına idhâl ve beyne’l-verese iktisamla müdde῾i-i vekil-i mezbûr Abdullah’ın müvekkilesi hissesine mezbûr Hâcı Süleyman hisse-i irsiyelerini (...) ...) Mehmed’e tenbih (...) ve tescîl ve huzûr-ı ‘âlilerine i῾lâm olundu el-emri li-men lehü’l-emr hurrira fi’l-yevmi’-sâni ‘aşer min Şa῾bani’l-mu῾azzam li-seneti ‘aşer ve selâse-mi’ete ve elf.

Numara 9

Ma῾rûz-ı dâ῾î-i kemîneleridir ki

Haleb vilâyeti dâhilinde makarr-ı livâ olan medine-i Urfa’ya mülhak Birecik kazâsının Tedrib Mahallesinde sâkine iken bundan yirmi gün mukaddem vefât eden Naile hâtun ibniye Ali bin Receb’in verâseti zevc-i metrûku Mehmed bin Tahir ile li- ümm ceddesi Ayişe hâtun ibniye Mehmed Ali ve li-ebeveyn Ammioğulları Receb ve Hâcı Süleyman ve Müslim ve Yusuf ve diğer ve li-ebeveyn Ammioğulları Müslim ve Bozan Benan Hasan’a münhasıra olduğu lede’ş-şer῾i’l-enver zâhir ve mütehakkık oldukdan sonra verese-i mezbûrundan sâhib-i ‘arz-ı hâl ma῾rifetü’z-zât mezbûre Ayişe hâtunun vekil-i müseccel-i şer῾isi Abdullah bine’l-mezbûr Mehmed Ali ve mezbûr Hâcı Süleyman kazâ-i mezkûr mahkemesinde ma῾kûd-ı meclis-i şer῾imizde derûn-ı ‘arz-ı hâlde ismi mezkûr verese-i mezbûrûndan mezbûr Mehmed bin Tahir müvâcehesinde iş bu târih-i zabtdan yirmi gün mukaddem vefât eden mûrisemiz müteveffât-ı mezbûre Nâile Hatunun hayat ve sıhhatinde müstakileten malı olmayub ba῾de vefâtında bize mevrûs olan beş yüz doksan guruşla bir kadife mintan ve yüz elli guruş ve bir parça sevâbı âri yüz guruş ve bir catarî entari yetmiş beş guruş ve bir şeritli çuka mintan altmış guruş ve bir çift altun Haleb küpesi yüz elli guruş ve bir çift gümül halhal yirmi guruş ve bir nühâsi sini elli guruş ve bir nühasi hamam leğeni otuz guruş ve üç nühasi tencere kırk beş guruş ve on bir aded bofça yirmi beş guruş ve bir çift meşfa on beş

guruş ve bir Acem peştemâl sekiz guruş ve iki çift hamam takımı otuz guruş ve bir ipek izar yüz guruş ve iki ‘adi izâr otuz guruş ve beş basma entari kırk guruş ve üç şalvar otuz guruş ve beş mahreme on guruş ve bir basma hırka on beş ve basma yelek beş guruş ve bir gömlek iki guruş ve iki yatak çarşabı yirmi guruş ve bir kat yatak yüz guruş ve eltı telli on guruş ki cem῾ân bin sekiz yüz guruş on guruş terikesini zevci mezbûr Mehmed bi’l-ma῾iyye zabt ve vaz῾-ı yed eder olmağla su’âl olunub vâzi῾ü’l-yed olduğu müteveffât-ı mezbûrenin terikesinden (...) hisse-i irsiyesiyle benim hisse-i irsiyemi bi’l- vekâle ve bi’l-ihâle taleb ederiz deyu da῾va ettiklerinde ol-dahi cevâbında zevcesi ve mûrisesi zevcem (…) terikesine (…) ve müdde῾i-i vekil-i mezûrun müvekkilesi mezbûre Ayişe hatun ile mezbûr Hacı Süleyman verâset-i müdde῾âlarını ikrâr ve i῾tirâf edip lakin eşyâ-i muharrere-i mezkûreden kadife mintan ve parça sevâyi entari ve catâri entari ve şeritli çuka mintan ve küpe ve kuşak ve hahhalı ve hamam leğeni ve tencere ve yatak (...) ettirip esmânını umûruna sarfla istihlâk etmişdi deyu def῾a tasaddi ve vekil-i mezbûr Abdullah ile mezbûr Hâcı Süleyman inkâr etmekle (...) ber-vech-i muharrer vak῾a-i müdde῾âsına mutâbık beyyine taleb olundukda aslâ şâhidlerim yokdur deyu ikame-i beyyinede izhâr-ı ‘acz edip Hâcı Süleyman bi’l-müvâcehe ber-nehc-i şer῾i yemin verilmeğin mûcebince dâfi῾i-i mezbûrun sıhhat-i i῾tirâfında olan eşyâ-i muharrere-i mezkûre terike-i mezbûreye idhâl olunub bi’l-cümle beynlerinde iktisâm olunmak iktizâ eyledi mi tescil ve huzûr-ı ‘âlilerine i῾lâm olundu el-emri li-men lehü’l- emr hurrira fi’l-yevmi’s-sâni ‘aşer min Şa῾bani’l-mu῾azzam li-seneti ‘aşer ve selâse- mi’ete ve elf.

