169 mefāǾįlün mefāǾįlün feǾūlün
1. Eyā Ǿālemleriñ Raĥmān’ı Allāh Eyā derdlileriñ dermānı Allāh
2. Eyā düşkün ķulınuñ dest-gįri Eyā dil taĥtınıñ sulŧānı Allāh
3. Bu göñlüm ġayrıya aldanmaķ olmaz Çü sensin cānımıñ cānānı Allāh
4. “Ebįtü Ǿinde rabbį” ĥürmet içün Dil-i maĥzūnuñ ol mihmānı Allāh
[54a] Gedālardan saña lāyıķ ne olsun Hemān bir cānı var ķurbānı Allāh
6. Ķuśūrına nažar ķılma faķįriñ Dirįġ itme aña iĥsānı Allāh
7. Bu Nūrį ķuluña iyle Ǿināyet Ulaşdur vaślıña ol cānı Allāh
170 mefāǾįlün mefāǾįlün feǾūlün
1. Cemāliñ nūrınuñ Ǿāşıķlarına Kerem iyle kerem sulŧānım Allāh Firāķıñ nārınıñ yanıķlarına Kerem iyle kerem sulŧānım Allāh
2. Cigerler yandı Ǿaşķıñ āteşine Cihāñ ķandı efendi gözyaşına Neler geldi neler Ǿāşıķ başına Kerem iyle kerem sulŧānım Allāh
3. İder Ǿāşıķ āh iñler felekler Aña raĥm iyleyüp aġlar melekler Saña maħfį degil gizli dilekler Kerem iyle kerem sulŧānım Allāh
4. Ne yüz var kim niyāz ide āġāz Ne söz var kim ricāda ola dem-sāz Nice itsün hevā-yı Ǿaşķa pervāz Kerem iyle kerem sulŧānım Allāh
5. Yoķ oldı Nūri’niñ küllį vücūdı Ne Ǿaynį ķaldı anuñ ne şuhūdı Efendim aña iyle luŧf u cūdı Kerem iyle kerem sulŧānım Allāh
171 mefāǾįlün mefāǾįlün feǾūlün
1. Ķamū işim ħaŧā estaġfiru’llāh Kerem ķıl ey Ħudā estaġfiru’llāh
2. Ķūluñ ķūlluġa lāyıķ ola śandım Yañıldım ben estaġfiru’llāh
3. Fażilet śandıġı Ǿilmini nefsim Ĥicāb oldı baña estaġfiru’llāh
4. Nedāmetle nedānem dersin aldım Ŧutup semt-i fenā estaġfiru’llāh
[54b] Alup göñlüm sivādan yüz çevürdüm Dönüp Ĥaķ’dan yaña estaġfiru’llāh
5. Añup taķśįriñi mevlāya Ǿöźr it Di dāǿįm Nūrį yā estaġfiru’llāh
172 mefāǾįlün mefāǾįlün mefāǾįlün mefāǾįlün 1. Cemāliñ nūrını göñlümde tābān iyle yā Allāh
Viśāliñ sırrını sįnemde pinhān iyle yā Allāh
2. Vücūdum ķaŧresin ġarķ iyleyüp baĥr-ı ĥaķįķatde Ledünnį Ǿilmi ile ķalbi Ǿummāñ iyle yā Allāh
3. Görüp göstermeniñ āyįnesin dilde mücellā ķıl Bilüp bildirmeniñ Ǿilmini āsān iyle yā Allāh
4. Ħalāś iyle televvün varŧasından nefsi yā maǾbūd Temekkün kişverinde sırrı sulŧān iyle yā Allāh
