Hüve’l mu‘în
Ya Fettah Ya Rezzak Ya Alîm
651/1
Sicil Numerosu:1/681
Medine-i Karahisâr-ı Sâhib’e tâbi‘ Karaağaç Doğanlar Karyesi ahalisinden iken bundan akdem vefat iden Hacı Ahmed oğlu Salih bin Süleyman bin Hacı Ahmed’in veraseti zevce-i menkûha-i metrûkeleri Satı bint-i Hacı Mestan ve Fatıma bint-i Osman ve Meryem bint-i diğer Osman ve validesi Ayşe bint-i Osman ile zevce-i mezbure Satı’dan mütevellidler sulbiye-i sagîre kızı Ayşe Dudu ve Zeliha ve Nesibe ve zevce-i mezbure Fatıma’dan mütevellid sulbu sagir oğlu İsmail ve zevce-i mezbure Meryem’den mütevellide Halime sagire kızı Saliha’ya münhasıre olduğu bi’l-ihbar lede’l-şer‘i’l-enver zâhir ve mütehakkik olduktan sonra mesele-i mirası bi hükmi’l-farîzati’l-şer‘iyye yüz kırk dört sehmden olup sihâm-ı mezbureden altışar sehmden cem’an on sekiz sehmi zevcât-ı mezburât Satı ve Fatıma ve Meryem’e ve yirmi dört sehmi ümm-i mezbûre Ayşe’ye ve on yedişer sehmden cem’an altmış sekiz sehmi benât-ı mezbûrât Ayşe Dudu ve Zeliha ve Nesibe ve Halime’ye isabet etmekle verese-i kibar-ı mezburenin talep ve iltimasları ve ma‘rifet-i şer‘ ile ve Eytâm Müdîri Hasan Efendi hazır olduğu halde tahrir ve bi’l-müzayede bay‘ ve beynü’l-verese bi’l-farîzati’l-şer‘iyye tevzî ve taksim edilen müteveffâ-yı mezburun terekesidir ki ber vech-i âtî zikr ü beyan olunur fi’l-yevmi’t-tasi‘ ve’l-işrîne min
şevvâli’l-mükerrem li-seneti sitte ve selâsîn ve selase-mi’e ve elf
müsta‘mel su güğümü 1 çift 600 guruş
Hurda bakraç 1 adet 60 guruş
Ağzı kapaklı tencere 1 adet 30 guruş Dığan 1 adet 20 guruş Sahan 2 adet 30 guruş Kebir tepsi 1 adet 40 guruş Köhne tepsi 1 adet 10 guruş Kebir dığan 1 adet 20 guruş
Çinko çorba tası 1 adet 10 guruş
1 adet 10 guruş 1 adet 30 guruş 1 adet 200 guruş Esb
1 adet 5000 guruş
İnek
1 adet 1500 guruş
Kuzulu koyun re’s 2 adet 2222 guruş Def‘a kuzulu koyun re’s
2 adet 2222 guruş
Def‘a kuzulu koyun re’s 2 adet 2222 guruş
Def‘a koyun re’s 2 adet 1622 guruş kuzulu koyun re’s
7 adet 7777 guruş
Boz koyun re’s 7 adet 5677 guruş
Seyis 9 adet 6615 guruş Oğlaklı tiftik keçisi re’s
21 adet 22835guruş
Boz keçi re’s 6 adet 5010 guruş
Kuzulu koyun ve koç re’s 21 adet 23331 guruş Boz koyun
22 adet 17842 guruş
Def‘a boz koyun 2adet 1622 guruş Yekûnü’t-tereke 106597 guruş Yekûnu’l-ihrâcât 5897 guruş Sulhu’l-bâkî 100700 guruş Minhâ el-İhrâcât 2131,30 guruş Dellaliye 310,20 guruş Kaydiyye
65,00 guruş Yol baha ma‘a varaka 2589,00 guruş Resm-i kısmet
800,00 guruş dört günlük hayvan kirâsı ile masârif-i Zarûriye
Hisse-i zevce-i mezbûre Satı 4195,33 guruş
Hisse-i zevce-i mezbûre Fatıma 4195,33 guruş
Hisse-i zevce-i mezbûre Meryem 4195,33 guruş
Hisse-i ümm-i mezbûre Ayşe 16783,13 guruş
Hisse-ibint-isagîre-i mezbûre Ayşe Dudu 11888,7 guruş
Hisse-ibint-isagîre-i mezbûre Nesibe 11888,7 guruş
Hisse-ibint-isagîre-i mezbûre Zeliha 11888,7 guruş
Hisse-ibint-isagîre-i mezbûre Saliha 11888,7 guruş
Hisse-i ibn-i sagîr-i mezbûr İsmail 23776,14 guruş
Kâbil-i taksîm olmayan 6 guruş
Sernâme-i defterde muharrer sulhü’l-bâkî yüz bin yedi yüz guruşdan zevce-i Satı ber-mucîb-i bâlâ hisse-i ırsiyyesi olan dört bin yüz doksan beş guruş otuz üç parasını ve zevce-i mezbure-i Fatıma ber-mucib-i bâlâ dört bin yüz doksan beş guruş otuz üç parasını ve zevce-i mezbure Meryem ber-mucib-i bâlâ hisse-i ırsiyyesi olan dört bin yüz doksan beş guruş otuz üç parasını ve ümm-i mezbure Ayşe ber-mucib-i
bâlâ hisse-i ırsiyyesi olan on altı bin yedi yüz seksen üç guruş on üç parasını her biri bi’l-isale ve bi’l-verâse bâ-makbuz tamamen ve kâmilen ahz u kabz ettikleri gibi sıgâr-ı mezburdan Ayşe Dudu ve Nesibe ve Zeliha ve Saliha ve İsmail’in ber-mucib-i bâlâ cem’an hisse-i ırsiyyeleri olan yetmiş bir bin üç yüz yirmi dokuz guruş yirmi paraları li-ecli’l-irbâ‘ Eytâm Sândığı’na vaz‘ u teslim Müdir Hasan Efendi bi’l- emane ve hasbe’l-me’muriyye tesellüm ve ahz u kabz eylediği tereke katibi Ahmed Efendi’nin eshamıyla işbu mahalle şerh verildi
651/2
Sicil Numerosu : 2/682
Medine-i Karahisâr-ı Sâhib mahallâtından Kayadibi Mahallesi ahalisinden iken hidmet-i mukaddese-i askeriyesini ifa etmekte iken Haziran yirmi bin üç yüz otuz üç tarihinde Dersaadet’in Fenerbağçe Hastahanesinde vefat eylediğini Karahisâr-ı Sâhib Ahz-ı Asker şube riyasetinin altı Ağustos üç yüz otuz dört tarih ve dört bin dokuz yüz seksen yedi numerolu tahriratla bildirilen Cemal oğlu Süleyman bin Ahmed bin Ali’nin zevce-i menkûhe-i metrûkesi Esma Hanım bint-i Süleyman medine-i mezkure mahkeme-i şer‘iyyesinde makud meclis-i şer‘îmizde takrir-i kelam eyledi müteveffâ-yı zevcim Süleyman bin Ahmed bin Ali’nin varisi ve zevcesi bulunduğum cihetle benim ile sulbiyye-i sagîre kızı Dudu ve sulbi sagir oğlu Hasan’a münhasıre olup bizden gayrı varisi ve terekesine müstahak âheri olmadığın mahalle-i mezkure heyet-i ihtiyâriyyesinden memhur ve mu‘tâ on sekiz Ağustos bin üç yüz otuz dört tarihlü bir kıta ilm ü haber mündericâtı ile yine mahalle-i mezkure ahalisinden ve mevsukü’l-kelim zevatdan imam-zâde Tahir Efendi ibn Abdülkâdir ve çocuk oğlu Osman bin Mehmed ve imam-zâde Osman Efendi ibn Ahmed’in meclis- i şer‘de vaki olan ihbar ve şehadetleriyle zâhir ve mütehakkik olmağın bu suretde tashih-i mesele-i mirasları bi hükmi’l-farîzati’ş-şer‘iyye yirmi dört sehmden olub sihâm-ı mezkureden üç sehmi mukirre-i mezbureye ve yedi sehmi bint-i sagîreye ve on dört sehmi ibn-i sagir-i mezbur Hasan’a isabeti iktiza eylediği tescil-i i‘lâm olundu fi’l-yevmi’s-sâbi‘ aşera min zilkadeti’ş-şerîfe li-seneti sitte ve selâsîn ve selase-mi’e ve elf
651/3
Sicil Numerosu:2/683
Tahakkuk-ı özr-i şer‘iyyeye binaen husus-ı âtiyyü’l-beyânın mahallinde ketb ü tahriri ve zaptıyla neticeye raptıyıçün cânib-i şer‘i şerîf-i enverden bi’l-iltimas me’mur i‘zâm olunmağla medine-i Karahisâr-ı Sâhibin Şühud nâhiyesinde kain Molla-zâde Hacı Hüseyin Beyin misafir odasına varub zeyl-i vesikada ism ü
şehâdetleri muharrer Müslimin huzurlarıyla akd-i meclis-i şer‘i âlî etdikde nâhiye-i mezkûrenin Kayış mahallesi ahalisinden Hacı Cafer oğlu müteveffa Hacı Veli’nin veresesinden li-ebeveyn karındaşı olub zatı keza zeyl-i vesikada ism ü şehâdetleri muharrer kesân tarifiyle mu‘arrefe Fatıma bint-i’l-müteveffa Hacı Cafer ile müteveffa-yı mezburun li-ebeveyn er karındaşı Hacı Cafer bin el-müteveffa Hacı Cafer’den her biri meclis-i ma‘kûd-ı mezkurda vükelâ-yı de‘âvîden Turunc-zâde
İsmail Bey ibni’l-müteveffa Osman Bey mahzarında ikrâr-ı tam ve takrîr-i kelâm idüb müverrisimiz ve li-ebeveyn er karındaşımız müteveffa-yı mezbur Haci Veli’den mevrus ve müntakil bi’l-cümle emvâl-i menkûle ve gayrı menkuleden hisse-i ırsiyye- i müntakilelerimizi vâziü’l-yed olanlardan taleb ve dava ve işbu hisse-i ırsiyye-i müntakileden dolayı leh ve aleyhimizde vuku bulmuş ve fîmâ-ba‘d vuku bulacak bi’l-cümle de‘âvînin aid olduğu bi’l-umum mehâkim-i şer‘iyye ve nizamiyyenin hukuk ve ticâret ve cezâ ve meccânen sulh kısımlarıyla mecâlis-i idare ve devâir-i saire-i resmiyede bidâyeten ve itirâzen ve istinâfen ve temyizen ve iâdeten ve tashîhen müdde‘î ve müdde‘â-aleyh mu‘teriz ve mu‘taraz-aleyh müste’nif ve müste’nef-aleyh mümeyyiz ve mümeyyez-aleyh muâd ve muâd-aleyh ve itiraz-ı ale’l-hükmi ve’l-gayr ve davaları ve şahs-ı salis sıfatıyla dehâlet-i muhakeme ve muhâsama ve murâfa‘a ve müdafaa ve redd-i cevaba ve şühûd ikâme ve ta‘n-ı şühûd ve reddine ve yemin talebine ve her nev’i levâyih ve müsted‘âyât-ı saire protesto ve ihbarnâme tanzim ve kendi imza ve mührüyle aid olduğu mahal ve makama takdim ve tebliğe ve cevab i‘tâsına ve rü’yet-i muhasebe vesaire içün ehl-i vukuf ve erbab-ı ceza-ü müncer ve hükm-i nasb ve tayinle azline ve mahall-i aidesine muayene ve keşfiyat-ı lazıme icrasıyla tahdîd-i hudud ve taksim-i emlak ve akar ve arazi ve tefrîk-i eşyâya ve hasar ziyan ve tazminat talebine ve mehâkimden ve devâir-i saire-i resmiyeden sudûr edecek bi’l-cümle evrak ve mukarrerât ve i‘lâmâtın ahz u kabulüyle tebliğ ve tebelluğa ve tenfîz-i ahkâmı içün daire-i icraya vaz‘ıyla haciz
îkâ‘ ve fekkine ve ledel’l-hâce sulh ve ibraya ve ahz u kabza ve bi’l-cümle makbuzu bizlere irsâl ve îsâle ve’l-hâsıl kavânin-i mevzu‘anın bahşettiği salahiyetlerle kaffe-i deâvî ve ve münaza‘âtın son derecesine kadar mütevakkıf olduğu umûrun küllîsini ifaya tarafımızdan mezun olmak üzere hâzır-ı muma-ileyh İsmail Beyi vekalet-i âmme-i mutlaka-i sahiha-i şer‘iyye ile vekil ve nâib’ nasb ü tayin eylediklerinde hâzır-ı muma-ileyh dahi ber-vech-i meşruh vekalet-i mezkureyi kabul ve hidmet-i lazımesini kemâ-yenbaği eda ve ifaya taahhüd ve ilzam eyledim dimeğin mâ-vaka‘a bi’t-taleb ketb olundu fi’l-yevmi’l-hâdî ve’l-işrîn min şehr-i ramazâni’l-mübarek li- seneti sitte ve selâsîn ve selase-mi’e ve elf
Mu‘arrif ve şühûdü’l-hâl
Horos Mahallesinden Hacı Veli oğlu Abdullah bin Ahmed Hisâr Mahallesinden Nebî oğlu Hacı Osman bin Nebî
Eblek Mahallesi ahâlisinden Muhsir oğlu Muhammed Efendi ibn Mehmed Ağa
ve gayrihim
Mukayyid Başkâtib Nâ’ib-i Kadı Hazâ-sakk Nâ’ibi
651/4
Sicil Numerosu: 3/684
Tahakkuk-ı özr-i şer‘îye binaen husûs-ı âtiyyü’l-beyânın mahallinde ketb ü tahrîr ve zabtıyla netîceye rabtı içün cânib-i şer‘-i şerîf-i enverden bi’l-iltimâs i‘zâm olunmağla Medîne-i Karahisâr-ı Sâhib nevâhîsinden Şuhûd nâhiyesinin Kayış Mahallesinde kâ’in Hanefi-zâde Veliyüddin Hoca’nın müsâfir odasına varub zeyl-i vesîkada ism ü şehâdetleri huzûruyla ‘akd-ı meclis-i şer‘-i âlî etdikde nâhiye-i mezbûrenin mahalle-i mezkûre ahâlisinden Cafer oğlu müteveffâ Cafer kerîmeleri olub kezâ zeyl-i vesîkada ism ü şehâdetleri muharrer kesân tarifleriyle mu‘arrifetân Ayşe ve Zeyneb nâm kimesneler ile kezâ kesân-ı mezbûrân tarifleriyle mu‘arrife müteveffâ-yı mezbûr Cafer kerîmesi müteveffiye Raziye’nin kerîmeleri Emine ve Fatıma ile oğlu Halil nâm kimesnelerden her biri meclis-i ma‘kûd-ı mezkûrda ikrâr-ı
tâm ve takrîr-i kelâm idüb leh ve aleyhinde vuku bulmuş ve fîmâ-ba‘d vâki‘ olacak bi’l-cümle de‘âvînin aid olduğu bi’l-umûm mehâkim-i şer‘iyye ve nizâmiyenin hukuk ve ticâret ve cezâ ve meccânen sulh kısımlarıyla mecâlis-i idare ve devâir-i sâire-i resmiyyede bidâyeten ve itirâzen ve istinâfen ve temyizen ve iâdeten ve tashîhen müdde‘î ve müdde‘â aleyh mu‘teriz ve mu‘taraz-aleyh ve müste’nif ve müste’nef-aleyh mümeyyiz ve mümeyyez-aleyh ve mu‘âd ve mu‘âd-aleyh ve itiraz ale’l-hükmi ve’l-gayr ve da‘vâları şahs-ı sâlis sıfatıyla vekâlet-i muhâkeme ve muhâsama ve murâfa‘a ve müdafaa ve redd-i cevâba ve şuhûd ikâme ve ta‘n-ı şühûd ve reddine ve yemin talebine ve her nev‘-i levâyıh ve müsted‘âyât-ı sâire ve protesto ve ihbârnâme tanzîm ve kendi imzalarıyla aid olduğu mahal ve makâma takdîm ve tebelluğa ve cevâb i‘tâsına ve rü’yet-i muhâsebe ve sâire içün ehl-i vukûf ve erbâb-ı ceza-ü müncer ve hükm-i nasb ve tayinle azline ve mahal-i â’idesinde muâyene ve keşfiyât-ı lâzıme icrâsıyla tahdîd-i hudûd ve taksîm-i emlâk ve akar ve arazi ve tefrîk-i eşyâya ve zarar ziyân ve tazminat talebine ve mehâkimden ve devâir-i sâire-i resmiyyeden sudûr edecek bi’l-cümle evrâk ve mukarrerât ve i‘lâmâtın ahz u kabulüyle tebliğ ve tebelluğa ve tenfîz-i ahkâmı içün dâire-i icrâya vaz‘ıyla hacz îkâ ve fekkine ve lede’l-hâce sulh ve ibrâya ve ahz u kabza ve bi’l-cümle makbuzu bizlere irsâl ve îsâle ve’l-hâsıl kavânîn-i mevzu‘anın bahş ettiği salahiyetlerle kâffe-i de‘âvî ve münâza‘atın son derecesine kadar mütevakkıf olduğu umûrun küllîsini ifaya tarafımızdan mezun olmak üzere gâ’ibân ani’l-meclis vükelâ-i de‘âvîden İsmail Hakkı ve refîki savran Hayri Efendilerin kabullerine mütevakkıfan ve münferiden ve müctemi‘an icrâ-yı vekâlet eylemeleri içün mumâ-ileyhimâyı vekâlet-i âmme-i mutlaka-i sahîha-i şer‘iyye ile vekîl ve nâ’ib-i münâb nasb u tayin eyledik dimeğin mâ-vaka‘a bi’t-taleb ketb olundu fi’l-yevmi’s-sânî min Zilkâdeti’l-şerîfe li-seneti sitte ve selâsîn ve selase-mi’e ve elf
Türkmenoğlu bin Mahmûd Telefoğlu Osman bin Mustafa Hanefi-zâde Veliyüddin Efendi
Mahalle-i mezkûre imamı Nâib-zâde Mahmûd Efendi ve gayrihim
651/5
Sicil Numerosu: 4/685
Tahakkuk-ı özr-i şer‘îye binaen husûs-ı âtiyyü’l-beyânın mahallinde ketb ü tahrîr ve zabtıyla netîceye rabtı içün cânib-i şer‘-i şerîf-i enverden bi’l-iltimâs me’zûnen i‘zâm olunmağla Medîne-i Karahisâr-ı Sâhib’in Şuhûd Nâhiyesi mahallâtından Kayış Mahallesinde kâ’in Hanefi-zâde Veliyüddin Hoca’nın müsâfir odasına varub zeyl-i vesîkada ism ü şehâdetleri muharrer Müslimîn huzûruyla ‘akd-ı meclis-i şer‘-i âlî etdikde mahalle-i mezkûre ahâlisinden iken bundan akdem vefât eden Hacı Cafer oğlu Hacı Veli’nin zevce-i menkûha-i metrûkesi olub zâtı zeyl-i vesîkada ism ü şehâdetleri muharrer kesân-ı mezbûrân tarifleriyle mu‘arrife İsmihân bint-i el-müteveffâ Hacı Ahmed Efendi meclis-i ma‘kûd-ı mezkûrda ikrâr-ı tâm ve takrîr-i kelâm idüb mûrisim müteveffâ-yı merkûm zevcim Hacı Veli’den mevrûs ve müntakil emvâl-i müntakile ve gayrı müntakilede hisse-i ırsiyye-i müntakileme vâzi‘u’l-yed olanlardan taleb ve da‘vâ ve işbu hisse-i ırsiyye-i müntakileden dolayı leh ve aleyhâmda vuku bulmuş ve fîmâ-ba‘d vâki‘ olacak bi’l-cümle de‘âvînin aid olduğu bi’l-umûm mehâkim-i şer‘iyye ve nizâmiyenin hukuk ve ticâret ve cezâ ve meccânen sulh kısımlarıyla mecâlis-i idare ve devâir-i sâire-i resmiyyede bidâyeten ve itirâzen ve istinâfen ve temyizen ve iâdeten ve tashîhen müdde‘î ve müdde‘â aleyh mu‘teriz ve mu‘taraz-aleyh ve müste’nif ve müste’nef-aleyh mümeyyiz ve mümeyyez-aleyh ve mu‘âd ve mu‘âd-aleyh ve itiraz ale’l-hükmi ve’l-gayr ve da‘vâları şahs-ı sâlis sıfatıyla vekâlet-i muhâkeme ve muhâsama ve murâfa‘a ve müdafaa ve redd-i cevâba ve şuhûd ikâme ve ta‘n-ı şühûd ve reddine ve yemin talebine ve her nev‘-i levâyıh ve müsted‘âyât-ı sâire protesto ve ihbârnâme tanzîm ve kendi imzalarıyla aid olduğu mahal ve makâma takdîm ve tebelluğa ve cevâb i‘tâsına ve rü’yet-i muhâsebe ve sâire içün ehl-i vukûf ve erbâb-ı ceza-ü müncer ve hükm-i nasb ve tayinle azline ve mahal-i â’idesinde muâyene ve keşfiyât-ı lâzıme icrâsıyla tahdîd-i hudûd ve taksîm-i emlâk ve akar ve arazi ve tefrîk-i eşyâya ve zarar ziyân ve tazminat talebine ve mehâkimden ve devâir-i sâire-i resmiyyeden sudûr edecek bi’l- cümle evrâk ve mukarrerât ve i‘lâmâtın ahz u kabulüyle tebliğ ve tebelluğa ve tenfîz- i ahkâmı içün dâire-i icrâya vaz‘ıyla hacz îkâ ve fekkine ve lede’l-hâce sulh ve ibrâya ve ahz u kabza ve bi’l-cümle makbuzu bizlere irsâl ve îsâle ve’l-hâsıl kavânîn-i
kadar mütevakkıf olduğu umûrun küllîsini ifaya tarafımızdan mezun olmak üzere gâ’ibân ani’l-meclis vükelâ-i de‘âvîden İsmail Hakkı ve refîki savran Hayri Efendilerin kabullerine mütevakkıfan ve münferiden ve müctemi‘an icrâ-yı vekâlet eylemeleri içün mumâ-ileyhimâyı vekâlet-i âmme-i mutlaka-i sahîha-i şer‘iyye ile vekîl ve nâ’ib-i münâb nasb u tayin eyledik dimeğin mâ-vaka‘a bi’t-taleb ketb olundu fi’l-yevmi’s-sânî min Zilkâdeti’l-şerîfe li-seneti sitte ve selâsîn ve selase-mi’e ve elf
Mu‘arrif ve şühûdü’l-hâl
Hanefı-zâde Velüyüddin Efendi Telef oğlu Osman bin Mustafa
Mahalle-i mezkûre imamı Nâib-zâde Mahmud Efendi bin Mehmed ve gayrihim
Mukayyid Başkâtib Nâ’ib-i Kadı Hazâ-sakk Nâ’ibi
651/6
Sicil Numerosu:4/686
Medîne-i Karahisâr-ı Sâhib mahallâtından Hacıalioğlu Mahallesi ahâlisinden iken bundan akdem vefât eden Na‘lid Hacı Ali oğlu Mehmed bin Hacı Ali’nin sulbiye-i sagîre kızı Fatıma ve sulbi Cafer oğlu Kâzım’ın bâ-hüccet-i şer‘iyye vasî-yi mansûbeleri mezkûr Hacıalioğlu Mahallesinde sakin ve zatı zeyl-i vesîkada ism ü
şehâdetleri muharrer kesân tarifleriyle mu‘arrife Nimet Hatun bint-i Abdullah Medîne-i mezkûre mahkeme-i şer‘iyyesinde ma‘kûd meclis-i şer‘-i şerîf-i enverde Medîne-i mezbûre eytâm müdiri Hasan Efendi ibn Hacı Mehmed Efendi mahzarında ber-vech-âtî takrîr-i kelâm eyledi Vasîsi olduğum sagîrân-ı mezbûrân el-hâletü- hazihi nafaka ve kisveye eşedd-i ihtiyâc ile muhtâclar olmalarıyla babaları müteveffâ-yı mezbûrdan mevrûs eytâm sandığında mahfûz olub taht-ı istirbâ‘da bulunan dört bin beş yüz gurûş akçeleri nemâ ve re’sü’l-mâldan kadr-i ma‘rûf meblağ farz u takdîr olunmak bi’l-vesâye matlûbumdur dedi Müdir-i mumâ-ileyh Hasan dahi sagîrân-ı mezbûrânın hükûmet civârında kâ’in ikisinin dükkân ile üzerinde bulunan kahvehâne hisselerinden alacak olan bedel-i icâra zamîmeten beherine şehrî otuzar guruşdan cem‘an altmış guruş nafaka nafaka farz u takdîr