Sahife 4 Numara 10

Tarih-i hicret-i nebevî ‘aleyh-i efdalü’s-salat ve’n-necâya efendimiz hazretlerinin iş bu bin üç yüz on dokuz senesi Şabanü’l-mu῾azzamı gurresi Salı günü akşamı yani Çarşanba gecesi rü’yet olunduğu ceridede mazbûtü’l-esâmi-i Müslimîn ‘ala tarîki’ş-şehâde ihbârlarıyla sâbit olub Şa῾banü’l-mu῾azzamı tekmîl-i selâsin ‘addiyle bugünkü Pencşenbe günü selh-i Şabanü’l-mu῾azzam ve yarınki Cuma günü ibtidâ şehr-i Ramazan-ı mağfiret-nişân olmağın mûcebince eyyâm-ı mübârekede makâr olan cevâmi῾ ve mesâcidde ikâd-ı kanâdil ve sâ’ire ile mü’minîn-i muvahhidîne i῾lân edilmek iktizâ olduğu tescil ve huzûr-ı ‘âlilerine i῾lâm olundu el-emrü’l-men lehu’l-emr fî selh-i Şabani’l-mu῾azzam li-senete seb῾ate ve ‘aşer ve selâse-mi’ete ve elf.

Numara 11

Haleb vilâyeti dâhilinde makarr-ı livâ olan medine-i Urfa’ya mülhak Birecik kazâsının Sancak mahallesinde sâkine sâhibe-i ‘arz-ı hâl zikri âti sagîrtânın min-kable’l- ümm ceddeleri ve hâzıne iş bu bâ῾isü’l-vesika zâtı zeyl-i vesikadar muharrerü’l-esâmi-i müslimîn ta῾rifleriyle mu῾arrefe olan Selvi Hâtun ibniye Hâcı Mehmed kazâ-i mezkûr mahkemesinde meclis-i şer῾-i şerif-i enverde derûn-ı ‘arz-ı hâlde ismleri mezkûr sagîrtân-ı mezbûrtânın babaları kazâ-i mezkûrun Tedrib mahallesinde sâkin Mahmud bin A῾rec Molla Ahmed mahzarında takrîr-i kelâm ve ta῾bîr-i ‘âni’l-merâm edib iş bu meclis-i şer῾de hâzırtân olub sekiz yaşında Eslim ve iki yaşında Hayriye mezbûr Mahmud’un sulbiye-i sagîre kızları bi-hakki’l-hidâne hucr ve terbiyemde ise de sagîrtân-ı hâzırtân-ı mezbûrtânın aslâ malları olmayub nafaka ve kisveye eşedd-i ihtiyâc ile muhtâc olmalarıyla sagîrtân-ı hâzırtân-ı mezbûrtânın nafaka ve kisve bahâsıyçün kıbel-i şer῾den babaları mezbûr Mahmud üzerine kadr-i ma῾rûf meblağ farz ve takdir olunmak matlûbumdur dedikde gıbbe’t-tasdîk sagîrtân-ı hâzırtân-ı mezbûrtânın nafaka ve kisve bahâsıyçün iş bu târih-i vesîkadan bi’t-terâfi῾ babaları mezbûr Mahmud üzerine cânib-i şer῾den beherina altmış paradan yevmiüç guruş farz ve takdîr olunub meblağ-ı mefrûz-ı mezkûru sagîrtân-ı hâzırtân-ı mezbûrtân Eslim ve Hayriye’nin nafaka ve kisve bahâ ve sâ’ir levâzım-ı zarûriyelerine harc ve sarfa ve lede’l-iktizâ-i istidâneye ve ‘inde’z-zafer babaları Mahmud üzerine rücû῾a ceddeleri ve hâzıneleri mezbûre Selvi hatuna izn verilmeğin mâ-vak῾a bi’t-taleb ketb u imlâ olundu hurrira fî selh-i Şa῾bani’l- mu῾azzam li-seneti seb῾ine ‘aşer ve selâse-mi’ete ve elf

Şuhûdü’l-hâl

Kazâ-i mezkûrun Meydan mahallesinden Yusuf bin Kasım Ve Meydankapı mahallesinden Mehmed bin Molla Mehmed Ve gayruhum

Numara 12

Ma῾rûz-ı dâ῾î-i kemîneleridir ki

Haleb vilâyeti dâhilinde makarr-ı livâ olan medine-i Urfa’ya mülhak Birecik kazâsının Sancak mahallesinde sâkine iken bundan üç ay mukaddem vefât eden Fatıma hâtun ibniye İbrahim bin İbrahim’in verâseti sadriye-i sagîre kızlara Eslim ve Hayriye ve vâlidesi Selvi hâtun ibniye Hâcı Mahmud ile li-ebeveyn er-karındaşı Salih’e

münhasıra olduğu lede’ş-şer῾i’l-enver zâhir ve mütehakkık oldukdan sonra verese-i mezbûrûndan sâhibe-i ‘arz-ı hâl ma῾rifetü’z-zât mezbûre Selvi hâtun kazâ-i mezkûr mahkemesinde ma῾kûd-ı meclis-i şer῾imizde Merkez Mahallesinde sâkin derûn-ı ‘arz-ı hâlde ismi mezkûr Mahmud bin Ahmed müvâcehesinde kızım ve mûrisemiz müteveffât-ı mezbûre Fatıma hâtun hayat ve sıhhatinde mezbûr Mahmud’un zevce-i menkûha-i medhûl bahâsı iken kızım mezbûreyi iş bu târih-i i῾lâmdan altı ay mukaddem bainü’t-talak edip kızım Fatıma hâtun ile mezbûr Mahmud’un beynlerinde nikâh kâ’ime iken firâşından hâsılalar ve kızım mezbûreden mütevellideler sulbiye-i sagîre kızları mezbûrtân Eslim ve Hayriye bi-hakki’l-hidâne kızım mezbûrenin hucr-ı terbiyesinde iken kızım mezbûre üç ay mürûrunda ber-vech-i muharrer verâseti bize münhasıra olduğu halde vefât etmekle sagîrtân-ı mezbûrtân bi-hakki’l-hizâne hucr-ı terbiyemde ise de aslâ malları olmayub nafakaya muhtâc olmalarıyla babaları mezbûr Mahmud üzerine kıbel-i şer῾den kadr-ı ma῾rûf nafaka takdir olunmak matlûbumdur deyu da῾vâ ettikde ol- dahi cevâbında müdde῾iye-i mezbûrenin ber-vech-i muharrer müdde῾âsını tâyi῾an ve kat῾iyen ikrâr ve i῾tirâf edip lakin müteveffât-ı mezbûreyi hayat ve sıhhatinde hîn-i tatlîkinde mehr-i mu’accel beş yüz guruş ve bâ-defter-i müfredât eşyâ bin altı yüz guruş ki cem῾ân iki bin yüz elli guruş teslîm ettikden üç ay mürûrunda zevce-i mutlakası ber- vech-i muharrer vefât edip terikesi sagîrtân-ı mezbûrtân ile verese-i ma῾lûmesine mevrûs olmağla sagîrtân-ı mezbûrtân nafakaları vâlideleri müteveffât-ı mezbûreden mevrûs mallarından takdir olunmak lâzım gelür deyu tasaddî eylediği ve kadı müdde῾iye-i mezbûre tâyi῾an ve kat῾iyen ikrâr ve i῾tirâf edip ancak kızım mûrisem müteveffât-ı mezbûre hayat ve sıhhatinde eşyâ-i muharrere-i mezkûreyi bana bey῾ ve esmânını umûruna sarfla istihlâk edip meblağ-ı mezkûr beş yüz guruş ba῾de’l-vefât techiz ve tekfinine harc u sarf olmuşidi deyu ba῾de def῾ü’d-def῾ mezbûr Mahmud inkâr etmekle müdde῾iye-i dâfi῾-i mezbûre Selvi Hatundan ber-vech-i muharrer müdde῾asına