Sicilde Geçen İdari Kayıtlar

Kadı sicillerinde idari kayıtlar “suret” olarak da adlandırılmaktadır. Bizim transkripsiyonunu yağtığımız defterde 50. sayfadan sonraki kısım suret belgelerini içermektedir. Bunlar aşağıda hüküm numaraları ile birlikte sıralanmıştır.

Tablo 9

Sicilde Geçen Fermanların Hüküm Numaraları

51-A-1 59-B-1 65-B-1 71-B-2

52-A-1 60-A-1 65-B-2 72-A-1

53-A-1 60-B-1 66-A-1 72-A-2

53-A-2 61-A-1 66-B-2 72-B-1

56-A-1 61-B-1 68-A-1 73-A-2

56-B-1 62-B-2 68-A-2 73-B-1

56-B-2 64-A-1 68-B-2 74-A-1

57-A-1 64-A-2 69-A-1

57-B-2 64-B-1 69-B-1

59-A-1 64-B-2 70-B-1

Tablo 10

Sicilde Geçen Beratların Hüküm Numaraları

52-B-1 58-B-1 68-B-3

55-A-1 60-B-2 71-A-1

55-B-1 61-B-2 71-B-1

19

BÖLÜM 4: 1587 NUMARALI RODOSCUK ŞER’İYYE SİCİLİNİN

TRANSKRİPSİYONU

1-A

Sefar veled-i Uğurlu Silviya veled-i Sekrador Yaronevat veled-i Kazal Serkiz veled-i Alaca Bahaş Zurya veled-i Tonoroski'den

… Papa Bene veled-i Pereşkoh an mahalle-i Lakbos ve Papa Yani veled-i Kostantino Yorgi an karye-i Samedli tâbi‘-i İnecik ve Ağlada veled-i Aprasa ani'l-karye Kurşun Batas Papa Hariso veled-i Papa Zenderen ve Ahisata meclisü'ş-şer‘ bi't-taleb men lehü'l-hakki't-taleb hurrire fî 16 şehr-i Ramazân sene 50

Şuhûdüˈl-hâl: David …, Mehmed bin Sâid Muhzır, Mustafa bin Hüsam, Hasan bin Ali ve gayrühüm.

Yunus Bey mahallesinde sâkin Ahmed bin Abdi mahkemeye Muhzır ta‘yîn olunmuşdur. Fî 14 mine'l-Muharrem lisene ihdâ ve hamsîn ve elf

Mahkeme ücreti

Mukaddemâ sirkatde tutulan … Kerim bin Siyavuş'da olan bir çift beledî yasdık ve … olan bir çift beledî boğça yine mezbûr Siyavuş'a teslîm olundu. Fi 8 Şa‘bân sinn 51 Ahmed Çelebi bin Kasım, Vahid Bey …, Sinan bin Abbas, Mehmed bin Himmet. Sinan Beşe bin Yusuf an mahalle-i Hüseyin Çavuş leb-i deryâ an-hâli vakf-ı Mustafa Ağa ve Mehmed Ağa ibney Musa Bey … İbrahim Beşe bin Halil

Ücret-i bâğ 600 Ücret

4000 dört bin cedîd akçedir.

Medyûn-ı mezbûr mütevellî-i mesfûr mahzarında ıkrâr idüp Kalis Yolu'nin orta yolunda vāki‘ bir tarafı Hoca Veli Damâdı Ahmed Çelebi ve bir tarafı Kassâb Ahmed ve bir tarafı Fatma hâtûn bâğları ile ve tarîk-i âmm ile mahdûd olan üç dönüm bir kıt‘a mülk

20

bâğımı meblağ-ı mezkûra mütevellî huzûrunda bitarîki'l-istiğlâm bey‘ idüp senesi tamâmına degin altı yüz akçeye istîcâr eyledim didikde gıbbe't-tasdīk ketb olundu Şuhûdüˈl-hâl: Hasan Efendi bin el-Hâc Kemal Efendi, El-Hâc Emrullah …, Ali bin Abdulbâkî an-muhâsıb-i Abdullahzâde, Ahmed Çelebi ibn-i el-Hâc Şa‘bân, Ahmed Odabaşı bin Sefer, Musli bin Mustafa Bey, Müezzin Memiş bin Hüseyin, Muhzır Hasan.

