İstanbul Şehir Üniversitesi Arşivi, Belge no: 001635592019
Transkripsiyon Metni:
MEKTEB-İ SULṬĀNĪ Varaḳaʾ-i Teblīġiyye
…1306… numrolu …Fāżıl… Efendi’ye dāʾir
…Devletlü, necābetlü ʿAbdü’l-Mecīd Efendi Ḥażretleri’ne ____________ gönderilmişdir.
Ḳayd numrosu: ………
Aḥvāl-i ṣıḥḥiyye ve terbiyyeʾ-i cismāniyye: Muʿāyeneʾ-i Ṭıbbiyye Fāżıl Efendi’niñ dişleriniñ muḥtāc-ı tedāvī ve ḳuvveʾ-i sāmiʿasınıñ żaʿīf olduġını göstermişdir. Teḳāviyyü’l-bünye olması ḥüsn-i taḳviyyesine ve taḳviyyeʾ-i bedenine iʿtinā edilmesine lüzūm ḥiss etdiriyor.
Taḥṣīl ve dereceʾ-i ġayret: Türkçe İbtidāʾī İkinci ṣınıf Üçünci şuʿbe ve Fransızca İbtidāʾī Birinci ṣınıf İkinci şuʿbe derslerini taʿḳīb eden Fāżıl Efendi’niñ aḫīren icrā olunan ḫuṣūṣī imtiḥānlarda istiḥṣāl etdigi numrolar, ḥadd-i aʿẓam 10 iʿtibār edilmek şarṭıyla ber-vech-i zīr beyān olunur: Ḳurʾān-ı Kerīm: Ṣıfır, İlm-i ḥāl: 2, ʿOs̱mānlıca: 10, Maʿlūmāt-ı mütenevviʿa: 3,5
Fransızca: 5,5, Ḥesāb: Ṣıfır, Ezber: Ṣıfır, Ders-i Eşyā: 2,5, Resim: 7
Yazı: 9
ʿAle’l-vāsıṭa ġayr-ı kāfī olan bu netāyice naẓaran Fāżıl Efendi’niñ ḥayāt-ı taḥṣīliyye ile henüz imtizāc edemedigi añlaşılıyor. Tezyīd-i ġayretle telāfīʾ-i māfāt itmesi lāzımdır ki, sene nihāyetinde terfīʿ-i ṣınıf etmesi mümkün olsun.
Terbiyyeʾ-i ʿumūmiyye ve temāyülāt-ı şaḫṣiyye: Fāżıl Efendi’niñ iṭāʿat ve nezāketi şāyān-ı taḳdīr, diḳḳati ġayr-ı s̱ ābit faḳaṭ zekāsı serīʿ, ḥāfıẓası ḳuvvetli faḳaṭ ṭabʿı māʾil-i reḫāvetdir.
Fī 25 Mart, sene: [1]326 Ders nāẓırı:
