• Sonuç bulunamadı

ÜÇÜNCÜ BÖLÜM 3.1.TRANSKRİPSİYON

S.33. B.No.68 Belge Silik S.34.B.No.69

Sivâs vilâyet-i celîlesi dâhîlinde Gürün kâzası mahallâtından Reşid Efendi Mahallesi ahâlîsinden ve tebaa-i Devlet-i Âliyye’nin Ermeni milletinden Çakallar oğlu Magdis ve Vartor veled-i Stefân nâm kimesne tarafından zikr-i âtî husûsta vekâlet-i âmme-i mutlâkan şer’iye ile bâ-hüccet-i şer’iye vekîl iş bu bâisü’l-terkîm ve millet merkûmdan Ağa zâde oğlu Kiyfuruk Efendi veled-i Agop nâm kimesne kâza-i merkûmda Bidâyet Mahkemesine mahsûs oda da ma’kûd meclis-i şer’iye mahall-i merkûmda sâkin ve zât-ı tasrîf-i şer’i ile ma’rûfuz zikre ve bî bâğçeye el-yevm vaz ede olduğundan mahall-i mekûm ile Fettah Ağa Mahallesi ahâlîsinden ve millet merkûmdan Çalez oğlu Artin veled-i Ohans ve Çamkoç oğlu Tedrus veled-i Toros nâm kimesneler şehâdetleri ile bâ-muvâcehe aleyh ber nehc-i şer’i sâbit ve mütehakkık olan Çağlaz oğlu müstevfi Yagdes Karabet zevcesi Tanit binti Gars veled-i İtam nâm hatun muvâcehesinde da’va ve takrir-i kelâm takrir-idüp müvekktakrir-iltakrir-im merkûm Magdtakrir-is ve Vartor’un babası merkûm Stefan tarîh-takrir-i i’lâmdan on iki sene ikdâmları vefât idüp verâseti sulbî kebîr oğlu müvekkilim merkum Karabet münhâsıra ve müvekkilim merkumdan başka vâris-i terekesinde mütehakkık âher olmayup müteveffâ-yı merkûm Stefan’ın yedinden mümtakıl ale’l-vefât yedinden mülkü ve mutasarrıfı olup ba’de’l-vefât oğlu vâris-i müvekkilim mezbur Katyus’a

intikâl eden mahall-i merkûmdan vâki bir taraftan Tahmasyan Kalvasit ve bir taraftan müvekkilim merkûmdan diğer hâne ve bâğçeleri bir taraftan nehr ve bir taraftan tarîk-i âmm ile mahdûd ve bir bâb mülk menzîl müstamil bir kıt’a bâğçe mezbure Tafta ve Tatyos hasıl ede olduğundan bâğçe ve hâneyi mahdûd mezkûrun müvekkilim merkûm için bana teslîmiyle mezbure Tafta’ya tenbîh olunması murâdımdır deyü da’vâ ettikte mezbûra Tahit dâhî cevâbında hâneyi bâğçe-yi mahdûd mezkûrdan yirmi yedi seneden berü mülkiyet tasarrufundadır bu husûstan müdde-i merkûm babası merkûm Stefan’ın davâ etmediği diğer mülkü ba’de’l-vefât merkûm Vartor da’vâ etmeyerek bi’l-sukût ettüklerinden da’vâyı mezkûrası memnu değildir dedikte vekîl-i merkûm Kiyfuruk Efendi cevâbında bâğçe ve hâneyi mahdûd-u mezkûr müvekkilim merkûmun babası Stefan’ın yedi ceddinden müntakıl mülkü olup içinde sâkin ve mülkü ve mutasarrıf ile mezbûre Tahit zevc-î merkûm Stefan’ın oğlu Karabet fevt olmağla mezbûre Tahit oğlunun zevcesi olmak münasebetiyle mezkûrun zâhir mezkurân çıkarmayup ve müvekkilim merkûm Vartor merkûm Stefan hayâtında tasarruf ederek hâne ve bâğçenin nısfını vermiş ve nısfı diğerini kendüsünde bırakup a’le’l-vefât mülk ve tasarruf olup ba’de’l-vefât oğlu müvekkilim merkûm Vartar’a intikâl etmiş ber-vech Tazi oğlunun zevcesi olmak hasebiyle yanında yakılmıştır deyü bâ’de’l-def’ ve’l-inkâr vâki vekîl-i merkûm Keyfuruk Efendi hâne ve bâğçe-yi mezkûr müvekkilinin pederi Stefan’ın babasından müntakıll mülkü olup ale’l-vefât mülk ve tasarrufu oldukta ba’de’l-vefât müvekkiline intikâl ve Mezbûre Tafta oğlunun zevcesi olduğundan çıkarup alenen sâkin ettiğin da’vâ mezkûrasıda mutabık beyyineye havâle olunduka Stefan merkûm Artin nâm kimesne li-ecli şehâdet-i müsecceli şer’ide hâzır olup istişhâd olundukta mezkûr Reşid Efendi mahâllesinde vâki bir taraftan Tahmasyan Kalus ve bir taraftan müdde-î müvekkilim merkûm Vartor’un diğer hâne ve bâğçeleri ve bir taraftan nehr çâre bir taraftan tarîk-i âmm ile mahdûd beş göz hâne ve bir kıt’â bâğçe müteveffâ-yi merkûm Çaluz oğlu Stefan’ın yedinden müntakıl kadim mülkü olup vefâtına kadar içinde mülk ve tasarrufu olarak ba’de’l-vefât oğlu müdde-i mütevekkil merkûm Vartor’a intikâl eylediğin müddeâ-aleyh mezbûra zât-ı merkûm Stefan’ın hayâtında vefât eden oğlu Karabet’in zevcesi olduğundan yanından çıkarmayup Artin’e ikâmet ettirdiğinden ben bu husûsu bu-vech üzere iştihâdım şehâdet dâhî ederüm deyü bâ-muvâcehe aleyh ber-nehc-i şer’i edâ-yı şehâdet-i şer’iye etmekle diğer şâhid taleb olundukta mevcûd olmayup bir gün sonra şahidi götüreceğini vekîl merkûm bâ-mübeyyen ifâde eylediğinden mezbûre Tanit’in yevmi mezkûrda bizzât veya vekîl

Efendi şâhidini götürüp müddei-aleyh mezbûra Tahit gelmeyüp vekîl dâhî göndermediğinden ve celb ve ihtâr-ı kabûl olmadığından yalnız İstimâ Ali kâdı-zâde Mahmud Efendi vekîl-i münhâsıra tayîn olunmağla vekîl merkûmdan merkûm Yedrus nâm kimesne li-ecl-i şehâdet-i müseccel-i şer’ide hâzır oldukta mezkûr Reşid Efendi Mahallesinde vâki bir taraftan Tahmasyan Kalut ve bir taraftan müvekkil merkûm Vartor’un diğer hâne ve bâğçeleri ve bir taraftan nehr tarîk-i âmm ile mahdûd ve bir bâb beş göz hâne ve bâğçe Çariz oğlu matuf Stefan’ın yedinden müntakıll kadim mülkü olup vefâtına kadar içinde mülk ve tasarruf olarak ba’de vefât oğlu merkûm Vartor’a intikâl eylediğin mezbûre Tazi binti müteveffâ-yi merkûm Stefan’ın kendisnden mukaddem fevt olan oğlu Karabet’in zevcesi olmağla yanından çıkarmayup Artin’den sâkin ettirir ve benden bu husûsu ber-vech üzere şâhitlerin şehâdet dâhî ederüz deyü edâyı şehâdet-i şer’iye etmekle şâhiden merkûmân mahalleteyn merkumeteyn muhtarân ve ihtiyâr meclisleri a’zâlarından Sermiyan Toros ve Sermiyan Bedrus ve Sermiyan Ohans ve Abraham Keşiş oğlu Kirkor ve Tercan oğlu Seyun nâm kimesnelerden evvelâ bi-varaka-i memhure sırren ba’de Kirkor oğlu Oseb ve Takliyen Zanik nâm kimesnelerden dâhî bâ-muvâcehe aleyh lede’t-tezkîye â’zâlarında adil ve makbûl şehâdet ettikleri bil-ihbâr mütehakkık olmağla mucebince hâne ve bâğçe-yi mahdûd-ı mezkûr merkûm Vartor için müdde-i vekîl merkûm Kiyfuruk Efendi’ye teslîmiyle müdde-i aleyh mezbûra Taza’nın gıyabında vekîl münhâsıra mezbûr Mahmud Efendi’ye hükm vâki tefhîm ve tenbîh olunduğu tescîl ve i’lâm olundu. Fi-yevmi’t-tâsi’i âşer min şehr-i Muharremü’l-harâm sene tis’a ve selâse mie ve elf . H.19 Muharem 1309 /M.11 Ağustos 1892

S.35.B.No.70

Husûs-i âti’l-beyânın mahallinde ketb ve tahrîr için bi’l-tahmis canib-i şerif-i enverden irsâl olunan mahkeme-yi şer’iye kaimi Mahmud Efendi Sivâs vilâyet-i celîlesi dâhîlinde Gürün kazâsı mahallâtından Hacı Sadık Ağa Mahallesi’nde sâkin Ömer Gazi oğlu Gazi Efendi nâm kimesnenin hânesine vârup mahall-i merkûmda sabît ihtiyârları hâzır olduğu hâlde akd-ı meclis-i şer’i âlî ettükte kâza-i merkûmda Karastran Köyü karyesinde sâkin ve zâtları Ömer Gazi oğlu Halil bin Ebu Bekir ve Hariciyeci oğlu Ömer bin Ali nâm kimesneler tarîfleriyle maruf Kara oğlu kızı ile binti Mustafa nâm hatun ile li-ebeveyn er karındaşı Halil merkûm Halil’in zevcesi merkumân Ömer ve

Halil tarîfleriyle maruf Ayşe nâm kimesneler meclis-i ma’kud-ı mezkûrda merkûm Aziz Efendi mahzârında her biri ikrâr ve takrîr-i kelâm idüp pederimiz merkûm Mustafa’nın bizden ve bizim merkumdan olan mirâs da’vâsı ve Bidâyet Mahkemesi terekesinden taksîm ve tasnîf ve evrâk kabûl eden yine taleb ve tahlîf olundukta ve istifâ ve temyîze ve alakanıza ale’l-iktizâ ve sâl ve berâya ibrâz husûs-ı mezkûr minvâl olduğu umûrun küllisine tahlîfinden mezbûr Aziz Efendi’ye vekâlet-i âmme-i mutlaka sahîyye-yi şer’iye ile vekîl nasb ve ta’yîn eyledik dediklerinde ol dâhi vekâlet mezkûrun ber-vech-i muharrer kabûl ve hidmet-i lâzimesi kemâ-yenbağı edâya taahhüt ve iltizâm eylediğini kâtib mezbûr mahallinde ketb ve tahrîr ve maan mürsel meclis-i şer’e gelüp ale’l-vukua inhâ ve takrîr etmeyin mâ-vâki bi’t-taleb ketb olundu. Fi’l-yevmi’t-tâsi’ ve’l-işrîn min şehr-i Zi’l-hicceti’ş-şerife sene semân ve selâse mie ve elf. H.29 Zi’l-hicce 1308 / M.5 Ağustos 1891

S.36.B.No.71

Ani’l-asıl Sivâs vilâyet-i celîlesi dâhîlinde Gürün kâzası mahallâtından Abdulfettah Ağa Mahallesi ahâlîsinden olup kırk beş seneden berü ile gaip olup Şam’dan gelmiş olan Ahmed Ağa oğlu Mehmed bin Mahmud Ahmed nâm kimesne kâza-i merkûmda Bidâyet Mahkemesine mahsûs odada ma’kûd-ı meclis-i şer’iyede kâza-i merkûmun Hacı Sadık Ağa Mahallesi ahâlîsinden iş bu bâisü’l-i’lâm Avunduk oğlu Hasan Ağa bin Hacı Mehmed Ali nâm kimesne muvâcehesinde da’vâ ve takrîr-i kelâm idüp kasâba-i merkûmda İbrikçi nâm mahallde vâki bir taraftan Kara Mahmud çayırı ve bir taraftan çukur tabîr olunur da iki tarafından Kayabaşı tabîr olunur cebel ile mahdûd keyl üç kıt’a tarla yedimden müntakıll tasarrufumda mülküm iken kırk beş sene mukaddem diğer âhere gitmemiştim şimdi kalup merkûm Hasan Ağa’nın yedinde bulunduğumdan tarla-yı mezkûrun tarafıma teslîmiyle merkûm Hasan Ağa’ya tenbîh olunmasını taleb ederim deyü da’vâ ettükte merkûm Hasan cevâbında tarla-yı mezkûrun bir miktarını verdim bundan hayâ etmiştim ve bir miktarında Çam Ali oğlu Mustafa Ağa’dan beş yüz guruşa satun almış on beş sene pederimde tasarruf olup ba’de’l-vefât iken karındaşımla bana intikâl eylediğinden tasarruf ileri süren müdde-i merkûmun kim olduğunu ve mülkü olup olmadığını bilemem deyü müdde-i merkûmun verâset ve mülkiyet müddeasını inkâr etmeyle müdde-i merkûm ber-minvâl muharrer nasb ve mülkiyet müddeasına mutabık beyyineye havâle olundukta husûs-ı mezkûra şâhidin olmadığından müddei-aleyh merkûm senin tahlîfini taleb etmekle mucebince

ba’de’t-merkûm Hasan da şer’i muârızdan men olunduğunu tescîl ve i’lâm olundu Fi’l-yevmi’l-hamîs-i âşere min Saferü’l-hayr sene tis’a ve selâse mie ve elf. H.15 Safer 1309 / M.20 Eylül 1892

S.36.B.No.72

Sivâs vilâyet-i celîlesi dâhîlinde Gürün kâzası mahallâtından Fazlı Ağa Mahallesi ahâlîsinden Boz Ali oğlu Sadi bin Mustafa nâm kimesne kâza-i mezbûrdan Bidâyet Mahkemesine mahsûs odada ma’kud-ı meclis-i şer’iyede Sümüklü Mahallesi ahâlîsinden İnce Baldır oğlu Mehmed nâm kimesne muvâcehesinde da’vâ ve takrîr-i kelâm idüp merkûm Mahmud’un yedine verildi. Fi 9 Rebiü’l-evvel sene 1306 tarîhlî senedi mucebince benden istîcâr eylediği bâğçe-yi bedel-i icârın üç buçuk aded sehîm mecîdiye ile üç yüz beş senesi icârından mütebâki yedi buçuk guruşu emanet verme iddîasında muhalefette bulunduğundan meblâğ-ı mezkûrun bana edâsıyla merkûm Mehmetd’e tenbîh olunmasını taleb ederim deyü da’vâ ettikte merkûm Mehmed cevâbında şer’i mezbûra ben verdim ve merkûm sayesinde bâğçe-yi icâr eyledim ise de bâğçe-yi mezkûr Derviş oğlu Ahmed’in olduğundan meblâğ-ı mezkûr merkûm Ahmed’e borcumdur kendisine borcum yoktur yedi bin guruş eski icârdan borcum kalmayup tamamen merkûm Ahmed’e verdüm deyü senedi mezkûr kendü verdiği bâğçe-yi mezkûru isticâr ederek üç buçuk sehîm mecidiye borcu olduğundan ikrâr eylediğinden mucebince mezbûr on buçuk aded sehîm mecidiyesinin merkûm Hayro edâsıyla müddei-aleyh merkûm elzem olduğu tescîl ve i’lâm olundu. Fi’l-yevmi’t-tâsi’ aşere min Saferü’l-hayr li sene tis’a ve selâse mie ve elf. H.15 Safer 1309 / M.20 Eylül 1892

S.36.B.No.73

Sivâs vilâyet-i celîlesi dâhîlinde Gürün kâzası mahallâtından Abdulfettah Ağa Mahallesi ahâlîsinen iken bundan akdem vefât eden Hacı Ali oğlu Kahveci Hacı Mehmed Mustafa nâm kimesnenin sulb-î sagîr oğulları Hacı Mehmed nâm kimesneden tesvîye-yi umûrlarına kıble’l-şer’-i enverden ayrıca lâzım ve mühim olmağın diyânetle ma’rûf ve istikâmetle mevsûf ve ber-vech-i umûr-ı vesâyete muktedir olduğu zeyl hüccetle muharrir-esâm yakının ihbârlarıyla inkâr etmiş olunur zâhir mütebeyyin olan sagîran-ı mezbûranın li-ebeveyn er karındaşı iş bu bâisü’l-küttâb Osman nâm kimesne sagîran-ı mezbûranın vakt-i reşidesinde değin müteveffâ-yi mezbûrun mevcût ve

müntakıll hisse irsiyeleri zabt ve hıfz ve tesvîye umûruna kıbe’l-i şer’iden vasî nasb ve ta’yîn olundukta ol dâhî vâsiyet-i mezkûr kabûl ve kemâ-yenbâği edâya taahkuk ve iltizâm etmeyin mâ-vâka bi’t-taleb ketb olundu. Fi’l-yevmi’l-hâmis min şehr-i Rebî’ül-evvel sene tis’a ve selâse mie ve elf. H.15 Rebiü’l-Rebî’ül-evvel 1309 /M.19 Ekim 1892