1-B

Esleme fî meclisi'ş-şer‘ Nikola Yani kâle Eşhedü enlâ ilâhe illallâh ve eşhedü enne Muhammeden abdühû ve resûlühû ve harece ani'd-dîni'l-bâtıl ve teberreet minhü ve dahale fi'd-dînili'l-hak sümme müsemmâ biismi Mustafa bin Abdullah hurrire fî 1 min Cemâziye'l-Ulâ sene 50

Esleme fî meclisü'ş-şer‘ Sefar veled-i Marat bienne kâle enlâ ilâhe illallâh ve eşhedü enne Muhammeden abdühû ve resûlühû ve harece ani'd-dîni'l-bâtıl ve teberreet minhü ve dahale fi'd-dînili'l-hakk sümme semmâ biismi Ahmed bin Abdullah cerâ zâlik ve hurrire fî 24 min Cemâziye'l-âhire sene 50

Şuhûdüˈl-hâl: Yazucu Hüseyin Beşe, Bayram Beşe İbrahim Abdullah, Süleyman Halil el-kâtib, Rakımü'l-hurûf Hasan Efendi, Hüddâm-ı mahkeme.

Eslem fî meclisi'ş-şer‘ Tayob veled-i Dimitri bienne kâle enlâ ilâhe illallâh ve eşhedü enne Muhammeden abdühû ve resûlühû ve harece ani'd-dîni'l-bâtıl ve teberreet minhü ve dahale fi'd-dînili'l-hakk hurrîre fî 13 Şa‘bân sen 50 bisiimi Mustafa bin Abdullah Mahmud Bey ibn-i Abdullah, Hüseyin Ağa, El-Hâc Emrullah.

Esleme el-arzü'l-med‘û Mardıros veled-i Agop el-emrid bienne kâle enlâ ilâhe illallâh ve eşhedü enne Muhammeden abdühû ve resûlühû ve haracte fi'd-dîni'l-bâtıl ve teberreet an el-edyâni'l-bâtıla … dîn'il-islâm ve kâle dîne'l-islâma a‘lâ ve enfa‘a ve dînü'l-küfr akbah hurrire fî 25 min Şa‘bân sinn 50

Muhzır Hasan Efendi, Derviş Mehmed.

Esleme fî meclisi'ş-şer‘ el-Ermeni el-med‘û bienne kâle enlâ ilâhe illallâh ve eşhedü enne Muhammeden abdühû ve resûlühû ve harece ani'd-dîni'l-bâtıl ve teberreet minhü

21

ve dahale fi'd-dînili'l-hakk cerâ zâlike ve hurrire fî 11 Zilka‘deti'ş-şerîfe sene 50 ve semmâ biismi Mustafa

Şuhûdüˈl-hâl: Es-Seyyid Mehmed Çelebi, Mehmed Çavuş Emîn-i Gümrük, Ali Dede, Mehmed Çavuş ibn-i Hızırı el-İstanbulî, Koca Odabaşı ve gayrühüm

Esleme fî meclisi'-şer‘ ez-zımmî ismühû Akor veled-i Lui Yani bienne kâle enlâ ilâhe illallâh ve eşhedü enne Muhammeden abdühû ve resûlühû ve harece ani'd-dîni'l-bâtıl ve teberreet minhü ve dahale fi'd-dînili'l-hakk cerâ zâlike ve hurrire fî 3 min Zilhicce sene 50 sümme semmâ biismi Mehmed bin Abdullah

Muhzır, Ali Çelebi ibn-i İbrahim, İbrahim Çelebi hatîb, Yüzbışı Ahmed bin Abdullah ve gayrühüm.

Esleme Yanı veled-i Çakır es-sabî el-âkıl biahsene dîni'l-islâm ve kabahe'l-küfr bienne kâle enlâ ilâhe illallâh ve eşhedü enne Muhammeden abdühû ve resûlühû ve harece ani'd-dîni'l-bâtıl ve teberreet ani'l-edyâni'l-bâtıl … dîni'l-islâm sümme semmâ biismi Ahmed bin Abdullah cerâ zâlike ve hurrire fî 9 Safer sene 50

Şuhûdüˈl-hâl: Mehmed Efendi bin Davud el-hatîb, Ahmed Ağa …, Ali Bey ibn-i … ve gayrühüm.

Sadık bin Ahmed Temreni nâm karyeden olup Medîne-i Rodoscuk'da … olmağın Mihail nâm Ermeni'ye hizmeti beş ay tamâmına dek …

Bir fes 1 Aba 1 … Gömlek 1 Mâî kuşak 1 … Ve bir gömlek 1 Ve yanında bir at

La‘netullâhi alâ men tecâs bi'l-ihrâci'l-varak min evrâk hâzihi'-divân ev harefe hurûfehû biirâdeti izâh‘a hukûkullâhi ev hukûku'l-insân

Adedi-i evrâk

74 yetmiş dört varakdır

22

Sülüs … mehr-i müeccel 23

Ya Fettah Ya Rezzak

İzzetlü Hekimbaşı Muhammed Efendi Hazretleri zamanı şeriflerinde Bosnevi İbrahim Efendi niyabetinde vaki olan hucec ve sukuku …fi evaili şehri rebi’il-ahir lisene hamsin ve elf

2-A-1

Budur ki medîne-i Rodoscuk İskender Çavuş mahallesinde sâkin Hüseyin bin Şa‘bân nâm kimesne makâm-ı kazâ-i lâzimi’r-rızâda râfiat’ül-kitâb zevcesi Şehriye binti Mürsel nâm hâtun mahzarında ıkrâr-ı tâm ve takrîr-i kelâm edüp hibe-i âtiyye sudûruna degin silk-i mülkümde muntazam olup mahalle-i mahkiyyede vâki‘ bir tarafı yine kendi mülkü ve bir tarafı arab oğlu Mustafa mülkü ve bir tarafı Mustafa Çelebi bin Osman bahçesi ve bir tarafı tarîk-i âmm ile mahdûd ve bir bâb fevkânî ve bir bâb tahtânî beyti ve bir sofayı müştemil olan menzilimi mezbûre Şehriye’ye ba’de’t-tahliyyeti’ş-şer’iyye hîbe-i sahîha-i şer’iyye ile hibe ve teslîm ve merkûme şehri dahi meclis-i hibe de ittihâb ve kabz ve tesellüm eyledi min ba’d menzil-i sabıkı’z zikr mesfûre Şehriye'nin mülk-i mevhûbudur dedikde gıbbe’t-tasdîki’ş-şer’î mâ vaka’a bi’t-taleb setb olundu hurrire fî yevmi’s-sabî min şehr-i Rebî‘i’l-âhir lisene hamsîn ve elf min hicreti men lehü'l-izz ve’ş-şeref

Şuhûdü’l-hâl: İbrahim Çelebi bin, Ebubekir sofu bin Maden, Hızır bin Derviş, Veli bin Mahmûd, Mehmed bin Mustafa, Mehmed bin Abdi.

2-A-2

Medîne-i Rodoscuk’da vâki‘ merhum El-Hâc Tomaş vakfının mütevellîsi olan menzilci Hasan Çelebi bin el-Hâc Mehmed mahfel’i şer’de râfi’u’l-kitâb Ahmed Çelebi ibn Mehmed mahzarında ıkrâr-ı tâm ve takrir-i kelâm edüp bundan akdem altun ikişer yüz akçeye râyic iken mezbûr Ahmed Çelebi vakf-ı mersûmdan yedi bin nakdi ve ve râyic akçe istikrâz ve kabz eyleyüp ilâ hâze'l-ân zimmetinde kalmış idi hâlâ altun ikişer yüz ellişer akçeye râyic olmağla altundan kıymeti olmak üzere meblâğ-ı mezbûr bâlâda mezkûr olan hesap üzere sekiz bin yedi yüz elli akçeyı hasebi’t-tevliye mezbûr Ahmed Çelebi’den bi’t-tamâm alup kabz eyledim min ba’d zimmetinde bir akçe ve bir habbe

23

bâkî kalmadı dedikde gıbbe’t-tasdîki’ş-şer’î mâ vaka’a bi’t-taleb sebt olundu hurrire fî yevmi’r-rabi‘ min şehr-i Rebî‘ü'l-âhir lisene hamsîn ve elf

Şuhûdü’l-hâl: Ali Çelebi bin Rıdvan Bey Serdar, Hüseyin bin Ahmed mutasarrıf senevi, Mustafa Bey bin Abdullah karye’i ortada, Musa Çelebi bin Ali, Ahmed Çelebi bin Ali Bey.

2-A-3

Medîne-i Rodoscuk’da Cami’-i Vasat mahallesinde sâkin iken bundan akdem vefât eden el-Hâc Mehmed verâseti zevce-i metrûkesi İsmihan binti Ali Bali nâm hâtun ve sulbî oğulları el-Hâc Mustafa ve Ahmed Çelebi’ye ve sulbîye kebîre kızları Saliha ve Amine’ye münhasıra idüğü şer’ân mütehakkık olduktan sonra mezbûr el-Hâc Mustafa ve mezbûretan Saliha ve Amine’ye makâm-ı kazâda râfi’u’l-kitâb mezbûr Ahmed Çelebi mahzarında her biri ıkrâr-ı tâm ve takrîr-i kelâm edüp müteveffâ-yı mezbûr muhallefâtı bundan akdem beynimizde bi’l-farîzati’ş-şer’iyye taksîm olundukda muhallefât-ı müteveffâ-yı mezbûrdan olup mahalle-i mezbûrede vâki‘ bir tarafı Beyzâde Sinan Ağa ve bir tarafı yine mezbûr el-Hâc Mustafa ve bir tarafı Hüseyin ağalar Mehmed mülkleri ve bir tarafı beze Seydi oğlu mülkü ve ba‘zı tarîk-ihâs ile mahdûd iki bâb tahtânî beyti ve bir sofayı ve fırın bi’r-i mâ’ müştemil olan menzil-i sâbiku’z-zikr Ahmed Çelebi’nin hisse-i şer’iyyesine ifraz ve tayin olunmağla menzil-i mezbûr vech-i meşrûh üzere merkûm Ahmed Çelebi’nin mülki mevrusudur bizim kat’a alâka ve medhâlimiz yoktur dediklerinde gıbbe’t-tasdîki’ş-şer’î mâ vaka’a bi’t-taleb ketb olundu hurrire fî yevmi’l-hâmis min şehr-i Rebî‘ü'l-âhir lisene hamsîn ve elf

Şuhûdü’l-hâl: Ahmed Çelebi bin Şa‘bân, Hâlil Çelebi bin İbrahim, Şeyhi Mehmed Çelebi, Bostancı Hasan bin Budak, Bostancı Koca Kadir ve gayrühüm.

2-B-1

Budur ki medîne-i Rodoscuk mahallâtından el-Hâc İsa mahallesinde sâkin Mustafa Çelebi bin Hüseyin nâm kimesne makâm-ı kazâ-i lâzımı’r-rızâda râfi’u’l-kitâb Koçakzâde demekle meşhûr Hasan Çelebi bin Mehmed nâm kimesne mahzarında ıkrâr-ı tâm ve takrîr-i kelâm edüp silk-i mülkümde muntazam olup mahalle-i mezbûrede vâki‘ bir tarafı mahalle-i mezkûre mescid-i şerîf ve iki tarafı müşterî-i mûmâ ileyh Hasan Çelebi mülkü ve bir tarafı tarîk-i âmm ile mahdûd bir bâb fevkânî ve bir bâb tahtânî

24

beyti müştemil olan menzilimi müşârun-ileyh Hasan Çelebi’ye otuz bin nakd-i râyicü’l-vakt fıdda akçeye bâten bey’ edüp kabz-ı semen-i ma’dûd ve teslîm-i mübâya‘a-i mahdûd eyledim dedikde gıbbe’t-tasdîki’ş-şer’î mâ vaka’a bi’t-taleb sebt olundu yed-i tâlibe vaz’ ve def’ olundu tahrîren fî yevmi’l-hâdî aşere min şehr-i Rebî‘ü'l-âhir lisene hamsîn ve elf min hicreti men lehü'l-izz ve’ş-şeref

Şuhûdü’l-hâl: Mehmed Çavuş bin Süleymân Çavuş, Uzun Ahmet Çelebi Nazeninzâde, Mustafa Çelebi bin Mehmed, El-Hâc Mustafa bin Abdülkadir, El-Hâc Mehmed bin Abdullah.

2-B-2

Budur ki medîne-i Rodoscuk mahallâtından el-Hâc Mehmed mahallesinde sâkin Musa bin Hâlil nâm kimesne mahfel-i şer’de râfi’u’l-kitâb Hüseyin bin Süleymân nâm kimesne mahzarında ıkrâr-ı tâm ve takrîr-i kelâm edüp silk-i mülkümde muntazam olup medîne-i mezbûre sınırı dâhilinde Yeni Karluk kurbunda vâki‘ bir tarafı Hüseyin bin Kassâb Kadri nâm kimesne ve bir tarafı Sarı nâm Ermeni bâğları ile ve iki tarafı tarîk-i âmm ile mahdûd olan tahmînen dört dönüm bir kıt’a bâğımı mezbûr Hüseyin’e dört bin nakd-i râyicü’l-vakt fıdda akçeye bâten bey’ edüp kabz-ı semen-i ma’dûd ve teslîm-i mübâya‘a-ı mahdûd eyledim dedikde gıbbe’t-tasdîki’ş-şer’î mâ vaka’a bi’t-taleb sebt olundu tahrîren fî yevmi’s-sâmin min şehr-i Rebî‘ü'l-âhir lisene hamsîn ve elf min hicreti men lehü'l-izz ve’ş-şeref

Şuhûdü’l-hâl: Mehmed Çelebi bin Kâsım Bey odabaşı, El-Hâc Emrullah bin el-Hâc Mahmûd, Sabuncu Ali Beşe, İbrahim dayı bin Yusuf, Kurt Bali bin el-Hâc Yahşi, Habib bin Mehmed, Mehmed Efendi bin Ademzâde.

2-B-3

Budur ki medîne-i Rodoscuk tevâbi’inden Sırt köyü demekle ma’rûf karyede sâkin çoban taifesinden Mihâil veled-i Yorgi nâm zımmî mahfel-işer’de râfi’u hâze’l-kıt‘ab Nikola veled-i Yani ve İsyotku veled-i Polo nâm zımmîler mahzarlarında ıkrâr-ı tâm ve takrîr-i kelâm edüp târihi kitâbdan sekiz gün mukaddem işbu hâzır-ı bi’l meclis olan gâyibân-ı ani’l-meclis nâm çobanlar ile karye-imezbûrede vâki‘ mandramı basup ben yabanda iken altmış üç re’s koyunlarımı fuzûli alup götürmüşler idi hâlâ mezbûre tevâbi’inde Fahrioğlu demekle ma’rûf karyede vâki‘ mezbûr Rizu ile karındaş ve şerîki

25

olan Hasan Beşe nâm kimesnenin koyunları sürüsünde bulup mezbûrdan Nikola ve İsyotku ve Rizu zikr olunan sürünün çobanları oldukları cihetle sâbiku’z-zikr koyunları mezbûrlardan da’vâ ve taleb eylediğimde anlar dahi ben zikr olunan koyunları her bir re’sini yüz seksen yedişer akçeye olmak üzere cem’an (boşluk) bin akçe nisbeten iştirâk eyledik deyü benim mülküm idiğün inkâr ve ben dahi muvâcehelerinde mülküm idüğini vech-i şer’î üzere isbât ve ba’de’t-tahlîfi’l-mer’î zikr olunan koyunlar bana teslim olunmak üzere mezbûretan zımmîlere kıbel-i şer’den tenbîh olunmağla anlar dahi sâbiku’z-zikr altmış üç re’s koyunları bana teslîm ve ben dahi yedlerinden bi’t-tamâm alup kabz eyledim dedikde gıbbe’t-tasdîki’ş-şer’î mâ vaka’a bi’t-taleb sebt olundu tahrîren fî yevmi’l-işrîn min şehr-i Rebî‘i’l-evvel lisene hamsîn ve elf min hicreti men-lehü'l-izz ve’ş-şeref

Şuhûdü’l-hâl: Umdetü’l-müderrisîn Ali Efendi bin İbrahim Efendi, Fahrü’l-müderrisîn Hasan Efendi bin Cemaleddin, Mehmed Halife bin Hâlil, Mustafa bin Ali, Derviş Mehmed Mevlevi, Mehmed Çelebi bin Abdi, Mihal veled-i Nikola, Yenaki veled-i Ustudadi, ve gayrühüm.

2-B-4

Medîne-i Rodoscuk mahallâtından leb-i Derya Hüseyin Çavuş mahallesinde sâkin Süleymân Beşe ibn İbrahim Bey nâm kimesne mahfel-işer’de râfi’u’l-kitâb Hâlil Hoca bin Mustafa Bey mahzarında ıkrâr-ı tâm ve takrîr-i kelâm edüp silk-i mülkümde münselik olup medîne-i mezbûre sınırı dâhilinde Şeker Çeşmesi demekle ma’rûf mevzi’de vâki‘ bir tarafı Mehmed Ağa ibn Yahya Çavuş ve bir tarafı taşçı Mustafa Bey ve bir tarafı debbâğ Cafer Beşe ve bir tarafı İbrahim Dede bâğları ile mahdûd olan tahmînen üç dönüm bir kıt’a bâğımı mezbûr Hâlil Hoca’ya yedi bin iki yüz nakd-i râyicü'l-vakt fıdda akçeye bâten bey’ edüp kabz-ı semen-i ma’dûd ve teslîm-i mübâya‘a-ı mahdûd eyledim dedikde gıbbe’t-tasdîki’ş-şer’î bâyi’-i mezbûrun bâbası mezbûr İbrahim Bey mahfel-i mezbûrda bi't-taleb ıkrâr edüp zikr olunan bâğ bundan akdem benim mülküm iken bayi’-i mezbûr oğlum mezbûr Süleymân’a velîme-i hitân hîbe-i sahîha-i şer’iyye ile hibe ve teslîm ol dahi ittihâb ve tesellüm ve akdi mârü’l-beyâna degin mülki mevhûbu olmağla kendi zabt ve tasarrufunda idi benim zikr olunan bâğda kata’ medhâl ve alâkam yokdur dedikde gıbbe’t-tasdîki’ş-şer’î mâ vaka’a bi’t-taleb ketb olundu hurrire fî’l- yevmi’s-sâbi’ min şehr-i Rebî‘ü'l-âhir lisene hamsîn ve elf

26

Şuhûdü’l-hâl: Mustafa Çelebi bin Mehmed Kalafatzade, Keyvan bin Abdullah el- attar, El-Hâc Mehmed bin Hüseyin, İbrahim Çelebi bin Hâlil, Hâlil Çelebi bin Ali, Mahmûd Çelebi bin Ahmed ve gayrühüm mine’l-hâzirîn.

2-B-5

Budur ki medîne-i Rodoscuk mahallâtından lebi derya Hüseyin Çavuş Mahallesinde sâkin Süleymân Beşe bin İbrahim Bey nâm kimesne mahfel-işer’de râfi’u’l-kitâb Hâlil Hoca bin Mustafa Bey nâm kimesne mahzarında (belge burada yarım kalmış)

3-A-1

Medîne-i Rodoscuk’da vâki‘ merhume Cemile hâtun vakf edüp gallesini İskender Çavuş mahallesinin mescidi imâmına şart eyledüği nukudun mütevellîsi olan Ali bin Ramazan nâm kimesne mahfeli'ş-şer‘de mahalle-i mezbûrede bundan akdem sâkin iken fevt olan Maden’in zevce-i metrukesi ve sulbîye sağîre kızı Hatice’nin kıbel-i şer’den mansûb vasîsi olup muhallefâtına vâzi‘atü’l-yed olan râfi‘atü’l-kitâb Saliha binti Ferruh nâm hâtun mahzarında ıkrâr-ı tâm ve takrîr-i kelâm edüp müteveffâ-yı mezbûr Maden’in zimmetinde mâl-ı vakf-ı mezbûrdan bin râyicü'l-vakt fıdda akçe alup kable’l-edâ fevt olmağla meblağ-ı mezbûru bundan akdem merkûme Saliha muvâcehesinde şuhûd-ı udûl ile isbât ve meblağ-ı mezbûru küllen ve bazen hâl-i hayâtında mezbûr Maden’den ahz ve kabz eylemediğime yemîn-i billah eylediğimden sonra bana edâsı için kıbel-i şer’den mezbûreye tenbih olunmuş idi el-hâletü hâzihî meblağ-ı mezbûr bin akçeyı mezbûre Saliha yedinden tevlîyyet-i mahkiyyem hasebi ile tamamen alup kabz eyledim dedikde gıbbe’t-tasdîki’ş-şer’î mâ vaka’a bi’t-taleb ketb olundu hurrire fî 16 min Rebî‘ü'l-âhir lisene 1050

Şuhûdü’l-hâl: Hâlil ibn İbrahim Efendi el-müderris, Hüseyin Ağa el-müteferrika, Mehmed Çelebi bin Ahmed el-imam, Mehmed Halife bin Hâlil, Mehmed bin Abdi ve gayrühüm.

3-A-2

Budur ki Rodoscuk'da Hoca Bayezid mahallesinde sâkin Ramazan bin Abdullah nâm kimesne mahfel-i şer’i-şerîf-i lâzimü’t-tekrîmde Nikola veled-i Pinin mahzarında ıkrâr-ı tâm ve takrîr-i kelâm edüp silk-i mülk-i mahzımda münselik olup medîne-i mezbûre sınırı dâhilinde Kapaklı Pınar nâm mevzî’de vâki‘ bir tarafı Haçıman nâm Ermeni bâğı

27

ve bir tarafı yine mezbûr Haçıman tarlası ve bir tarafı bakkâl Yani bâğı ve bir tarafı tarîk-i âmm ile mahdûd olan iki dönüm bir kıt’a bâğımı mezbûr Nikola’ya iki bin beş yüz elli nakd-i râyicü'l-vakt fıdda akçeye bâten bey’ edüp kabz-ı semen-i ma’dûd ve teslîm-i mebî‘a-i mahdûd eyledim min ba’d bâğ-ı sâbıkü’z-zikr merkûm Nikola’nın mülki müşterâsıdır dedikde gıbbe’t-tasdîki’ş-şer’î mâ vaka’a bi’t-taleb sebt olundu hurrire fî’l yevmi’s-sâdis aşer min şehr-i Rebî‘ü'l-âhir lisene hamsîn ve elf min hicreti men lehü'l-izz ve’ş-şeref

Şuhûdü’l-hâl: Fahrü’l-müderrisîn Ali Efendi bin İbrahim Efendi, Kâtibü’l-hurûf Hasan Efendi ibn Kemaleddin, Mahmûd Efendi bin Nasuh Efendi, Hâc Emrullah bin El-Hâc Mahmûd, Mehmed bin Abdi serbölük.