5. Cemāl-i śafĥasından oķunan ayāt-ı Ǿaşķ olsun Bu Nūrį ķulıñı Ǿaşķıña burhān iyle yā Allāh
173 mefǾūlü mefāǾįlü mefāǾįlü feǾūlün
1. Derdlilelere dermān idici ĥażret-i Allāh Müşkilleri āsān idici ĥażret-i Allāh
2. Ednā ķūlına źerre ķadar itse Ǿināyet ǾĀlemlere sulŧān idici ĥażret-i Allāh
3. Ķabrinde ġarįbāne yatan ķūlına yoldaş Įmān ile Ķurān idici ĥażret-i Allāh
4. Ķadrin bilene ķadre yetişmek kerem iyle Ol ķullara iĥsāñ idici ĥażret-i Allāh
5. Nūrį sįnede öñ śoñ ider luŧfıla dil şād Ġamluları ħandān idici ĥażret-i Allāh
174 5+5=10
[55a] ǾAşķıña cānım bendedür bende Dil ā sulŧānım sendedür sende
2. Baña ey mālik itdigüñ iylik Bilürem kemlik bendedür bende
3. ǾĀşıķ-ı zārem dāǿim aġlaram Baña ol yārim ħandedür ħande
4. Bildim ol ĥāżır ķalbime nāžır Bilmezem ħāŧır ķandadur ķanda
5. Fenn-i Ǿaşķında māhir ol sen de Çün kemāl anda fendedür fende
6. İste cānānıñ gözle sulŧānıñ 297 Tā ki ol cānıñ tendedür tende
7. Ĥaķķ’a bir ġāfil olmasa vāśıl298 Ǿİlmi ve’l-ĥāśıl žandadur žanda
8. Nefsiñi ey dil rind-i maǾnį ķıl Anda raġbet bil rindedür rinde
297 Bu beyit divanda 7. beyit olarak verilmiştir. 298 Bu beyit divanda 9. Beyit olarak verilmiştir.
9. Saña keşf olsa ŝemme vechullāh299 Ķanda baķarsañ andadur anda
10. Nūrį ol śādıķ Ǿaşķıyla yanuķ Dāǿimā Ǿāşıķ zindedür zinde
175 mefāǾįlün mefāǾįlün feǾūlün
1. Ħudā’nıñ luŧfı var el-ĥamdu’lillāh Cemāli āşikār el-ĥamdu’lillāh
2. Viśāli yollarıñ ķıldı münevver Olup leyl-i nehār el-ĥamdu’lillāh
3. Tecellį iyledi sįnā-yı sırda Görindi nūru nār el-ĥamdu’lillāh
4. Celāl-i heybetinden oldı ĥāśıl Sivāya inķihār el-ĥamdu’lillāh
5. Ķamuya bu cihāñ aġyār olurken Olupdur bize yār el-ĥamdu’lillāh
6. Göñül bāġı ŧolu300 ezhār-ı envār Bugün evvel bahār el-ĥamdu’lillāh
[55b] Cemāl-i şevķı iyle Ǿāşıķ-ı zār İder cānı niŝār el-ĥamdu ’lillāh
8. Cihān ħalķı ķamu dermān umarken Göñül derdin umar el-ĥamdu’lillāh
299 Bu beyit divanda 6. Beyit olarak verilmiştir. 300 Göñül bāġı ŧolu: Göründü gözüme
9. Göñül bir kāra meyl itmek ne mümkin İderken Ǿaşķı kār el-ĥamdu li’llāh
10. Görinen Nūrįyā hep nūr-ı Ĥaķ’dır Daħı ġayrı ne var el-ĥamdu li’llāh
176301 4+4=8
1. Źikru’llāh ķalbi nūr ider ǾĀşıķları mesrūr ider Göñülleri maǾmūr ider Yanalım źikru’llāh ile
2. Źikru’llāh cānlara cāndur Derdli dillere dermāndur Allāh’dan bize iĥsāndur Yanalım źikru’llāh ile
3. Źikru’llāh eflāķı geçer Lāhūt illerine göçer Vuślat ķapuların açar Yanalım źikru’llāh ile
4. Źikru’llāh Ǿaşķa ser-māye Sālikiñ ķalbine māye Ulaşdırur o Mevlā’ya Yanalım źikru’llāh ile
5. Źikru’llāh Ķurān’ıñ sırrı Śanma ol Ķurān’dan ayrı Yoķ hidāyet andan ġayrı Yanalım źikru’llāh ile
6. ǾĀşıķ kim źikru’llāh ide Gözlerinden perde gide Ĥaķķ’ın cemālin siyr ede Yanalım źikru’llāh ile
7. Vird idinseñ źikru’llāhı Ey Nūrį bulursun rāhı Seyr idersin źātu’llāhı Yanalım źikru’llāh ile
177 mefāǾįlün mefāǾįlün mefāǾįlün mefāǾįlün
1. Çü kānım lā-mekāndur bį-mekānım bu mekāñ içre Zamānımdur bugün śāĥib-zamānım bu zamān içre
2. Eĥad çün ĥükm-i vaĥdetde ķavįdür vāĥidiyyetden Bilindim vaĥdet ile bu zemįn u āsmān içre
[56a] Bulur mu Ǿālem-i keŝretde vaĥdet sırrını el-ĥaķ Baķup mirǿāt-ı aǾyāne gören Ǿaynım Ǿayān içre
4. Ser-a-ser ġayb-ı aġyebdür şuǿūn-ı sırr-ı pinhānım Çü şānım bį-nişānlıķdur nişānım ben ol şān içre
5. Ben ol Mūsā-yı maǾnįyem Ŧūr’am Sįnā-yı sırrımda Oķıyam āyet-i “innį ena’llāh” cāna cān içre
6. Vücūdum ħāteminde naķş olunmuş ism-i aǾžam çün Süleymān-ı zamān olsam revādur Ǿārifān içre
7. Hümā-yı himmetim ger sāye śalsa bir gedā üzre Aña hem-tā bulunmaz bunca şāhān-ı cihān içre
8. Atar tįr-i ķażāyı cāna cānım ķavs-i ķudretden Urur maķśūdunı itmez ħaŧā [tįr]302 ol kemān içre
9. Mesįĥ’e uġradı rūĥ-ı revānım çarħ-ı çārümde Bir itdim rūĥı rūĥu’llāh ile ey Nūri cān içre
178303 mefāǾįlün mefāǾįlün mefāǾįlün mefāǾįlün
1. Semādan sırr-ı tevĥįdi ŧuyan gelsün bu meydāna Derūnınca bugün Allāh diyen gelsün bu meydāna
2. Görenler nūr-ı ġaffārı ŧuyanlar sırr-ı settārı Cihānda şįşe-i Ǿārı śıyan gelsün bu meydāna
3. Śalādur ehl-i Ǿirfāna getürsün cānı ķurbāna Bugün başını meydāna ķoyan gelsün bu meydāna
4. Giçüp bu āh ile klden daħı cümle heyākilden Bu dünyā nefsini dilden yuyan gelsün bu meydāna
5. Göñül maķśūdunı buldı cihān envār ile ŧoldı Bugün Nūrį imām oldı uyan gelsün bu meydāna
302 Bu kelime mecmuada yazılmamıştır.
179 5+5=10
1. ǾĀşıķam cānım bāde-i Ǿaşķa Ķul u ķurbānam bāde-i Ǿaşķa
[56b] Ol ki nūş itdi cāna cān ķatdı304 Varını śatdı bāde-i Ǿaşķa
3. Her ki śādıķdur baġrı yanuķdur305 Cānı Ǿāşıķdur bāde-i Ǿaşķa
4. Ķalbi yanmışdur cānı ķanmışdur306 Ten boyanmışdur bāde-i Ǿaşķa
5. Başla cānı Ǿilm u Ǿirfānı BeyǾ idüp anı bāde-i Ǿaşķa
6. Cismimiz yansa küllį kül olsa Cānımuz ķansa bāde-i Ǿaşķa
7. Nūrįyā muŧlaķ yüksek ü alçaķ Teşnedür el-ĥaķ bāde-i Ǿaşķa
180 mef Ǿūlü fāǾilātün mef Ǿūlü fāǾilātün 1. ǾAķl ile irmek olmaz esrār-ı Ǿāşıķāne
ǾAllāmeler yetişmez eŧvār-ı Ǿāşıķāne
2. Bülbüller ile her bār olmayacaķ seĥer zār İrmek olur mı ey yār gül-izār-ı Ǿāşıķāne
304 Bu beyit divanda 3. Beyit olarak verilmiştir. 305 Bu beyit divanda 2. Beyit olarak verilmiştir. 306 ķanmışdur: yanmıştır
3. Diler iseñ dilārā ķo ġayrıyı dil-ārā Ŧut gūş-ı cānı yāra aħbār-ı Ǿāşıķāne
4. Sırr-ı vücūdı ey dil sen mažhar-ı Ħudā307 bil Añlar iseñ nažar ķıl āŝār-ı Ǿāşıķāne
5. Dost yüzinüñ niķābı cāñ gözinüñ ĥicābı Virür mi iĥticābı ibśār-ı Ǿāşıķāne
6. Ġavvāś-ı baĥr-ı Ǿaşķ ol maǾnā śadeflerin bul Bulmaķ diler isen yol şehvār-ı Ǿāşıķāne
7. Şerĥ itdi Ĥaķ śudūrı keşf iyledi umūrı Müstaġraķ oldu Nūrį envār-ı Ǿāşıķāne
181 fāǾilātün fāǾilātün fāǾilātün fāǾilün
1. Nice bir maķśūd idinmekler sivāyı iy dede Nice bir maǾbūd idinmekler hevāyı iy dede
2. Źikr u fikr u dįni dünyāya virmek revā mıdur Bu ne işdür kim unutduñ sen Ħudā’yı iy dede
3. Çün żamįriñ ġayrıya ircāǾ ķıldıñ308 nefǾį yoķ Rūz u şeb evrād idinseñ hūy-ı hāyı ey dede
4. Yoķlıġı Ǿādet idin kim var ile var olasın Bulmaķ isterseñ fenā içre beķāyı ey dede
5. İsteyenler derd-i Ǿaşķıñ Nūri’den dermānını Yine derdi309 buldılar derde devāyı iy dede
307 Ħudā: ata 308 ķıldıñ: ettiñ
182 feǾilātün mefāǾįlün feǾilün
1. ǾAbd-i bį-çāre n’itsün iy bāri Luŧfuñ310 olmaz ise aña yārį
2. Ey kerem kānı luŧfu çoķ Mevlā Gözle ol derd-mend-i nā-çārı
3. ŻuǾafāya Ǿināyetüñdür olan Rāfet-i źātıñıñ sezāvarı
4. Avınur dil sivā sevādından Feyż-i aķdes olur ise çārı
5. ǾAşķ-ı Mevlā ile Ǿibādet iden Uyandur cennet ile enhārı
6. Baķma Nūrį ķuluñ ķuśūrına Ey Ǿibādıñ Ǿuyūbı settārı
183 mefāǾįlün mefāǾįlün feǾūlün
