Cemil Cahit Güzelbey. (1966). Gaziantep Şer‘i Mahkeme Sicilleri M.1886 ilâ 1909. c.153-160, Fasikül 1, Gaziantep, 1966.
Cemil Cahit Güzelbey. (1966). Gaziantep Şer‘i Mahkeme Sicilleri, M.1841-1886. c.144-152, Fasikül 2, Gaziantep.
Cemil Cahit Güzelbey. (1966). Gaziantep Şer‘i Mahkeme Sicilleri, M.1828 ilâ 1838. c.142-143, Fasikül 3, Gaziantep.
Cemil Cahit Güzelbey ve Hulûsi Yetkin. (1970). Gaziantep Şer‘i Mahkeme Sicillerinden Örnekler. M.1729-1825. c.81-141, Gaziantep.
Galip Eken. (1088). Gaziantep’in 113 Numaralı Şer‘iyye Sicili Transkripsiyon ve Değerlendirme (H.1168-1169 M.1755-1756). Yüksek Lisans Tezi, Ankara Üniversitesi Sosyal Bilimler Enstitüsü, Ankara.
Fuat Yıldırım. (1995). 108 Numaralı Gaziantep Şer‘iyye Sicili. Yüksek Lisan Tezi, Fırat Üniversitesi Sosyal Bilimler Enstitüsü, Elazığ.
H. Adnan Arslantaş. (1997). Antep’in 141 Numaralı H. 1261-1270 Tarihli Şer‘iyye Sicilinin Transkripsiyon ve Kataloğu. Yüksek Lisans Tezi, İnönü Üniversitesi Sosyal Bilimler Enstitüsü, Malatya.
Ahmet Yılmaz. (1997). 19. Yüzyılın İlk Çeyreğinde Şer‘iyye Sicilleri ve Tereke Defterlerine Göre Medine-i Ayıntab’ın İktisadi ve İçtimai Durumu. Yüksek Lisans Tezi, Gazi Üniversitesi Sosyal Bilimler Enstitüsü, Ankara.
Zeynel Özlü. (1999). Gaziantep’in 120 Numaralı Şer‘iyye Sicili (Transkripsiyon ve Değerlendirme). Yüksek Lisans Tezi, Gazi Üniversitesi Sosyal Bilimler Enstitüsü, Ankara.
Hüseyin Çınar. 18. Yüzyılın İlk Yarısında Ayıntab Şehri`nin Sosyal ve Ekonomik Durumu. Doktora Tezi, İstanbul Üniversitesi Sosyal Bilimler Enstitüsü, İstanbul, 2000.
Zeynel Özlü. (2002). Kassâm Defterlerine Göre XVIII. Yüzyılın İkinci Yarısında Gaziantep. Doktora Tezi, Ankara Üniversitesi Sosyal Bilimler Enstitüsü, Ankara.
33 Celâl Pekdoğan. (1999). Gaziantep Ticaret Odasının 100 Yılı: 1898-1998. GTO Kültür Yayınları
Handan Bozkurt. (2002). Gaziantep 17 Numaralı Şer‘iyye Sicili. Yüksek Lisans Tezi, İnönü Üniversitesi Sosyal Bilimler Enstitüsü, Malatya.
Rabia Sultan Timbil. (2003). 19 Numaralı Gaziantep Şer`iye Siciline Göre Mülk Satışları (1647-1648). Yüksek Lisans Tezi, Selçuk Üniversitesi Sosyal Bilimler Enstitüsü, Konya.
Yüksel Babanınoğlu. (2004). 155 Nolu (H.1308-1310) Gaziantep Şer‘iyye Sicilinin Transkripsiyon ve Değerlendirmesi. Yüksek Lisans Tezi, Gaziantep Üniversitesi Sosyal Bilimler Enstitüsü, Gaziantep.
Bu tez çalışmasında Ayntab’ın H.1312-1314 tarihli 156 Numaralı Şer‘îyye Sicili’nin 159-293, 1-93 ve 1-8 sayfalarının transkripsiyonu yapılarak değerlendirilmiştir.