buyurulması murâdımdur deyu vasî-yi mezbûrenin takrîr-i meşrûhu vâkı‘a mutâbık ve nefsü’l-emre muvâfık idüğü mütehakkik olan sagîrân-ı mezbûrânın babaları müteveffâ-yı mezbûrdan mevrûs eytâm sandığında mahfûz malları re’sü’l-mâl ve nemâsından mârü’z-zikr alacak bedel-i icâra zamîmeten sagîrân-ı mezbûrânın beherine şehrî otuzar guruşdan cem‘an altmış guruş nafaka farz u takdîr olunub meblağ-ı mefruz-ı mezkûr u sagîrân-ı mezbûrân nafaka ve kisve baha ve sair levazım-ı zaruriyyelerine harc ve sarfa ve vakt-i hacette esteraneye ınd-el zafer babaları müteveffa-yı mezbûrdan mevrus ve müntakil malına rücûa vasiyye-i mezbûre Nimet Hatun izin verilmesin ma-vaka‘a bi’t-taleb ketb olundu fil yevmi’l hâmis aşera min cemaziyel ahir li-seneti sitte ve selâsine ve selase mie ve elf
Mua‘rrif ve mümeyyiz
Hacı Mahmud Mahallesi’nden Hacı Hüseyin oğlu Mustafa bin Hacı Hüseyin Hacıalioğlu Mahallesinden Cunkarlıoğlu Hasan bin Musa
ve gayrihim
Mukayyid Başkatib Kadı
651/7
Sicil Numerosu:5/687
Tahakkuk-ı özr-ü şer‘iye binaen husus-ı atiyyü’l-beyanın mahallinde ketb-ü tahriri ve istima‘-ı takrir ile zaptı ve neticeye raptı içün canib-i şer‘i şerîf-i enverde bi’l-iltimas me’zûnen i‘zâm olunmağla medine-i Karahisâr-ı Sâhib mahallâtından Fakih Paşa Mahallesinde kain Miralay Fahri Bey veresesinin sakin bulundukları menzile varub zeyl-i vesikada ism ü şehadetleri muharrer müslimîn huzurlarıyla akd- i meclis-i şer‘i âlî ettigimde medine-i mezkûr enin Zaviye Sultan Mahallesi ahalisinden iken bundan akdem vefat eden mukayyıd -zâde Hacı Ata Efendi ibn Ömer Efendinin veraseti zevce-i menkûha-i metrûkesi Hasibe Hanım ibnetü İbrahim eski Nazike Hanım ibnetü Hacı Ahmed ile zevce-i mezbûre Hasibeden mütevellidler sulbu kebir oğlu Hulusi ve sulbu sagir oğlu Ömer ve kendüden mukaddem vefat eden zevce-i evveliyyesi Afife bint-i Mehmedden mütevellidler sulbiye-i kebîre takzileri
Efendi ile sulbu kebir oğlu Cemil Efendi ibni’l müteveffayi’l-mezbûr Ömer Efendiye mahzara kable’l-kısme mezbûr Cemil Efendi dahi vefat idüb veraseti zevce-i menkûha-i metrûkesi Rasime Hanım ibnetü Abdullah ile sulbiye sagire kızı Hikmet ve sulbu kebir oğlu Kadir’e mahzara kable’l-kısme mezbûre Şemsi dahi vefat idüb veraseti zevc-i metrûku Bekir Efendi ibn Hacı İsa ile Sadrı sagir oğulları İsmail ve İsa’ya mahzara olmağla verese-i mezbûreden olub zatı zeyl-i vesikada ism ü
şöhretleri muharrer müslimîn tarifleriyle muarrife ve menzil-i mezkûr da mukîme Hasibe Hanım ibnetü İbrahim kendü tarafından bi’l-isale ve Sadrı sagir oğlu mezbûr Ömer’in tesviye-i umûruna kıbel-i şer‘den mensube habs olmağla sagir-i mezbûr Ömer’in tarafından bi’l-vesâye ve yine verese-i muharrere-i mezkûr eden olub menzil-i mezkûr da sakine ve zatı kezalik müslimîn-i muma-ileyhim tarifleriyle muarrefe Rasime Hanım ibnetü Abdullah Efendi kendi tarafından bi’l-isale ve Sadriyye sagire kızı mezbûre Hikmet’in tesviye-i umûruna kıbel-i şer‘den mensube vasisi olmağla sagire mezbûre Hikmet tarafından bi’l-vesaye ve yine verese-i mezkûr eden olub menzil-i mezkûr da müsafereten mukîme ve zatı kezalik müslimîn-i