1. İdüp Ǿāşıķlara enǾām-ı küllį Tecellį iyle sulŧānım tecellį Bula her bir biri Ǿaşķıñla tesellį Tecellį iyle sulŧānım tecellį
2. İçür śādıķlara śahbā-yı źātı Ki farķ itmez olalar kāǿįnātı Müyesser eyle ol āb-ı ĥayātı Tecellį iyle sulŧānım tecellį
309 derdi: āşķı 310 Luŧfuñ: ǾAvnıñ
3. Viśāliñ cāmını cānlar idüp nūş [57b] Firāk encāmın itsünler ferāmūş
Olalar bāde-i Ǿaşķıñla ser-ħoş Tecellį iyle sulŧānım tecellį
4. Açup vaĥdet ili keŝret ĥicābın Cemāliñ vechiniñ keşf it niķābın Görüp cān çeşm-i ĥüsnüñ āfitābın Tecellį iyle sulŧānım tecellį
5. Neķāyıśdan münezzeh źātıñ içün Cenābıñdan gelen āyātıñ içün Kerem it Nūri’ye ey ferd-i bį-çün Tecellį iyle sulŧānım tecellį
184 mefāǾįlün mefāǾįlün feǾūlün
1. Ĥabįbu’llāh cihāna cān degül mi Vücūdı Ǿāleme bürhān degül mi Cihāna bāǾiŝ oldı çünki nūrı Cemāli cümlede tābān degül mi
2. Varınca lį-maǾallāh Ǿālemine İrince sāǾat-i ħalvet demine Ķadem baśınca ol Ǿarş-ı berįne Cenāb-ı ĥażrete mihmān degül mi
3. Nebįler serveri şāh-ı resuldur Gülistān-ı viśāl içinde güldür Cenābı bize hādį-i sünbüldür Beyān-ı āyet-i Ķurān degül mi
4. Anuñ nūrı olupdur nūr-ı envār Anuñ būyından aldı būy-ı ezhār Meşāyıħda anıñdur bunca eŧvār Ķamusı ķaŧresi Ǿummān degül mi
5. O şemse źerre olursa bu Nūrį Yiter Ǿālemelere bir źerre nūrı Olur žulmātı kāşif çün žuhurı Żiyāsı cümleye yek-sān degül mi
185 mef Ǿūlü mefāǾįlün mef Ǿūlü mefāǾįlün 1. Cānāna śatup cānı aldım yine cānānı
Bāķįde olup fānį buldum dem-i Raĥmānı
2. Vaĥdet iline girdim vuślat demine irdim Ben anda Ǿayān gördüm ol şāh-ı cihān-bānı
3. Vuślatla şeref-yābem çün şems-i cihān-tābem Bu cevher-i nā-yābem śarrāfı bilür anı
4. Şeh-bāz-ı ilāhįyem ser-bāz-ı güvāhįyem ǾUmmānına māhįyem dür Ǿālem-i Ǿirfānı
5. İrşāda olup fermān derdlere ķılam dermān Sulŧāna olam sulŧān buldum çün ol sulŧānı
6. Ĥürşįd-i żiyā-güster nūr-ı Ĥaķķ’a Ǿāşıķter Nūrį’den anı ister ol Ǿārif-i Rabbānį
186311 4+4=8
1. Ölmezden evvel öldiler Ĥaķ yolınuñ Ǿāşıķları Bāķį ĥayātı buldular Ĥaķ yolınuñ Ǿāşıķları
2. Çünki şāh-rāha gitdiler Vuślat iline yetdiler ǾArş üzre seyrān itdiler Ĥaķ yolunuñ Ǿāşıķları
3. Deryā-yı Ǿaşķa girdiler 4. Dürr-i muĥabbet derdiler
Ĥaķķ’ıñ cemālin gördiler Ĥaķ yolınuñ Ǿāşıķları
5. Cānı cihānı ķodılar Bu dünyeden el yudular Yetmez mi Allāh dediler Ĥaķ yolınuñ Ǿāşıķları
6. İy Nūrį gel sen daħı var Bu yolda ķıl cānı niŝār Elbette bulur vaśl-ı yār Ĥaķ yolınuñ Ǿāşıķları
187 feǾilātün mefāǾilün feǾilün
[58b] ǾAşķ-ı Ĥaķ her kimiñ ola yāri Ħār ider gözlerine aġyārı