2.8. 156 NUMARALI AYNTAB ŞER‘ÎYYE SİCİLİ’NİN GENEL DURUMU
156 Numaralı Ayntab Şer‘îyye Sicili’nin orijinal nüshası Ankara’daki Milli Kütüphane’dir. Sicil, Hicri 1310-1314 (M.1894-1896) yıllarını kapsamakta olup 19x47 ebatında ve 394 (250+93+8) sayfadan ibarettir. Milli Kütüphane’den temin edilen sicilin fotokopisinin 167-250, 1-93 ve 1-8 sayfalarından oluşan ikinci yarısının traskripsyonu yapılmıştır. Transkripsiyonu yapılan bu kısmın 167-250 sayfaları arası Nâib Nesim Baltacı dönemine, sonraki 93 sayfası Nâib Mehmet Ataullah dönemine aittir. Son 8 sayfasının ise hangi nâib dönemine ait olduğu belirtilmemiştir. Transkripsiyonu yapılan bu tez çalışmasının ilk dava numerosu 293 ile başlamıştır.
Sicile Romen rakamıyla sayfa numarası verilmemiş fakat Arap rakamlarıyla “sahife numerosu” veya “sahife” ve her belgeye “numero” verilmiştir. Sayfa ve belge numeroları nâib değişimi ile yeniden başlamıştır. Transkripsiyonda sahife (veya sahife numerosu) ve numero yanında birden başlayarak sahifelere (veya sahife numerolarına) “sayfa no” ve numerolarada “dava no” verilerek transkripsiyonda parantez içinde koyu olarak yazıldı. Transkripsiyonu yapılan sicilin ilk sayfası (sahife 167) boş bırakılmış, dava no 3 ve 77 (numero 293 ve 368)’ye battal çekilip iptal edilmiştir. Sayfa no 179 (sahife 2) tahrip olduğu için okunamamıştır. Birçok sayfanın son bir veya iki satırı tahrip olduğu için okunamamıştır. Bazen ard arda gelen iki sayfaya (sayfa no 158 ve 159) aynı numero (sahife 1-93 arasında sahife numerosu 75) verilmiştir. Yine aynı şekilde, ard arda gelen bazı davalara (dava no 60 ve 61) da aynı numero iki defa (numero 352) verildiği tespit edilmiştir. Sicilde bazı sayfalara da sahife numerosu veya sahife yazılmadan sadece rakam yazılmıştır.
Transkripsiyon yapılırken böyle durumlarda bunlara parantez içinde sahife yazılarak parantez dışına orijinal rakamı yazıldı. Sicilin son sayfası boş bırakılmıştır.
2.9. 156 NUMARALI AYNTAB ŞER‘ÎYYE SİCİLİ’NİN TRANSCRİPSİYONU (Sayfa No: 1)
Sahife 167
(Battal çekilip boş bırakılmıştır)
(Sayfa No: 2) (Dava No: 1)
Sahife 168 Numero 293
Haleb Vilâyet-i Celîlesi dâhilinde Menbic Kazâsı’na tâbi‘ (tahrip olduğundan okunamadı) karyesi ahâlisinden işbu bâ‘isü’l-îlâm Ali bin Mehmed bin Hacı Ayntab mahkeme-i şer‘îyyesinde ma‘kûd meclis-i şer‘îmizde Menbic’e tâbi’ Arab Virân karyesinde Çayan Mehmed bin Mûsâ nâm kimesne muvâcehesinde üzerine da‘vâ ve takrir-i kelâm idüb bundan iki sene mukaddem kendi malım olan merkebim ile Halef bin Hallacî ile ‘alâ tarıku’l müzâyaka iştirâ eylediğim bir re’s sarı renkli kancık merkeb-i kırk gün mukaddem