Şuhûdu’l-hâl:

Hacı Kenân oğlu Abdullah Ağa, İmâm mahall-i mezbûr Hasan Efendi

S.37.B.No.74

Bâdî-i defter-i kassâm oldur ki,

Sivâs vilâyet-i celîlesi dâhîlinde Gürün kazâsı mahallatından Abdulfettah Ağa Mahallesi ahâlîsinden iken iş bu tarîhi defter kassamdan dört ay mukaddem vefât eden Hacı Ali oğlu kahveci Mahmud bin Mustafa nâm kimesnenin verâset-i zevc-i menkûha-i-metrûkesi Kara Köse Habibe Hüseyin nâm hatun ile sulbî kebîr oğlu Osman ve sulbî sagîr oğuları Hacı Mahmud ve Mevlûd ve sulbîye kebîre kızı Fatma münhasıra ve tashih-î mesele-yi mirâsları bî-hükmü’l-feraiz sekiz sehimden olup sehim merkûmdan bir sehim zevci mezbûre Habibe’ye ve ikişer sehimden cem’an altı sehimi bütün merkûmun Osman ve Hacı Mahmud ve Mevlûd’e ve bir sehimi binti mezbûre Fatma’ya münhasıra isâbet-i taahhkukundan sonra sagîran-ı mezbûran tesvîye-yi umûrlarına bâ-hüccet-i şer’i vasî mensuplarının li-ebeveyn er karındaşları merkûm Osman’ın taleb ve ma’rifet-i ve ma’rifet-i şer’le tahrîr ve taksîm mübeyyen olursa bâ-farizatı şer‘iye tevzîî ve taksîm oluna tezkireyi müteveffâ-yi mezbûrdur ki ber-vec-i âti-zikr beyân olunur. Fi’l-yevmi’l-hamîs min şehr-i Rebî’ül-evvel sene tis’a ve semânine ve miete ve elf. H.23 Rebiü’l-evvel 1324 /M.17 Mayıs 1906

6 Döşek 10 guruş 10 para 2 Köhne boz kilim 40 guruş

5 Yorgan 50 guruş 50 para 4 Çuval 17 guruş

4 Köhne yastık 4 guruş 4 Oda mahat yastık 8 guruş

1 Keçi re’s 25 guruş 10 Bakır tas 60 guruş

1 Balta 5 guruş 1 Kazan 5 guruş

1 Şehir hânesi 850 guruş 1 Hâne ma’a bâğçe 800 guruş

Resm-i kısmet-i âdi 61 guruş

Kaydiye defter 2 guruş

Vasî hücceti kaydiyesi 20 guruş

Mâa kassam yolu 10 guruş

Sahhü’l-bâki 1209 guruş 5 para

Hisse-i zevceti’l-mezbûre (…) 151 guruş 6 para

Hisse-i ibni’l-kebîr mezbûr Osman 302 guruş 12 para

Hisse-i ibni’l-sagîr mezbûr Mevlût 302 guruş 12 para

Hisse-ibinti’l-kebîre mezbûre Fatma 151 guruş 6 para

Sagîran-ı merûman Hacı Mahmud ve Mevlûd’ün hisse ırsıyeleri olan cem’an otuz dört kuruşluk emvâl ve eşyâ ve emlâki ve sair karındaşları merkûm Osman yedinde olduğu iş bu mahall-i şerh verildi.