3-A-3

Budur ki medîne-i Rodoscuk’da Cami-i Vasat mahallesinde sâkin Davud Beşe ibn İbrahim nâm kimesne mahfel-işer’iyye-i muhammediyyede râfi’u’l-kitâb Yorgi veled-i Nikola nâm zımmî mahzarında ıkrâr-ı tâm ve bast-ı merâm edüp silk-i mülkümde muntazam olup Gelibolu kazâsına tâbi’ Çorma nâm karyede vâki‘ bir tarafı Yagoblu nâm zımmî ve bir tarafı Benafko nâm zımmî ve bir tarafı Petro veled-i Petro nâm zımmî mülkleri ve bir tarafı tarîk-i âmm ile mahdûd kerbiçden mebnî bir bâb mahzenimi ve mahzen-i mezbûra muttasıl olan hadîkamı mezbûr Yorgi’ye on bir bin nakd-i râyicü'l-vakt fıdda akçeye bey’-i bât-ı sahih-i şer’i ile bey’ eyleyüp ol dahi iştirâ eyledikden sonra meblâğ-ı mezbûr on bir bin akçesını yedinden tamâmen alup kabz eyleyüp mübâya‘a-i mezbûru mahallinde kabz-ı taslîd eyledim dedikde gıbbe’t-tasdîki’ş-şer’î mâ vaka’a bi’t-taleb sebt olundu hurrire fî’l yevmi’s-sâmin aşer min şehr-i Rebî‘ü'l-âhir lisene hamsîn ve elf

Şuhûdü’l-hâl: Mehmed Çavuş bin Süleymân Çavuş, Davud Bey bin Mehmed Zâbit-i şehr, Ahmed Çelebi bin Bâzârî, İbrahim Çelebi ve Hâlil Çelebi ibneyn el-Hâc Reyhan, Mahmûd Beşe bin Abdullah odabaşı.

3-A-4

Medîne-i Rodoscuk mahallâtından Dudu Hâtun mahallesinde sâkine iken bundan akdem vefât eden Aişe binti Kurt Hâlil nâm hâtunun verâseti zevci Ali Bali ibn Veli’ye ve sadri kebîr oğlu Mehmed’e ve sadriye kebîre kızı Fatıma münhasıra idüği şer’an mütehakkık

28

olduktan sonra mezbûran Ali ve Mehmed mahfel-i şer’de râfiatü’l-kitâb mezbûre Fatıma tarafından husus-ı atil beyâna vekîl olup nehc-işer’i üzere isbât-ı vekâlet eden zevci Mehmed bin Husver mahzarında her biri ıkrâr-ı tâm ve takrîr-i kelâm edüp mezbûre müteveffatı mezbûrenin muhallefâtı beynimizde bi'l-müvâcehti'ş-şer‘iyye taksîm olup her birimizin hissesi ifraz ve ta’yîn olunmak lâzım olmağla muhallafâtı müteveffa-yı mezbûredan olup mahalle-i mezbûrede vâki‘ bir tarafı kara Şa‘bân mülkü ve bir tarafı Habietan nâm Ermeni mülkü ve bir tarafı tarîk-i âmm ile mahdûd bir bâb tahtânî beyti ve havluyu müştemil olan menzil müvekkile-i mezbûre Fatıma’nın hisse-i şer’isine ifraz ve tayin olunup mezbûre Fatıma dahi kabûl ve kabz eyledği ecilden menzil-i mezbûr vech-i meşrûh üzere merkûmenin mülkü mevrûsudur benim kat’a alâka ve medhâlim yoktur dedikde gıbbe’t-tasdîki’ş-şer’î mâ vaka’a bi’t-taleb sebt olundu tahrîren fî’l yevmi’r-râbi’ min şehr-i Rebî‘ü'l-evvel lisene hamsîn ve elf