zâyi‘ idüb el-hâlet hâzihi işbu merkûm yedinde bulmamla bi’l-istihkâk merkeb-i mevsuf mezkûrı tarafıma teslime müdde‘â ‘aleyh merkûm Mehmed’e tenbih-i şer‘î buyurulmak matlûbumdur didikde müdde‘â ‘aleyh merkûm dahî cevâbında merkeb-i mevsuf mezkûru Ayntab’da Samancı Ahmed’den yüz yiğirmi guruş semen-i medfu‘m mukabilinde bundan otuz dört gün mukaddem iştirâ idüb ol-vechile şira’en mâlım olmakla bi-hak-i vazı‘- yed iderim didikde husûsu mezkûrdan târih-i mukaddem ile beyyinesi şer‘an evlâ olmakla müdde‘î merkûm Ali müdde‘âsı meşrûhası usûl-i müttehâzası vechile mensûb oldukları mahallerinden zîr-i mestûreyi imzâ ve temhir iden karye-i mezkûreli Câsim bin Hasan ve Mehmed bin Halife ve Hasan bin Kara Ahmed nâm kimesnelerden evvelâ sırran ve ba‘dehû mütarafi‘an hazır oldukları halde Müslüm bin Ömer ve Hüseyin bin Halil nam kimesnelerden dahi ‘alenen lede’t-tezkiye ‘adl ve makbûlü’ş-şehâde iddükleri ihbar olunân karye-i mezbûreli Halife bin Şeyh Ali ve Ömer bin Bekir nam kimesneler şehâdetleriyle bi’l-muvâcehe ba‘de’l-ısbât ve’l-hâlef mezkûru müdde‘î merkûm Ali Ağa’ya def‘ ve teslimi müdde‘â ‘aleyh merkûm Mehmed’e tenbih olunduğu tescil ve Ayntab mahkeme-i şer‘îyyesinden i‘lâm olundu
Tahrîren fil yevmi’l-‘‘aşer min-Cemâziye’l-evvel li-sene îsnâ ‘aşer ve selâse mi’ete ve elf_____________________________________________________
(Dava No: 2)
Numero 294
Haleb Vilâtet-i Celîlesi dâhilinde Nefs-i Mar‘aş Sancağı ahâlisinden Divanli Mahallesi sakinlerinden işbu bâ‘isü’l-i‘lâm Nalcı Hacı Mehmed bin Mustafa bin Abdurrahman nâm kimesne Medîne’i Ayntab mahkeme-i şer‘îyye odasında ma‘kûd meclis-i şer‘îmizde medîne-i mezbûre mahallâtından Kızılca Mescid Mahallesi ahâlisinden Ergenekli Mahmud bin Bekir bin Asaf nâm kimesne muvâcehesinde üzerine da‘vâ ve takrir-i kelâm idüb bundan yedi sene akdem Mar‘aş sancağına tabi‘ Ergeniz nâm mer‘ide ra‘i iderke zira kendi mâlım olub kül renkli on üç yaşında boynunun sağ tarafında çenesi yanında bir parça kara kuyruğunda ve boynunda sek? nişanlı mu‘ayene olunan bir re’s erkek merkeb-i tarihden on üç sene mukaddem dört yüz guruş semen-i medfu‘m mukâbilinde Behisnivî Yusuf nâm kimesneden iştirâ idüb merkeb-i mevsûf mezkûr ol-vechile malım iken sâlifü’l-beyân mer‘î de yedi sene akdem nasılsa sarf ve zâyi‘ olmakla merkeb-i mevsuf mezkûru elhâlet-i hâzihi işbu merkûm Hamal Mahmud yedinde bulmamla hâlâ merkeb-i mezkûru bi’l-istihkâk taleb iderim didikde lede’s-sû’al ol-dahî cevâbında müdde‘â bih olan merkeb-i mevsûf mezkûrı bundan beş sene akdem on dört buçuk sim mecidi semen-i medfû‘ mukabilinde Ergenekli Abidin’in oğlu Mustafa nam kimesneden satûn aldım merkeb-i mevsuf mezkûr ol-vechile şera’en malım olmakla bi-hak-ı vâz‘ı- yed iderem deyû vâz-ı yedini ikrâr ve müdde-i merkûmun mâ‘adâ müdde‘âsını külliyen inkâr itdikde müdde‘î merkûm Hacı Mehmed’den müdde‘âsı meşruhâsına muvâfık biyyine taleb olunduk da müdde‘î merkûm bervech-i meşrûh müdde‘âsını usûl-i mevzû‘âsına tevfikan bâ-varaka-i mestûre mensub oldukları mahallerinden zîr-i mestûreyzîr-i zîr-imzâ ve temhzîr-ir zîr-iden Maraşlı Nzîr-iyazzîr-izâde, Hafız Mehmed Efendzîr-i zîr-ibn-zîr-i Hacı Durdu Dayakçı oğlu Memoli Ağa ve Kazgancızâde Hacı Mustafa nâm kimesnelerden evvelâ sırran ve ba‘dehû mütarafian hâzır oldukları halde Osman bin Hacı Abdullah ve Mustafa bin Süleyman ve Hacı Mehmed bin Abdurrahman nâm kimesnelerden dahi ‘alenen lede’t-tezkiye ‘adl ve makbûlü’ş-şehâde itdükleri ihbar olunan mâra’l-beyân Mar‘aş’ın Kayabaşı Mahallesi ahâlisinden Bostancı Durmuş yine Durmuş ve Van Devi Dayı Ömer bin Abdullah nam kimesneler şehâdetleriyle bi’l-muvâcehe bervech-i şer‘î meşrûhân ve mufassalan ısbat itmeğin mûcebiyle ba‘de’l-hâlef ve’l-hükm müdde‘â bih olan merkeb-i mevsûf mezkûrı müdde‘î merkûm Maraşlı Nalcı Mehmed’e hâlen teslimi müdde-i aleyh merkûm Hamal
Mahmud’a tenbih olunduğu tescil ve bi’l-iltimâs Ayntab mahkeme-i şer‘îyyesinden i‘lâm olundu
Tahrîren fi’l-yevmil-hâmis ‘aşer min-şehr-i Cemâziye’l-evvel li- sene isnâ ‘aşer ve selâse mi’ete ve elf_____________________________________________
(Dava No: 3)
Numero 295
(Battal çekilip iptal edilmiştir)
(Sayfa No: 3) (Dava No: 4)
Numero 296
Haleb Vilâyet-i Celîlesi dâhilinde Medîne-i Ayntab’a tâbi‘ Semâvin-i Fevkâni karyesi sakinlerinden ve Savcılı Aşireti’nden işbu bâ‘isü’l-‘i‘lâm Kara Ali ibn-i Hacı Kara Mehmed medîne-i mezbûre mahkeme-i şer‘îyyesinde ma‘kûd meclis-i şer‘îmizde er karındaşı Sarı Mehmed ibn-i merkûm Hacı Kara Mehmed muvâcehesinde bâbamız müteveffa-yı Hacı Kara Mehmed’den oğlu olmamızla bana ve işbu Mehmed’ ve evlâd-ı sâ’iresine intikâl-i ‘adile bi’t-tapu intigal itmiş olan ma‘lûmu’l-kıtâ‘at arâzi-i ecriyemize âhire bedel-i mîsli olan sekiz bin üç yüz guruş ferâğ-ı kat‘ı ile ferâğ idüb ve ferâğ-ı mezkûr bahâ olan meblâğ-ı mezkûrı mefruğ leh olanlardan ahz ve kabz ile îstifa-yı hak ve makbuzatından bizlere isâbet iden hissemizi taraflarımıza def‘ ve teslime işbu merkûm Mehmed’i mütevekkil ve merkûm dahi ber-vech-i muharrer vekâlet-î mezkûreyi ba‘de’l-kabûl mezkûr Mehmed’e vekâlet-i muhakemeye binâen mefruğlu olan ma‘lûmu’l-esâmi kesândan tarlayı mezkûrların bedeli olan meblâğı mezkûrı kabz itmiş ise de hisseme isâbet îden bin dokuz yüz elli guruşluk