S.37.B.No.75

Sivâs vilâyet-i celîlesi dâhilinde Gürün kâzası mahallâtından Abdulfettah Ağa Mahallesi ahâlîsinden iş bu bâ’isü’l-i’lâm Ali Beşe oğlu Mahmud bin Mustafa nâm kimesne kâza-i merkûmda Bidâyet Mahkemesine mahsûs odada ma’kud-ı meclis-i şer‘iyede zikr-i âti hayvânât canib beytü’l-mâldan hafîd hükmünde olmak üzere bi’l-hâne vâz-ı yed olup kıbel’i-şer’i enverden husumeti rey’ olunan hâlâ kâza-i mezbûr mâlımdan birisi Abdullah Bey tarafından vekîl müseccel-i şer’iye muâvin Şevket Efendi muvâcehesinde da’vâ ve takrîr-i kelâm idüp müvekkil-i mu’mâ-ileyhim el-yevm vâz edildiği bir re’s beyaz ve iki re’s yaşlı siyah ve bundan üç re’s yaşar beş yaşlı cem’an dokuz re’s keçi mülküm olan davarımdan mütevâtır mâlım iken tarîh-i i’lâmdan on gün

mukaddem zây idüp şehadet-i müdâyir mu’mâ-ileyh yedinde bulunduğundan mütehakkık taleb ederüm deyü da’vâ ettükte vekîl mu’mâ-ileyh cevâbında hayvânât-ı mezkûra ve müvekkilimden vâz’ ileyhim ber-minvâl-i muharrer vâsi yedinde ikrârlığın müdde-i merkumun ber-vech-i muharrer mülkiyet da’vâsını inkâr etmekle müdde-i merkûm muharrer ber minvâl da’vâyı mezkûrasında mutâbık beyyineye havâle olundukta kâza-i mezkûrun İnce Su karyesiyle Kavak karyeleri ahâlîlerinden olup her birisi karyeteyn-i merkumeteyn imâm ve muhtârân ve ihtiyâr meclisleri a’zâlarından Kasaban oğulları Ali ve Hasan ve Mahmud Efendi ve Çarık oğlu İsmail nâm kimesnelerden bi-evrâk-i memhure sırrern ba’de Fettah Ağa zâde Reşit Efendi Takva oğlu Osman nâm kimesneler dâhî bi-muvâcehe aleyh lede’t-tezkîye adil ve makbûl işhâda ettüklerin bi’l-ihbâr mütehakık olan Gülü oğlu Hüseyin bin Hasan Abdullah bin Ömer bin Abdullah nâm kimesneler şehadetleriyle bi-muvâcehe ber-nehc şer’ isbât etmeyin mucebince ba’de’t-tahlîf şer’-i mezkûr dokuz re’s keçinin müdde-i merkûm Mehmed’e teslîmiyle müdde-i mu’mâ-ileyhim izâfetlü vekîl muâvin mu’mâ-ileyh Şevked Efendi’ye tenbîh olunduğu tescîl ve i’lâm olundu. Fi’l-yevmi’t-tâsi’i min şehr-i Rebî’ül-âhir sene tis’a ve selâse mie ve elf. H.9 Rebiü’l-âhire 1309 / M.12 Kasım 1892

S.38.B.No.76

Sivâs vilâyet-i celîlesi dâhîlinde Gürün kâzası zâbitliğinde müstahdem muhâcirin-i Çerâkeseden Mehmed Zeki bin Hacı Mehmed bin Hüseyin nâm kimesne kâza-i merkûmda Bidâyet Mahkemesine mahsûs odada ma’kud-ı meclis-i şer’iyede ikrâr ve takrîr-i kelâm idüp Hüdavendigâr Dilâver dâhîlinde Hacı Köse nâm karyesinde sâkin halâ menkûha-yı medhûl bihâsı Burgaç oğlu kızı Habibe binti İbrahim Ağa nâm hatunu buraya taleb eyledüm ise de gelmekten imtinâ ederek şimdiye kadar orada sâkin olduğundan burada nıfsının bana tesîmini taleb ve da’vâya ve yanında bulunan sagîr oğlu Hüseyin ile beraber buraya irsâlinden yedinde gelmekten imtinâ etiği yere taleb-i olamadığı halde zimemâtında münferit ve makud borcu ve mihr-i muaccel ve müeccel evvel ve âher vuku bulmuş ve bulacak nısfı ve kisve bihâ ve sâir matlûbât ve oğlu sagîr merkûmun tarafımdan gönderme irsâl ve müvekkilime teslîmi ve hakkımızdan iskât üzerine muhalife-i sâhiye-yi şer’iye ile kabûl ve husûsu mezkûr mütevâkıf olduğu umûrun gallesine sâhih-i hukuk zevcesine müteallik ve eymân ve muhâsemat ve mutâlebâttan ve zimemât-ı ibrâya ve sâl ve berâya mezkûr kabûl ve tarafımızdan

mahkemede ve mehâkim ve müdâfaa taleb-i tahlîf ve ikâmeyi beyyineye ve evrâk kabûl ve ibrâzına veled-i ale’l-iktizâ âher-i tevkîl mezkûr Hüdavendigar ve li-ebeveyn dâhîlinde Surut karyesi ahâlîsinden Hacı Yakup Efendi bin Hacı Nuri Efendi’ye kabulün mevkufu vekâlet-i âmme mutlaka sahiye-yi şer’iye ile vekîl nasb ve ta’yîn eyledim dedikte ma-vâka bi’t-taleb ketb olundu. Fi’l-yevmi’l-hâmis ve’l-işrîn min şehr-i Rebîü’l-âhir sene tis’a ve selâse mie ve elf. H.25 Rebiü’l-âhir 1309 / M.28 Kasım 1892

S.38.B.No.77

Sivâs vilâyet-i celîlesi dâhîlinde Gürün kâzası mahallâtından Çağşor Bala Mahallesi ahâlîsinden ve tebaa-i Devleti Âliye’nin Ermeni milletinden Kara oğlu Mıgırdıç Magdis Ohannes nâm kimesne kâza-i merkûmda Bidâyet Mahkemesine mahsûs odada ma’kud-ı meclis-i şer’iyede tebaa-i millet merkûmdan ve mahall-i mezbûr ahâlisinden li-eb er karındaşı Şerkirfur nâm kimesne muvâcehesinde da’vâ ve takrir-i kelâm idüp karındaşım merkûm Stefan üzere müşterek olduğumuz mahall-i merkûmda vâki bir taraftan Koçan oğlu mülkü bâğçesi ve bir taraftan tarîk-i âmm ve bir taraftan Yedin oğlu Süleyman ve bir tarftan Cemâl oğlu bâğçeleri ile mahdûd ve bir kıt’a bâğçe ve yanında mahall-i mezkûrdan bir taraftan Kara oğlu Mukdesi Karabete veled-i Bedrus ve bir taraftan merkûm Karabet’in karındaşı Toros bâğçeleri ve bir taraftan hark ve bir taraftan tarîk-i âmm ile mahdûd bir bâb hâne ve bâğçeden mahall-i mezkûrda bir taraftan merkûm Magdis Karabete ve bir taraftan Kara veledi Agop ve Kirkor bâğçeleri ve bir taraftan tarîk-i âmm ile mahdûd bir bâb samanlık ve âhûr bâ tapu ile mülkümüz olmakla nısf-ı hisse-yi mülk şerif-i mahallinde vech-i lâyık üzere tasarrufu tarafıma teslîmini taleb ederim deyü da’vâ ettikte merkûm Keyfuruk cevâbında emlâk mahdûd mezkûrun nısfının üzere mülkleri olduğu taliâ ikrâr ancak tarîhî i’lâmdan altı ay mukaddem Kesber Efendi ve Arbeyan Agop Ağa ve Kesberyan Karabet Ağa ve Karayer tarlası ve sâir kimesneler huzurumuzda beyyinemizde taksîm idüp her birimiz hissemizde âlamet-i fâsıla vâz olunarak hissemize şimdiye kadar mütevâkıf olduğundan kendi hisemiz hâsılatını kaldırdıktan sonra taksîm ettirmek hakkı yoktur dedikte edâ-yi minvâl-i merkûm mütevâkıf fi’l-hakika yedinden iki ay mukaddemleri beyân eylediğinde taksîm başladı her biri birinci gün hissesini ta’yîn eyledi ise de sehîmi kendisü kabûl etmedi ve mahalde razı olmadım ve taksîmi mezkurayı adalet olmadığından ve ona gösterilen hâne-miyânesine ve civâra binâ edecek idi

çıkaramadığından taksîmin adîl taksîm olunmasını taleb ederim dedikte mahallin bâ-taksîm mezkûra adâlet gönderilmediği halde müzâyede tekrar adilane taksim olunmasını

Benzer Belgeler