hakkımı bâna def‘ ve teslimden imtinâ‘ ider olmakla su’al olunub icâb-ı şer‘îsi icrâ olunmâk matlûbumdur deyû ba‘de’d-davâ ve’l istintak mezbûr Mehmed dahi cevâbında mevrûsumuz ve bâbamız merkûm Hacı Kara Mehmed tarihden on beş sene mukaddem vefât idüb verâset-i zevce-i mekûhe-i metrûkeleri Aîşe binti Ali ve Fatma ibnite diğer Ali Hacı Bekir oğulları îşbu müdde‘â ‘aleyh ve gâ’ibûn ‘ani’l-meclis Abdullah ve Maho ve Ahmed ile Bekir ve sulbiye-i kebire kızları Kezbân ve Sultan ve Aişe’ye inhisârı lede’ş-şer‘î alânûr zâhir ve nümâyân olduktan sonra yine sene-i mezkûre hilâlinde bâbamız müteveffâ-yı merkûmdan müdde-i mezbûr Ali’ye müntakıl kâffeten emlâk ve emvâl ve arâzi-i miriye kısmından olân tarla hisselerinden benim şer‘an malım olub kendüsine
medfû‘um olân otuz iki ‘aded ‘ayn-ı lira-yı Osmâni kıymetlû bir re’s deve ile ol-vefât beş yüz guruşluk kıymetlü beş nesil buğda üzerine merkûm Ali ile müsâlaha olub ve bedel-i sulh olan mâra’l-beyan ahs ile buğda-yı yedimden ve malımdan olmak üzere mezbûr Ali ba‘del ahz ve’l kabz mevrûsumuz müteveffâ-yı merkûmun cem‘i terekesinden va kâffe-i tarlasından hisse-i mucebiyye da‘vâsına da’ir benimle ibrâ’i ‘âmm ve iskât-ı tam olub hatta bâbamız müteveffa-yı merkûmun ma‘lûmü’l-esâmi kesâne olan on bir bin iki yüz elli guruş deyn ve borcunu benim ile karındaşım Hacı Abdullah tarafından te‘diye olunmak üzere cem‘i mezkûr vaz‘ idüb ol-vechile duyun-ı mezkûru dahi tamâmen ben ve merkûm Hacı Abdullah edâ ve ifâ idüb bu vechile sâdır olan müsâlahaya binâen müdde‘î merkûm Ali’nin bâbamız dükkanından ve tarlasından hisse-i mütâlebesinden hakkı yoktur deyu ba‘de’d-def‘ ve’l-inkâr tarafeynin sûret-i fetvâ-yı şerîfe lede’l-havâle müdde‘â ‘aleyh merkûm Mehmed takdirinde bâbaları müteveffa-yı merkûm Hacı Kara Mehmed’in beyne’l-verese taksim-i lâzım gelen
(Sayfa No: 4)
Sahife Numerusu 170
terekeden müdde-i merkûm Ali’nin ‘alâ tariku’t-tehâric sulh ve ibrâsında arâzî-i duyunâta dâhil olduğunu bâkî arâzi duyûnat-ı mesâlih-i ittisal? olmak üzere vâkı‘a olduğunu ikrâr itmekle ibrâ’-i mezbûr sahîh olmayûb tereke-i mezbûre beyne’l verese taksimi lâzım gelecek deyû ifşâ olunmakla binâen ‘aleyh akd-i bâtıl hakkında ibrâ’-ı dahi şer‘ân sahîh ve mu‘teber olmadığı ecilden müdde‘â ‘aleyh merkûm Mehmed’in ibrâ itmiş olduğu kelâmı def‘a sulh-i cevâb olmağın mûcebince müdde‘î merkûmun inkârına mukarren müdde-i ‘aleyh merkûmûn bedel-i sulh deyû iddi‘a eylediği sâlifü’z-zikr bir re’s deve ile beş şinik buğdayı beyâna ba‘de’l havâle bâbaları müteveffâ-yı merkûmun metrûkâti cümlesînden müdde‘â bahâ olub mevcud olanları ‘aynen ve müstehlik olânların isbâd ve habsi ile kısmiyatını ve mülkiyâtını bervech-î şer‘î müdde‘î mezbûr Ali dahî ba’de’t-tashih ve’l-beyân beyne’l verese bi’l fârizâtü’ş-şer‘îyye iktisâmı iktiza ittiği tescil ve Ayntab mahkeme-i şer‘îyyesinden i‘lâm olundu
Tahrîren fi’l-yevmi’s-sâbi‘ ‘aşer‘ min-Cemâziye’l-evvel li-sene isnâ ‘aşer ve selâse mî’ete ve elf_________________________________________________
(Dava No: 5)
Numero 297
Haleb Vilâyet-i Celîlesi dahilinde Medîne‘i Ayntab’a tâbi‘ Güllü karyesi ahâlisinden Şıhlı bin Alo bin Mehmed tarafından zikr-i âtî husûsı taleb ve da‘vâ ve ahz ve kabza vekil-i müseccel-i şer‘îsi işbu bâ‘isü’l-i‘lâm Hoca Seyyid Efendi ibn-i Seyyid Ağa medîne-i mezbûre mahkeme-i şer‘îyyesinde ma‘kûd meclis-i şer‘îmizde Medîne-i Ayntab’ın İbn-i Şeker Mahallesi ahâlisinden Dede oğlu Bakkal Şâkir ibn-i Hacı Ahmed muvâcehesinde üzerine da‘vâ ve takrir-i kelâm idüb müvekkilem merkûm Şıhlı’nın validesi Aişe Fatma’nın bâbası diğer Alo ibn-i Çopur Hüseyin hayatında işbu merkûm Şakir zimmetinde cihet-i karzdan alacağı olan elli guruş hakkını kable’l-ahz ve’l-istifâ tarihden on sene mukaddem vefât itmekle verâseti zevce-i menkûhe-i metrûkesi Aişe ibnite Mamo ile sulbi oğulları Şeyh Mehmed ve Hüseyin’e ve sulbiye kızı olub müvekkilem merkûm Şıhlı’nın validesi mezbûre Aişe Fatma’ya münhasıra ba‘dehû kable’l-kısme binti mezbûre Aişe Fatma dahi vefât idüb verâset-i zevci ve müvekkilem merkûm Şıhlı’nın bâbası mezbûr Alo ibn-i merkûm Mehmed ile sadrî oğlu Ali’ye ve yine diğer oğlu müvekkilem merkûm Şıhlı’ya münhasıra olub bunlardan gayri vârisi ve terekesine müstehak âheri olmamakla meblâğı mezkûr elli guruşun müvekkilem merkûm Şıhlı’ya bi’l münâsaha isâbet iden hîsse-i meşru‘asını tarafıma edâ ve teslime işbu medyûn mezbur Şakir Ağa’ya tenbih olunmak bi’l-vekâle matlûbumdur deyû bade’d-da‘va ve’l-istintâk merkûm Şakir dahi cevâbında müdde‘â bih olan meblâğ-ı mezkûr elli guruşun bervech-i müdde‘â cihet-i mezbûreden müteveffa-yı merkûm Alo ibn-i Çopur Hüseyin’e hâlâ zîmmetinde deyn-i olduğunu tâyi‘en ikrâr ancak müdde‘î vekil mûmâ-ileyh Seyyid Efendi müdde‘â-yı meşrûhasını asûl-i müttehâzası vechile bâ varaka-i mestûre mensûb oldukları mahalleerinden ve zîr-i mestûreye vaz‘-ı imzâ ve mühr iden Ali bin Ali ve Mehmed bin Mustafa ve Hüseyin bin Ahmed nâm kimesnelerden evvelâ sırran ve ba‘dehû mütarafi’an hâzır oldukları halde Osman bin Mehmed ve Hasan bin Mehmed bin Mustafa ve Hüseyin bin Şerîf ve İbrâhim bin Ahmed nâm kimesnelerden dahi ‘alenen lede’t-tezkiye ‘adl ve kabulü’ş-şehâde iddükleri ihbar olunan Ata oğlu İbiş bin Abdullah ve diğer İbiş Hüsno bin Abdullah ve Mehmed bin İsmail nâm kimesneler li’ecli’ş-şehâde meclis-i şer‘e hâzırûn olub iştişhad olundukda fi’l-hakikâ işbu müdde‘î vekil mûmâ-ileyh Seyyid Efendi’nin mûvekkili Şıhlı bin Alo bin Mehmed nâm kimesnenin min kıbeli’l-ümm-i cedd fâsidi diğer Alo ibn-i Çopur Hüseyin vefâtı vukû‘ ile verâseti zevce-i menkûhe-i metrûkesi
Aişe binti Mamo ile Sulbi oğulları Şeyh Mehmed ve Hüseyin’e ve sulbiye-i kızı Aişe Fatma’ya mûnhasıra ba‘de kable’l-kısme binti mezbûre Aişe Fatma dahi vefât idüb verâseti zevci mezbur Alo ibn-i merkûm Mehmed ile sadrî oğulları müvekkil merkum Şıhlı ile Ali’ye mûnhasıra olub bunlardan gayrı vârisi ve terekesine mütehak âheri olduğu malumumuz değildir yine bu husûsa bu vech üzere sâhidiz şehâdet dahi îderiz deyu her biri bi’l-muvâcehe edâyı şehâdet-i şer‘îyye itmeğin mucebince müdde‘î asıl merkûm Şıhlı ber-minvâl-i muharrer verâsetine bâ’de’l-hükm müdde‘â bih olan meblâğ-ı mezkûr elli guruşdan bi’l-münâsaha müvekkil merkûm Şıhlı’ya isabet iden hisse-i meşru‘asını vekil mûmâ-ileyh Seyyid Efendi’ye edâ ve teslimi medyûn merkum Şakir Ağa’ya tenbih olunduğu tescil ve Ayntab mahkeme-i şer‘îyyesinden i‘lâm olundu
Tahrîren fi’l-yevmi’l-hâmis ‘aşer min-Cemâziye’l-evvel li-sene isnâ ‘aşer ve selâse mi’ete ve elf_________________________________________________
(Dava No: 6)
Numero 298
Tahakkuk-ı ‘indi’ş-şer‘îyye binâen zikr-ı âtî husûsun mahallinde fasl ve hasm içûn kıbel-i şerî‘at-ı garrâdan me‘zûnen irsâl ve ta‘yîn olunân mahkeme-i şer‘îyye Serkâtibi Mevlâna Mehmed Zühdü Efendi ibn-i Hamza Efendi Dâ‘îleri Haleb Vilâyet-i celîlesi dâhilinde Medîne-i Ayntab’ın Suyabatmaz Mahallesi ahâlisinden müteveffa-yı Timûr oğlu Mehmed Ali bin Ahmed’in menziline varûb Söylemezzâde Mehmed Said Ağa ve Kebkebzâde Molla ve Şakir ve Mahmud Efendiler ve Çörekcioğlu Mehmed Ağa ve sâ’ir makbûzu’l-esâmi kimesneler hâzır oldukları halde ‘akd-i meclis-i şer‘î ‘alâ eyledikde müteveffâ-yı merkûmun verese-i menkûhe-i metrûkesi Hadice binti Ali ile kendîden akdem vefât iden zevcesi Fatma’dan tevellid sulbi kebir oğlu Mehmed ve sulbiye-i keb’ire kızları Zeyneb ve Şakire ve Hadduc ve yine kendiden mukaddem vefât iden diğer zevcesi Şakire’den tevellid sulbi oğlu Ahmed ile diğer sulbi oğlu gâ’ib-i ‘ani’l-beled Mustafa’ya ve sulbiye-i kebîre kızları Ayuş’a ve Münire’ye inhisârı lede’ş-şer‘î alânûr zâhir ve nümâyan oldukdan sonra verese-i merkûmeden ibn-i mezbûr Mehmed meclis-i ma‘kûd mezkûrda verese-i merkûmeden ibn-i mezbûr Molla Ahmed kendi nefsinden ol- ebeveyni er karındaşı gâ’ib-i merkum Mustafa’nın umûrunu tesviye ve ru’yet içûn kıbel-i şer‘den vasî mensûbu ve hısmı olmamla vesâyeten ve hâzırûn
mûmâ-ileyhim tasrifleriyle ma‘rife olan zevce-i mezbûre Hadice ve benât mezbûrat Zeyneb ve Şakire ve Hadduş ve Ayuş ve Münire nâm hâtunlar oldukları
(Sayfa No: 5)
Sahife Numerosu 171
halde takrir-i kelâm ve ta‘biri ani’l-merâm idüb hudud-ı erba‘ası Tesahcı Ömer ve askerî nekâ‘atlarından? Kiyâ Ağa ve Adile Hâtun ve Kürtoğlu Mehmed hânleri ve tarîk-i hâs ile mahdûd olub derununda akd-i meclis-i şer‘î ‘âlî kılınan işbu bir bâb hânenin temamı sekiz sehim ihtiyarile bir sehmi benim ve bâki yedi sehmi dahî mevrûsumuz müteveffa-yı mezbûr Mehmed Ali’nin olub ol-vechile menzil-i mezkûru müteveffa-yı mezbur ile zabt ve ta tasarruf idegeldiklerimiz hâlde bâbam merkûmun vefâtıyla menzil-i mezkûrda olan mâra’l-beyân yedi sehim hisseden mukaddemâ vefât iden validemiz pederimiz zimmetinde mikdârı mu‘ayyen mehr-i mü’eccel cihet-i karzdan ma‘lûmü’l-mikdar alâcağı ba’de’t-tesviye mütebâki sehmi beyne’l- verese iktisâm olmasını bana li-ebeveyn kız karındaşlarım mezbûrat Zeyneb ve Şakire ve Hadduc bi’l-verâse taleb ve iddi‘â eylediğimiz misillü işbu verese’i asıl ve vasi merkûm Monla Ahmed ile li-ebeveyn kız karındaşları mezbûr Ayuş ve Münîre dahi mütefevvâ-yı merkûm menzil-i mezkûrda olan yedi sehm hissenin iki sehmini hayatında Mehmed oğlu merkûm Hacı (tahrip olduğundan okunamadı) iştirâ (çizilmiş) suret-i meşru‘âda ba’de’l-bey‘ ve’l-iştira bizler dahi hisse-i şâyi’amızda müşterek olmak üzere mezkûr iki sehmi merkûm Hacı Hüseyin Ağa’dan iştirâ ve temlik itdiğimiz cihetle mütebâki beş sehim menzil hîssesinden yine mukaddemâ vefât iden vâlidemiz Şakire’nin pederimiz zimmetinde kezâlik cihet-i karzdan ma‘lûmu’l-mikdâr alacağı ile mikdarı mu‘ayyen mehr-i mü’eccel ba‘de’t-te’diye sehâm bâkiyenin beyne’l-verese iktisamını taleb ve da‘va ve tarafeynden her birimiz âhiren ber-minval-ı muharrer müdde‘âsını inkâr idüb ol-vechile miyânemizde münâza‘ât-ı kesîre ve muhâsamât ve hayre vaki‘ olmuşidi el-hâlet-i hâzihi tavassutıyla beynemiz ıslâh ve tanzim olub ol-vechile sâlîfü’z-zikr yedi sehmin bir sehmini ber-vech-i tahrîr müdde‘âmız mukâbelesinde benim li-ebeveyn kızkarındaşlarım mezbûrat Şakire (tahrip olduğundan okunamadı) ve Hadduc’un üç sehmini dahî li-eb er ve kız karındaşlarım asıl ve kayyum merkûm Monla Ahmed ile mezbûrat Ayuş ve müteverreye ber-minvâl-i muharrer müdde‘âları mukâbelesinde def‘ ve teslim eylemek ve mütebâki üç sehmi dahi beyne’l-verese-i iktisâm idilmek üzere bi’l-verâse cümlemiz tabi‘en ve kat‘îyyen mesâlih olduk didik de verese-i asıl
ve kayyum hâzırûn merkûm Molla Ahmed ile mezbûrât Hadice ve Şakire ve Zeyneb